طيب ليه اتقل طاقة ..ببساطة لان طاقة القمر وقتها بتكون مركزة وفي اقوي حالاتها وكتير بيحسوا فيها بخمول ومود سئ وبتكتر الخناقات بشكل غير مبرر ...من هنا نفهم ان وصية النبي عليه السلام بصيام ال3 ايام دول مش صدفة بالعكس ده ده الحل الامثل والافضل اننا نتقي شر التأثير السلبي للقمر ونستفيد من طاقته ...

 وفي دراسات  وابحاث علمية مستمرة  لتفسير سبب ازدياد عدد جرايم العنف و الاغتصاب وهياج مرضي "الذهان"  خلال اكتمال القمر وكمان  سبب زيادة فرص التعرض للنزيف ..

كل الاساطير القديمة كانت بتربط بين اكتمال القمر وتحول الانسان لذئب او مصاص دماء او اي شيطان من اي نوع ..وفيه دراسة علمية سويسرية اكدت اهم لاحظوا تاثر هرمون الميلاتونين في الجسم ايام اكتمال القمر وده بيخلي الانسان ينام اقل او مش بنفس درجة العمق في الايام العادية..

اكتمال القمر مرتبط بظاهرة المد يعني الناس اللي بتنكر باصرار غريب ان الكواكب ملهاش اي تاثير ع الانسان فسروا بايه تاثيره ع البحار والمحيطات وسلوك الحيوانات والحشرات ؟ وبما ان 70% من جسم الانسان مية والدم اللي بيجري في عروقه سايل فالفلكيين القدامي اهتموا جدا بطاقة القمر فكل اطواره ومنازله وتحديدا  البدر وحذروا منها واوصوا بالتقليل تماما من الاكل والشرب واجراء اي عملية جراحية خلال اكتمال القمر

التدبر في القمر لوحده وطاقته اليومية يأكد ان مافي حاجة في الكون ده اتخلقت بدون سبب وان الكون كله مترابط ببعضه ارتباط سحري وعجيب وان التكنولوجيا حوالينا كانت السبب اننا نبطل نشوف ونحس 

#نشرة_اخبار_الكواكب