الحلقه الخامسه

_ضىّ شرف الدين ، انا قريب الدكتورة حور من ناحية مدام نهلة الله يرحمها

دعاه يامن للدخول واجلسه بغرفة استقبال الضيف ، وذهب لمناداة حور زوجته من الداخل 

_حور ، فيه حد قريبك برة 

تعجبت حور ..فقامت من مجلسها ناحية يامن 

_قريبي 

_البسي اسدالك ونقابك وتعالى سلمى عليه 

بعد دقائق دلفت حور مرتديه _نقابها_ وعلى استحياء خطت خطواتها الى الغرفه 

ورفعت عيناها ناحية ذاك الغريب ، الذى قام على الفور ل يصافحها ف وجدها تنحنحت رغم انها مرتديه _قفاز اليد_خاصتها لكنها لم تقم بمد يدها لمصافحته ..فقام ب ارجاع يده مرة اخرى معتذراً

_ازيك يا حور ...قصدى يا دكتورة

دق قلبها حينما هتف ب اسمها ،ربما ينفعها الآن نقابها الذى تختبئ وراءه يخفى قسمات وجهها التى تحاول قدر المستطاع .

_ازيك ياضىّ.. مفاجأة مش متوقعه انى اشوفك فالمنصورة بعد كل السنين دى

امعن ضىّ بها النظر ،تلك النظرة التى حفظتها هى ..نظرة قديمه العهد ولكنها مازالت موجودة بداخل حور

_مفاجأة حلوة ولا وحشة 

لاحظ يامن اسلوب ذاك الضيف الغريب مع زوجته ، تحركت مشاعر الغيرة داخله وتدخل فى الحديث

_واضح يا استاذ ضىّ ان من سنين مقابلتش الدكتورة

انتبه ضىّ ف اعتدل فى جلسته وصوته واردف

_سنين كتير يا دكتور ،لحد م عرفت بجوازها وانها انتقلت فالمعيشة للمنصورة وسألت وجيت

تنحنح قليلا واكمل

_ حتى فى وفاة ابلة نهلة ، مقدرتش انزل كنت مسافر برة 

قامت حور من مجلسها ذاهبه الى المطبخ لاحضار شيئاً تستضيف به هذا الضيف..

بينما توجه اليه يامن بالترحيب مرة اخرى بالرغم من هذا الشعور الغريب الذى يجول بداخله.

امسكت حور ب كأس العصير الفارغ ، وعلبة العصير تسكب منها وهى شاردة ..ما الذى اتى ابه الى هنا 

وفى هذا الوقت بالتحديد ؟

نفضت حور الافكار عن رأسها وخرجت مرة اخرى إليهم ..الجلسة سرعان ما مرت وانصرف ضىّ ..ودخلت حور الى غرفتها مسرعه فتعقبها يامن وهو يقول

_حور ...مش ملاحظة حاجه غريبة 

كانت تخلع نقابها ويداها ترتعش ..لاندرى خوفاً او رهبة او زيادة تفكير ؟!

_ايه يا حبيبي ملاحظة ايه

_الاستاذ ضىّ دا لاعمرى حد منكم قال اسمه او جاب سيرته ، وجاى من الاقصر للمنصورة عشان بس يشوفك ويباركلك وكلام مش داخل عقلى ياحور ...ولا انتى شايفه ايه ؟

ادارت ظهرها ببطء ونظرت اليه ومقلتيها تهتز واردفت

_انا هقولك يا يامن ..

#نور_إسماعيل

✨✨✨✨✨✨

عدة صور ومنشورات ب حساب ايهاب الشخصى على (الفيسبوك)كانت تمر بينهم سمر اثناء تصفحها لموقع التواصل الشخصى ،بعدما كتبت رقم هاتفه فى مربع البحث وظهرت صفحته الشخصية

كانت تتجول سمر بينهم بالساعات غير مدركه بمرور الوقت تماماً ، حتى مر امامها زوجها حسين مقاطعا خلوتها بمناداته لها 

_سمر ، معاكِ فلوس

زفرت سمر بضيق وتابعت تصفحها فكرر هو عليها السؤال

_انا بكلمك على فكرة

تركت الهاتف من يدها واردفت تزمت شفتيها

_ نعم يا حسين ،لا ممعيش ...انت منفضنى اول ب اول 

ناحل وبرى ، المرتب بقبضه بيدخل جيبك بتأشيرة دخول ويدوب فتافيت اللى بتسيبهم لى مواصلات ولا حتى سندوتش اكله وانا شغاله طول النهار

_خلاااااص لوك لوك نازلة زى الوابور مش بتوقفى ايه بالعة نشرة

اعتدلت سمر وتحدثت اليه بجدية

_فكك بس ، بقولك ايه ...هو ايهاب لما كنتو مسافرين دبي وعايشين كلكم سوا

كنت بتتعامل ازاى معاه وهو نفسه طريقته ايه فالتعامل 

التوت شفتى حسين وهز رأسه ب استياء واردف

_هيكون ماله يعنى ،راجل عادى يعيش ويتعايش زى اى حد 

شردت سمر وهى ترجع بظهرها للخلف 

_برضو يطاوعك قلبك واحساسك تقول على الراجل دا زيه زى اى حد ،دا برنس السنين

امسك حسين بحقيبة يد سمر التى كانت موضوعه جانباً ،وكان يبحث داخلها بعشوائية وهو يتحدث

_بصّى ، هو كان عامل زى الديك المنفوش ريشه ...طاووس كدا ومش شايف ناس قدامه

كان بيلبس لبس وبيحط برفانات اوعااا ...تحسي انه منحوت من اعلانات التليفزيون

وكان مصاحب الواد مارسلينو اوى ،ونقره من نقر طه ...بصى مواويل وقصص كدا مبحبش افتكرها

تعجبت سمر منه فقالت

_ ليه ، فيه حد يبقى ف دبي ومع الناس الحلوة دى وميحبش يتكلم عنها

إثر حديث سمر ،كان حسين قد عثر على نقود فضية ب آخر الحقيبة

_بت ياسمر ماهو فيه فلوس

جذبتهم سمر من يديه وهى تنفث بغضب

_ دى فكه للمواصلات وارحمنى قربت تشفط دمى 

صمتا ل ثوانِ ، فتابعت سمر 

_ هو احنا مش ممكن نروح عندهم تانى؟

_عند مين

_عند ايهاب...ايهاب واية يعنى

_ياستى انا برشطت عليهم اول مرة ،هو فالاساس مش بيطقنى 

تنهدت سمر بضيق وهى تقول

_انت عارف ان ال جمعه ب آية قصة حب حلوة اوى ضحى عشانها بحجات كتير 

وهى مستوى وهو مستوى تانى خااالص 

نظر لها حسين بلا مبالاة واردف ب استياء

_انتى مالك معلق معاكِ ليه حوار ايهاب دا م تفكك بقا وهاتى الفلوس انا متأكد انك مدكنه ماهو انتى متقعديش كدا ابدا

التمعت فكرة فى ذهن سمر والقتها على مسامع حسين 

_طب بص ،انا فعلا شايله حاجه كدا ع جنب لآخر الشهر مش خسارة فيك

هديهالك بس بشرط

_خير

_تعمل اى حاجه تخلينا نشوف ايهاب ...ومرااته يعنى تانى 

_ليه يعنى

التوت شفتيها وقالت بنفاذ صبر

_ياسيدى اعتبرها زى م بتقول بناكل أكل بنشوفه فالتليفزيون وبنقعد مع ناس ريحتها حلوة 

فسحه بنطرى بيها ع قلوبنا ..

_طب ايدك عالفلوس

_وتودينا؟

_هفكر فحاجه كدا ويارب تلفق 

ابتسمت سمر بنصر ،واخيرا احست ان دقات قلبها بدأت تتهادى قليلاً..

✨✨✨✨✨✨

أما عن آية..

فمنذ هذه الليلة ، وهى على نفس الخلاف مع زوجها إيهاب ..لايتحدثا سويا ولا يجلسا على طاولة طعام واحدة

حتى فى نومهما كان ينام بغرفه وحده بعيدا عنها..

