و نفس القصة متعادة 

و تاني نبدأ م الأول

دنيا فانية و كدابة

سايبها مهما فيها تِطُول

يا ابن أدم صدقني

مش مستاهلة تبات ظالم

م قولنا مش بتدوم 

مهما طال ظلام الليل

ربك قادر و لو  بعيد اليوم

أصل ربك من اسمه الحق

بس إمته ...تفهم الخلق ؟؟؟

دنيا ضحكتها كدابة

تفتح أحضانها ليك 

تجري عليها..... بتخاصمك 

و تعاند و تجرح فيك

اوعاك ف يوم تصدقها

و لا تضحك ببسمة عليك

أيامك كده عشها 

ولا تظلم ولا تجرح 

سيب ذكرى حلوة ليك 

سيب خطوة اللي بعدك يكملها

يترحم لو شاف في حلمه عنيك