ح(٥

~~~'''~~~~'''''~~~~~''''''~~~

سارة : طيب هتجوز الى بحبه ؟ ولا هيمشى زى الى مشيوا

الست بتاعت الودع: عشقتى الى من دمه وهو ولا مكتوبلك

والى هيبقى فحشاكى ذريته ...فيه من اسمك!!!!

سارة: (استغربت) يعنى ايه ؟!

زميليتها: خلاص بقى ياسارة خلينا احنا كمان نعرف زيك ، وانا كمان شوفيلى

قامت سارة من قدام الست حاسة ان فى رسالة فالكلام الى اتقال رغم انه فهمه غامض بالنسبة لها ولاحظتها واحدة زميلتها كانت واقفه جمبها.

زميلتها ٢:مالك يا سارة سرحانه كده ليه ؟ انتى صدقتى كلام الست دى ولا ايه

اوعى تصدقى حاجه كل شئ فعلم الغيب عند ربنا سبحانه وتعالى

ومتنسيش حديث رسول الله "كذب المنجمون ولو صدقوا "

~~'''''~~~~~''''''~~~'~~~~'''''~~~~~''''''~~~

ففراندا اوضته فالسرايا كان قاعد سرحان وعيونه فيها دموع ، دخلت عليه فيروز مديرة المنزل ومعاها الدادة بيقدموله القهوة بتاعته وخارجين

فيروز : تؤمر بأى حاجه تانى يا سيف بيه ؟!

سيف: لا متشكر يافيروز

فيروز : طيب تحب حضرتك حاجه معينه عالعشا ؟

سيف: اعملوا الى عايزه الباشا يا فيروز ،انا ماليش رأى

فيروز لاحظت ضيقته امرت بإنصراف الدادة وقربت من الفراندا ع استحياء المسافات مابينهم فالتعامل

فيروز: تعرف يا سيف بيه انى الفترة الى توليت فيها رعايتك مع مربية الاطفال الى جابهالك الباشا وانا بقيت افهمك اوى

واقدر دلوقت احكم من نبرتك وسرحانك ان فى حاجه قلقاك وشغلاك

صح ولا كلامى مش مظبوط؟

سيف:(اتنهد ودخل اوضته ) بابا هيتجوز

فيروز : ايه (اتفجأت) انا اسفه ومع احترامى له بس الباشا لاسنه ولا حالته الصحية مستعدين لجواز

سيف:(بعصبيه) المفروض اصلا مافيش جواز ، ده عنده القلب والضغط والسكر

امراض الدنيا فيه

وفوق ده كله ٦٥ سنة فالشغل والسفر

المفروض يكون تعب ويقعد بقى ويرحمنى

فيروز: اسفه لتدخلى مرة تانية ، الافضل انه يدور ع جوازك انت عشان يشوف احفاده ويفرح بيهم

سيف: انا لا عايز اتجوز ولا بطيق جنس حوا ده من اساسه والفضل يرجع له

انا نفسي اعرف عايز يتجوز ليه ده

غرض ف انه يخلف ولا كعادته نزوة و لا بيستفزنى ولا ايه

فيروز: ع اد ان مدام فيولا والدتك مكنتش عمرها قصرت ناحيته ولكن ....هاه نصيب

ربنا يعمل الخير ان شاء الله متقلقش

سيف:(وشه انفرج شويه لما سمع اسم مامته) كانت معاملتهم ازاى لبعض يافيروز

انتى عارفه انى كنت صغير اوى ومفتكرش

فيروز: بصراحه كانت بتتعامل معاه بكل ذوق وحب وكانت مخليه البيت هنا كله فرح وحياه وتفاؤل

واى شئ كان بيضايقه كانت بتبعد عنه

لكن الباشا بقى كان عصبي اوى معاها وكتير مجادلات ومناقشات

سيف: انتى تعرفى ان عمرها م حكت لى ليه افترقوا واتطلقوا ؟ وليه رحل لها ل لبنان

كل مرة بقابلها بتتجنب سيرته والكلام عنه

فيروز : حقيقة مدام فيولا مكانتش تستحق منه كده ....استأذنك يا سيف بيه

سيف: طيب والاولانية يافيروز ؟!

كانت بتفتح الباب ووقفتها كلماته الاخيرة وردت بثبات

"الله يرحمها بقى ياسيف بيه "

~~~~'''''~~~~~''''''~~~~~~~'''''~~~~~''''''~~~

رجعت للبيت وهى مفيش غير كلمتين بس الى فدماغها ، بتوع الست بتاعت الودع

كانوا شاغلينعها اكتر من اللازم

وكان جواها تقول لمامتها وتحكى اصلا حكاية خالد كلها الى لسه محكتهاش ، النوت بوك اتفتحت وكتبت تاريخ رجوعها

والكلمتين

"وقالتلى انى بعشق الى من دمه ...هو مين الى من دم مين ؟

وليه مش مكتوبلى ؟ ياترى هو خالد ولا بتقصد هشام او ابن خالتى او اصلا الكلام ده كله مش صح ومجرد اكاذيب !

طيب يعنى ايه ولادى هيكون واحد من اسمه من اسمى ولا فيه من اسمى ؟

قفلت النوت بوك

سارة : اووووف بقى انا زهقت من الحيرة دى ، اصلا ده لعب وكلام هزار

انا بحب خالد وهو كمان بيحبنى ...وبس .

~~'''''~~~~~''''''~~~~~~~'''''~~~~~~~'''''~~~~~''''''~~~~~~~'''''~~~~~'''''

"عم جمال انت بتعمل ايه ؟"

عم جمال (تمرجى فالمستشفى) : ايه ياست مديحه كنت بحط العهدة مكانها (بارتباك)

مديحة: اومال ايه الشنطة الى جمبك دى

عم جمال:شنطة ...شنطة اية ده ده

ده غدايا

مديحة: عم جمال حافظ ع امانة عهدتك انتى عندك ولاد خاف عليهم من الحرام (بلهجة تحذيرية)

عم جمال: حرام ...حرام ايه يا ست مديحة م تقولى ياصبح

انا المستشفى كلها عارفه بأمانتى

مديحة: طبعا ياعم جمال، بس حبيت افكرك بولادك انت عارف

الدنيا بقت صعبه اوى والشيطان شاطر

مشيت وسابته وهى مبينه تحذير فكلامها انها عارفه عنه حاجه مش مظبوطة وكانها بتهدده بعدم السكوت .

~~~~'''''~~~~~''''''~~~~~~~'''''~~~~~''''''~~~

الايام جرت ايام ...

ومفيش اسرع من الوقت ، احداث كتير حصلت

زى ان الحاح رفعت نصار باشا ع مديحة بالجواز زاد جدا مع تمسك مديحة بالرفض

وان سيف زى ماهو فجهة العداوة من باباه وتصرفاته وبعد تسليم الطلبية قرر يسافر لوالدته لبنان يريح اعصابه عندها وبعد اذن السيد الوالد طبعا .

اما سارة وخالد

فقصة الاهتمام اصبحت حب ، ومن كلام وسؤال عن الاحوال لرغى وحديث طويل ومقابلات حتى فى امتحانتها

وف آخر يوم ليها فالامتحان وفالدراسة عموما .....

زميليتها ١: ياااااااه اخيرا خلصنا ،عايزة اروح انااااااام مش يصحونى غير بعد شهر

زميلة٢: انتى كل همك النوم ...لااااااا انا عايزة اروح المصيف واخرج واتفسح

زميلة ٣: انا مصدقت ناخد الاجازة بقى خلينى اخرج مع مادو حبيب قلبي

جهاد :تخرجى مع مين ؟

زميلتها:ماااااادو

جهاد : وده كلب ولا ايه ديتى

زميلاتها وسارة : هههههههههه

زميلتها : كلب ايه يا جهاد ده البوى فريند بتاعى

جهاد: بوى فريند ! ياريت كان داسها السريع قبل م تسمع بوى فريند دى

سارة : ههههههههههههههه ياجماعة محدش يحكى قدام جوجو عن الحب هى اصلا بتعادى الحب

زميلتها: ممممم طب بمناسبة الحب يا سوسكا ايه اخبار خالود

سارة :(ابتسمت واتنهدت) هيييييح بيسلم عليكى

جهاد:يقطع مادو ع خالود ع برغوت يابنات ناقصة تربية ، الواحدة بدل م تروح تصلى لها ركعتين

تتعلم لها طبخه ...لا فالحين ف مادو وزبادو وان شاء الله ان شاء الله ولا واحدة فيكم هتتجوز واحد فيهم عشان العيال المعفنه دى اخرتها اقسام البوليس

سارة : هههههههه يخربيت سنينك ياجهاد (خالد رن عليها) حبيبى

ثوانى يابنات

(بعدت عنهم)

الو ....ازيك

خالد: خلصتى امتحانك

سارة: اومال يعنى بكلمك من جوة اللجنه

خالد:وعملتى ايه ؟

سارة: الحمدلله ...ختامها مسك

خالد: وهتعملى ايه بقى دلوقت

سارة: عادى هنخرج انا والبنات نودع بعض والدراسه وكده

خالد: لالالالا افكسي للبنات ، وتعالى برة الجامعه انا مستنيكى

سارة :مستنينى ؟!

خالد: ايوة ...يلا بقى بلاش لكاعه انا زوغت ساعتين وراجع

سارة :(بفرحه) حاضر

يابنات سلام بقى وخلو الخروجه يوم تانى

زميلتها: ااااااه طيب ياعم الله يسهلوا

جهاد : لايوم تانى ولا تالت انا مسافرة الفجر ...سلام يابنات

ونبقى نشوفك ياثريا لما تنزلى البلد

سارة :(وهى ماشية سمعت ثريا زغرت لها وطلعت لها لسانها وخدتها جرى لحد بوابة الجامعه)

خالد كان واقف مستنيها وعاملها بوكية فسبت عبارة عن جميع انواع الشيكولاتات الى فالسوق وجواهم رواية !

سارة: خالد ! وااااااااو ايه ده

علشانى ؟

خالد : عارف انك بتحبي الشيكولاته ، والروايات الرومانسية طبعا

قولت اعملك بوكية كبييير بس مش ورد شيكولاته وجبتلك اخر رواية رومانسية نزلت

"بقايا همس لعبير قائد" مبروك التخرج مقدما

سارة :اساسا انت عليك طريقة استحوذتنى مش عارفه ارد يا خالد (مسكت البوكية منه ) بحبك اوى

خالد : فرحانه ياسارة ؟

سارة:موووووووت

خالد طب يلا نخرج نحتفل بأجازتك انا مزوغلك ساعتين مخصوص

سارة :(غمزتله بعيونها) يلا بينا

~~~~'''''~~~~~''''''~~~~~~~'''''~~~~~''''''~~~~~~~'''''~~~~~''''''~~~

"قديش اشتقتلك "

سيف:(مسك ايدين مامته الى محوطاه بحب ابتسم) وانا قديش كان بدى شوفك وحاكيكى

فيولا (مامته) : يا اهلا وسهلا فيك حبيبى بأى وقت ، هون بيتك بتيجى بالوقت الى بدك إياه

سيف: كيفك ...حاكينى

عايز اعرف منك وعنك كل حاجة

فيولا : شو بدك تعرف ، السعات عم تمرء كتير بطيئة بالوحدة

حتى الشغلات الى بشغل بيها يومى صارت كتير ممله

سيف:(بيقول بصوت واطى وبسخريه ) ومع ذلك مفكرتيش بالجواز !

