ناس ف كلامها دلعه

تكسر له ضلع ولا مشم 

تطلع له تلاتين ضلعه

ومهما لومتوا ما شم

...

طلعولك يا درب بابوحمار

والبل كانت عطاشي

لقيوا العد مربوط بابوحمار

والبل رجعت عطاشي

من واو العدوده

ياما قعدنا وقعادنا طول ويا مين يعيد قعادنا م الاول

وياما قعدنا تحت الرعريعه وما فيش شروة ولا بيعه

ياما قعدنا والقمر عالي ويامين يعيد قعادنا من تاني

...

الخبث يا بوى زاد

ويهربوا ان تشكي العلل

ويوم ما تلاقي زاد

تلاقيهم جنب الحلل

...

جمال ي جر جمال جمال يوه

عرق النبي ريحانه وامدح نبي

جمال جر جمال ي والعنكبوت

خيم له خيمه ويمامه باضت عليه

عجزوا عوازلوا ولا أزوه ه ه

جمال جر جمال ي جمال يوه

عرق النبي ريحانه وامدح نبي

شوف قلب الكافر لما طاوع ظلم ظبي

راحته له غزاله بتشكي له عارفاه نبي

سلم له الكافر والضب يا خلق هوه

...

الواو احنا جمعناه

من غير قسمه ولا طرح

وبعد ما جه معناه

جيبنا لنخيله طرح

...

يا عيني عليك يا قلبي

 ويا عيني ع اللي صابه

هو كل حبيب أشكيلوا

يطلع لي تبع العصابه

***

قلبي تاني ما شاكيلوا

هو اللي جابلي الكفيه

سمع السر مشي كيلوا

وراح سلمني للمافيا

...