اصبحت آية لا تستطيع الابتعاد اكثر من هذا ، قلبها يتقد شوقاً إليه ،تحن لكل شئ به ومعه 

تعلم تمام العلم انها مخطئه ..مخطئه بحقه وحق نفسها 

كيف لها ان تهتز ثقتها به وبزوجها حبيبها هكذا من دون وجه حق ، اعلمتها الايام التى هجرها فيها ايهاب حجم صعوبة هذا الموقف وعلاوة عليه قررت الاتى

_ايهاب...مش كفاية بعد اكتر من كدا ؟

رفع ايهاب عينيه ببطء إثر قراءته لكتاب بين يديه ونظر لها وهو صامت ف اكملت هى 

_مش وحشتك يا إيهاب؟ آيتك وحضنها وكلامها مش وحشك

_واية عارفه هى عملت ايه 

ترقق قلبها حينما سمعت صوته يناديها بعد كل هذه الغيبة ، ابتسمت وهرولت ناحيته وجلست تحت قدميه 

_عارفه وحقك عليا يا حبيبي

مد يده يدعوها تنهض من مجلسها مردفا

_قومى متقعديش كدا 

_وماله مش سيدى وتاج راسي وحبيبي وعيونى وقلبي ،وغلطانه وبحق له نفسي

ابتسم ايهاب ونهض من مقعده وجلس على الارض بجانبها 

_وانتِ عارفه انى بحبك ومش بطيق بعدك ،بس انتِ كان لازم تتعاقبى ي آية

وضعت اصابعها على شفتيه واردفت

_خلاص بقا ، عشان خاطرى كفاية مش قادرة على بعدك 

مرر اصبعه برفق على شفتها السفلى وهو يقول بحنان

_ومين قالك انى مش مشتاقلك ،ومشتاق لكل الى فيكِ ولا النوم ولا النفس للشغل والاكل كانوا بيقربوا منى وانتِ بعيد

تصنعت الدوار مما قال واستدارت لترتمى بين احضانه وهما جالسان الى الارض واردفت بلهفه

_يالاهوى! بقا انا هان عليا ازعل القمر دا

ابتسم ايهاب واحتضنها بقوة وهو يردف

_ شوفتى بقا 

_اعذرنى ي ايهاب ،لما بغير عليك مش بشوف قدامى ..وكمان لما بنكون سوا وتتلهى عنى ب اى حاجه بقلق اوى

قبلها بين خصلات شعرها برفق واردف

_ياحبييتى ...اتلهى عنك ازاى ب اهلى اللى فين وفين بشوفهم 

ماهو انتى ممكن تكسرى الحاجز الل عاملاه وتنصهرى جواهم ومعاهم وتكتسبي صداقات منهم وتعرفيهم زى م انا عرفتهم ان اختارت صح 

أمسكت يده بيسر وقبلتها من الداخل بحب وانفاسها تشتعل بحواسه 

_بحبك 

اغلق حصون احضانه على جسدها بقوة وهو يستمتع باستسلامها له وحنانها الوارف عليه..

#نورإسماعيل

✨✨✨✨✨✨

_وراحت اتكلمت معايا وشغالة تشاور بكل ضوافرها قال يعنى عاوزة تورينى الاكلادور اللى حطاه روحت استنيتها تخلص وقعدت اشاور انا اكتر ووهى شافت انه نفس اللون وان ضوافرى انا اطول واجمل والباديكير بتاعهم فظيع عنها راحت اتخضت وبان عليها وحسيت ساعتها انى كسبت معركه الانجليز ضد المصريين وطردتهم !

نظر مارسيلينو الى فيفيان زميلته بالعمل وفمه ممتلئ بالطعام اثناء تناوله اياه فى وقت الراحة معها ،وقام بالرد الساخر عليها كالعادة

_انا والمسيح لو صاحبي ماشى معايا من غير دماغه مش هاخد بالى أصلا 

_ايه الل انت بتقوله دا يا ماارس

_ياستى ايه التفاهه دى ، انا خلاص وداع يا دنيا وداع على الباع ومكملشى

اقتربت منه وهى تتحسس ذقنه وتنظر لحدقتيه وتهمس

_مالك يا مارس ،فضفضلى

_ابعدى واتعدلى فقاعدتك واتلمى لانى مش ناقص كل مرة لفت نظر ومرة مذكرة تتكتب فيا وانتِ عليكِ بودرة العفريت ومحدش بيشوفك

أقتربت اكثر بمقعدها وعلى نفس درجه همس صوتها

_مااارس ،انا حاسه انك مظلوم وعاوزة اكونلك الصدر الحنين الل تدفى فيه وترتاح

_ندفى ايه واحنا فعز اغسطس ارحمينى

همست فى اذنه وهى تقول

_يعنى مش عاوزنى اقرب منك ،بقا كدا !

اخرج مارسيلينو منديلا من جيب بنطاله ومسح عرقه الذى تصبب على جبينه وهو يتفحص جسد فيفيان وهى بجانبه مردفا

_ انا لو عليا عاوز ،بس كدا هيحصل ماس كهربائى وانا مش مسؤل

_متقلقش من حد خليك بس معايا 

ربت على يدها وهو يقول مصتنع الخوف

_انا مش خايف من الل هنا ..خايف من الشاويش لينززى

_مراتك ! طب وهى هتعرف منين 

_انا يااوختى ، انا مفضوح وبيبان عليا ...لينزى دى طلعت عينى لحد ما اتجوزتها 

والجواز طلعت عفاريت الدنيا على جتتى

ومخلفالى عيل تنح لو هى نسيت تناولنى بوكس او شلوت هو يقوم بدالها ويروح قايم بالواجب 

داعبت فيفيان وجنته باصابعها بحركه دلال ،وهى تقول

_ياحراااام ،خلاص انا قررت انى اكونلك الصدر الحنين 

نظر مارسلينو اليها وهو يحاول التنفس بصعوبة من كم اغراءتها 

_متكونيش لاصدر حنين ولا ورك ،انا اساسا مبحبش الكوكى ناجتس

_ماااارس

_ماتشوفها يا ماااارس

استفاق مارسلينو على صوتها الذى يعرفه من بين مليون امرأة ،انها لينزى تقف خلفهم 

وما ان رفع رأسه لها حتى هبطت عليه ب _زهرية زجاجيه_على رأسه افقدته الوعى !

✨✨✨✨✨✨

بعض قطع اللحم الشهية والخضار موضوعه فى اطباق بالمطبخ،وكانت الاء تعد الطعام لزوجها بعد رجوعه من عمله ككل يوم ،دخل صغيرها يريدها ان تعطيه هاتفها يلعب به ولكنها الهته عندما اتت اليه بمحطه الاطفال المفضلة لديه يرى الرسوم المتحركه حتى تنتهى هى من صنع الغداء ..

دقايق وهاتفها جهاد فوضعت سماعه الرأس واكملت ماتفعل وهى تتحدث

_جهجوهتى

_لؤلؤ عينى ، عاوزة حاجه من تحت انا قربت اجى

_عاوزة سلامتك ...هات بس المخللات 

_بلاش عشان رجلك ي لؤلؤتى 

_يوووه ياجوجو مبعرفش اكل غير بيهم 

_حاااضر هو انا اقدر اقول لا 

اغلق الهاتف ،واكملت الاء واقتربت على الانتهاء فقامت بتحضير _السلطة الخضراء_وسرعان حتى تقوم بتبديل ملابسها وتكون فى احسن حلتها عن ما كانت..

انتهت ودخلت تبدل ثيابها وتمشط شعرها ،فسمعت صوت رسالة اتت على _الواتساب_ فتحتها مبتسمه 

فوجدت مالايتوقع قط!

✨✨✨✨✨✨

هل تعرف ما معنى أن يأتيك شخصا على مقاس قلبك تماماً ! 

كانت هذه كلماتى التى اغلقت عليها دفتر الرسائل التى لم ترها بعد ولن ترها اروى قط ..

هاجمنى الحنين والشوق اليها هذه الليلة ، انه حقا ينتوى ان ينزع منى نومى الهادئ وان اصطحب الارق معى بسببه ككل ليلة.

امسكت صورتها محدثا اساها وكأنها امامى ..

_اروى وحشتينى على فكرة ،مش معنى انه خلاكى تسافرى برة من غير ما اشوفك او اودعك او حتى اعرف انتِ فين انك موافقه على البعاد؟

انا مش قادر على نسيانك ..ولا عارف اصلا ازاى انسى

كنت فاكر ان العلقه السُخنه اللى خدتها فحب فريدة والنهاية اللى وجعتنى كفاية ان محبش تانى ولا احس

بس انتِ علمتنى ان فيه اشخاص بتيجى على مقاس قلوبنا بالمللِ وكأنهم مخلوقين علشانه.

اروى ...مش بخطر على بالك ؟ مش بتفتكرى اى حاجه من الل عدت بينا

طيب قادرة تملى مكانى بحد تانى ؟

انا مش ح ارهقك باسئلتى اكتر من كدا كل الل هقدر اقوله لك انى هفضل احبك

وتصبحى على الف خير 

تنهدت بحرارة وكأننى اتنفس من اعماق مابداخلى اشتياقا لها ، تذكرت الجزء الذى وقفت عنده فى القصة التى اكتبها "وايت فراى داى" وانه جزء تقف عنده دقات القلب آمله فى استكماله كى تهدأ رويدا رويدا 

شرعت بعمل كوب من الشاى الساخن مصطحبا بعض شرائح البسكويت التى اشتريتها صباحاً متجها الى غرفتى وستبدأ معركتى المحببه الى وسط اوراقى وقلمى وصورتها امامى.

وما ان خط قلمى حرفاً حتى سمعت دقات على الباب ،انتبهت ونهضت من مجلسى وسرت ناحية الخارج مردفا

_مي

ن؟

لم اسمع اجابة ولكن مازال هناك دق على الباب فهممت بفتحه وكانت صاعقتى حينما رأيتها بل والادهش

حينما سمعتها

_امير..وحشتنى !

✨✨✨✨✨✨

الحلقه السادسه

شرعت بعمل كوب من الشاى الساخن مصطحبا بعض شرائح البسكويت التى اشتريتها صباحاً متجها الى غرفتى وستبدأ معركتى المحببه الى وسط اوراقى وقلمى وصورتها امامى.