فيولا: وليش بتزوج انا مو محتاجه رجال

انا محتاجيتك انت سيف ...محتاجيتك كتير

سيف:متقدريش تيجى تستقرى بمصر حتى

فيولا: البلد الى فيها ابوك ...مابدى اياها بنوب ، وهلأ مابدى نزعل

بدى نفرح

فيك نخرج نسهر سوا شوى الليلة ؟

سيف: يا هلا .....ههههه ياريت

فيولا: معناه اتفقنا ...يلا غير تيابك وبننزل نتعشي ب شى مطعم ونسهر كمان

سيف: متل مابدك

~~~~'''''~~~~~''''''~~~~~~~'''''~~~~~''''''~~~

عرض جديد مستنى مديحة ، مش من رفعت لكن من عم جمال !

مديحة: المرة دى انا شوفتك ، انا سكت كتير اوى لكن الظاهر انك هتسوق فيها

عم جمال : اسمعى ياست مديحة ، المورفين الى باخده ده من عهدة المستشفى حاجه بسيطة ومبتفرقش معاهم هنا

وبطلعلى بقرشين ولا مين شاف ولا من درى ، ايه مصلحتك انك تشوشرى عالموضوع يعنى ؟!

مديحة: مصلحتى ان دى امانة ويوم القيامة هتسأل عنها ، وانا شوفتك ولو مبلغتش ابقى شريكتك وده ميرضيش ضميرى

عم جمال : طيب م اخنا فيها ، ماتبقى شريكاى فعلا وتحاولى تسلكى اى حاجة وليكى نسبتك

مديحة: اتجننت ياعم جمال ، عايز ترشينى وادخل ع بنتى مال حرام ؟!

عم جمال: اسمعى بس بلاش كلام الافلام ده ، هتاخدى مصلحه حلوة واهى بنتك ع وش جواز ومحتاجه مصاريف

مديحة: لأ طبعا ، واسمع اخر مرة اشوفك بتاخد حاجه من المستشفى لا إلا والله مش هيحصل طيب

عم جمال: (بلغه تهديد) مممم طيب بقى لوقليتى بعقلك وقولتى لحد هتبقى عليا و ع اعدائى !

عم جمال قال كلمته دب الخوف فقلب مديحة الى حد ما ، بس صاحب الحق صوته عالى

محطتش فبالها

وجت مرة من مرات كتير رفعت بييجى لها المستشفى والحاحه فتجديد طلبه والمرة دى معاه الخاتم السوليتير ك شبكتها بنص مليون جنيه !

وفغرفة الممرضات كان الحوار ده ...

مديحة: ارجوك يارفعت بيه متجيش هنا تانى ، الكل بدأ يلاحظ وانا بشتغل هنا من فترة والكلام وحش ع سمعتى

رفعت:ياست مديحه انا مش همل من طلبي وعرضى عليكى تانى وتالت ، انا محتاجك انتى و سارة فحياتى

انا لوحدى كل الى حواليا طمعانين فيا ، محدش بيعوز يشوفنى الا لمصلحته حتى ابنى

انتى وسارة الوحيدين الى قدمولى ومخدوش

ده رجاء منى انك تقبلى وتفاتحى سارة ونعجل بالجواز ، انا عاوزكم معايا

ارجوكى ياست مديحة (مسك ايديها )

مديحة: (بتوتر بتحاول تشيل ايدها ) يا رفعت بيه انااااا.....

وبالصدفه دخل عم جمال وشاف رفعت ماسك ايدها ، واصطاد فالمية العكرة !

عم جمال: (بصوت عالى وواقف عالباب) ايه ده ياراجل انت ، انت فمستشفى محترمه

وانتى ياست مديحة ياربة الصون والعفاف

ايه المنظر الى شوفتك فيه ده

مديحة: منظر ايه ياعم جمال وطى صوتك

عم جمال: اوطى صوتى ليه خلى كل الناس الى هنا تعرف الست مديحة ملاك الرحمة كانت بتعمل ايه هى وراجل غريب فالاوضه لوحدكم

رفعت بيه: ايه يا راجل انت الى بتقوله ده انت كداب

خرج عم جمال وبصوته العالى جمع الممرضات والدكاترة والعاملين فالمستشفى وفضح مديحة بكلام سئ ومش صح عشان يغطى ع عملته الى هى عارفاها

ويبقى اتغدى بيها قبل م تتعشي بيه!

مديحة: محصلش ، الراجل ده يا جماعة محترم مفيش حاجه من الى اتقال دى حصلت صدقونى (عيطت)

ممرضة :(بتتغاظ منها ومن اوامرها عليهم عشان شايفه شغلها ) ايوة كده اظهرى ع حقيقتك يا مية من تحت تبن

ممرضة ٢: حرام عليكى الست مديحة مفيش ف ادبها ولا اخلاقها ابدا

مديحة: ياناس محصلش الراجل ده كداب

فوسط انهيار مديحة وناس بتهدى وناس ضدها ، لقى رفعت ان جه دوره الى لازم يلعبه صح .

رفعت بيه : الست الى انت اتكلمت عليها كده يابنى ادم انت فيوم هحاسبك حساب عسير انك لفظت فيوم بكلمة خارجه عنها

لأنها ست محترمة جدا وكلها ايام وتبقى مراتى !

مديحة اتفجأت وكل الموجودين بالخبر ده ...لكن مديحة مبقاش قدامها اختيار تانى

ومعادش ل رفضها لزوم

بقى امر واقع ولازم تقبله ....وتبقى حرم رفعت باشا نصار قريب جداا....!

~~~~'''''~~~~~''''''~~~~~~~'''''

ح(6

~~~'''~~~~'''''~~~~~''''''~~~

سابت شغلها فالمستشفى بعد الى حصل ، لكن لاول مرة تخبي ع سارة بنتها

ولما سألتها ع سبب غيابها من الشغل

قالتلها انها واخدة اجازة عشان تراعى سارة الى تعبانة بالانفلونزا .

سارة :(بتعطس) ماما انا كويسة ع فكرة ارجعى شغلك بقى

انا عارفه انك بتضايقى من الاجازات وخدتى ع انك تتحركى طول الوقت

مديحة: (جايبة عصير ليمون) يووووه وبعدين معاكى ياسارة ،يلا اشربي اللمون وخدى البرشامه دى

كانت بتتهرب من تساؤلات بنتها ونظراتها ، حاسه ان الى حصلها ده عار انها تحكيه حتى لو مغلطتش

او انها من الاساس تفتح سيرة ان حد عايز يتجوزها بعد السنين دى كلها.

وبليل....

كان الحبيب المتيم عرف ان سارة تعبانه من صوتها ، اثناء مكالمة فون :..

خالد: يابنتى لازم تكشفى صوتك تعبان اوى

سارة: والله انا تمام شوية برد وهيروحوا

خالد : طيب والكحه دى ، مينفعش تكابرى فالتعب ياسارة

سارة: اصلا ماما واخدة بالها منى اووى وخدت اجازة عشان تقعد معايا ، متقلقش بقى

خالد: طيب حاولى تشربي حجات سخنه كتير وتاخدى بالك من نفسك

برد الصيف رخم جدا وبيطول

سارة : انا فرحانه اوى انك خايف عليا كده ، اصلا اصلا محدش بيخاف عليا كده غير ماما

خالد: هو انتى متعرفيش قيمتك عندنا ولا ايه يا آنسه سارة يابتاعت الروايات الرومانسية

سارة: ههههههههه

خالد: عايزك تاخدى بالك اوى من نفسك عشان جايبلك رواية جديدة مفجأة

سارة: (قامت من مكانها بفرحه ) بجد!

جايبلى ايه جايبلى ايه

خالد : لا لالا لما تاخدى بالك من نفسك وتخفى ماشي ...يلا عشان تريحى شوية ومتجهديش صوتك فالكلام

دخلت مديحة ع سارة معاها طبقين شوربة وسلطة ...

سارة :(بتوتر) طيب ياجوجو باى بقى اكلمك بعدين (قفلت)

خالد :(بص للفون ))،باستغراب جوجو !!

مديحة: قفلتى مع جهاد بسرعه ليه لما دخلت

سارة :ها! اصلها رغاية اوى وانا زورى واجعنى من البرد ، الله شوربة مديحة اللذيذة

ده انا جعانه اوى

مديحة : بالهنا والشفا يا حبيبتى

وبعد شوية كتيير ....الباب خبط ،قامت مديحة تفتح الباب ملاقتش حد !

لكن لاقت بوكس فيه ادوية كتير وورقه مطبقه ..بصت يمين وشمال وخدتهم ودخلت

سارة: (بتتفرج عالتلفزيون ) مين يا ماما ؟!

مديحة: (ماسكه البوكس وبتقلب الورقه فإيدها) معرفش مين حد ساب العلبة دى وفيها ورقه

سارة خدت منها الحجات والورقه فتحتها لقت مكتوب فيها

"دى كل ادوية البرد والانفلونزا والكحه الموجودة فالصيدليات ، خديها بإنتظام عشان نفسك غالية عندى

لو حتى نسيتى نفسك واهملتيها ...انا فاكرك

خالد ."

سارة : ااااااااااه ياقلبي هيغمى عليا ،حتى لو نسيتى نفسك واهملتيها انا فاكرك ااااااااه

مديحة: (خطفت منها الورقه ) ايه يابت المكتوب فالورقه ومين باعت الخجات دى

فتحت الورقه وقرتها وبصت لسارة بعيون خبيثة لكن نظرة تضحك وقال يعنى فقستها.

مديحة: هتحكى ولا هتفضلى مستخبيه ورا المخدة للصبح ؟مين خالد ياست سارة

سارة : هعترف يامديحه من غير ضرب

صل عالنبي

فاكرة لما رفعت باشا ادانى فلوس كتير اجيب حجات وساعتها جبتلك الساعة الهدية ؟

مديحة: اه

سارة : اهو اليوم ده بقى ....انا شوفته هييييييح خالودى

مديحة: (ضربتها بهزار) اتعدلى ! واتكلمى مظبوط

سارة : حاضر دخلت محل هاى كلاس اشترى وقابلنى واول م قالى

حضرتك بتدورى ع حاجه معينه ... ..

وكملت سارة الحكاية من الالف للياء ....لكن فاضل حكاية مديحة الى شكلها مش هتستخبي كتير عن سارة .

