خطيب الجمعة بيقول السيدة عائشة كان همها الآخرة مش الدنيا ومكنتش بتعد تعيط وتقول للنبي هنعمل إيه في لبس ومصاريف المدارس ؟ 

يا سيدنا ما هو السيدة عائشة مكنتش بتخلف! مكنش عندها ولاد أساسا فطبيعي متشلش هم لبس ومصاريف المدارس!!!

بعدين مين فهمك إن السيدة عائشة مكنتش بتشيل هم الدنيا ؟!

هو حضرتك معندكش خبر إن السيدة عائشة وباقي الزوجات طالبوا الرسول بزيادة النفقة وطلبوا التوسعة في المعاش واعترضوا على حياتهم وعيشتهم!! 

هو مش ده برضه تفكير في الدنيا وشيل هم الدنيا والتفكير في متطلبات الحياة ؟! 

لدرجة إن القرآن نزل بتخييرها هي وباقي الزوجات بالقبول والرضا بالوضع الراهن أو الطلاق! 

"يا أيّها النبيّ قُلْ لأزواجكَ إنْ كنتنّ تُردنَ الحياةَ الدنيا وزينتَها فتعالينَ أمتّعْكنّ وأسرّحْكنّ سراحًا جميلاً"

 يا مولانا شيل هم الدنيا والانشغال بالمعاش وتوفير الاحتياجات والالتزامات لا يتعارض إطلاقا مع الانشغال بهم الاخرة والعمل لما بعد الموت .