وما ان خط قلمى حرفاً حتى سمعت دقات على الباب ،انتبهت ونهضت من مجلسى وسرت ناحية الخارج مردفا

_مين؟

لم اسمع اجابة ولكن مازال هناك دق على الباب فهممت بفتحه وكانت صاعقتى حينما رأيتها بل والادهش

حينما سمعتها

_امير..وحشتنى !

اصابتنى الدهشة لدقائق ...احقاً هى امامى الآن!

ام انه احد احلامى بيها كمعتادى ،اراها امامى طيلة الوقت وكأنها تسكن معى ،معذرة تسكن وجدانى بالأحرى.

كانت تجلس امامى ،فانا الى هذا الوقت غير مستوعب هل هى بالفعل هنا ،هل ب امكانى لمسها كى استطيع ان اصدق ...

انفرجت شفتيها اخيرا لتقطع شكِ باليقين حينها واردفت

_24ساعة وراجعة تانى ، قولت حتى لو ساعة واحدة ...لازم اشوفك

حدقت بها وامعنت النظر ومن ثم اردفت 

_قوليلى انك هنا وانك قدامى فعلا ؟ قولى ان مش بس مجرد 24ساعة 

_للاسف دى الحقيقة يا امير 

اقتربت اصابعى من يدها الامسها برفق،نظرت هى ناحيتى برقتها المعهودة دون ان تنطق ببنت شفه وابتسمت 

_متستغربيش يا اروى ، كنت بتأكد بجد انك هنا 

ضحكت واردفت بدورها

_فاكرنى فريدة وطالعالك ع اساس روح ولا ايه ؟! 

تبسمت بخزى قائلاً

_حتى لو روح وبس ف انا راضى ،مش على أساس ان بسترجع فريدة فيكِ

انا بسترجع قلبي منك 

حملقت بى كعادتها ،هى اروى التى كلما سمعت اى حرف من كلماتى تبسمت وشعرت بأنها بسماء العالم تطير وتحلق ،ولايسعها القول سوى ان تقبلنى ...حقا مثلما فعلت الآن ..

قبلتنى من شفتاى قبله سريعه ، جعلتنى اعبس ب حاجباى ..يالك من فتاة حريصة !

اصبحت شحيحه مشاعرك 

_هى دى وبس اللى بعد كل البعد دا بتديهالى

تبسمت هى وقالت بعفويتها

_حبيت اعمل كدا دلوقت واديهالك خطف ،عملت فيها ايه

_فيها انك بقيتى بخيلة اوى ،ولو انتِ حباها خطف ف انااا....

اقتنصت جسدها بخفه ،كقناص انتهز فرصة وجود فريسته منشغله 

لاخذها بين احضانى فى قبلة عميييقه دامت لدقيقة كاملة.

دقيقة كاملة التهم شفتيها واتذوق سحرهم الذى افتقدته، دقيقة وانا هائم بما يحلو لى 

دقيقة فاصلة تعويضيه عما فات و شئ بسيط يصبرنى عن القادم !

#نورإسماعيل

✨✨✨✨✨✨

_اآاااه ....اآاااه ،منك لله ياشيخه ،ياعدراااا 

جلست لينزى بجانبه تنظر له بامتعاض وهى تردف 

_المرة دى الخدش البسيط دا يا مارسيلينو ،المرة الجاية هتبقى عاهه مستديمه

نظر اليها كائن المارسيلينو الذى لاحول ولاقوة له الآن ،وتصنع البكاء كى يشفق قلبها قليلاً

_ايه ياشيخه ،انتِ ايييه يا شيخه ،شوفى كنزت عليكِ المار جرجس وكل القديسين والشهداء

روحى يالينزى ..ولابلاش عشان ممكن مكملش الجملة وتسلمى روحى للمسيح بسيلوفانه

_ايييه مالك ، متنشف كدا شوية مجرد فازة اتفشفشت فوق دماغك متعملش فيها انك بتموت

اتنفض مارسيلينو من رقدته غاضبا يقول بحنق

_انتِ مسمعتيش الدكتور وهو بيقول الجرح غلط عشان انا مريض سكر ،يعنى انتِ قاصده تموتينى

قاصدة ان يحصلى وحش واموت 

طب م تخلعينى ياستى ،ارفعى قضيه للمحكمه والكنيسة واخلعينى 

اقتربت لينزى من وجهه وتنظر له نظرة توعد مخيفه

_مش هيحصل ،ومش هسيبك تلعب بديلك كتير..دى كانت مجرد قرصة ودن يابابا

عشان تبقى تدلع عدل ويا مااارس ويا فبراير جتك مارس عينك

_قرصة ودن! اخد فصل اسبوع وينكتب فيا مذكرة عشان اللى حصل وتقولى قرصة ودن

المدير يقولى جايب لنا واحدة من السلخانه تدشدش المكان وتكسر الشركه وتقولى قرصة ودن

فزعتى فيفيان المسكينه اما شافتك وانتِ بتحطمى على دماغى تلك الفازة الملعونه وراحت هوب اتشنجت لحد دلوقت مش عارفين يفكوا رجليها من حوالين رقبتها وتقوليلى قرصة ودن

هبت لينزى من وقفتها مستعدة لشن الحرب وعلامات الغضب مرتسمه على وجهها تردف بصياح

_نعم!! على اساس انها بسكوته ومراتك زوجة العنكبوت الاسود ،فوق لنفسك يا مارسيلينو انا لحد الان معدية اللعب معاك واقول يابت اسكتِ يابت صاحب عيا متعمليش فيه كدا 

انما هتستهبل ، وحياتك عندى 

اخليك تتنيح وترتاح من الدنيا وبلاويها

نظر مارسيلينو لها رافعا حاجبيه ونظر الجهة الاخرى يتمتم بغضب

_مفيش عسكرى ييجى يقبض عالولية دى واكتبله عشرتلاف جنيه شيكات

_بتقول حاااجه!

نظر لها مبتسما واردف بفرحه مزعومه

_لا يا روحى بقول الله عالجرح الل عملته ليا حبيبتى فدماغى،شكله رائع

مفيش واحد سمبوكسات فخدى يدى منظر شيك اكتر معاه !

زمتت شفتيها واردفت

_مفيش واتكتم عشان تاخد دواك خليك تتتهبب وتبقى كويس وربنا يشفيك

انصرفت تحضر الدواء بينما هو ظل ناظرا ناحية الباب مطولاً حتى بصق بطريقة مضحكة ومن ثم بعدها انهمر فالبكاء ..،

✨✨✨✨✨✨

لا تقل أنا أحبك،قل سنبقى معًا مهما حدث!

ان الذين يسعون دوما لإيجاد شريك حياتهم لا يحتاجون للحب بقدر الأحتياج للطمأنينة، فـ اذا سمعنا صوتا من داخلهم يقول أنا أشعر بالخوف دائمًا.. لم يطمئن قلبي ابدًا احد.

حينها سندرك قدر حاجتهم لنا،،

كانت تعبيرات آية الجسدية ينبعث منها مالا ينطق ،فقد استيقظت من نومها قبله مثلما اعتادت وتحركت ترتدى قميصا يرتديه هو بالخارج...ارتدته من دون ارتداء اى ملابس اخرى ع جسدها ..

طبعت قبله على شفتيه وهو نائم ،احسها ايهاب فجذبها اليه بخفه _حركاته المعتادة الشقيه _معها دوما ،لكنها تملصت منه ضاحكه للخارج.

انه "يوم العسل"كما يطلقان عليه ، او بالأحرى أطلقها ايهاب عليه منسوب الى شهر العسل ..كل وقت وآخر يقومان ببعث طفليهما "ريم و رحيم الصغير" مع المربية الى _الكيدز ايريا_ يوما كاملا يلعبان ويلهوان ويتناولا طعامها خارجا دون والديهما يخرجوا كل ما بداخل جعبة طفولتهم بعفوية ومرح .

بينما يعيدا العاشقان يوما دون عمل ،دون ضغوط،دون اطفال ..به كل مراسم الجنون الخفى والمُعلن..

"ياحبيبى من دلعك فيا بقيت بصراحه بخاف اتغر،وبخاف اوى وانت معايا الناس تحسدنا بعد الشر"

كانت تتراقص أية مديرة ظهرها لبهو منزلها واقفه تستمع الى مطربتها المفضله اصاله وتقوم بصنع شطائر شهية لوجبة الافطار.

وعلى الناحية الاخرى نجد ايهاب قد استفاق من نومه . عارى الجذع يرتدى سروال منزلى قصير ،وجلس الى احد المقاعد التى امام طاوله التقديم يراقبها فى صمت وعيناه تمشطانها بلهفه من اخمص قدميها الى نهاية شعرها...شعرها الحريرى المنسدل ع ظهرها بفوضويه وحركاتها الراقصه اثارته بشدة..فاستدار من على الطاولةليجذها ب احضانه بعنفه المعهود معها ،احست بدفء انفاسه تقترب من اذنيها ودقات قلبه تدوى بخلف ظهرها..