~~~'''~~~~'''''~~~~~''''''~~~

"سيف ابن عمك مين ده الى احبه ؟ انت شارب حاجه ياهانى ؟"

هانى : اسمعى بس ، عمك هيتجوز صح

تمارا : اه

هانى : والجواز فالسن ده يعنى ميت ميت وخصوصا بقى لو كانت العروسة صغيرة

تمارا: اخلص عندى مذاكرة ياهانى

هانى : اسمعى الكلام الى احلى من مذاكرتك وكليتك والحمص الى انتى فيه ده ، عمك طبعا مع الجواز والدلع والهئ والمئ هيقطع ميه ونور

ويموت

ساعتها هيورث كل حاجة مين ؟

تمارا : (خبطت ع الورق قدامها ) اووووف صبرنى يارب

هانى : سيف ....سيف وريثه الوحيد وهياكل كل الياغمه الى انتى شايفاها دى لوحده

المصنع والشركات والسرايا وهلم جره

لما تحبييه فيكى من دلوقت ع م عمك يتجوز وعزارئيل ييجى يعزمه ع رحلة ابدية

يكون سيف اتعلق بيكى ، واتعلق يعنى هيتجوزك وجواز يعنى ثروته هتبقى ثروتك

اشطا ؟!

تمارا: اولا ياهانى انت تافه اوى ، ثانيا سيف ابن عمك مين الى احبه ده بنى ادم عنطوز وشايف نفسه

ودمه يلطش ومحدش بيحبه ...عايز تدبسنى انا فيه !

هانى : ياستى الفلوس المتلتله الى هيورثها هتخلى دمه شربات اسمعى الكلام

تمارا : لأ طبعا مش هعمل ده، انا مش فاهمة ازاى عامل صاحبه وبتفكر كده

هانى :ياستى ده مش وقت صحوبيه ده وقت مصالح ...اخلصى بقى جاتك البلا وش فقر ، ياريت كانت عندى اخوات بنات غيرك ولا كنت انا بنت ومفوتوش من ايدى

تمارا :هههههه بسيطة روح اعمل عملية واقلب انثى

هانى : (ضربها ب ادواتها ع دماغها ) طب اتنيلى ف الى انتى فيه ، انا غلطان انى كلمتك

تمارا : شطور يلا خد الباب فايدك

هانى :(طالع وفتح الباب نص فاتحه ) يابت فكرى نصه لبنانى وعيونه زرقه وايده فيها عروق وعنده تفاحه ادم وانتو بنات وتفاهين وبتحبوا الحجات دى وهتغرقى فمسلسل تركى مدبلج للصبح

والعمى بقلبك ويقصف عمرك قول ان شالله والحجات دى

تمارا :(حدفت عليه قلم ) برررررة ياهاااااانى !

~~~'''~~~~'''''~~~~~''''''~~~

ابتسامة عريضه ع وش سارة ومسكت مامتها وباستها اوى .

سارة : وافقى طبعا ، ده رفعت باشا ده كنز اولا هيرحمك من الشقا والتعب الى تعبتيه طول عمرك

ثانيا ياماما لازم بقى تعيشي حياتك ..انتى لسه موصلتيش ال ٤٥ ياماما الى فسنك لسه متحوزوش

لازم تعيشي حياتك الى فنتيها عشانى

مديحة: (مستغربه) سارة انتى مبسوطة ؟!

سارة : ايوة طبعا ، (قامت من مكانها تلف فالاوضه) انتى عارفه جوازك ده يعنى ايه

سرايا وعربيات وهدووم كتير

موبيلات وفلوس

ماما احنا تعبنا كتير ...ورفعت بيه ده اكيد بيحبك مدام من زمان بيلح عليكى وانتى رافضه

حتى مشكلة المستشفى مش هينفع ترجعى تانى الشغل بعد م اتهموكى اتهام باطل كده

تحسي ان ربنا سهلك الخطوات كلها الى تؤدى ل جوازك منه.

مديحة: ونسيتى الديك الشركسي الاستاذ سيف الى كل ما يشوفنا يهزئنا ويبهدلنا

ده بقى عمره م هيرضى بحاجه زى كده

ولو وافق هيطفشنا فعيشتنا

وليه يابنتى ؟!

احنا حياتنا كده كويسة اوى ، مش محتاجين راجل فيها

وان كنت هحتاج راجل فهحتاجه ليكى تتجوزى انتى مش بعد العمر ده اتجوز انا!

سارة : وان قولتلك انى عايزة الجوازه دى تتم وبشدة تقولى ايه ؟!

مديحة: ليه يا سارة احنا مش محتاجين ،انا عمرى قصرت فحقك يابنتى

سارة: لا يا ماما عمرك م قصرتى ،عشان كده بقولك كفاياكى تعب وآن الاوان تبقى هااااانم .

مديحة سكتت واستغربت رد فعل بنتها المفاجئ وواضح اوى ان مفيش اى حد فصفها

وكل الضغوطات جاية ضدها مش معاها .

~~~~~~'''''~~~~~'''''''''~~~''''''''~~~~~~~

فوق جبال جيليديه ....

فبيروت عاصمة الجمال ، كان بيلعب رياضه التزحلق عالجليد مع مامته واصدقائها .

كان مستمتع بوقته لابعد حد

مبسوط وتلقائى

التكشيرة اتفكت عن وشه المعقودة ٢٤ينة فمصر فالشغل وقدام باباه ...

والى يشوف سيف بالروح الحلوة دى يحس انه كائن تانى خااااالص ، وكأنه تلميذ اخد الاجازة وطالع رحلة مع اصحابه يفرغ فيها كل طاقاته وتعبه .

ولا ع باله الى بيجرى فمصر اطلاقا

لكن الى كان الخبر بالنسبة لها مفجأة متعديش ...خبر جواز الست مديحة لما سمعته جهاد !

ولكم حق التخيل

جهاد: جواز ايه شالله يبتليكم ربنا بداء المية ،انا قولت انتى هتتجوزى يا مرار تقومى تقوليلى امك

قال وايه عازمانى

سارة: هههههه كنت عارفه انك مش هتعديها ياجوجو ، اصلا ماما وافقت بطلوع الروح

جهاد كمان امك الى ع تتشرط ! حقه بطلو ده واسمعو ده

سارة : حرام عليكى يا جهاد اسمعى بس ، ماما مكانتش عايزة جواز من بعد بابا انا الى زنيت عليها

جهاد : طيب هى ست عاقلة وكامله بتخليها تمشي وراكى ليه يافقريه شالله قطر يحشك حش

سارة : ماما كبرت يا جهاد ، ولازم ترتاح كفاية شقى وسط المستشفيات والعيانين

لازم تعيش

وتعيش برنسيسة كمان

الراجل ده هيخليها تعيش احلى ايام حياتها انا متأكدة

جهاد : وولده هيخليكوا ترموا روحكم تحت تورماى وانا متأكدة بردك

سارة: اصلا ابنه مالوش دعوة ، يخبط راسه فالحيط الامر حصل خلاص

ومجبور يعاملنا ب منتهى الادب والاحترام

جهاد: والله م مجبور ولا حزن ، ده اول ما بيشخط لك الشخطه بتتقلبي سحليه بديل فثوانى

سارة : هاها كان زمان من هنا ورايح فيه الجديد

جهاد: ويطلع ايه الجديد ياخيتى ...البوم لمحمد اب منير

سارة : هههه لا ياعسل الجديد اننا زينا زيه دلوقتى وعندنا حماية من باباه رأسآ...سيلك من ده كله

