في أوائل عام 68 صدرت لنا الاوامر ونحن علي الجبهه بعدم الاشتباك مع العدو مهما تعرضنا لمحاولات الاستفزاز التي يقوم بها قاصدا ضرب المدنيين واللذين لم يكتمل تهجيرهم بعد.من مدن القناه.وكنت وقتهاقائدا لفصيله مشاه واحتل موقع دفاعي في نمره 6 بالاسماعيلية ..والعدو اللذي أمامي من قوات الناحال وهي قوات شبه نظاميه في الجيش الاسرائيلي.وكأن ما يميزهم طبقا لما رأيت وعايشت عدم الانضباط والفوضي وعدم الحرفيه .وكانت المسافه بين موقعي وهم حوالي 180 متر فقط(عرض القناه ).ولا أعلم كيف عرف قائد هؤلاء السفله ... اسمي...فكان يوميا من الساعه السابعه ولمدة نصف ساعه يمسك ميجافون ويبدأ بسبي وسب اهلي واللي جابوني .. واستمر لمده شهر كامل علي هذا حتي لاحظت ان جنودي بدؤا يتذمرون فقررت تأديبه ..واستدعيت الجندي/جمعه العبد يوسف قناص الفصيله وقلت له عاجبك اللي بيحصل لي ده ياجمعه .!! فرد طبعا لا يافندم بس الاوامر ،،،،فقلت له وايه العمل فرد.نموته يافندم .فقلت له ازاي ده لو طلقه طلعت من عندنا هانتحاكم كلنا.. فرد هو يزم شفتيه اديني يومين وهااقول لسيادتك الحل.............................

 

الجندي/جمعه العبد يوسف.من العريش وله ملامحهم .. نظراته حاده جدا .قصير القامه مع الاعتدال.متمكن من سلاحه القناصه وكانت بندقيه روسيه عتيقه تسمي موزين.وفردية الطلقات ..وكان استاذا في كيفيه اخفاء نفسه أثناء القنص..(قناص حقيقي).وكأن دائما يقول لي يافندم الطلقه الاولي ليا والثانيه عليا.. لازم الواحد يجيب الهدف من اول طلقه والا هايموت ....بعد يومين حضر الجندي/جمعه العبد يوسف لي واخبرني بأنه درس طباع هذا القائد ووجده يذهب الي الادبخانه (محل قضاء الحاجه )في الساعه السادسه صباحا ويمكث فيه ربع ساعه ويخرج منه السادسه والربع..وقال لي هااموته وهو خارج.وانا حفرت حفره في حقل الألغام اللي بينا وبين السريه اللي جنبنا وموهتها كويس وعملت حساب سيادتك معايا.. وفعلا في فجر اليوم التالي ذهبنا وكمنا في الحفره حتي الساعه السادسه صباحا..وظهر هذا السافل ذاهبا الي الادبخانه فقلت جمعه هاته دلوقتي فرد مبتسما لا يافندم احنا نسببه يستريح الأول وبعدين احنا نريحه علي طول...!!وفعلا بمجرد خروجه من الادبخانه أدبه الجندي /جمعه العبد يوسف بطلقه بين حاجبيه .........................