_كدة تخضنى يا هوبا اخص عليك

يتنفس بداخل شعرها ويتحدث بهيام 

_بتعملى ايه وسيبانى 

_بعملك الفطار

اكملت انامله طريق كل قطعه بجسدها،ربما له طريقته الخاصه كعازف على آلة يعشق اوتارها ،بينما هى بين يديه تتناغم معه فى تجانس روحى رائع ،انفاسها تخبرك ب انها فى كل مرة تتمزق شوقا للمساته الخاصه وطريقته الفريدة معها وكأنها اول مرة ،مرر شفتيه برفق خلف اذنها حينما رفع شعرها باحدى يديه ومن ثم هبط بخفه الى باقى عنقها من الخلف قبله وراء قبله تدغدغ حواسها بالكامل ،كاد يغشى عليها امام الموقد

أدار له جسدها بالكامل لتكون مقابله له ، يديه تتتحسس كل جزء بها بحنان وعيناه مصوبه الى عيناها 

_متعمليش عشان فطارى جاهز اهو 

قبلها بشفتيه ف هربت وضحكت بدلال وهى تطبع قبله الى وجنته بعدما شبت على قدميها ل تردف

_مشبعتش فالعشا ،جاى تكمل عليه فطار

عبس ايهاب بوجهه بطفوليه وتحدث إليها

_كدا ،طب اقلعى قميصى يالا

_لالالا بس ياهوبا مش لابسه حاجه تانيه عييب

تحاول الافلات منه ولكن هيهات ،قام بنزع القميص من عليها ليدفعها داخل احضانه بنار شوقه المتأججه به صباحا ..

_وبصى مفيش يوم عسل الا لما اخلص حقى منك على الكلمة دى 

نزل بها ارضا ليبدأ معركته معهاويقوم بتناول افطاره بمزاجيه و من ثم انقطع الوصل بينهما بسبب مكالمة هاتفيه اتت الى ايهاب ..

رنت مراراً وتكرارا، ف انزعج ايهاب كثيرا وعكر صفوه مع حلواه

فاعتدل من موضعه ذاهبا نحو الهاتف ليجدها سمر زوجة حسين ،تعجب وانعقدت حاجبيه وهم بالرد أخيراً

_الو استاذ ايهاب متاسفه لازعاجك

_لا مفيش حاجه ازيك يا مدام سمر 

سمعت أية اسم سمر ،فتناولت القميص المطروح أرضا وارتدته فى عجالة ووقفت خلف زوجها وهو يتحدث هاتفيا

_انا بس بتصل بيك ،كنت انا وحسين عاوزين حضرتك ضرورى 

ينفع نتقابل قريب؟

نظر ايهاب ناحية أية متعجباً واردف الى سمر

_خير؟

_لما نتقابل هتعرف 

_اوك تمام هشوف ظروفى وهبعت لحسين على الواتس ،مع السلامه

اغلق ايهاب متعجبا من سر هذة المكالمه،بينما أية لم يسعها الوقت كى يتعجب او ينزعج او ينقطع صفوهما

فسرعان م امتلكت احضانه مرة ثانية وارجعته لما كانوا عليه ..

#نورإسماعيل

✨✨✨✨✨✨

فنجان بارداً من القهوة موضوعا امام محمد جهاد فى غرفة استقبال الضيف بمنزل والد الاء ،واذ رفعنا النظر نجده يجلس امامه مصوب عيناه فى نقطه فى الفضاء ويهز احد ساقيه بشدة علامه على توتره الشديد

وفالجهة المقابلة تجلس والدة الاء..

_اشرب قهوتك يا محمد 

_مش عاوز اشرب حاجه يا طنط ،ولو سمحتِ عاوز مراتى 

_هو انا منعاها منك يابنى ؟ ادخل لها لو رضيت تيجى معاك 

_انا عاوز افهم حصل ايييه ...ليه ارجع من البيت الاقيها لمت هدومها وخدت الولد ومشيت

دى كانت لسه مكلمانى ،ايه جنونة وهبت

_لا ياجهاد مش جنونة وهبت 

كان صوت الاء آتيا من الخارج ، تقف مستنده الى عكازيها بعينان باهتتان ووجنتان قد حفرتهما الدموع 

حتى خضرواتيها انطفأت بكسرة مريرة..

_فيه ايه يا الاء ؟

_فيه انى عايشة طول الوقت معاك فوهم ،وفكدب وغش وفاهمه انك بتحبنى ومش شايف غيرى

ومش بتحب غيرى 

وان اتطلقت اول مرة ورمتنى بابنك فبطنى لمجرد هلاوس فدماغك لوحدك 

وجه دورك بقا تعرفنى انك كل دا لابس ماسك ع وشك ي جهاد !!

بصوته الجهور الاجش ،انطلق فى وجهها منزعجا قد فقد صبره عليها

_ايه الالغاز دى ،انطقِ وقولى فيه ايييه؟

_فيه دا

وجهت شاشة الهاتف الى وجهه وقد ذرفت دمعه من احدى مقلتيها ،اخذ الهاتف من يدها ليجده _مقطع مصور_وبالصوت له مع فتاة فى منظر مُخل يوضح ان هناك علاقة مشينه ما بينهما وموضحة بالكامل فى المقطع!

_ايه دا،دا دا 

_طلقنى!

_يا الاء استهدى بالله ...

تدخلت والدتها بينهما ،فرددت الاء نفس الكلمه مرة اخرى 

_طلقنى ،سامع وهتكون الاخيرة عشان مرجعش ليك تانى ابدا

عشان انت راجل خاين وزبالة وسافل وواطى ومتستحقش كل الل انا عملته ليك

وفى لحظة هبطت صفعه قاسية من يده على وجهها طرحتها ارضا ليهتف ب اخر مافيه من غضب

_طلاق مش هطلق،واخر مرة صوتك يعلى وتشتمينى 

والل شوفتيه فالفيديو مش هريحك ان كان حقيقه ولا كدب ...وخليكى متعلقه كدا ي الاء عشان تتعلمى ان الله حق !

انصرف بسرعه من امامها بينما كانت تهرول والدتها نحوها تحاول ان تنهض بها وهى ملقاه هكذا ،ولكنها رفعت رأسها بكبرياء متمتمه

_ماشى ياجهاد...هنشوف 

#نورإسماعيل

✨✨✨✨✨✨

هل فى يوم من الايام كانت من مخططاتك ان تؤجل الوقوع .. فتستبدله على سبيل المثال بكتاب تقرأه او رواية تهيم فى نسيج خيالاتها واحداثها ومدنها البعيدة !

اينعم..هى من كانت تؤمن بأن تلك الأحاسيس التي يولدها الحب قابلة للاستبدال بماهو مفيد فى تكوين شخصيتها فى تكوين عالمها ؛ كانت ترى ان الحب مجرد مضيعه للوقت و انه قابل للتعويض وأن الحياة مع نفسها دون شريك أفضل بكثير؛ وأنه لا يوجد على وجه هذا العالم البائس من يستحق ذاك القلب الذى ينبض داخلها!

إلى أن وجدته وتعثرت به !علمت وقتها ان الحياة اختلفت وان بالفعل يجب ان تغير معتقداتها..بالفعل يوجد من يستحق ان يكون شريكا فى القلب والعقل والروح والحياة..

كانت هذه معتقدات يامن المرسخه داخله عن حور زوجته وعشقها له،حتى اعلمته ب ذاك الغريب "ضىّ" وماهى كونيته السابقه فى حياتها.

_يامن ، انا مش حكتلك عنه مش عشان اخبي عليك ...انا محكتش عشان انا شايفه انه موضوع وراح مالوش اهمية ...مجرد طفلين صغيرين كان بينهم اعجاب طفولى نشأ بسبب وجودى لوحدى وان ماليش اخوات وهو كان بيشاركنى كل حاجه،بنلعب ونخرج ونذاكر ونروح المدرسة ..

طبيعى اتعلق بيه بس مكانش حب يا يامن ،بدليل ان لما كبرت واستوعبت بقيت اشوفه اخ ..وحتى لما اتقدم لى كذا مرة انا رفضت

_بس هو بيحبك ومازال مش كدا؟

_معرفش يايامن ..يعلم الله انى معرفش ومش عاوزة اعرف ومش مهم عندى ...هتحاسبنى يا يامن على حاجه قديمه ماليش ذنب فيها؟ وقبل م تكون فحياتى 

_مش بحاسبك يا حور،بس من اول يوم مابينا وانا مصارحك على كل حاجه ومفيش حاجه بخيبها عليكِ

نظرت حور له نظرة تعنى الكثير وقالت

_متأكد انك بتصارحنى بكل حاجه يايامن؟

_طبعا وانا مش بكدب 

_والرسايل اللى بتمسحها اول ب اول وبتجيلك من روفيدة بتقولى عليها؟ وانها كمان طلبت تشوفك ولما ملبتش طلبها جات البيت هنا عند مامتك تحت!

ضيق يامن عيناه غير مستوعب حقا ماسمعه

_انتِ بتتجسسى على تليفونى ياحور ،وعرفتِ منين؟

تنحنحت حور بخجل واهتزت قليلا خوفا من ردة فعله ،واردفت

_انا نزلت برنامج بيرجع محادثات الواتساب على موبايلك لان حسيت من يوم م جاتلك وهى مش هتسيبنا فحالنا ،وان فيه حاجه وانت مش هتقولى عليها 

مسح يامن على ذقنه برفق يتمهل قبل ان يفقد اعصابه ،وتوجه اليها بالحديث بنبرة غاضبه

_وياترى لاقيتى اللى يثبت خيانتى ليكِ ياحور ؟ 

_يامن انا ...