المهم هتيجى حفلة الزفاف فالسرايا ولا لا ؟

جهاد : لا يابوى مش هاجى حفلات فسرايات ،الدكتور مانعنى من الشطة والحاجه الى تعلى الصغط !

~~~'''''~~~~~'''''''''~~~''''''''~~~~~~~

عربية فارهة ....

بتوقف قدام المحل الى بيشتغل فيه خالد ، نزلت منها مديحة وسارة

ودخلوا المحل وسارة بتتنك وكأنها بتتصور بكاميرا !

سارة :تعالى يا ماما ،هو ده المحل فيه كل حاجة

ماركتينج :اؤمروا اى خدمة نقدر نقوم بيها

سارة :لا انا عايزة الماركتينج خالد يكون مرافقنا

جه خالد من بعيد ورحب بيهم ....

سارة: ماما هو ده خالد ، خالد ماما عروسه وعايزين نجيب كل حجاتها من هنا

منسيبش فتفوته

خالد :(استغرب كلمة عروسه ) مبروك يا فندم وتحت امرك

خدهم وبدأت رحلة الشوبينج وهما معديين ضربه ع كتفه زميله وغمزله

خالد :(بصوت واطى )خليك فحالك يالا

رامى :دى تدبيسة رسمى يامعلم هههههه اشرب

يوم شوبينج طويل ، ويوم باديكير وكوافير

والعربية والكريدت تحت امرهم

والعروسه جهزت والعريس كمان ....عمل حفلة صغيرة عزم فيها الاقارب بس

ورغم تصميم الباشا ان مديحة تلبس فستان فرح لأنها ملبستش فالمرة الاولى لأسباب ، الا انها رفضت ولبست طقم شيك وكانت محجبة زى ماهى

لكن سارة الى لبست واتزوقت والكوافير حولها تماما ....

المأذون كتب الكتاب وكانت سارة فرحتها اكبر من مديحة ع عكس صادق اخو العريس الى بياكل نفسه من الغيظ وبيحكى مع ابنه ع جنب .

صادق:شايف الى انا شايفه ، ست مش عجوزة زى م اتوقعت يافالح وصغيرة وواضح انها واكله عقل عمك ع الاخر

هانى :لا وبنتها واضح انها م صدقت ، وبتستعرض كأنها ففيلم سينما

صادق: بس تعرف فيروز عندها حق ، ممرضة وبنتها عايزهم يكون شكلهم ازاى

هانى :بس الولية دى احلى من بنتها مليون مرة ،الخوف لا يدبس سيف فالبت ونطلع من المولد بلا حمص

صادق:المفروض اختك تتشطر كده وتحاول تنقذ مايمكن انقاذه

هانى :يارب يابابا، الغريب ان عمى تم الجوازه قبل سيف م يرجع من بيروت كأنه خايف منه

صادق:طبعا ده ممكن يخربها ع راس الاتنين ، خلى بالك عمك بق عالفاضى بيعمل نفسه جامد

لكن بيخاف من ابنه لعلمك

هانى :هنشوف

ووسط الجمع السعيد ، خلصت الليلة وطلعوا العرسان ع جناحهم .

وطلعت سارة لأوضه مخصصة ليها وفيها كل انواع الترفيه موفرة ليها ....طلعت ع سريرها تتنطط ومش مصدقه نفسها .

ومبطلتش تنطيط ولعب غير مع رنة خالد ...

سارة :الو ...خاالودى

خالد :انتى قولتى هتحكيلى ، ايه الى بيحصل بالظبط

سارة :طيب فتح ودانك معايا ، عشان انا نفسي مش مصدقه

بص ياسيدى

~~~'''''~~~~~'''''''''~~~''''''''~~~~~~~

والهونى مون بدأ ، وقرر رفعت يكون حنين وشيك لابعد الحدود لدرجة ان خدم السرايا كانومستغربين عليه .

سافروا التلاته، وكانت اول مرة سارة ومامتها يشوفو جمال اماكن فمصر احلى من اى بلد برة .

صور وضحك ولعب ...

اسبوع عدى بسرعة ، وبدأت مديحة الى كانت خايفه من الجوازه دى ومش عايزاها تتم ...تفرح بيها وتحبها.

وبعد رجوعهم من الهونى مون ..

رفعت : انتى قولتى انك عمرك م دخلتى سينما ، هندهل الفيلم ده وبعدها نروح السرايا

مديحة: يارفعت هندخل فالسن ده ، ده انا كنت بحكى معاك كده كلام وخلاص

رفعت:خلاااااااص انا اصدرت فرمان وعليكى الطاعه ، يلا يا سارة معانا

سارة : لا ياعمو رفعت روحوا انتو مش كفاية كابسة ع نفسكم طول الرحلة

انا هروح السرايا بصراحه اوضتى وحشتنى موووت وعايزة اعمل كام مكالمة

رفعت:انا قولت ايه ع عمو رفعت دى

سارة :خلاص يابابا رفعت اسيبكم انا بقى ...

انجوى يا موزتى (باست مامتها)

العربية اخدتها للسرايا واول م وصلت ، جت مكالمة من خالد

كالعادة نسيت نفسها فالكلام وكانت بتتمشي فالجنينة وحوالين السويمينج بول والحب مخليها مش شايفه خالص

وهى بتتمشى وهيمانه فمكالمة خالد خاااالص

...رجلها اتزحلقت وقعت فالبيسين ،وهى مش بتعرف تعوم !

قدرها الحلو ولا السئ .... ان سيف كان وصل وعرف بجوازه باباه الى تمت ومستحلف ، لكن فيروز والخدم مقالوش مين مراته وكأنهم خايفين من رد فعله ...

كان نازل عالسلم فالسرايا ورايح ناحية المكتب بتاع باباه وشاف خيال حد فالبيسين بيطلع وينزل من الابواب الإزاز ، قرب ولقى ان فى حد فعلا واقع وبيحاول يطلع وشكله ميعرفش يعوم

من غير تردد ولا حتى اتنبه لشكل الشخص مين ، خدها جرى من التراث للباب الإزاز لبرة ونط بهدومه البيسين وبيحاول يطلع سارة الى فقدت الوعى تماما .

حالة من الرعب امتكلت كل من فالسرايا وده لما سمعوا نطه سيف العاليه وصريخ سارة الى مش واضح .

واتلموا حوالين البيسين وطلعها بصعوبه ، بس سا رة فاقدة الوعى ومش بتتحرك !

نيمها ع ضهرها وابتدى يلقط انفاسه من الخوف والمجهود الزايد الى عمله من غير سابق انذار.

فيروز:(خايفه) ياساتر يارب شوفها كده بتتنفس ياسيف بيه ؟!

سيف من الخضه لسه ملحقش يتعرف عليها انها سارة شعرها كان جاى وشها ومغمى عليها .، اهم حاجة ينقذها وكان بيعمل ده من غير تفكير

حتى انه يسأل نفسه مين دى وبتعمل ايه هنا مجاش فباله .

ميل ع صدرها لقاها مش بتتنفس .

حاول يضغط ع قلبها مرة و٢ و٣

مفيش

مكانش قدامه غير حل واحد

سيف: واضح انها شربت ميه كتير ، مفيش غير حل ...لازم تفوق

فيروز والخدم كانوا مستغربين شهامته ولهفته ع انقاذها وخايفين من الى جاى لما يعرف دى مييييين !

قرر انه يعمل اى حاجة حتى لو كانت خارجه عن مبادئه المهم ينقذ روح من الموت !

وكان قراره هو قبله الحياة....

ميل عليها وبينفخ الهوا الى هيزيح المية الكتير من ع رئتينها عشان تتنفس وترجع ، مرة واتنين وتلاته

واخيرا بعد م اليأس امتلكهم ....

نفضت كمية ميه كبيرة من بوقها ومن غير قصد جم فوش سيف وهو مقابل لوشها ، وفاقت بنص وعى عيونها بتفتح قصاد عيونه ودراعه محاوطها ،،

لاقت نفسها لا اردى ...فحضنه !

~~~'''''~~~~~'''''''''~~~''''''''

ح(7

~~~'''~~~~'''''~~~~~''''''~~~

قرر انه يعمل اى حاجة حتى لو كانت خارجه عن مبادئه المهم ينقذ روح من الموت !

وكان قراره هو قبله الحياة....

وبينفخ الهوا الى هيزيح المية الكتير من ع رئتينها عشان تتنفس وترجع ، مرة واتنين وتلاته

واخيرا بعد يأسوا كلهم ...

نفضت كمية ميه كبيرة من بوقها ومن غير قصد جم فوش سيف وهو مقابل لوشها ، وفاقت لاقت نفسها لا اردى ...فحضنه !

بتفوق وبدأت تجمع هى فين ومين دول وايه الى حصل ...

سيف:انتى كويسة؟ شايفانى طيب

سارة :(بأرتباك ) هو انا لسه عايشه صح ، انا وقعت فالمية ووو

سيف: طيب خلاص انتى تمام ...قومى

قومها وسندوها فيروز والدادة وقعدت ع اقرب كرسي تاخد نفسها من الى حصلها وحاوطتها بفوطه ع كتافها،كان سيف عرفها

واتحول عالوش التانى .فثوان

سيف:ايه ده ! مش انتى بنت الممرضه

ايه الى جايبك هنا والساعة دى

فيروز : ده مكانها ياسيف بيه

سيف:افندم ! انتى بتخرفى بتقولى ايه

بنت الممرضه مكانها هنا ازاى

هو رجع جابهم تانى ...هيمرضوه برضو

هو لمه ستات وخلاص مش كفاية اتجوز

الدادة : (بخوف) احنا مالناش ذنب تزعقلنا ياسيف بيه، دى انسه سارة بنت الست مديحة(ببرجله) مرات رفعت بيه..

سيف: نعم !!!!

~~'''''~~~~~''''''~~~~~'''''~~~~~''''''~~~

قلب الام ..

حس بسارة انها مش بخير ، فقررت متكملش الفيلم وترجع السرايا وكمان كانت حجه اقوى لأنها مش متعودة عالجو الجديد الى هى فيه ده .ولأنها مكسوفه جدا.

وفأوضة سارة :..

مديحة: (بتبوس راس سارة بحب) الف بعد الشر عنك يا حبيبتى ، ربنا يحميكى يارب كنت حاسه والله ان فيكى حاجه

رفعت:الحمدلله قدر ولطف ، مش انتى دلوقتى احسن ؟

سارة : ايوة احسن الحمدلله

رفعت : فين الدادة ام هدى خليها تعمل لها اى مشروب دافى عشان متاخدش برد وكمان لازم تشرب شوربه سخنه

مديحة : انا هنزل اعملهم لها بنفسي ، واشكر سيف بيه ع انه انقذها

رفعت:سيف وبس يامديحه ده زى ابنك

سارة: ماما ادينى النوت بوك من شنطتى لو سمحتى

مديحة: سارة ارتاحى دلوقت عايزاها ف ايه بس

سارة: ماما انا كويسة والله ، هاتيها بس

رفعت هاتيها لها وخلاص يا مديحة ، انا رايح لسيف

مديحة: ثوانى انا جاية معاك (ناولت لها النوت بوك ومشيت

فتحتها بسرعه سارة ودونت تاريخ اليوم وكتبت ..

" انقذنى

برغم كرهه ليا ...انقذنى

هو ليه كده طيب مدام من جواه كويس ؟!

