و اهوه اكتوبر جه

و اهو اكتوبر جه بانتصاراته

بس المرة دي غير

صحينا الصبح على فرحة

و رقص ….و.. فرحة طير

طير ….راجع تاني عشه

طير بتغني ملامح وشه

الله اكبر يابلادي

يصرخ قلبي و ينادي

عاشت ام الدنيا 

عاشت قد الدنيا

حضن دافي تلم ولادها

تطيب بايديها جراحهم

تمسح دمعة عينهم

ام الدنيا …قد الدنيا

و لاحد يقدر في يوم يجرحها 

و اللي يفرح جيرانها …يفرحها

صحينا النهاردة على فرحة نصر

تحيا ام ….الدنيا مصر

و اهو رجع اكتوبر بافراحه

و عروسة لابسة الطرحة

بتوزع علينا الفرحة

و ماليه الدنيا هنا و زغاريد

و بتحفر في الصخر تاريخها

و بتعلنها النهارده يوم عيد

 وفرحة……. نصر 

و بكرة نصلي في الاقصى 

و ده حلمنا و لا نقدر ننسى

ونزرع شجر الزيتون

و نعمر كل اللي اتهد و اتدمر

و نقف من تاني صالبين عودنا 

و نقرا الفاتحة لجدودنا 

اللي سقوا بدمهم الارض 

و اللي حافظوا على الهيبة و العرض

و نغني غنوة نصر

عاشت ام العروبة و الدنيا

 مصر

عاشت ارض الغزة

حبيبة القلوب غزة

وعاش اكتوبر شهر النصر

من أرض بلادي 

الغالية مصر 

تحيا مصر كل زمن و كل عصر

تحيا مصر كل زمن و كل عصر