دة اختيارك

ليه تلومني لو لقيتني

بلتزم ببنود قرارك

رد فعلي قال بيوجع

فعلك انت كان لي أبشع

انت ليه لروحك بتخدع

والنهاية ابقى انا 

اللي بزيد ف نارك!

جاي ليه زعلان بتشكي

منتظر تلاقيني ببكي؟

ولا متفاجئ بضحكي!

واني بعد الحب دة

بعيد عن مدارك

اتفاجئت اني قوية 

تعبت من دور الضحية

مهما كنت عزيز عليا

لو هييجي يوم وترجع

مش هكمل بانتظارك

مش لأني نسيت

لا أبدا

قلبي ليك بيدق جدا

بس فارضة القسوة عمدا

حتى لو ندمان

ولو شايفة انكسارك

كان قرارك 

يا حبيبي

دوق عواقب اختيارك