مش عايزة غير اننا نكون اخوات واصحاب واحكيله عن خالد ..عايزة احس ان ليا اخ كبير واحكيله كل حاجة

هو ليه سواد قلبك الكتير بيتدارى فجمال وشك ياسيف ؟!

•••••=====••••====••••====••••

خرجوا مديحة ورفعت سوا برة اوضة سارة وخبطوا ع باب اوضه سيف سوا ...

مديحة: انا كنت عايزة اشكرك ع انك انقذت سارة من الغرق ، جميلك ده فوق راسي العمر كله

سيف سمعها ومردش ، وده احرج مديحه جدا خلاها تمشي من الاوضه من سكات وتسيبهم لوحدهم .

رفعت: وانا كمان بشكرك، البنت دى فعلا غالية عندى

بس انت ازاى مديحه تشكرك ومتردش عليها ، مش هتبطل قلة ذوق بقى

سيف:(مقاطعه بعصبيه) وانت مش هتبطل رمرمه بقى

رفعت:رمرمة ! ابوك بيرمرم ياسيف

سيف:لما تتجوز حته ممرضه جربوعه تبقى بترمرم ، تحب اتجوزلك الخدامة وندخل تحدى سوا

رفعت:(ببرود) والله لو بتحبها انا معنديش مايمنع

سيف: لو سمحت ، حضرتك لازم تشوف حل للمصيبه دى وتخلصنا من الجوازة العرة دى فأقرب وقت ممكن

رفعت: اعتبره امر من سيادتك ولا ايه

سيف: احسبه زى م تحسبه (بضيق) كفايه بقى قرف البيت بقى مزبلة من الناس الى فيه

رفعت: آخر مرة اسمعك تتكلم ع مرات ابوك وبنتها بالطريقه دى ، خلى بالك مش عشان اتولدت فالعز وفبوقك معلقه دهب تفتكر انك ابن ذوات

احب افكرك ان ابوك فيوم من الايام كان افقر منهم ونحت فالصخر عشان يوصل لل انت فيه دلوقت

ده غير ان جدك مسابش غير ملاليم وكل الخير الى احنا فيه ده من ورث حورية الله يرحمها

سيف:اه ...مدام حورية الزوجه الاولى السبب فالخير الى انت فيه

ومدام فيولا الزوجه التانيه السبب فخسارتك فيوم من الايام واتسبب ده فإنك ترحلها ع بلدها من مصر وتطلقها وترميها فالشارع وتحرمها من ابنها

وبالنسبة بقى للست مديحه الزوجه التالته هتبقى مكسب ولا خسارة عشان افهم ...ولا هتوقف فموقف محايد هى وبنتها !

رفعت: مش هرد عليك ياسيف ولاخر مرة هحذرك ...تلزم حدود الادب وياهم مفهوم ؟

سيف:انا محدش يدينى اوامر ، ومن فضلك عايز انام

رفعت:(وهو خارج ) اومال انقذت البنت ليه لما انت بتكرههم اوى كده

سيف:عشان ببساطه مش ناقصه قتله تانى فالسرايا !!!

~~~~''''~~~~'''''~~~~~'''''~~~~~''''~~~''''

فالوقت ده كانت مديحة بتحضر شوربة ومشروب سخن ل سارة فالمطبخ بمساعدة الدادة وفيروز كانت معاهم.

الدادة : خلاص يا مدام مديحة ، لما تخلص كل حاجة هطلعهالك فوق

اتفضلى حضرتك

مديحة: ماشي يا دادة ...

خرجت من المطبخ للهول وفطريقها للطلوع لأوضه سارة ، بس وهى فالطريق سمعت كلمتين رجوعها تانى ....تقف تتصنت .مع ان ده مش من عادتها

بس سمعت كلمه خلتها تهتم تسمع الباقى .

فيروز:سيف بيه لحق البنت فالوقت المناسب ،والا كانت هتروح فيها

الدادة: ايوة وياعينى لسه شباب كانت هتروح فشربه ميه، جرى بسرعه ماشاء الله. عليه ولحقها

فيروز: اه ....انتى عارفه حسيت ان الزمن رجع بيا وبشوف نفس المنظر الى شوفته من سنين

الدادة: منظر ايه يا فيروز ؟!

فيروز :(سرحانه) انا حاسه كده انه طالع لعمه صادق فخفه الحركه وسرعه البديهة

حسيت ان التاريخ بيتعاد من تانى لما صادق بيه كان هنا وساعتها ابن رفعت بيه الكبير رجله اتزحلقت وكان هيغرق وانقذه برضو لأنه كان صغير ومش بيعرف يعوم

فضل رفعت باشا شايها جميله ليه وكل م يطلب حاجه يديهاله.وخصوصآ الفلوس

الدادة: ابن الباشا الكبير !!؛ هو الباشا معاه ولاد غير سيف بيه ؟انتى هنا من قبلى بكتير من ايام مدام فيولا

فيروز :(بتشرب قهوتها وسرحانه ) هاه!! لأ قصدى سيف بيه طبعا ، بس يا دادة والنبي لحسن الحيطان ليها ودان .

الدادة: ادينى ساكته اهو ...هروح اطلع لهم الاكل

مديحة مشيت بسرعه عشان محدش يشوفها ويعرف انها سمعت ...وتبقى مشكله من لا مشكله .

~~~~''''~~~~'''''~~~~~'''''~~~~~''''~~~''''

وبعدها بيوم كانت الحكاية بتتحكى كلها لخالد وهما بيشربوا حمص الشام من ع عربيه عالكورنيش...

سارة: بس يا سيدى ،فكان لازم اجيلك اولا اشوفك عشان وحشتنى ثانيا عشان اخد رقمك من تانى لان فونى باااااظ وهشترى واحد جديد

خالد: (بوش متغير ) كويس

سارة : ايه هو الى كويس ، انت سمعتنى كنت بقول ايه كنت هغرق واموت

خالد: وعرفت ياسارة والدنجوان سيف عملك تنفس صناعى وفوقتى تانى ....كويس اوى (بنرفزة)

سارة: ومالك متنرفز كده ليه ،هو انا قولت حاجه غلط

خالد: لأ عادى خالص

عادى جدا ...واحد غريب يبوسك اسمعك وازغرط انا

سارة :(ضحكت بصوت عالى وسقفت كف ع كف ) متقولش!

بتغير عليا

انت بتغير ياخالد، وبيبوسنى ايه ده بينقذنى

خالد: (متبقيش مستفزة)وهو الى عمله ايه غير كده

سارة: لا قول بجد غيرت عليا ؟

خالد : اه طبعا غيرت واتخنقت كمان (شافها بتضحك مقدرش يمسك نفسه وضحك هو كمان )

سارة: خاااالد ! ده مجرد حالة عارضه حصلت فعمل كده لكن انا وهو اعداء جدا وبنكره بعض موووت ده لما عرف انه انا بنت الست الى بيكرهها كان الود وده يرمينى تانى فالميه

خالد: ماشى بس الموضوع خنيق، (لاحظ ضيقتها)ا

لمهم حمدلله ع سلامتك ومتحكيش فيه كتير بقى لانى بتضايق

سارة : مممم ماشى ..همشي انا عشان متأخرش

صحيح بقولك

عايزة عنوان شقتك

خالد:ليه ؟

سارة: عادى يابنى ....مش يوم الخميس عيد ميلادك

هخليك تقضى يوم عمرك م تنساه

خالد: (مستغرب ) اقضى يوم فشقتى !! مش فاهم

سارة : ملكش دعوة ومش ضرورى تفهم ، هات العنوان بالظبط ورقم فون مامتك

خالد: هههه وكمان رقم ماما ، ماشي ياستى بس برضو مش هتفهمينى فيه ايه

سارة: مممم لأ طبعا،،وملكش دعوة بالباقى

باى (بعتتله بوسه فالهوا وشاورت لتاكس ومشيت )

وصلت السرايا ، كان رفعت سايبلها خبر مع مامتها انها تروحله المصنع حالا اول م توصل ...

وفالمكتب الخاص بيه :..

رفعت: عاملة ايه انهاردة ياسارة ؟

سارة: الحمدلله بخير يا بابا رفعت

رفعت:طيب يا حبيبتى ، انا قولت للحسابات فالشركة اول م تعدى عليهم يصرفوا شيك ب مبلغ عشانك

سارة: (بفرحه) مبلغ عشانى ؟! ليه

رفعت: عشان تجيبى موبايل جديد بدل الى باظ ، وتانى حاجه بقى مينفعش تروحى وتيجى بتاكسي

انا امرت اشتريلك عربية وسيف هيساعدك فشراها ...وفظرف تلات اسابيع هتكونى متعلمه السواقه ورخصتك طلعت وبتسوقى لوحدك

سارة: (اتنططت من الفرحه وجريت باسته) بجد!!

انا هطير من الفرح !

شكرا شكرا اوووووووووووووى يا احلى بابا

خرجت وراحت عالشركة ....قابلت سيف الى اخد الفلوس من الحسابات وهو بينطط قدامه ٨٠عفريت

سيف:مش فاهم ايشمعنا انا الى اجيب معاكى العربيه ، ومش عارف اصلا انتى تركبي عربية ليه

سارة: (ببرود) عشان بابا رفعت الى قال كده

سيف: بابا رفعت! (متغاظ وميل عليها) تعرفى العز الى شوفتيه من غير مناسبه ده هطلعه عليكى عذاب الوان انتى ومامتك ...هتتمنى ترجعى تانى لحياتك ومش هتعرفى

سارة خافت ومردتش قالت الطيب احسن والافضل انها تستمتع بلحظة السعاده دى .

وطلعوا ع محل العربيات وهو فمنتهى الغيظ وشوية وهيولع ...

