"نظرا لبث مسلسل حاليا عن نجاسه منتصف الليل...مسلسل شفت منه حلقتين لقيت أبطاله ما شاء الله عملوا كل الكبائر...أكل مال يتيم...و زنا محارم...و كذب وشهادة زور...و قتلوا بنت صغيرة كدا وقالك انتحرت...بينما البنت حاولت تنتحر و هما سابوها تنزف زى العجل المدبوح...و ضرب زوجات...و أنصاب وأزلام ورجس من عمل الشيطان..."

Re-post

 استحضر فى ذهنى مقوله تولستوى فى مقدمة آنا كارنينا "كل العائلات السعيدة تتشابه، لكن لكل عائلة تعيسة طريقتها الخاصة في التعاسه"....

أنا كصاحب محتوى معنديش أفكار ولا اعماق ولا اى هباب..حاجيب أحداث منين! حأجيب البطل بيحب أمه وأمه بتحبه...سو هوات طب ما انا بأحب أمى! تيمه العائلات والشخصيات السويه تعمل مسلسل واحد بالكتير واحنا عايزين نسب مشاهدة..نعمل ايه؟ نسخ مختلفة من التعاسه و البؤس و الخيانات المتلاحقة و غدر الصحاب ...اتحرقت ؟ ادخل على النموذج الأبشع فالأبشع...مكنه الشخصيات السويه حتطلع نسخه واحدة لكن مكنه تصنيع اولاد ال$#& تقدر تطلع نسخ كتير..و نسميه لؤلؤ بقى البرنس ماشى ...كلها نسخ متتالية لعائلات متفسخه و متبهدله و مع كل مسلسل طفى النور اكتر عشان يفرق عن اللى قبله...

و المشكلة أن الناس بدأت تاخد المسلسلات حجه على الواقع.. لدرجه ان قريب واحدة كانت بتحكى عن مشكله عائلية ومن الواضح أن عندها تهيؤات اضطهاد مرضيه واضحه ...

وفى وسط نصائح العديد من الطبيبات بمراجعة طبيب نفسي...العديد من السيدات كان رأيهم أن "ليه بتقولوا أن الشكوى بتاعتها مش واقعيه ؟! انتوا مشفتوش اخوات البرنس عملوا فيه ايه"..