_حور مفيش اى مبرر انك تعملى اللى عملتيه دا وتبقى مش واثقه فزوجك والد اولادك ،وتتجسسى عليه وانتِ ادرى الناس بيه

ومفيش اى مبرر يخليكِ برضو تخبي موضوع حتى لو كان تافه عشان افوجأ بيه بعد سنين زى الاطرش فالزفة

تنهد وصمت قليلا ومن بعدها تحدث

_البيت بيتك ،بس انا من انهاردة مش هبات هنا 

تركها ورحل ووقفت مكانها دون ان توقفه ،دون ان تتمسك هل المفاجئة ام انها تشعر بان الحق معها ولا شئ يدعو بأن تتنازل وتقدم اعتذارها له ...ام ان الموقف ككل يستحق العقاب على الطرفين ..

✨✨✨✨✨✨

_دكتورة وصال ، فيه واحدة برة طالبة تشوفك ومش هتكشف

عبست وصال بتعجب وقالت بنبرة تكبر كعهدها

_اوك خليها تدخل 

عدلت وصال من هندام شعرها وثيابها كطبيبة ، وتوجهت بنظرها الى الباب حينما دلفت ....

✨✨✨✨✨✨

الحلقه السابعه

_دكتورة وصال ، فيه واحدة برة طالبة تشوفك ومش هتكشف

عبست وصال بتعجب وقالت بنبرة تكبر كعهدها

_اوك خليها تدخل 

عدلت وصال من هندام شعرها وثيابها كطبيبة ، وتوجهت بنظرها الى الباب حينما دلفت سمر إلى غرفة الكشف ..تصافحا بالايدى وجلست سمر امام وصال ليدق جرس اعلان المباراة داخل الحلبة!

_اعرفك بنفسى ،سمر حسان ..صحفية

تبسمت وصال مجاملة واردفت

_اهلا ..خير

_مش هاخد من وقتك كتير ، أنا بكتب فباب الطب والدوا فالجريدة وكنا حابين نعمل حوار مع شخصية مشهورة زيك عشان الناس تستفيد والاطباء اللى لسه بيبدأو طريقهم يتعلموا

رفعت وصال انفها بفخر ، وبدات فالحديث عن نفسها بكبرياء وكانت تجيب عن كل سؤال وكانها تحكى عن امجاد سيف الدين قطز فى معاركه قديما.

حتى حانت لحظة ،كانت تود سمر ان تُسرع بها منذ بداية اللقاء ولكن امتصت ضيقها امام تلك المغرورة حتى تصل لمبتغاها أخيرا

_طب سؤالى لحضرتك ، انتِ شايفه ان العمل ممكن يعطل حياة زوجية او العكس بالنسبة لاى شخصية ناجحه زى حضرتك؟

عدلت من هندام شعرها عندما انسابت احد خصاله وقالت بنبرة ممزوجه بالتعالى

_ايوة طبعا،عشان تثبتى نفسك ...لازم تشيلى كل الل بيعطلك عن طريقك سواء جواز خلفه مسؤلية

كل الل يعطل نجاحك مالوش لازمه انه يفضل فحياتك

_عشان كدا انفصلتى عن كابتن ايهاب!!

نظرت وصال الى سمر وقد تطاير شرر عينيها منها ،فسرعان م راجعت سمر نفسها وعدلت نهج الحديث

_اقصد ، ان هو دا السبب الوحيد ،لانه خسرك طبعا فى سبيل شخصية زى زوجته الحالية 

تنهدت ب انكسار دام لثوان لم تجعله يظهر بها،واردفت

_اكيد خسر،شخص زى ايهاب الل يعجبه فبنت من طبقة شعبية وغريبة الشأن والاطوار غير انه محبش نجاحى وتقدمى عليه ك ست بثبت نفسي فمجتمع ذكورى

صمتت لثوان ومن ثم تابعت الى سمر

_بس بصّى ،الكلام دا مش من ضمن الحوار ..يعنى ميتنشرش

غمزت سمر لها ب احدى عينيها وقالت بنبرة شديدة

_متقلقيش يا دكتورة،كانك مفيش اى حرف سمعته منك فالنقطه دى

بس خللينا نقف عندها ونتكلم اكتر

_بمعنى

_بمعنى ..ان الكابتن ايهاب ...دواخل شخصيته المعقدة 

ازاى يسيب برنسس وصال ويتجوز... آية!

_هقولك الاسباب

_ياريت ..

#لنورإسماعيل

✨✨✨✨✨✨

_بالنسبة لاى راجل متجوز لازم ينتهز فرصة وجوده فالبيت لوحده ويلبس الشوز براحته ويتمشى عالسجاد

بقا ويلبس شبشب الحمام ويتنطط فوق ملاية السرير ويقلع الشراب ويرمى كل فردة فحته ويصرخ ويقول انا الحكووومة ،انا الحكوومه

نظر زميل مارسيلينو اليه وهو يتحدث واردف ساخرا

_بس اهم حاجه الحكومة متكبسش وياخد مؤبد وتبقا ليلته طين 

ترك مارسيلينو النظر الى حاسوبه والقى السباب فى وجه زميله

_ياعم بطل سخافه ،كلمتين بنقولهم ايييه لانتفك برة او جوه

_وبصراحه ياسينو مراتك معلماك الادب ،فين سينو بتاع الضحك والهزار والبناااات 

_ياااه متفكرنيش انا عايش على ذكرى الايام دى ،كنت ادخل على الموزة من دول اقولها مارسيلينو شنودة

98كيلو ،عنيا خضرا والنظرة قادرة تسحر قلوب ...كانت تجيبها الارض

تدخل زميلا اخر ثالثهم يشاركهم الحديث بنفس لهجة السخرية 

_وكان معاك سوية نسوان يا واد يا لينو اييييه 

امسك مارسيلينو بعض الاوراق امامه وقبض عليهم باسنانه بطريقه مضحكه للغاية قضم منهم قطعه وبصقها امامه وزملاءه ذهبوا فى ضحك مستمر واذ فجاة تدلف لينزى ممسكة بيدها علبه

فالتزم الجميع الصمت وحدق مارسيلينو بها اثر دخولها امامه

_ليييينو ، اخبارك ايه انا جاية اتطمن عليك

حدق بها مارسيلينو خائفا ،واردف بنبرة تشوبها الفزع

_ليه يا حبيبتي قالولك بحارب انا فالشغل 

نظرت إليه لينزى بعمق داخل عينيه وقالت بحنان وهى تهيم فى وجهه وتمسح على رأسه برفق

_بيبي...انت لسه خارج من مرحله خطر وصممت تنزل شغلك لازم اكون وياك مش معقول اسيبك

ثم همست ب اذنيه برقة

_وحشتنى وعاوزين نغير وناخد يوم جديد سوا

_ايه البراءه والحنان دا كله ،انا خايف 

_قلبي خلص شغلك وانا من سكات هستناك ونمشى سوا،ليك عندى بروجرام محصلش

انصرفت لينزى تنتظره بالخارج بينما هو يحدث نفسه من غرابه الموقف الكائن امامه!

مضى الوقت وذهبا معا فى نزهه حقا كانا يفتقدناها من زمن ،ارسلت لينزى ابنهما كاراس لوالدتها واكملا يوما سعيدا للغاية عادا منه متعبين منهكين ...لكن لينزى كانت تنتنوى شيئا آخر غير النوم .

قامت بتشغيل موسيقى ما ،وقامت بدعوته ً لرقصة غربية واحتفلا سويا 

كان مارسيلينو يضحك من قلبه وتشع البهجه منه بالفعل ..

وعندما انهكهما التعب والرقص ..احتضنته لينزى بشدة عاشقة ومن ثم حدث الانسجام..

لاشك ان لينزى تعلمت درسا مما حدث ،ان طبع كل الرجال النظر الى كل ماهو جميل،ولكن الانثى الذكية هى من تجعله ينظر دون ان يشتهى التذوق!

#نورإسماعيل

✨✨✨✨✨✨✨✨

_وايت فراى داى؟

_مستغربة ليه

_اسم غريب لقصة يعنى

_عاوز اقول ان الجمعة البيضا بتاعت معظم الجوازات بتبقى مجرد نسيج وهمى لفخ فيما بعد

حدقت بى ورفعت حاجبيها

_ياسلااام ،يعنى احنا لو كنا اتجوزنا ...كانت هتبقى دى نفس معتقداتك برضو!

_اروى احنا لو كنا اتجوزنا كان زمانى مبكتبش قصص الا فيكِ ، ومبقولش كلام حلو الا فبطلة حكايتى اللى هى انتِ

كنت هالف كل يوم رواية فعنيكِ ، ربنا مش بيجمع قلبين ابدا عشان الطيبة اللى جواهم

ربنا بيالف يا ذاتى !

_ولسه بتنادينى ذاتى برضو !

_عشان انتِ كدا ومبطلتيش تكونى

شعرت بانها ارادت تغييرمجرى الحديث، فامسكت ب اوراقى وقالت

_احكيلى بقا منين جاتلك الفكرة ؟

ابتسمت كعادتى حينما تسالنى فى كل مرة مالذى اوحى الى بفكرة جديدة ،احيانا اشعر انها تغار من أوراقى وقلمى المفضل ....او ربما بطلات حكاياتى

او بالاحرى ،تغار من كون هناك عالم آخر يفصلنى عن عالمها ...ولكن ان دققت هى المعنى

ستجد انها كل العوالم التى تضم اى عالم انتمى له !