سارة :قولى ياسيف اجيب دى ولا دى ها

سيف: قولى ياسيف!!! اسمى الاستاذ سيف والاحلى لو قولتى سيف بيه هتليق عليكى اكتر

سارة: وانا اقولك يا استاذ سيف ليه بتدرسلى ففصل ؟

انا زيي زيك بالظبط

سيف:زيك زيي انا !! صبرنى يارب

معملش جريمه انهاردة

سارة: المهم قول انهى احلى

سيف: معرفش واخلصى ورايا شغل مش فاضى للعب ودلع البنات الفاضى ده

سارة: وع فكرة انا شغل برضو وباباك طلب منك ترافقنى لحد م اشترى عربية مناسبه ،وانا لسه مقررتش

سيف: يا الله ! الله يخلصنى من هالمصيبه

سارة: وبفهم شامى وسمعتك ولو سمحت نتعامل باحترام سوا ...اوك (بغلاسه)

استقرت ع عربية واشتراها ليها وهما خارجين هو كان بيسوقها وهى فرحانه اوى ، كان بيكلم نفسه

سيف: وجرابيع الشوارع بقالهم عربيات ، هتعمل فيا ايه تانى يا رفعت باشا

سارة: بتقول حاجه؟

سيف:(بصلها بصه احتقار ومردش،)

سارة: يااااه نفسي الف بيها الدنيا كلها واجيب اصحابي يتفرجوا عليها

سيف: بدى حدآ يفوقنى من هالكابوس ( داس بعنف بنزين بزيادة)

