مش أي حد يسحبك لكلام تروحيله ! 

لما واحد يسألك عندك ايه تقدميه في العلاقة 

يبقى تخطى فكرة ان دي علاقة عاطفية و بدأ يكلمك في انترڤيو و هتزود شركتنا ايه و كده، فهو كسؤال بيدل على ان اللي قدامك جآي يستعرض مهاراته في الاستظراف

اسألي أي اتنين اتجوزوا، عمرك ما هتلاقي حد فيهم سأل سؤال بالصيغة الرخيصة دي ! 

طول عمرها بتبقى مثلاً ليكي في الطبيخ ؟ 

اكتر أكله بتحبي تعمليها ايه ؟ 

أو حتى عايز آكل من ايدك 

دي دخلة صالونات و قعدات ديت انا أفهمها ! 

انما عندك ايه تقدميه في العلاقة !!!!!

ده ناقص تقوليله برقص بلدي و برص شيشة

——————-

لما أوافق أقابل راجل عشان احتمال اختاره كشريك حياة ليا، طبيعي أظهر له الجانب الأنثوي مني 

الجانب ده حتى لو مطيور و مليان هزار و بهجة و سذاجة و فرحة، فهو أول حاجة بيقع في غرامها الراجل أصلاً 

الراجل الذكي من أولوياته يكسب البنت اللي قدامه و يحتويها، مش يدخل حىرب قدامها و يحاول يهد فيها.