صنع مني قائدا.... 1

الجندي مجند/ عبد الرحيم علي محمد ابن نبروه محافظه الدقهلية تجنيد يناير عام ١٩٧٣ وهي اخر دفعه تم تجنيدها قبل حرب أكتوبر لتوزيعهم على الوحدات المقاتله مباشره بدون المرور على مراكز التدريب لان القياده العامه للقوات المسلحة كانت وجهه نظرها في ذلك أن يتم تدريبهم بداخل وحداتهم بسبب رؤيتها انه يجب أن يمر الجندي المستجد بفتره لاتقل من ٨ الي ١٠ شهور تدريب ميداني والاشتراك في مشروعات تكتيكيه على مختلف المستويات بداخل وحداتهم سواءا هذه المشروعات بدون رمايه او الرمايه بالذخيره الحيه والسبب الرئيسي لهذا القرار كان قرار الحرب قد اتخذ وعجله الحرب قد بدأت في الدوران.....!!!!!!

هو مهنته قبل التجنيد فلاح ومستواه الثقافي صفر اي بمعنى انه لا يعرف القراءه او الكتابه...!!!!

وتم توزيعه على سريتي وعند وقوفه في طابور المستجدين ورؤيتي له قفز الي ذهني مباشره انه يصلح ليكون رامي Rpj7 فأنتحيت به جانبا ودار هذا الحوار....

انا : اسمك ايه ياابني

هو: عبد الرحيم علي محمد يافندم

انا : منين ياعبد الرحيم

هو: من نبروه دقهليه يافندم

انا: مهنتك قبل التجنيد ايه

هو: فلاح في ارضنا

انا: الأرض ملك ولا ايجار

هَو: ملك يافندم عندنا ٣ قراريط بشتغل فيهم انا وابويا واخويا

انا: انت زعلان طبعا علشان اتجندت ياعبد الرحيم

هو: ازاي ازعل يافندم دي ضريبه لازم ادفعها علشان بلدي

انا: أعجبتني اجابته فطبطبت عليه وقلت ربنا يكرمك ياابني طيب تحب تتسلح بأي سلاح

هو: يافندم هو الجيش فيه اختيارات طبعا اي سلاح اتسلح بيه هاكون راضي عنه وهاشتغل عليه كويس

انا: بس السلاح اللي انا ناوي اسلحك بيه صعب التدريب عليه

هو: يافندم مافيش حاجه اسمها صعب هما زمايلي اللي في السريه متسلحين بيه احسن مني.... انا ماعنديش حاجه اسمها صعبه

انا: بس انا اللي هاادربك بنفسي وانا صعب جدا في التدريب

هو: ولا يهمك يافندم دوس زي ماانت عايز وانا قدها ونص

انا: انا خايف عليك انك تقعد تعيط زي العيال

هو: فشر يافندم انا ماعرفش حاجه اسمها عياط

انا: لما نشوف بس انا عايز منك انك تركز في كل كلمه هانقولهالك وتحفظها كويس

هو: ان شاء الله يافندم

راقت لي هذه المحادثه واعجبتني اجاباته فقررت ان اتحدى به نفسي وخاصه انه لايجيد القراءه ولا الكتابه فكيف سيقرأ الأرقام الموجوده بداخل شبكه التلسكوب لهذا السلاح وخاصه انها مكتوبه بالانجليزيه

وزاد التحدي بداخلي....!!!!!

فأستدعيت الجندي /محمد محمد سليمان اقدم الرمايه للRoj وامرته بتدريب الجندي عبد الرحيم علي فك وتركيب السلاح وشرح اجزاءه الداخليه وخاصه مجموعه التتك واعطاؤه فكره عامه عن أوضاع الضرب له والتحرك به وإنني سوف اقوم اختباره بعد ١٥ يوم من الان وان يترك لي تدريبه على كيفيه التصويب وشرح التلسكوب له بطريقتي...!!!!!

ثم امرت الجندي عبد الرحيم بالذهاب مع زميله محمد سليمان قائلا له انا عايزك تبقى خياله فاهم فرد فاهم يافندم ومضيا الاثنان من أمامي وانا في منتهى الشوق والتحفر والتحدي مع نفسي......

        انتظروني بفخر شديد