سارة: من فضلك ياسيف بالراحه ع عربيتى ومتسوقش بعنف كده لا تبوظها بسرعه

سيف داس بعنف بنزين خلاها تطير فوق الارض وهو بيستخف بيها بصوت مسموع شوية

"محدثين نعمة !!"

~~~~''''~~~~'''''~~~~~'''''~~~~~''''~~~''''

الفلوس كترت مع سارة ...

وده شجعها تعمل عيد ميلاد محصلش لخالد ، اتفقت مع كل اصحابه عن طريق زميله فالشغل عرفت توصل للباقى

وعزمت من ناحيتها كام بنوته من اصدقاءها فالجامعه من ابناء القاهرة ..

كلمت مامته واتفقت معاها ع كل حاجة ومن الصبح بدرى بدأت التوضيبات ...

بالونات هيليوم كتييير فكل انحاء البيت ، وشمووع وتورتة كبيرة بإسم خالد

وجابت له هديه شييك جدا وغالية جدا وظبطت شقته وراحت ع معاد رجوعه من الشغل اخدته ...وطلعوا ع شقته الى فمكان شعبي الى حد ما...

واول م حط المفتاح ودخل فرقعوا فوشوا الصواريخ صحابه وبصوت واحد وجماعى

"هااااابي بيرث داى تو يووووو"

"هابي بيرث داى تو خاااالد "

انبسط اوى وسلم عالكل ،باس مامته وكان مبسوط اوى.

واستغرب ان فوقت قصير سارة عملت له كل ده ، بعد الاحتفال وتقطيع التورتة وفتح الهدايا

وبعد تقضيه وقت جميل..

ابتدى المدعويين يمشوا حد ورا التانى ، ومبقاش غير خالد وسارة ...وكام حد كده

الام (مامت خالد): والله يا بنتى فرفشتينا وبسطتينا

سارة: دى اقل حاجه ممكن اعملها لخالد يا طنط

الام: خالد بيقولى ان مامتك كانت بتشتغل رئيسه تمريض فمستشفى الكاتب الاستثمارى

سارة: اه بس سابت الشغل واتجوزت(ابتسمت )

الام: انا كنت رئيسه التمرجيات فمستشفى المروة بس خلاص طلعت عالمعاش

كنت عايزة اتعرف ع مامتك

سارة: ان شاء الله ف اقرب وقت يا طنط

الام: وهى اتجوزت مين

خالد: خلاص بقى ياماما

سارة: لا عادى ياخالد ، اتجوزت رفعت بيه نصار صاحب مصانع نصار للأغذيه

الام :(سرحت ) ااااه افتكر سمعت الاسم ده قبل كده

يلا اسيبكم بقى دوشتك بأسئلتى

سلمت عليهم مامته واستأذنت ودخلت نامت ...

وكان خالد وسارة واخدين كورنر لوحدهم:..

خالد: بجد مش مصدق انك عملتى كل ده غلشانى

سارة: اهم حاجة تكون مبسوط

خالد: جدا ،اناعمرى اصلا م فكرت احتفل بعيد ميلادى

سارة: ليه

خالد: عشان يوم زى اى يوم ،او يمكن عشان ماما ست كبيرة مالهاش فالحجات دى

هحتفل مع مين

سارة: بس دلوقتى انا وياك ...مش كده ومن هنا ورايح

لازم نحتفل بيه

خالد: سارة

سارة: نعم

خالد: تعرفى ان فالاول بجد كنت بحس اننا اصحاب

لكن دلوقتى مبقتش اقدر استغنى عنك

سارة: وانا كمان يا خالد ، بقيت بحبك اوى

رغم انك مش بتقولهالى كتير ..بس انا بسمعها فكل كلامك ليا

خالد: قلبك كبير اوى وحاسس ان كل ده كتير عليا

سارة:الكتير قليل علشانك ياخالد

خالد: طريقتك دى بتشجعنى اطلب منك طلب انا جاد جدا فيه

سارة :(بلهفه) اؤمرنى

خالد: (اتنهد) فالاول كان يمكن لو طلبت منك حاجه كان نفع، دلوقتى

مش هينفع

انتى بقيتى فمستوى غير مستوايا خالص

سارة: خالد ايه الكلام الى انت بتقوله ده ...انا زى م انا مفيش شئ اتغير

وان كان عشان مستوانا اتغير بجواز ماما

فده عادى يعنى موصلناش القمر

برضو بحبك

خالد: يعنى اتجرأ واطلب

سارة :(ببصة حب ) الى انت عايزه ...ها

عايز ايه

خالد: سارة انا بحبك ....وعايزفأقرب وقت اتقدملك و اتجوزك

موافقه ؟!

سارة: تتجوزنى ؟!

اول م خالد قال الكلمة دى ، مرة واحدة افتكرت سارة حاجه معلقه فذاكرتها اوى

فلاش بااااااك ...

سارة : طيب هتجوز الى بحبه ؟ ولا هيمشى زى الى مشيوا

الست بتاعت الودع: عشقتى الى من دمه وهو ولا مكتوبلك

والى هيبقى فحشاكى ذريته ...فيه من اسمك!!!!

سارة رجعت من الذكرى بسؤال مفاجئ لخالد

سارة :خالد هو انت اسمك ايه بالكامل بالظبط ؟؟!

''''~~~~~'''''''''~~~''''''''

(8

•••••=====••••====••••====•••••

خالد: يعنى اتجرأ واطلب

سارة :(ببصة حب ) الى انت عايزه ...ها

عايز ايه

خالد: سارة انا بحبك ....وعايزفأقرب وقت اتقدملك و اتجوزك

موافقه ؟!

سارة: تتجوزنى ؟!

اول م خالد قال الكلمة دى ، مرة واحدة افتكرت سارة حاجه معلقه فذاكرتها اوى

فلاش بااااااك ...

سارة : طيب هتجوز الى بحبه ؟ ولا هيمشى زى الى مشيوا

الست بتاعت الودع: عشقتى الى من دمه وهو ولا مكتوبلك

والى هيبقى فحشاكى ذريته ...فيه من اسمك!!!!

سارة رجعت من الذكرى بسؤال مفاجئ لخالد

سارة :خالد هو انت اسمك ايه بالكامل بالظبط ؟؟!

خالد: سارة ساعات بيبقى ليكى اسئلة فتوقيت غريب ، مالو اسمى باللى انا بكلمك فيه ده

سارة: قول بس خدنى ع اد عقلى

خالد: اسمى خالد ابراهيم حمدى

سارة: (ببرطمه) ابراهيم حمدى ! فين الى فيك من اسمى

خالد: اسمك ايه انا مش فاهم

سارة: دى حكاية كده مش سايبه دماغى ، لما كنت فسانت كاترين قابلت ست عرافه شافتلى الودع بيقول هتجوز واحد فيه من اسمى

وانت مش فيك اى حاجة من اسمى ولا حتى حرف

خالد: ده هبل ياسارة معقوله تحطى كلام الدجل ده فدماغك ، المهم دلوقتى انا مصمم اعرف رأيك ايه

موافقه ؟

سارة :(استغربت جدا واتفجأت جدا جدا بتصميمه الزايد ) انت بتتكلم جد ! ياريت

انا موافقة جدا

خالد: تحبي افاتح ماماواطلبك من مامتك امتى ؟

سارة: لا استنى ، حيلك شوية

عايزين نصبر فترة كده عشان انت عارف موضوع جواز ماما لسه جديد وكده

خالد: اوك زى م تحبي

سارة: بس عامة انا هقول لماما عالخبر الحلو ده ....

قامت تستعد انها تمشي

سارة: كل سنة وانت طيب يا خالد ...همشي بقى

عايزة اقولك انى فرحانه جدا

بااااااى

نزلها واستناها تركب العربية الى موصى رفعت تكون تحت امرها ، وطلع وهو مبسوط

وهى كمان مشيت مبسوطة .

•••••=====••••====••••====•••••

"جواز كده مرة واحدة!"

سارة: ايوة يا ماما اومال ع مرتين

مديحة: لا يا سارة لا انا مستعدة لجوازك دلوقت ، ولا سنك يشيل مسؤليه اصلا

سارة: ماما انا عندى ٢١ سنة انتى اتجوزتى اصغر منى

مديحة: انا عندى ظروف غيرك ، وبعدين انا مش مستعجله عليكى

لسه بدرى

سارة: (ابتدت تضايق زى العيال) ياماماااااا بس انا بحب خالد وعايزة اتجوزه

مديحة: هو كلام عيال ولا ايه ، الجواز سداح مداح كده

ده مسؤليه وبيت وعيله

وبعدين خدى هنا ، انتو تعرفو بعض اد ايه عشان تقرروا انكم تكملوا وتتجوزو

مش يمكن لعب عيال زى هشام والى قبله

سارة: لا يا ماما هشام ايه ده الى بتساويه بخالد ، خالد ده حاجه تانيه

انا متأكدة انى المرة دى اخترت صح

مديحة: بس برضو خلى موضوع الجواز ده مش دلوقت ، وانتى خفى من خروجك معاه ده انتى بنت والبنت سمعه

سارة: ماما انا بشوفه مرة فالاسبوع وبقولك عليها ع فكرة وبقية الوقت بنقضيه واتس وفون بس

مديحة: ساارة عايزاكى تعقلى فتصرفاتك احنا مبقيناش وحدنا

سارة: عاقله يا ديحه متقلقيش (باست خدها)

عدت الساعات فالاحاديث السرية مابين سارة ومامتها ، وكان فى زيارة منتظراهم

من حاشيه رفعت باشا

صادق اخوه وهانى ....وتمارا. ومن حسن الحظ ان رفعت جه بدرى من الشركة وكان موجود معاهم ف استقبالهم .

مديحة: اهلا وسهلا شرفتونا

صادق: الشرف لينا يا مدام مديحة

هانى : والله يا طنط عايزين نتعرف عليكم من ساعه رجوعكم من السخنه ، بس عمو بقى ...

صادق: (غمز هانى ) وعنده حق انه يخبيكوا مننا

رفعت : ويعنى هخبيهم ليه يا صادق ، تعالو ف اى وقت

مديحة: لأ يخبى ايه ، احنا خلاص بقينا اهل

سارة : اسمك حلو اوى (ل تمارا)

تمارا: اه ميرسي

سارة: وحلو انك محجبه، مع انى استغربتك شوية

تمارا:ليه

سارة: عشان محجبه،انا اعرف الطبقه الكلاس بيبقوا عادى مش ملتزمين بالحجاب

هانى :(فسره تعليق ع كلام سارة) دى عبيطة دى ولا ايه

تمارا:(ضحكه بسيطه) الحجاب مالوش علاقه بالطبقه ،له علاقه بقوة التزامك بدينك

وبس

سارة: اه فعلا ، هو احنا ينفع نتصاحب ولااا

هانى :(فسره) دى هبلة هبله

تمارا:اه طبعا ، بقولك ايه تعالى نتمشي شوية فالجنينة

خرجوا البنات ، وفضلت مديحة مع هانى وصادق الى حست ومن اول وهلة انها مش متطمنه ليهم .

صادق:لا بس الحق يتقال، الست مديحة كلها ذوق وادب وواضح انكم متفاهمين

ع عكس من فيولا وحورية

مكانوش متفاهمين خالص

مديحة: حورية !

هانى : ايوة يا طنط حورية بنت عم بابا وعمو رفعت وام ...

رفعت: (قاطعه) م خلاص ياهانى ، انا هبقى احكى لطنط مديحه كل حاجة محدش طلب منك تحكى

هانى : انا اسف ياعمو

اما فالجنينة...

تمارا: انا بدرس صيدلة والسنة دى اخر سنة عندى

سارة: اه زيي كنت ف اخر سنة اداب فلسفه

تمارا: ومش لابسه الحجاب ليه بقى يا سارة ؟

سارة: هو انا كنت لابساه ....بس قلعته

حسيت انى عايزة البسه من جوايا

مش عشان تقاليد بلدنا البنت تلبس الحجاب من اعدادى يبقى البسه

تمارا: بلدكم ! هو انتى منين

سارة: من اسيوط

تمارا: ااااه من الصعيد

سارة: ملاحظتيش بشرتى السمرا

تمارا: اه لاحظت ، بس كيوته ع فكرة بس عادى مش لازم سمرا يعنى من الصعيد برضو هههه

سارة: متشكرة من ذوقك بجد هههههه

تمارا: تعالى نقعد فالبرجوله دى ونكمل كلامنا

سارة: يلا

الكلام كان كتير وده اداهم الفرصه انهم ياخدوا ع بعض من اول مرة ، والاتنين حسوا بإرتياحيه لبعض

والكلام كان فيه اسئلة موجهه من كل واحدة للتانية شوية

والدردشة كبرت واتعمقت وجابت فطريقها كلام عن رفعت وزوجاته ..وسيف !

صادق وهانى قرروا يقصروا وقت الزيارة السعيدة ، ع انهم سايبين تمارا مع سارة ع اساس انها بتعمل كده ليهم

لكن تمارا بتعمل كده من نفسها

مديحة بقى كان كلمتين فيروز ع كلمتين هانى وصادق عملولها برجله فدماغها ، هى متعرفش ولا حاجة من ده كله ...ومن حقها تعرف ...

فأوضتهم ..

رفعت: عايزة تعرفى ايه

مديحة: يعنى الى عايز تقوله يارفعت

رفعت :فيولا دى ام سيف من بيروت ، اتجوزتها من ٣٠ سنه كنت فزيارة لبيروت فصفقه واتعرفت عليها عن طريق الفندق الى نزلت فيه كانت بتشتغل فيه

اعجبت بيها واتجوزتها ،وجت معايا ع مصر

علمتها الشغل واشتغلت معايا فالمصنع وربنا رزقنى منها بسيف ابنى وبعدها حصلت مشاكل وطلقتها وسافرت ع بلدها

مديحة: وقدرت تسيب ابنها

رفعت: الولد من حقى ، لازم يطلع فالمستوى ده لو فضل معاها كان هيتعب جدا

مديحة: وحورية ؟؟!

رفعت بيتوتر لسيرتها ودى تانى مرة تلاحظ مديحه توتره فسماع اسمها ، اولها لما اخوه جاب اسمها

رفعت: دى كانت بنت عمى ، وزمان كان فى عهد بين ابويا وعمى انهم قاريين فاتحه من صغرنا اننا نتجوز

اتجوزنا ...من غير حب

ولا تفاهم

ولا حتى حاجه مشتركه ...قولت الواقع هيخلينا ناخد ع بعض

لما اعيش معاها وتعيش معايا

لكن كنا دايما فيه حيطان سد مابينا

لاحظت سكوته وسرحانه بس مصممة يكمل ، شغفها هيموتها

مديحة:وبعدين

رفعت: عملت حادثه وماتت ،الله يرحمها

