ولسه قلبى بيدق 

لما بسمع صوته 

ولسه عينيا بتضحك 

لما بلمح طيفه 

والشوق جوايا بيصرخ 

برغم خوفه وسكوته 

بعد كل العمر ده 

إيه السر ...

بين روحى وروحه 

عدى العمر بينا 

وكان الفراق نصيبنا 

حبينا زمان واتكوينا 

والذكريات رافضة تسيبنا 

ولسه بتسألنا الخطاوى 

ازاى وأمتى بعدنا 

ولسه بنسهر الليالى 

على شوق وذكرى بتسعدنا 

فرحة بعيشها لحظة 

وتفرحنى عمر بحاله 

وبعدها لما أصحى 

الاقى عمرى رجع لحاله 

ولسه قلبى بيسألنى 

نفس سؤاله 

ولسه عينيا بتشتاق 

تشوف خياله .