هما الجدات مش كانوا بيبسبسوا بسبوسه بالسمنه والسكر ؟ ايه وداهم هناك!!

  فى حوار باسم يوسف..اليسارجيه الشمال فى كل شمال بمنطقهم المعووج بتاع العرق والجندر لا يمثلوا شىء..المحاور بيقوله هو مش اى ممثل يقدر يلعب أى شخصية ؟ و بيزغر له من تحت لتحت كدا..عشان يلبسه الغلط يعنى .

لا هو مش كل ممثل يقدر يمثل أى شخصية..عشان العرق والجندر والديانة ومكونات الثقافة بتشكل جزء كبير من الشخصية وتفاعلاتها مع محيطها العام و عصرها وأفكاره ونظرياته...ولو كانت الدنيا لوز كدا..ليه سكارليت جوهانسون اتغسلت لما عملت دور فى فيلم مأخوذ عن انيمى يابانى بدعوى white washing ؟   

هل الموضوع عنصرية ؟ لا طبعا.. نفس رد فعلى هو رد الفعل على عمرو يوسف لما قام بدور أحمس أبومازن ... مينفعش يا بيه..رغم أن الواد اخضر فى اصفر شبه طبق الخضار السوتيه...بس لا.. مينفعش...

هل لو نفس الممثلة أدت دور اى ملكة تانيه مثلا..الملكة تى...حأزعل؟ لا خالص..بس هى النوايا الهباب لبستهم فى كليوباترا لجل الفضيحة ما تبقى بجلاجل...

نفس الممثلة تطلع فى دور طبيبه مصريه...مواطنه مصريه بتشتغل اى حاجه..عادى ...ما فينا كتير شبهها .لكن كليوباترا لا يا حبايبى...مش عشان هى بطلة يعنى....بس عشان دا كدب .. 

يا كدابين..

ستك مش مرجع يا حيلتها...