#عطارد انهي تراجعه ورجع لحركته المستقيمة الامور اللي كان معطلها التراجع زي بطء النت ومشاكل تعطيل الاوراق والاجهزة الكهربائية والموبيلات اللي كانت بتفضي شحن بسرعة ومشاكل سوء الفهم اللي عملت مشاكل كتير هتبدي تضبط بس نخلي بالنا ان عطارد برضه في زاوية تربيع مع زحل وده بيخلي كل افعالنا وكلامنا تحت رقابة كارمية شديدة فاحذروا النميمة والاشاعات والتزوير وكل ماهو مخالف للقانون وراجعوا اوراقكم و فواتيركم كويس خاصة لما زحل يبدا يتراجع يوم 6 مش هيرحم حد وكل كلمة او فعل هتتاحسبوا عليه

الزهرة موجودة في الثور نفسكم مفتوحة فالدايت مش احسن حاجة تفكر فيها طول وجود #الزهرة في #الثور لاخر الشهر ..بتسرفوا بزيادة ع اللبس والمكياجات و مواد التجميل والاكل وبتندموا"ده العادي اصلا"

وقت مناسب لعمليات التجميل او اي اجراءات خاصة بتحسين البشرة او الشعر

بعد انهاء التراجع ربما ينشط سوق #العقارات شوية بس برضه ممكن يحصل مشاكل تخص نزع ملكية بعض العقارات او قوانين تخص البناء والاسكان او مشاكل تخص #صحفيين واعلاميين وربما مشاكل صحية ليهم ..واسعار العملات وبعض المعادن والدهب يحصل فيهم تغيير 

#القمر متخانق مع #بلوتو المتراجع شوية فالذكريات القديمة راجعة تعكنن علينا وربما ظهور ناس قديمة تاني في حياتنا مشاعرنا بترجع للماضي بشكل غريب وربما تظهرلنا حقايق مخفية عن امور لها علاقة بالعيلة او طفولتنا

#نشرة_اخبار_الكواكب