_ياستى قارئة ليا ، بتتابعنى من ايام شمس ديسمبر اسمها سمر ، قابلتنى فحفل توقيع عملى الاخير

وقالتلى ان عندها قصة تستحق النشر ..بعتتهالى فملف وورد على الماسنجر

قصة لخمس ثنائيات ..

جمع الشباب سفر وشغل للخارج وجت من هنا المعرفه والصحبه ..وبعدين لكل حد منهم قصة فيها عبرة

هى شافت انها تستحق ان الناس تعرفها

_وهى واحدة من خماسى الثنائيات؟!

اومات برأسى لها بالايجاب ف استطردت هى اسئلتها التى استمتع بها كثيرا

_طيب هى عرفت القصص منين ؟

_من جوزها وبعدين اتداخلت فعلاقات مع باقى الطرف التانى لكل ثنائى

_وااااو

_ايه؟

_انشديت زى كل مرة اقرالك حاجه،خصوصا انك بتكتب بواقعيه

_وانا انشديت ان اكتب نهاية حكايتى معاكِ بقا

_ازاى؟

نظرت لها بعدما قرصت على شفتى السفلى واخبرتها

_نتجوز !!وهسافر وياكِ

هزت رأسها بخيبة أمل وامسكت يدى بيسر

_حبيبي...ياريتها كانت ساهله كدا

_وايه الل مش هيسهل لها

_انت عارف

_انا راضى 

اخترق الحديث صوت المنبة المزعج ،ف انتبهت انها كانت هناك فى حلمى ...حلمى الذى يعاد 

يوميا منذ رحيلها من ذاك اليوم

يعاد حديثنا سويا ويقطع فى نفس النقطه تقريبا التى ليس لها تفسير...ولكن الى متى يا ذاتى

هل ستظل حياتى رهينه بين قبضه يديك ،ام اعجبتك اللعبة حينما تركت لكِ قلبا تتصرفِ به كيف يشاء

ف امنت بأنه متاح ونسيت ِ ب ان جرح غائر ب رجل مثلى

لن ينسى ...ولن يطول صبره حتى وان طال اشتياقه!

#نورإسماعيل

✨✨✨✨✨✨

كانت الاء ممسكة بهاتفها ،تقوم باعادة ذاك المقطع مراراً وتكرارا ...كان هو وصوته واحساسه !

كانت نظرة عينه ...تنظر باعين يملؤها الدموع وبداخلها سؤال واحد فقط..لماذا؟

قلبها يدق وكأنه ينتفض ،يريد ان ينفض عشقه الوحيد منه ...يريد ان يلفظه بعيدا عن دقاته

صارت اليوم مُحرمه عليه ،صار ايضا غريب عنها!

حتى ظهر اسمه يتصل بها ،اغلقت الاتصال هى ..فاعاده هوومرة اخرى فاغلقته 

فاعادة ثالثة ...ف اجابت هى وصوتها متهدج مختنق

_عاوز ايه ،متتصلش تانى الا لو هتقولى جاى امتى عشان تطلقنى 

_مش هطلقك يا الاء ،واعلى مافخيلك اركبيه

_ماااشى هنشوف مين اللى هيضحك فالاخر ياجهاد

ارتفعت نبرة صوته وهو يردف لها

_متعاندنيش هكسر دماغك دى 

لم يسمع رد منها سوى صوت صفيرة انقطاع الاتصال،قامت باغلاق المكالمة فى وجهه مما اثار غضبه وقذف بالهاتف فى الحائط الذى امامه.

اخذ صدره يعلو ويهبط من الغضب الشديد الذى يتجول فى دمائه الآن ،اما عن عقله فهو يدور فى فلك ليس له نهاية ..

من اين له بهذا المقطع؟ متى حدث ومن الذى قام بتصويره ...لم يتأكد من ملامح الفتاه التى معه والا كان تذكر جيدا !

حتى لم يسعه ان يعلم من الاء زوجته ماهيه الرقم الذى ارسل الرسالة !!

خائف قلبه ،يدق هلع فقدانها ...هل سترحل عنه ثانية؟

وان رحلت هذه المرة ...لن تعود وهو يعلم انها ليس لها رجعة كسابقتها ..

#نورإسماعيل

✨✨✨✨✨✨✨✨

عارفين ليه "ليس للمتحابين الا النكاح"

عشان لما حد بيحب حد روحه بتكون معاه .. وللأسف لو بعاد عن بعض روحه بتتعب .. بيكون فيها حاجة ناقصة .. الروح دي ساعتها لا يرضيها الا التواجد مع روحها الاخري .. روحها التي تحب وتهوي وتسكن اليها ..

كام واحدة ساعة وفاة زوجها مكملتش بعد وفاته اقل من شهر وحصلته .. مع ان صحتهم كانت كويسه جدا .. والعكس!

للأسف البعد بيأثر علي صاحب الأمر بالسلب .. وممكن يهدم صحته ويوجع قلبه .. وجع حقيقي عضوي ..

تنهد يامن ومسح على لحيته بهدوء واكمل القاء درسه بعد صلاة المغرب بناء على رغبة من حضر فى المسجد المجاور لمنزله ،اردف قائلا

في قصة بتحكي ان كان في ولد بيحب بنت وهي بتحبه وراح اتقدملها والدها قاله انها محجوزة لقريبها ،الولد فضل صابر والبنت كمان لحد ما البنت صحتها ضعفت وماتت وبعدها بقليل الولد لم يحتمل وحصلها ..

فهمتوا معني حديث الا تفعلوا تكن فتنة في الارض وفساد عريض .. الولد والبنت ممكن يفضلوا يتكلموا في الحرام .. وممكن الموضوع يتطور لاكتر من كده ..

ومش بستغرب لما الاقي ولد يسقط في سنة دراسية بسبب امر زي ده .. ومش بعيب عليه لما ده يحصل .. بالعكس بفضل اننا نقف جنب الشخص المتضرر .. بغض النظر ده صح او لأ.. لانه بيكون في اسوأ حالاته ..الفقد وحش اوي يا جماعة

عشان كده نفسي كل اهل بنت او ولد ميعسروش امر الزواج .. وييسروا علي الشباب عشان محدش يدعي عليهم دعوة مظلوم .. ودعوة المظلوم لا تُرد ..

انتهى الدرس ..وتحدث مع يامن مَن تحدث وهم هو بالذهاب الى عيادته

وعندما فتح باب حجرة الفحص ،وجدها تجلس مكانه ..القى السلام وبدا بفحص معداته

فقاطعته

_يامن ...انت كمان اللى زعلان؟

رفع يامن بصره الي حور وهى تتحدث ف اكملت هى

_موضوع ضىّ دا شئ من الماضى يا يامن متحاسبنيش عليها

_بس كان لازم يبقى عندى علم ،عالاقل ميبقاش شكل زوجك وكأنه مش دارى بحاجه قصاده كدا

_انا اصلا متوقعتش انه ييجى البيت 

_واهو جه!!

صمتا الاثنين بعدما ارتفعت نبرة يامن قليلا وهذا ليس معتاده ومن ثم استطرد هو حديثه

_وبعدين انا زعلى مش بسبب الاستاذ ضىّ،انتِ بتتجسسى عليا يا حور

مش واثقه فجوزك ومنزله برنامج وكلام انا حسيت ان مش دى الست اللى ائتمنتها عالبيت والولاد 

_انا قلبي حس من يوم م جت لك هنا وان روفيدة مش هتسيبك ،وانت مش بتقول حاجه 

ببقا شيفاك ماسك الموبايل وتسيبه وانت مخنوق

انا بحس بيك يا يامن ...انا مش بس مراتك

انت كل عمرى وعمرى الحلو كمان

_واتاكدتِ من الخيانه ياحور؟

قطع حديثهما شئ مروع لم يكن ابدا بالحسبان!!

✨✨✨✨✨✨

‏تهوى العين من يعجبها، ويهوى العقل من يفهمه، أمّا الروح فلا تهوى إلاّ من يُشبهها !

19يونيو..

قطعت أية ورقة تذكير النتيجة الورقية التى على مكتب ايهاب اثناء متابعه تنظيفه مع الخادمة ،تبسمت ان اليوم هو عيد مولدها لاتدرى فى اى عام من عمرها الآن..لكنها تعلم جيدا انها ولدت منذ ان رأته بقلبها لاول مرة!

انتهت من متابعه تنظيف المنزل ككل يوم مع الخادمه وتحضير الطعام ، ومتابعه ريم والصغير رحيم مع مربيته وكل شئ على مايرام .

حزنت ان اتى يوم كهذا وهو مسافرا بعمله كالمعتاد ،هى لاتطلب منه ابدا ان ينشغل بها ولكن كانت تود ان فى هذا اليوم بالاخص يكون معها وبرفقتها ...

..........

_ايوة شكل البالونات كدا هايل !! لو تترفع شوية 

امسك هاتفه ورد على الاتصال 

_لا كل الحجات دى تيجى وقت ما اتصل انا خليكم بس على استعداد 

شكرا 

............

