واحنا أطفال
لو ما حصلش ما نريده بنبكي و ممكن نضرب ارجلنا في الارض
لما بنكبر و تقابلنا اول مشكله
و نستغرب ليه اللي عاوزينه ما حصلش
بنبدأ نفكر
هو احنا ليه اتخلقنا ؟؟!!!!!!
و دايما بيكون الاجابه من اقرب ناس لنا : الآباء
" وما خلقت الجن و الإنس
إلا
ليعبدون "
فيه البعض بتتبادر لذهنه اننا اتخلقنا علشان نصلي و نصوم
و دي طبعا مش هي العباده
العباده
اننا نتصرف في كل لحظه من حياتنا بما يرضى عنه الله و يحبه ..........
وبيجي تساؤل : طيب انا ك شخص هأستفيد ايه ؟!!!!!!!
دي بقى محتاجه مثال صغير
هو احنا بنعمل إيه لما بنشتري أي جهاز جديد ؟؟؟؟؟؟؟
اول حاجه بنعملها
و بالذات المهندسين .........
مضبوط
بنفتح كتالوج التشغيل
مين بقى اللي كتب هذا الكتالوج ؟؟
طبعا صانع الجهاز
و هنستفيد ايه لما ننفذ التعليمات اللي في الكتالوج بكل دقه ؟؟
ان الجهاز هيعيش معانا بأعلى كفاءه .............
نرجع لينا بقى
هو احنا مين اللي صنعنا ؟
ربنا سبحانه و تعالى
و فين كتالوجنا ؟؟؟!!!!!!!!!!!!!!!
القرآن الكريم
لو عايزين نعيش بأعلى كفاءه ........سننفذه
كل شويه هنسأل نفسنا
ما ذا افعل في هذا الموقف حسب ما جاء في القرآن
أعلى كفاءه في حالتنا بتبقى : الراحه النفسيه التي تحتوينا و نحن نحاول تنفيذ الكتالوج
و بالذات لما تبقى تكليفات صعبه او جديده علينا
لكن بننفذها ارضاء لله
و كل ما ندوق حلاوة الطاعه
كل ما نزود منها
و ربنا اكيد عارف مشقة التنفيذ
و هيعطينا جنه تتناسب مع مجهوداتنا النفسيه قبل الجسمانيه
" انه عليم
ب ذات الصدور "سورة الملك