شيرين وحسام .. علاقة إبداع

في اي مجال تاني كنت هقولك العلاقة دي متنفعش

لكن مجال عمل الاتنين دول بالذات الا و هو الفن، فالعلاقة دي يطلع من وراها ابداع خيالي 

شيرين اتجوزت جواز تقليدي قبل كده و لو كان بالنسبالها بيحرك ساكن جواها كانت كملت

لكن اي فنان روحاني بيطلع الفن من اعمق حتة جواه، صعب جداً يستمر في جواز تقليدي بيحجم المشاعر و يقلبك لشخص عملي ممل 

و كانت شيرين بتعبر عن ده في لقاءات كتير و تقولك عايزة اتجوز ميكانيكي و الحجات دي، هي محتاجة للباد بوي في حياتها 

هل بقى حسام هو الباد بوي ده ؟ 

للأسف لأ خاااااااالص 

حسام لابس توب المثالية المفرطة و عقلية 

I can fix her 

و بيحبها حب حقيقي و لكن عنده عادات سامة كتير كتير كتير زي التحكم و السيطرة، زي انه صغير فمش عارف يسيطر على انفعالاته ولا يحتوي و عادي بالنسباله انه يخرجها عن شعورها و يرجع يستغرب هي بتعمل كده ليه ! 

اللي بينهم 

Trauma bond 

و حب قدري 

اللي بنسميها احنا twinflame او تؤام الشعلة 

اللي بيميز العلاقة دي عن العلاقة بالنرجسي، هو ان المشاعر فيها حقيقية تماماً و ان العادات السامة من الطرفين مش مقصود بيها أذية الطرف التاني، هي بس مشاكل نفسية منها الموروث و منها كارما الاجداد و منها جروح الطفولة و كل التعقيدات البشرية بتطلع في العلاقة دي، و ده بيخليهم يشعروا بكافة انواع المشاعر و الألم وصولاً للتشافي 

الجميل ان لو حصل التشافي لأحد طرفي العلاقة او كليهما ده بيأثر على مجموعة كبيرة جداً جداااااً من البشر، مش بس اللي يعرفوهم بشكل شخصي، و الرسالة بتكتمل تقريباً

ليه بيحصل بينهم المشاكل الشديدة اوي دي ؟ 

لأن بينهم فروقات قدرية، زي ان حد فيهم يكون واحد مادي: بيقيس نجاحه بالفلوس، بالممتلكات، باللي معاه في البنك.

والتاني روحاني: بيقيس نجاحه بالسلام الداخلي، بالعلاقات الصافية، بالقرب من ربنا

حد عقلي: بيفكر بالمنطق والأرقام، والتاني قلبي: بيمشي ورا إحساسه حتى لو مش منطقي.

حد مغامر: يحب التجربة والمجازفة، والتاني مستقر: يحب الأمان ومايغيرش كتير.

حد عملي: شايف الحياة شغل وإنجاز، والتاني فني: شايف الحياة جمال وإبداع.

حد متعلق بالماضي: عايش على الذكريات، والتاني مستقبلي: دايمًا عينه على اللي جاي.

حد منفتح على الناس: يلاقي نفسه وسط الزحمة والعلاقات، والتاني منعزل: يلاقي نفسه في العُزلة والهدوء.

حد متحكم: يحب كل حاجة تبقى تحت سيطرته، والتاني متوكل: سايبها للقدر ومش بيمسكها بإيده

 ———————

الفروقات دي بتجنن، لسبب بسيط 

ان انت بتكون انسان كويس، و لكن مطلوب منك تقبل الانسان التاني اللي هو بردو كويس جداً، و مش عارف تعمل ده ازاي 

فبتفضلوا تخبطوا في بعض كتير جداً لحد مرحلة النضج التام لما تستووا خالص بتقبلوا نفسكم و الطرف التاني.  

بس