امسكت اية هاتفها وقامت بمهاتفته فوجدت هاتفه مغلق ،التوت شفتيها ب خزى وفتحت برنامج _الواتساب_وبعثت رسالة صوتيه تقول بها

_قلب آية فينك مش فاتح التجوال ليه ،قلقتنى عليك اوى ...ياريت توصلك المسج وتفتحه 

اليوم سخيف اوى من غيرك اصلا ،مش وكمان مسمعش صوتك كدا كتير يا ايهاب

..........

"ياكنزى وكل ماليا ،حياة قلبي ،ونور عينى ،جمال الدنيا فعنيا"

_حلوة البلاى ليست دى اوى ،تمام الاغانى جدا 

.........

"انا لسه فاكر كل كلمة حب قولناها ،انا قلبي فاكر كل لحظة حب عيشناها ،انا لسه مستنى فميعادنا كل يوم وقت الغروب"

_مامى مالك؟

نظرت أية ناحية الصغيرة ريم وهى تتحسس وجنتيها برفق تمسح اثر دمعه هابطه رغما عنها،تناولت اية كفها برفق وقبلته وابتسمت بحنو ام

_لا يا ريما مفيش ،بس بابي وحشنى اوى

_وانا كمان ميس هيم اوى ، طول المرة دى فالسفر

تنهدت اية بحنين واشتياق جارف ،ووضعت يدها موضع قلبها واردفت

_وقفلة موبايله من الصبح دى قلقانى ،جيب العواقب سليمه يارب

...... ...

_وااااو

_ايه رأيك يا كابتن؟

_نرمين انتِ بنوتة سكر ، فعلا رائع

_هيعجبها متقلقش 

_انا متأكد من دا ،ميرسي كتير عذبتك معايا

_انت تؤمر يا كابتن 

...........

نائم كملائكه صغيرة تغفو على صوت دقات قلب امهاتهم،كانت تتأمل وجهه وهو قطعه من ابيه هكذا !

ياسبحان الله تبارك الرحمن ...وكانه قطعه صغيرة منه

الا لهذه الدرجه تهيم ب ايهاب غراماً؟ اجابتها لهفتها حينما اتتها مكالمة هاتفيه من رقم لاتعرفه بان يجب ان تحضر الى المطار حالا وان لا تفزع الامر غير مقلق ولكن يجب ان تأتي على وجه السرعة ..

دلفت بخطوات تائهه عشوائية لاتعرف اين وجهتها ،حتى رأت من بعيد زينه معلقه هكذا وبالونات واسمها يهبط من السماء واغانى مدارة بالخلفيه ...وقالب كيك كبير عليه صورة لها .

وضعت يدها تخبئ فمها من هول المفاجأة ،ومن ثم اخذت تبحث عنه فى كل الموجودين ولم تجده 

_ايهاب فين؟

كان هذا تساؤلها حينما همت احدى المضيفات بالرد عليها قائلة

_كابتن ايهاب فرحلته حاليا يا مدام آية ،بس هو بلغنا نكون معاكِ دلوقت 

تدخل احد زملاءه يقول بسخرية 

_وخلاّنا نقلب المطار قاعة مناسبات عشان سموك 

_مدام اية بصى عالشاشة كدا 

نظرت ناحية شاشه كبيرة والكل ملتف حولها ،فظهر ايهاب مبتسم وهو يشير لها بيده رمز القلب 

ويقول بخفوت "آيتى"

ضحكت وهربت ناحية الشاشة تقبل كل جزء فيها ومن ثم بدأ هو...

✨✨✨✨✨✨✨

الحلقه الثامنه

دلفت بخطوات تائهه عشوائية لاتعرف اين وجهتها ،حتى رأت من بعيد زينه معلقه هكذا وبالونات واسمها يهبط من السماء واغانى مدارة بالخلفيه ...وقالب كيك كبير عليه صورة لها .

وضعت يدها تخبئ فمها من هول المفاجأة ،ومن ثم اخذت تبحث عنه فى كل الموجودين ولم تجده 

_ايهاب فين؟

كان هذا تساؤلها حينما همت احدى المضيفات بالرد عليها قائلة

_كابتن ايهاب فرحلته حاليا يا مدام آية ،بس هو بلغنا نكون معاكِ دلوقت 

تدخل احد زملاءه يقول بسخرية 

_وخلاّنا نقلب المطار قاعة مناسبات عشان سموك 

_مدام اية بصى عالشاشة كدا 

نظرت ناحية شاشه كبيرة والكل ملتف حولها ،فظهر ايهاب مبتسم وهو يشير لها بيده رمز القلب 

ويقول بخفوت "آيتى"

ضحكت وهربت ناحية الشاشة تقبل كل جزء فيها ومن ثم بدأ هو بالكلام عبر الشاشة 

_اية يا أية يا اية ، اغلى زوجه واحلى حبيبة واجمل ام والذ معشوقه ...طبعا كل اساطير العشق مش هتوفى كلمة من الل جوايا ليكِ ..وانتِ عارفه انتِ عند ايهاب 

كادت تنهمر عبراتها فرحا وهى تستمع إلى كلماته التى يعبر بها عن حبه لها امام الحاضرين ،اما عنه فهو مازال يستكمل عبارات الشوق والهيام بها 

_انا طبعا متضايق اوى عشان دا اول عيد ميلاد ليكِ وانا مش جنبك ، بس حاولت على اد م قدرت انك ابدا متحسيش انك لوحدك يا آيتى

_انا مش لوحدى طول م انت فقلبي وانت عارف 

نطقت بها مرة واحدة دون شعور ، عشقها المتحدث وليس لسانها 

ابتسم الجمع وابتسم ايهاب واكمل

_ الاحتفال بيكِ انهاردة تصبيرة لحد م اجيلك يا غزال 

غمز لها باحدى عينيه فضحكت هى بخجل بينما تابع هو

_ كل سنة وكل دقيقة وكل ثانية وكل لحظة ،وانتِ روح وعقل وقلب ايهاب ومحتلااااه احتلال مفيش منه جلاء ...بحبك 

احتضنت اية بيدها الشاشة مستبشرة بوجهها ، بدأت الاغانى فالتشغيل مرة ثانية وكان الجمع يرددون معها

وكذلك ايهاب..اقبلوا بقالب الكعك الكبير 

وهتفوا جميعا happy birthday to you

قفزت نبضات قلبها فرحا وهى تشاهده امامها يبذل كل مافى وسعه ليكون معها ،يشاركها ،يشعر بها

يبذل جهد قلباً لم ولن ينادى احدا سواها..

#نورإسماعيل

✨✨✨✨✨✨

صوت جرس الاسعاف الشهير يملأ الارجاء ، والتفاف اهل البلدة حول مركز الطبيبين يامن وحور بعدما انفجرت اسطوانة الغاز المملوءة بمطبخ المركز على حين غرة !

اتت الإسعاف فورا ،بينما اتوا اهل يامن يبكون خائفين من هول مفاجأتهم اثر سماعهم خبر ما 

_ياناس ،حد يطمنا على ابنى ومراته 

_لسه مفيش اخبار هما بينقلوا الناس لبرة وبس ومتعرفناش ع حد

_جيب العواقب سليمه يارب 

كانت صوت الاقدام مهرولين لينقذوا مايمكن انقاذه مع المسعفين ،الخوف ورائحة الموت تملأ الارجاء

ومنظر يقطع القلوب لرؤية المصابين منقولين على المددات لاحول لهم ولاقوة

ولا خبر حتى الآن عن يامن او حور !

✨✨✨✨✨✨

_يابنتى افهمى ،انا بحبك للدرجة انى ممكن اخونك عشان معملش حاجه غلط معاكِ!

نظرت لينزى ناحيته باستياء وهى تناوله ملعقه الحساء فى فمه ،ارجعتها للخلف وقالت 

_عاوزة افهم بتخوننى ليه؟ محسسنى ليه انك رامى جمال!! ليه ياحبيبى طول الوقت عايش فدور الشاب الجنتل القمر الكيوت وانت كبيرك يتعملك ميوت ليييه

لفظ مارسلينو قطعة_الخس_من فمه بطريقة مضحكه واردف

_يابنتى الل مش عاجبك دا البنات هتقطع عليه نفسها برة ،انا مش عاوز اقولك لتجيلك ذبحه 

_طب اتلهى ،انا الل مش عاوزة اقولك لما بروح النادى والبس السبورتس وير والتاتو يبان ولا اجرى ولا امشى ولا العب كروكيت بيعملوا ايه الشباب عليا 

احتقن الدماء فى وجهه وقال وهو يكز على اسنانه 

_بيقولوا ايه ان شاء الله يانوال محمدين الزغبي

ضحكت بسخرية وقالت بعنجهيه

_بتعاكس ومحدش ابدا بيصدق انى متجوزة ومخلفه ،ولما بوريهم صورتك بيقولوا بسم الصليب يالطيييف مين سوبر جيت ميت غمر الل انتى متجوزاه دا !

