لعبة نيوتن ... اللي متفرجش و ناوي يتفرج بلاش يقرأ البوست ... ????

أجمل و ادق و أروع تفاصيل و أرقى اداء اتعمل في مسلسل ...

الكلام عن القصة المختلفة و الاخراج المتمكن من كل ادواته بحرفية عالية و الأداء الاحترافي لكل ابطال المسلسل مش هايوفيهم حقهم و حق شكرهم على احترام عقلنا و اسعدنا و تقدير المشاهد فلهم حقيقي كل الشكر و التقدير و الاحترام ...

قانون نيوتن كان المحرك الرئيسي للأحداث و العلاقات بين الابطال و بعضهم .... و كان أيضا المحرك الداخلي لكل شخصية من داخلها ... و كأن هذا القانون يعمل خارجيا و داخليا ....

"هنا" بطلة الأحداث ... كان المحرك لها انها تثبت لجوزها انها قد المسئولية و تقدر تحافظ و تحمي نفسها ... لكن في النهاية هي انهزمت داخليا برغم انها عملت اللي كانت عايزاه لكن خسارتها الداخليه لنفسها كانت كبيرة. 

"حازم"... جوزها اللي كان شايف نفسه الداعم ل "هنا" و اللي بيخاف عليها ... رد الفعل اللي كان عند "هنا" العكس تماما ... دا اكتر شخص كانت بتخاف تقوله على مشاكلها و اكتر شخص كان بيحطمها داخليا .

"مؤنس" ... منقذ الجميع ... اللي خدماته و دعمه و طبيعته انها بتساعد الكل و تنقذ كل من في محنة ... تحول في لحظة لشخص مؤذي لأبعد حد.

"بدر " ... شخصية لا تستطيع مواجهه الفقد و ترفضه و تنكره تماما ... اكتر شخص فقد كل من يحب ... و فقد في النهاية كل ما يملك حرفيا.

"أمينة" الشخصية الحالمة اللي بتخاف على مشاعر من حولها اكتر من خوفها على نفسها ... اللي بعدت عن جميع من تحب عشان متوجعهومش بألامها ... هربت من كل دا لتوجع و بشدة اللي كانو حواليها بفقدها .

لعبة نيوتن ... لكل فعل رد فعل مخالف له في الاتجاه و مساوي له ف القوة. 

كل اللي خاف من حاجة و اتصرف بعكسها اتردت له بنفس القوة و في الاتجاه المخالف لما يريد تماما.