ما فيش واحده محترمه متجوزه بتحب واحد على جوزها وما فيش واحد محترم متجوز بيروح يحب واحده متجوزه دي واحده الشيطان ضاحك عليها وده واحد الشيطان ضاحك عليه...

اتنين من هذه النوعيه التي استحوذ عليها الشيطان كانوا بيتقابلوا فاتفقوا يروحوا مع بعض البحر ونزلوا البحر وهما مستمتعين بالسباحه الراجل مات والست ما بقتش عارفه تعمل ايه طلعوا الراجل من البحر والشرطة جت وسألوا الست أنت إيه علاقتك بهذا الرجل وطبعا ما بقتش عارفه ترد والظابط فهم ولكن طلع حد محترم وما رضاش يستدعي زوجها ويفضحها...

مفيش أي مبرر للخيانة..

مفيش حاجه اسمها زوجي مش مهتم بيا ولا محتويني ولا بيقولي كلام حلو ولا بيعرف ستات كل دي مبررات شيطانية للاستدراج والانحراف. 

اللي مش مبسوطة مع جوزها تروح تتطلق وتتتجوز اللي يحتويها مش تمشي في الحرام .. أو تتقي الله في نفسها وسمعتها وسمعة أولادها وسمعة أهلها وتصبر . 

وبرضه لما تتجوز اللي عامل فيها رومانسي وحنين ومهتم بعد حلاوة البدايات ما تنتهي هيبقى زي جوزها ده لو مطلعش أسوء ..

مش عارف في إيه أكتر من الموت علشان الناس تتعظ.. 

الشيطان بيوهم البعض بحياة مثالية مش موجودة غير في المسلسلات والأفلام.. 

وصدق الله العظيم القائل :

"كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ وَاللَّهُ سَرِيعُ الْحِسَابِ"