مديحة عاوزه تسأل عن ابنه منها ، فيروز قالت ف ولد غير سيف كان معاه

وهانى قال ام ومكملش

هو مخبي ايه ، قررت تسأل بذكاء المرة دى

مديحة: وابنك منها ....فين !

رفعت اتفاجئ لكن لازم يقول ....شكلها فالسؤال انها متأكده من ده

رفعت: مات معاها فالحادثه

مديحة: غريبة يارفعت عمرك م جبت سيرة ان ليك ابن غير سيف ، كنت حكيت مش لازم افهم من كلام اخوك وابنه

رفعت: (ارتبك جدا) يمكن مجاتش مناسبه ، الله يرحمه بقى

مديحة: كان اسمه ايه ؟!

رفعت سكت وبص فعيونها بإنها لازم تكسب جولتها للآخر ...

•••••=====••••====••••====•••••

وتانى يوم عالعشا ...

كان وقت نادر الحدوث ان يجتمع مع رفعت ومديحة وسارة ع سفرة واحدة هو سيف

وده مش عشان هوحابب يجالسهم

لكن اخد قرار فنفسه انه ميسبش ولا جولة الا لما يصارع فيها ....لغاية م يوصل لهدفه

فشكلة الجوازه !

سارة :(ماسكة السيرفيس الاكل الكبير وبتتنطط حوالين رفعت وبتقدم فطبقه كميته الى عايزها)

رفعت:يابنت ياشقيه كفاية هاكل كل ده

سارة: ايوووووون لازم تاكله كله كله متسبش فتفوته

رفعت: يووووه عليكى ياسارة

مديحة: خلاص يا سارة اقعدى بقى وكفاية تنطيط

سارة:نووووو مش كفاية (مسكت العصير وبتشربه ب إيدها)

رفعت: الله ...احلى مرة شربت فيها عصير فحياتى

سيف:(خبط الشوكة عالسفرة بعنف) واحنا مش هنخلص بقى !

شعرك كله نازل فالاكل

اقعدى مكانك بلاش تنطيط القرود ده

سارة: والله انا بعيد عنك وبأكل بابا حبيبى

سيف: اتقى شرى يابت انتى

مديحة: لو سمحت ياسيف متكلمهاش بعنف كده حصل ايه يعنى

سيف:حصل انى حاسس انى بتعشى فسيرك مش بيت

رفعت:(ببرود) والله انا شخصيآ حابب الدلع الى بتدلعه ساره عليا زى باباها ، احسن م كنت كل يوم باكل لوحدى

سيف:ااااه طبعا ودلوقتى بقيت مبسوط من ساعة م شرفت المدام والانسة بنتها وقلبوا البيت مهرجان وركبوك ودلدلوا رجليهم !

رفعت:اخرس!

مديحة: استغفر الله العظيم

سيف:متضايقيش يامدام انا سايب السفرة وقايم لان بصراحه

نفسي اتسدت (رمى الفوطة عالسفرة)

طلع سيف ع فوق ، وبصت مديحة لبنتها حسستها انها برضو غلطانه

سارة: انا هطلع اتأسف له ،مكنتش اقصد والله انه يزعل بالشكل ده

رفعت:(بنرفزة)،متتطلعيش!هو اتعود ع كده قلة ذوق وبجاحه

انتى مغلطيش فحاجه ياسارة

ده بدل م يكون زيك فمعاملتك ليا

لأ مش عاجبه

مديحة: بس هى غلطانه ياباشا ، اطلعيله ياسارة

طلعت سارة لاقته واقف فشرفه كوريدور ،رافع راسه لفوق وبياخد نفس عميييق

سارة: انا آسفه ع اللى حصل تحت

سيف:( مش انتبه من الاساس ليها)

سارة: انت مبتردش ليه

سيف:..........

سارة: طيب سيبك من الى حصل تحت ، هو صحيح صحيح مامتك شامية

من لبنان يعنى

تمارا قالتلى كده ...وقالتلى كمان

سيف:(لف لها ومسك بوقها بإيدها) انتى بترغى كتير كده ليه ، مبتتعبيش

رغى رغى رغى

انتى مالك امى مصرية ولا شامية

بتدخلى ليه فخصوصيات غيرك

انتى صدقتى خلاص اننا عيلة واحدة وكلام الانشا ده ؟

ياماما خدوا يومينكم وهتترموا فالشارع الى جيتو منه ...واوعى تصدقى العربية والفلوس هيدوموا

انتو مجرد حثالة وبس!

سارة:بس بس بس حاسب ع نفسك ، متتنفخش اوى كده لحسن تفرقع

يا حبيبى متعملش فيها ابن ناس واحنا ولاد ٦٠ جزمة قديمة

بالعربي كده كلنا طلعنا القصر امبارح العصر وباباك قال لماما ع كل التاريخ من ايام م كان ممعهوش حق المواصلات

متتنفخش كده واعرف ان كلنا واحد

سيف: اوعى كده (زقها وكمل ع اوضته) قلة ادب وسفالة

انا هدفعكم وجودكم هنا غالى اوى

(دخل اوضته وقفل الباب بقوة)

سارة :(بتترييق ع كلامه بطريقه تضحك) انتو مجرد حثاله ! فاكر نفسه مين

ع رأى جهاد ضربة فعيونك الى شبه عيون البوتوجاز دى .

•••••=====••••====••••====•••••

الخناق والنقار ..

بقى اسلوب حياه عند سيف ومديحة وسارة وخصوصا سارة !

حتى بعد م اصبح وجودهم عادة فوشه ودام لمدة ٣ شهور واكتر ، المفروض يسلم انه اصبح امر واقع

لكن مش بيستسلم ابدا ...

وع سفرة الفطار ....

سارة: انا هنزل ياماما انهاردة اسحب ملفى وورقى من الجامعه

مديحة: سوقى بالراحه ياسارة، انتى برضو لسه مش متعودة

سارة: متقلقيش ياماما انا بقالى فترة تمام ومتعلمة سواقه كويس اوى

مديحة : هتعملى حاجه بعد ماتسحبي الملف ؟

سارة: هقابل جهاد جاية برضو تسحب الملف ومروحه فنفس اليوم هقضى معاها اليوم وحشتنى بنت اللذين

وممكن اشوف خالد...ده بعد اذنك يعنى

مديحة: يعنى لو قولتلك لأ مش هتقابليه ؟ ده انتى بت صوتك من دماغك وعنديه

سارة: بس مش عليك يا ديحة ياقمر ، باى باى حبيبتى

نزلت سارة وراحت الجامعه بعربيتها الجديدة ، ولبسها الشيك الماركه

واللوك وتسريحه الشعر

بقت لأصحابها حد تانى خالص

جهاد : واه واه واه ، ايا التغيير ده يابت الصرمه

امك اتجوزت وانتى فلت عيارك

سارة: يالهووووى ياجوجو امتى هخلص من لسانك ده(بتسلم ع اصحابها الباقيين)

جهاد: ايه اللبس والشكل دى ، فاكرة نفسك كديتى احلويتى وبقيتى البت خليفه ليلى علوى فالجمال عشان روحتى كوافير نضيف شوية

والله لو لميتى شارع يزوق فيكى. ، العفش هيفضل عفش

زميلتهم: يابنتى ارحميها ، ده حتى وحشانا وبقالنا شهور ماشوفناش بعض

سارة: سيبيها اصلا وحشنى الدوش الى كل م تشوفنى تديهولى

زميلة٢: بس شكل جوز مامتك ده راجل تقيل اوى ، عربية وحركات

سارة: ٥ فعينك

جهاد: قال يعنى هتحسد الامله بلافقر، (بتبص ورا سارة ) يوووووه ايه الى جاب الفقرى ده

زميلتها: ده شكله جاى علينا

سارة: مين يا جماعة

زميلتها: هشام

جهاد: قاطعه شالله قطر ياكل نص دراعه

سارة: (لفت ناحيته ) وده عايز ايه ده

هشام : ازيكم يا بنات ، ازيك يا سارة

جهاد: والله ازيكم يابنات بتطلع من بوزك سم كأنك بتقول ازيكم يا مقملات

هشام: انتى لسه قاعدة ياشيخه ماتموتى وابعدى عنى

جهاد: موته لما تطبق فزمارة رقبتك ، سارة مستنياكى عند الكافتيريا وخلصينا خلينا نروح

سارة: حاضر ، فيه ايه يا هشام عايز حاجه

هشام : ايه ده هو انا موحشتكيش ولا ايه

سارة: ياعم لخص وحشتنى ازاى يعنى ، وبعدين انا كان نفسي اجى ومش القاك وبرضو لاقيتك

برغم ان دى مواعيد تقديمات وسحب ملفات

جاى ليه بقى

هشام: ياستى باجى بدى كورسات هنا، مش ده موضوعنا

ايه ده التغيير الى انتى فيه ده

والعربية دى بتاعتك صحيح

سارة: اووووف ارحمنى يارب ، وانت مالك بتاعتى ولا لأ

ليك دخل فحاجه

هشام: سارة انا عيدت نظر ولاقيت انى كنت غلطان لما سبتك ، احنا لازم نرجع لبعض

سارة: رجعت المية من زورك يأبعيد ....روح يا هشام لحالك

فى حد يطلع من حفرة بالعافيه ويروحلها تانى برجليه؟!

سابته ومشيت وهو متعجب لها جدا ، بقت اقوى

ياترى من الفلوس ولا بحبها لخالد !!!

••••=====••••====••••====•••••

وفعربية سارة ، كانت بتلفلف هى وجهاد وجالها فون مهم ....

سارة: بابا حبيبى ، ايوة يا بابا الحمدلله

جهاد: (فسرها ) بابا !! اومال رجع من قبره ياك ؟ يلا كل شئ جايز

سارة: مممم حاضر من عنيا

تسلملى

قفلت المكالمه..

جهاد: بابا مين يا ابله ؟ الله يرحمك ياعم ثابت ويبش بش الطوبة الى تحت دماغك

سارة: الله يرحمك يابابا ، يا حمارة هتفضلى طول عمرك حمارة

ده بابا رفعت جوز ماما

جهاد: ااااه بابا رفعت جوز ماما ، وباباعبده ع تقوليله ليه بابا جاكى بو لما يشتح قلبك

قوليلو ياعمى ياخالى اى زفت مش كفاية ساكتين ع جوازة امك بلا مرار

سارة: لا بقى اقوله يابابا ، واحد وحنين معايا جدااااا جداااا بيدينى فلوس بالهبل وانا حيالا بنت مراته

ركبنى عربية محلمش بيها

لبست واتشيكت ودلوقتى عايزنى اجيب ورقى ويعينى فشركته وانا لسه خريجه

فى احسن من كده

جهاد: ممممم والله م عارفه نقولك ايه ، عالعموم ربنا يعجل بأجله عشان تورثوه وتدونى اى حاجة من الاملاك دى حتى لو قيراطين قمح

سارة: هههههه بعد الشر ، انتى بقى هتعملى ايه

جهاد : هقدم فمدارس عندنا وربك كريم ، اصل عنديشى بابا عبده يودينى شركات يابوى

اطلعى الله يرضى عنك

بس ع مهلك خلينا نروح بيوتنا سالمين

سارة: ههههههههههههههه ماشى

•••••=====••••====••••====••••

اما بعد خروجه جهاد

فضيت لخالد ، وحب يحتفل بمناسبة تخرجها ع طريقته وهو عزومه فبيته مع مامته

بعد الاكل والانبساط

فاجئت سارة خالد بأنها موافقه يروح يتقدم لها ويطلب ايدها من جوز مامتها رأسآ.

خالد : بس اخاف اترفض يا سارة لأن مستوايا

سارة: يووووه تانى

خالد: وبعدين ممكن يفتكرنى طمعان فيكى

سارة: طمعان ايه هو انا معايا حاجه ، ودى فلوس جوز ماما مش فلوسنا احنا ناس عادية وانا راضيه بيك

ان شاء الله اتجوز هنا مع مامتك

خالد: (حط ايده ع ايدها) مكنتش اعرف انك شاريانى كده

سارة: (شالت ايدها بخجل ) لا بعد الخطوبة بقى هههه انا همشي

خالد: طيب استنى اوصلك

سارة: بس تسوق انت

خالد: خلاص موافق ...لحظة

روحت وهى مبسوطة ، مامتها عارفه بقرارهابأن خالد يتقدم هى حكت معاها

وجريت عالنوت بوك بتاعتها

" حبيبى هياخدنى بالسلامة يا ماما "

•••••=====••••====••••====••••

وفالميعاد كانت سارة هناك عند رفعت باشا فشركته من تانى يوم سحب الملف ، وهى داخله كان ملهوفه ومش ع بعضها

حركاتها طفوليه بعض الشئ

شغاله تبص يمين وشمال ومن غير قصد ...خبطت ف انتيك غالى اوى وقع ..واتكسر!

ع صوت كسره خارج سيف من شركته بغضب فظيع مش عشان كسر الانتيك

لكن عشان لمح سارة داخله مع السكرتيرة لمكتب رفعت .

سيف: ايه ده !

السكرتيرة: الانسه سارة كانت ..

سيف: ااااه الانسه سارة ، وجاية ليه هنا الانسه سارة

مش كفاية هناك

سارة: انت بتزعق كده ليه ، انا اسفه ع فكرة مكنتش اقصد

وبعدين يعنى خلاص محصلش حاجه

سيف: عارفاه بكام ده ومنين الى بتقولى عليه محصلش حاجه ده، ده بتمنه عمرك انتى ولااهلك تتحصلوا عليه

سارة: م خلاص بقى الله (بتعلى صوتها تدارى كسوفها قدام الموظفين )

وخرج رفعت ع صوتهم...

رفعت :فيه ايه هنا ، ايه يا سيف

تعالى يا سارة

دخلوا سوا وسيف بيزعق ويهلل .

رفعت: خلاص يا سيف ، مكانش له لزمة الزعيق ده كله

سيف:ياسلام !

سارة: ده احرجنى يا بابا رفعت

سيف:ممكن اعرف هى جاية ليه هنا ، اظن ده مكان شغل مش مكان لعب

رفعت: هو عشان مكان شغل هى جاية تشتغل ، ابعتلى الاستاذ فهمى عشان يطلع لها ورق تعيين هنا فالشركة

سيف: ازاى يعنى !

رفعت: انا حر

سيف: ولما هو فيه عماله ناقصة م تعين هانى ولا هو ناس وناس

ابن اخوك لا

وبنت الست هانم اه

رفعت: سيييف! انتهينا

سيف كان الشرار بيطق من عنيه وجه ناحية ودانها بلهجة تحذيريه

" وانا بقى مش هسكت م حهنيكى يوم هنا انتى وامك ...واعتبرى جحيمك بدأ"

•••••=====••••====•••