يوميات طالب عمارة " يوم تسليم اول مشروع تحبير "

اول مشروع فى اولى عمارة هو مشروع تحبير
وللى ما يعرفوش يعني ايه تحبير
احنا بنشتري طقم اقلام حبر بسنون رفيعة 0.1 0.02 0.03 مم وهكذا
والمشروع عبارة عن لوحة 1.00 * 0.70 سم
وبنختار رسومات عبارة عن اشجار ومبنى واشخاص وسيارات وهكذا ,,,,,,,,,,,,,,,,,,
المفروض اننا نرسم العناصر دي على اللوحة ونفضل نحبرها ( يعني نرسمها بالقلم بطريقة التنقيط وليس رسم خطوط )
اخدنا بالضبط شهر شغل
الموضوع ممتع ولذيذ جدا جدا
وبعدين ,,,,,,,,,
فى ليلة من ليالي السهر وانا تعبانة جدا بعد يوم حافل بالدراسة فى الكلية وسكاشن ومحاضرات وحاجات متعبه جدا
عندنا التسليم بكرة
يا تري هقدر اخلص
لو سهرت من هنا للصبح مش هقدر
طب والعمل
حاولت اعلم واحدة صاحبتي قسم كهرباء ( معايا فى السكن طبعا )
ما عرفتش تعمل حاجة العمل
ما فيش غير اني افضل صاحية للصبح 
سهرت مش عارفة لحد الساعه 3 والا 4 وعنيه شبكتها بمشابك غسيل عشان تفضل مفتحة
للوحة قربت تخلص مش فاضل غير حاجة صغيرة اعمل ايه ؟؟؟؟؟؟؟؟؟
طبعا فى سؤال من زمان بساله لنفسي لما بيكون ورايا حاجة وهو انام والا اسهر اكمل ؟
وله عندي اجابة واحدة وبس
وهي :) النوووووووووووووووووووووووم طبعا
وفعلا نمت وخير اللهم اجعله خير حسيت ان فى تجمهر على اللوحة بتاعتي الى كنت سايباها مفرودة على لوحة الرسم ( عشان الحبر ينشف ) وجمبها طقم التحبير الى اتكسر منه 3 اقلام وانا تعبانة فى اللوحة وباضطر كل مرة اشتري القلم تاني لانه الاكتر استخداما
ما علينا نرجع للحلم سمعت زي ما يكون في ميه اتكبت على اللوحة ايه ؟؟؟؟؟؟؟؟؟
ايه ده اللوحة :confused::confused:
اللوحة
اه
ضاع تعب الليالي
اه
الله دا كان حلم الحمد لله دا حلم الله
امال صاحبتي واقفة جمب اللوحة بتعمل ايه
بتعملى ايه يا مروة ؟؟؟؟؟؟؟؟
انا ......... انا انا
خير
فى ايه
ابدا ولا حاجة
امال فى ايه الوحة فيها حاجة؟
لا
طب وريني كدا
وانتابتني حاله من الذهول وما عرفتش اعمل اي حاجة من الى شفته
ايه ده
اه
دا الحلم بس كان حبر مش ميه
ايه الى عملتيه ده
انا باساعدك
تساعديني دي بقعة حبر
كبيرة قوي
وبعدين




ضاع المشروع!!!!!!!!!!!!!!!!!!!




وبعدين
خلاص سيبيني يا مروة
انا عاوزة اساعدك
سيبيني اصلح الوضع ده سيبيني



وبعد فترة طويلة من الذهول
قررت اني اغير رسمت الجزء دهه بحيث ياخد رسمت شيء محتاج لمساحة سوداء كبيرة
وفعلا دا الى حصل






الجزء ده طلع اجمل جزء فى اللوحة بعد ما خلصت
وسلمت فى الميعاد واخدت درجة كانت معقولة جدا على مستوي الدفعة كانت 8.5 من 10




وكان الاجمل ان انا ومروة لسه اصحاب هههههههه



اشوفكم فى يوم تاني مع يوميات طالب عمارة