ازاى تكونى ميكب بلوجر..فلوجر....
- تعبير اندهاش دائم..حواجبك متشعلقه كداهو ????
- اى فاونديشن...بعد اول فرشه منه . اشهقى وقولى واااو ..ايه دا..مش ممكن..شايفين الكافاريج يا بنات ...ايه دا....
- هاتى اى ماسكارا ..حطيها و بربشى كتير .و قولى تووحفه.. - هاتى بلاشر شيجلام (مش اى نوع تانى) و كشرى وشك كدا وانتى بتحطى نقط منه على خدودك... وبعدين ادمجى بسبونج وانتى مكشرة برده...و اضحكى فى الآخر وقولى اللون وهم وهم وهم...و أدى الكاميرا خدك دا مره وخدك التانى مره ...واعملى بصوابعك للكاميرا thumbs up كدا كدا...
- اى هايلايتر ....انشالله جليتر من عند النمرسى...و بعد اول فرشه...هااااع... فظييييع..ايه الجللو دا ...رهيب و بيدى جللو محصلش ...حتى لو احنا شايفين مسام بشرتك مبرقه فى وشنا كل واحدة أد كدا..
- الروج بقى...هاتى Kiko 103 اوعى تجربى براند تانى أو لون تانى من نفس البراند....و حطيه على شفايفك وانتى بتبرقى عينيكى مع كل حركه للابليكيتور على شفايفك...واشهقى...اشهقى كتير...و اعملى بوز بطه وقربى للكاميرا ... بعدين قولى لنا "حأجرب لكم الجلووس زى ما طلبوا" و محدش طلب اساسا بس اوكيه...وقولى واااو..اللون وهم... فظييييع..محصلش..يناسب كل ألوان البشرة..ينفع فى كل الخروجات...يا خبر ايه داااااااا..
و اختمى الفيديو بكومنت " لازم تجربوه يا جماعه ..لا لازم تجربوه...فعلا فعلا احلى .... شفته في حياتي"