بعتت تسألني عن واحد المفروض بينهم قصة حب من سنوات والمفروض دلوقتي يجي بقه يتقدم فالأخ حسب كلامه صلى الاستخارة أربع أو خمس مرات وكل مرة يشوف حلم وحش وعلشان كده مش عاوز يجي يتقدم فالبنت بتسألني فقولتها يا بنتي ده واحد كذاب وبيتهرب منك ! وعاوز يخلع بس بشياكة دينية!! ده أنتي لو أم لهب مش هيشوف خمس مرات ورا بعض حلم وحش! وبعدين هو لسه فاكر يستخير دلوقتي ؟! 

للأسف الشديد كتير من البنات بيبقوا مجرد تسلية للشباب على ما يخلصوا دراستهم ويخلصوا جيشهم ويشتغلوا ويكونوا نفسهم وبعدين يقوللهم متشكرين على دور التسلية ده هنروح بقه نخطب واحدة جديدة! 

بعد ما تكون المسكينة رفضت خمس أو عشر عرسان كويسين وضيعت من حياتها أربع أو خمس سنين!