في يوم ، عملنا طلب إستدعاء عاجل لفنى تكييف لإصلاح جهاز شباك قديم فى أوضة أمي ... الراجل جه وصلح الجهاز الحمدلله وأخد أجرته و مشى .. بعدها بكام يوم قلتلها شغلى التكييف و جربيه كده ونطمئن على الحالة ، قبل ما أختى وولادها ماييجوا من القاهرة بعد يومين كمان .. لقضاء اسبوع العيد معانا ..
سلمت عليها و دخلت أوضتى و غبت ساعتين كده ..
المهم ، عديت عليها بعد كده ف أوضتها لقيتها ماسكة فى إيدها الشمال قطعة قماش قديمة ، و فى إيدها اليمين مفك ، بعيد عنكم طوله نص متر ، من بتاع زمان .. لأ ده زمان أوى بأة ....
أول ماشافتنى قالتلى أنا شغلت التكييف و التبريد مش قد كده ، حلو بس مش زى زمان ..
أنا قلتلها يا ماما هو فى حاجة بتفضل على حالها ! قول للزمان إرجع يازمان .. عليت أنا درجة التبريد وقلتلها نجربه تانى .. وممكن نكلم الراجل ييجى يشوفه تانى ..
كل ده وانا عينى عالإيد اللى شايلة المفك !!
أنا لحد دلوقتى ماعرفش هو معاها ليه !!
وبعدين قلتلها انتى نمتى ؟
قالت لى ولا نمت ولا حاجة .. كنت باتفرج على مذبحة رابعة و عيطت لما قلت يا بس ....
قلتلها طب بس ....
قالت لى لا ده ماكانش معاهم أسلحة و منظر الجثث يقطع القلب ..
ده الإنقلاب كان هايبوظ لولا الملك عبدالله دفع فلوس ..
قلت لها فلوس إيه يا وليّة ؟ هى خناقة على جمعية ؟
قلت لها يا ماما بطلى عبط .. قالت لى إوعي بس إنتى مش فاهمة حاجة ..
كل ده وهى بتشوّح بإيدها اللى فيها المفك ..
أنا برضو لحد دلوقتى ماعرفش هو معاها ليه !!
أنا من قاصرها رحت داخلة أوضتى وأنا ساكتة .. و أنا بادعى ف سرّى ..
الله يخربيت قناة مكملين واللى فيها .. اللى بيغسلوا دماغ الأمهات السذج .. اللى أمى منهم ..
أنا مش عارفة أعيش ..
كتبت لكم اللى حصل ، بس كنت محتارة أنزل البوست كده ؟ ولا أنزل صورتها مع البوست ؟!
الإبنة العاقة ????
Hebba El Mofty
آية عطية عبد الفتاح الغمري
د. سمر ابراهيم ابراهيم السيد
ناهد محمد محمود بدوي
د. احمد البحيري 
يوستينا الفي قلادة برسوم
نجلاء محمود عبد الرحمن عوض البحيري
دينا سعيد عاصم
محمد سعد الدين محمد شاهين
هند حمدي عبد الكريم السيد
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
