هي نكهات الحياة المختلفة، ليش الزنجبيل الطازج حصرًا، كلنا منعرف إنه الزنجبيل إله ريحة بتجنن ومميزة بس طعمه لاذع بعض الشيء وهو من الأشياء الثمينة بكتير دول بالعالم.

طيب وليش قهوة مو شاي مثلًا.

القهوة السوداء من الأشياء الموجودة معنا بكل الأوقات وبكل مراحل حياتنا، بحالات السعادة والحزن، بالسهرات وبداية الصبح.

مع فيروز بأول إشراقة شمس و بنهاية اليوم مع أم كلثوم، هي صديقة جميع الأوقات.

الحياة ونكهاتها بتشبه القهوة بطعم الزنجبيل، ريحتها حلوة شهيِّة، فيها مرارة ومذاق لاذع، بيحبها اللي بيتقبلها متل ما هي بدون ما يغير فيها أو يضفلها سكر ومكونات إضافية.

صديقة بنحكي لها أسرارنا وأحلامنا، وبتجارينا بقضاء أوقاتنا وبتسند قلوبنا، وبتمليها طاقة إيجابية.

بودكاست قهوة بطعم الزنجبيل رح يكون الطاقة الإيجابية لفهم مواضيع الحياة من حب و أحلام و مفاهيم وبكتير من الأحيان رح تحمل معها أشياء كنا حابين نحكي عنها بصوت عالي ووضوح.

هي الصديقة اللي رح تكون عن قُرب من محبين البودكاست.