لكمها فى احد كتفيها بعنف مما اضحكها وقال بصوت عالى نسبيا تكاد تكون عصبيته مضحكه

_طب هتطفحى ولا البس خلقتك فطبق الشوربة دا ،اخليكى تمشى لسان عصفور فنفسك جدا 

_مالك يا ليييينو بتغير يابيبي

قالتها وهى تداعب ذقنه من الاسفل ،فامسك كف يدها ليطيحه بعيدا عنها بعنف وقال

_اغير ليه ،حلوة مثلا ...موزة لاسمح الله ؟دا انتِ اسمك عنزى جاية من العنزز الل هو المعيز وكدا والحيوانات الل ليها ديل خفيف 

_انا هعتبر كل دى غيره،حقك ...زوجة زى القمر وواخدة بالها منك ومن طلباتك وبتموت فيك وبتهتم بيك جدا 

وبتغير عليك ،ومخلفالك ولد زى القمر 

_بس متقوليش زى القمر

_ومريحاك ،اكيد هتكون خايف فيوم لاتطير منك ..مش كدا يا لييينو

امسكها من خصلات شعرها لاعلى وهو يقول بعصبية مضحكة

_يخربيت لينو على اليوم الل لبستك فيه فخلقتى ، بقولك ايه يابعوضة حياتى الخضراء ...لبس عريان وتبينى التاتو فالنادى مش هسمحلك ..سبوتر وير وزفت وير على دماغك هتلاقينى خدتك بكازلك جمب عينك خليتك اسامه الاعور ! فرحانه اوى بروحك وبيحسبونى مش متجوزة وبيحسبونى متطلقه وبيحسبونى ارملة الربيع 

هعمل عاهه فوشك اخليهم يحسبوكى على نفقة الدولة بعد كدا 

ف اتظبطى عشان متخلنيش اظبطك ظبطه السنين 

نظرت له لينزى باعين مغرمه وهى تميل عليه وضع يجعل دقات القلب فى تتابع كقرع الطبول واردفت 

_كل دا حب وغيرة يا لينو !

_طبعا ياجزمة ،واغير عليكِ من الهوا الطاير ومحبش حد يبصلك ابدا ومن يوم م الواحد اتعدل معاكِ والعدرا ان ماليش دعوة بصنف ست او حاجه اخرها تاء مربوطة 

حتى فيفيان دى هى الل بتلقح روحها عليا 

_يعنى بجد مخلص لى !

_انتى جاموسة يابت! اومال الكلام الل بقوله دا معناه ايه ؟

تبسمت لينزى فاحمرت وجنتيها وعانقته بحب شديد ،فوضع مارسيلينو قبله على جبهتها 

فكانت هذه من اللحظات النادرة اللتى تجمعهما بود وحنان وامان رائع مذاقه..

#نورإسماعيل

✨✨✨✨✨✨

_حضرتك الاستاذ محمد جهاد عبدالله!

نظر محمد جهاد الى هذا الشخص والذى يدعى مُحضر ،ممسكاً باعلان فى يده ويستفهم عن هويته هل هى صحيحه ام لا

_ايوة انا ،فيه ايه

_دا اعلان حضرتك برفع دعوة طلاق من السيدة الاء ،اتفضل امضى هنا 

امسك جهاد بتلابيب قميص الرجل بعنف فظهر الخوف على قسمات وجهه 

_انا مالى يا استاذ ! انا عبد المأمور

انزل محمد جهاد يديه حينما ادرك ان هذا الرجل ليس له حيله الا اداء عمله فقط 

_غور من وشى!

_طب استلم الاعلان وامضى متأذنيش ف اكل عيشي 

وقع محمد جهاد له وهو يزفر غضبا، بينما حصل الموظف على التوقيع وفر هاربا من امام هذا المختل ...صفع محمد جهاد الباب يتنفس بصعوبة وبغضب شديد 

حتى وقعت انظاره على _مزهرية_ من الفخار موضوعه على احد اركان الشقة فتناولها بعنف ليكسرها أرضا بعدما ارتطمت واحدثت صوتا مدويا ،صعدت والدته وعمته على اثره الى الاعلى وطرقا الباب

_يامحمد ...محمااااد افتح يابنى فيه ايه

_ولا يامحمد ايه صوت التكسير دا 

فتح محمد وعيناه يتطاير منها شرر جهنم ، دب الخوف فى صدر والدته بينما تساءلت عمته بوقاحتها المعهودة

_الزفته مش هنا ،يعنى مش هى الل منرفزاك يبقا مالك فيه ايه ؟!

بكل غضب العالم تفوه جهاد الى عمته وكان اخر ابراج عقله قد طارت فى الهواء

_الزفته رافعه قضية يا عمتى ، الزفته عاوزة تطلق عشان كلكم ترتاحوا 

تعجبت والدة محمد بشدة وقالت و وباعينها الاسى 

_واحنا هنرتاح ليه يابنى لو بيتك اتخرب،كدا برضو يامحمد!

_امى مبقصدكيش ،بس عمتى من اول يوم خطبتها فيه وهى حطاها فدماغها ومركزة معاها ونفسها نسيب بعض ولما رجعنا وطلقت رضوى كانت عفاريت الدنيا بتتنطط قصادها 

ولو تفتكرى انى وقع يمين الطلاق التانى بسببها ،لما عملت مشكلة اد كدا بينا وخلتنى اتنرفزت ورميت اليمين

اطرق براسه الى اسفل وقال بحزن شديد 

_ودلوقتِ هى رافعه قضية طلاق بسبب حاجه انا مش عارف امتى حصلت ولا اذا كانت حصلت اصلا ولالا

انهمرت احدى العبرات من عينيه ف ربتت والدته على كتفه وقالت بحنو

_باذن الله هتتحل ...الاء بتحبك اوى ومش ممكن تبعد عنك ..زوبعه فنجان ياحبيبي وبكرة الدنيا تصفى بإذن الله

_ياريت

قالها جهاد ب اخر صبر لديه بينما كانت تحتضنه ، بينما وقفت العمة عزة تنظر بعينين مملوءتان حقد ويكاد صرير أسنانها ان يكون مسموعا.

#نورإسماعيل

✨✨✨✨✨✨

اعتدلت فى نومتى وتناولت قميصى المطروح ارضا ، بينما تأوهت هى بفعل اعتدالى هذا وسحبت جزء من الغطاء لتوارى به الجزء العارى من جسدها ..

أمسكت بسيجارتى والقداحة واشعلتها ونفثت دخانا فى الهواء وانا انظر امامى صامت ،فقالت تلك الفتاة ...لا اعرف اسمها ..فهى كانت تتسكع فى نفس توقيت تسكعى انا فالطرقات اتذكر نوبات خذلانى من اروى 

كنت سائرا هائما على وجههى اتسكع كالمشردين واذ بها امامى ترتدى ثوبا يكشف اكثرمما يغطى ،داعبتنى رائحة عطرها النفاذة

وحركاتها المثيرة ك أنثى لعوب تعرف جيدا ما الذى تصنعه بحرفه ، تحسست جسدى وقالت بصوت مثير 

_ايه رأيك ، 300جنيه فالليلة 

_ بس انا مش من النوع الل بتدورى عليه 

غمزت باحدى عينيها وقالت بطريقتها التى لاتعرف غيرها

_مين غشك وقالك انك مش النوع الل بدور عليه ،دا انت هو ونص

رفعت حاجبي تعجباً ، هذا النوع من النساء يجيد فن جذب الانتباه وجذب أيضا اشياء اخرى كثيرة غير الانتباه

_ها ...عندى ولا عندك فاضى !

اكاد اجزم انها ليست رغبة جنسية ،لان من الاساس لم تكن بانتظارى ولكن فضول لمعرفه ما وراء ستار هذا العالم .

حتى فتحت عيناى على هذا المشهد،انا عارى تماما وهى بجانبي وانفث دخان سجائرى فى الهواء ،حتى سمعت صوتها تتحدث بجانبي

_م تجيب نفس ! الكيف مناولة مش مقاولة

نظرت تجاهها بظرة تعجب ف اكملت هى بحركاتها الأنثوية الطاغيه 

_انت على طول ساكت كدا! دا حتى واحنا سوا كنت ساكت 

شكلك تقيل اوى وانا اموت فالنوع دا ... الا انت اسمك ايه؟

تبسمت بسخرية واردفت لها

_هتعملى ايه ب اسمى ،هتطلعى باسبور!

_الله! ادينا بندردش

_طب انتِ اسمك ايه 

_اسمى فلة 

_لا بجد

_وردة 

تضاحكت كثيرا برغم ان ليس هناك ما يضحك للغاية ولكن كنت بحاجه للضحك ،ضحكت من اعماق قلبي ومن بعدها بكيت وانا اضم على وجهى بكلتا يدى 

ضمتنى تلك_الساقطه_ فابعدتها ،احسست انى خونت عهدا مع ذاتى 

احسست وانى نجست عهدا كان بالحب قد مضى.

✨✨✨✨✨✨

"متشكرة يا كابتن انك قبلت دعوتى "

عيون ايهاب تدور بالمكان كله باحثاً عن حسين بينما قطعت سمر

_انا عارفه انك مستنى حسين ،بس انا هدخل فالموضوع على طول 

_المفروض يا مدام سمر ان الميعاد معاه

_بس انا الل جيت وقابلتك

_علشان!

ابتسمت سمر بسخرية وقالت

_شكل حضرتك مستعجل

_انا فعلا مش فاهم لحد دلوقتي انتِ عاوزة ايه ولا حسين

_حسين بيساومنى ...وانا عاوزه اخلص من الل انا فيه

ايهاب هز رأسه بتعجب واردف

_وانا داخلى ايه

_انت السبب

_ازاى

امسكت بهاتفها واشغلت ...