= مينفعش تعالج مريض بمرض صعب انك تديله حباية اسبرين وبس .. اه مسكنات الالم حتخليه يستحمل الالم شوية ويبان كويس ولكن المرض حيفضل يزداد عليه حتى يقضي عليه لانك لم تعالج المرض اصلا.

 

= قروض الخليج والقرض المنتظر من الصندوق وبيع الشركات الناجحة وتوجيه الغاز للتصدير بدلا من الاستهلاك وعرقلة الاستيراد دى كلها مسكنات وقتية لمنع انهيار الجنية وتوفير  دولارات لسداد فوائد الديون المهولة اللى علينا.

 

= المرض الحقيقي ببساطة ان ايراداتك اقل بكتير من مصروفاتك .. كنت فى السنوات الثمانية اللى فاتت بتغطي الفرق ده انك تستلف دولارات بس دلوقتى حان وقت تسديد الفوايد والاقساط والاموال الساخنة خرجت وكمام تصنيفك نزل فمحدش عاوز يشتري سنداتك الدولارية لان قدرتك على سداد الديون بتقل كل يوم .. وقطعا لن يستحمل الشعب شروط الصندوق ولن تسلم الجرة هذه المرة.

 

= طب ايه الحل يا عم خالد؟ .. منطقى جدا و اى حد طبعا حيقولك الحل انك تزود ايراداتك وتقلل مصروفاتك .. طب ازاى؟  ادينى حلول قابلة للتطبيق فى مدد محددة مش كلام انشاء ..

 

= ده بالضبط اللى كتبته فى الروشته اللى ارسلتها لمؤسسة الرئاسة فى 14 مارس 2016 (يعنى من ست سنوات ونص) ... وردوا انها استلموها وجاري دراستها .. وقمت بنشرها فى الصحف والفضائيات عدة مرات وبعتتها تانى ٣ مرات للرياسة بس مردوش تانى !! .... ادي اللينك بتاعها ..

 

 

= دورنا ليس فقط النقد بل الاهم تقديم الحلول بل اعاده تقديمها مرارا وتكرارا بلا يأس .. لان بكل صراحة استمرار السياسات الحالية كارثي بمعنى الكلمة ولن ينجو احد للاسف .. البلد بتغلي والانفجار المرعب اصبح وشيك للاسف .. اللهم احمي مصر .. اللهم بلغت اللهم فاشهد.