درس في اوزان الشعر - موسيقي الشعر

موسيقي الشعر زي ما واضح من اسمها مش جزء من الادب .. لكنها بتخدم الادب .. فأي حد بيكتب شعر بيحتاج انه يكون عنده خلفيه عنها.. وهي ف الاصل بتنتمي الي أساسيات الموسيقي والايقاع ( طبعا الموسيقي بمعناها البدائي أيام العرب زماااااان .. مش الموسيقي المتطوره الي كلنا عارفنها)

*************************


يعني إيه تفعيلة :
***************
بنسمع كلمه التفعيله دي كتير بس يا تري ايه هي التفعيله ...؟!!!
الاول لازم نعرف ان أي كلام في الدنيا عبارة عن مجموعه من الحروف الساكنه والمتحركه متتاليه بطريقه عشوائيه .. التفعيله بقي عبارة عن ترتيب معين للمتحركات والسواكن .. بحيث انها تطلع كلام منغوم .. وبتتنوع التفعيلات علي حسب عدد الحروف الساكنة والمتحركه وترتيبها ... وبيرمز للمتحرك ب ( / ) والساكن ب (ه ) .

**********************
بعد النبذه الصغيره دي هنبدأ في أول تفعيله وهي ....


فاعلاتن .. ( /ه //ه /ه )

**********

تفعيله سهله وجميله جدا .. الاول لازم نعرف يعني ايه (فاعلاتن ).. ببساطه دي عباره عن تفعيله ... بتبدأ بترتيب معين اللي هو

متحرك وساكن (فا .. /ه )

متحركين وساكن (علا .. / /ه )

متحرك وساكن ( تن .. /ه )

ولو جينا نطبق التفعيله دي علي الكلام بتاعنا .. وقولنا جمله زي ( لا تصالح ) وحبينا نحللها حسب المتحركات والسواكن عشان نعرف ايه التفعيله بتاعتها .. وهنلاقيها كده ..

لا .. متحرك وساكن (/ه .. = فا )

تصا .. متحركين وساكن ( //ه .. = علا )

لح .. متحرك وساكن ( /ه .. = تن )

اذا ( لا تصالح = فاعلاتن )

*************************

جمله كمان .. زي ( يا محمد )

يا .. متحرك وساكن (/ه .. = فا )

محم ..متحركين وساكن ( //ه = علا )

مد .. متحرك وساكن ( /ه = تن ) ........... ( الميم في محمد مشدده .. فتعتبر حرفان متحرك وساكن )

اذا ( يا محمد = فاعلاتن )

**********************

طيب نطبق الكلام ده علي حاجه من الشعر ..

******************************
صار عمري خمس عشره ..
صرت أحلى ألف مره ..
******************************

نيجي بقي نحللها تفعيله تفعيله ......

صار عمري

صا .. متحرك وساكن (/ه .. =فا )

رعم .. متحركين وساكن ( //ه .. = علا )

ري .. متحرك وساكن ( /ه .. = تن )

********************************

خمس عشره

خم .. متحرك وساكن ( /ه .. = فا )

سعش .. متحركين وساكن ( //ه .. = علا )

ره .. متحرك وساكن ( /ه .. = تن )

***********************************
صرت أحلى

صر .. متحرك وساكن ( /ه .. فا )

تأح .. متحركين وساكن ( //ه .. علا )

لى .. متحرك وساكن ( /ه .. تن )

*******************************
ألف مره

أل .. متحرك وساكن ( /ه .. = فا )

فمر .. متحركين وساكن ( //ه = علا )

ره .. متحرك وساكن ( /ه .. تن )

*******************************

صار عمري .. خمس عشره
/ه //ه /ه ........ /ه //ه /ه
فاعلاتن ...... فاعلاتن
********
صرت أحلي ...... ألف مره
/ه //ه /ه ......... /ه //ه /ه
فاعلاتن ....... فاعلاتن

****************************

صار عمري خمس عشره
كل ما في داخلي غنى وأزهر
كل شيء صار أخضر
************************

أول سطر عملناه قبل كده .. نعمل بقي الباقي

كل ما في داخلي غنى وأزهر

******************
كل ما في

كل .. متحرك وساكن ( /ه = فا ) .. اللام مشدده = لام ساكنه + لام متحركه

لما .. متحركين وساكن ( //ه = علا )

في .. متحرك وساكن ( /ه = تن )

******************

داخلي غن

دا .. متحرك وساكن ( /ه = فا )

خلي .. متحركين وساكن ( //ه = علا )

غن .. متحرك وساكن ( /ه = تن ) ... النون في (غنى مشدده ) أخذنا النون الساكنه لهذه

التفعيله .. والنون المتحركه نبدأ بيها التفعيله التانيه .

*****************

نى وأزهر

نى .. متحرك وساكن ( /ه = فا )

وأز .. متحركين وساكن ( //ه = علا )

هر .. متحرك وساكن ( /ه = تن )

******************

كل شيء صار أخضر

***************
كل .. متحرك وساكن ( /ه =فا ) .. أخدنا هنا اللام الاولي الساكنه من الام المشدده

لشي .. متحركين وساكن ( //ه = علا )

ئن .. متحرك وساكن ( /ه = تن ) ... هنا ملحوظه هامه جدددددددددددددددددددا .. كلمه ( شيء ) انتهت بهمزه زي ما بنكتبها .. لكن في الوزن لقيناها انتهت بنون .. ليه بقي .. لان احنا لما بنيجي ننطقها بننطق تنوين ..( اللي هو صوتيا عباره عن نون ساكنه .. لكن مش بتظهر ف الكتابه ) ... والوزن بيكون علي أساس المنطووووووووووق ....



*****************

صار أخضر

صا .. متحرك وساكن ( /ه =فا )

رأخ .. متحركين وساكن ( //ه = علا )

ضر .. متحرك وساكن ( /ه = تن )

************************

كل ما في ..... داخلي غن ...... نى وأزهر
/ه //ه /ه ...... /ه //ه /ه ........ /ه //ه /ه
فاعلاتن .......فاعلاتن ......... فاعلاتن
********

كل شيء .......صار أخضر
/ه //ه /ه ....... /ه //ه /ه
فاعلاتن ........ فاعلاتن
********************


التفعيلة الثانية:
فَعِلَاتُنْ .. ( ///ه /ه )

*********

ده التفعيله التانيه اللي هنعرفها .. بس الاول لازم نعرف انها تفعيله تابعة ل ( فاعلاتن ) .. بمعني انها بتيجي معاها في نفس الوزن وكأنهم تفعيله واحده .. وهيتضح الكلام ده اكتر لما نيجي نطبق ..

******************

يعني ايه (فعلاتن ) ... يعني تفعيله بتبدأ بثلاثه متحركات وساكن ثم متحرك وساكن


فَعِلَا (///ه) .. ثلاثة متحركات وساكن


تُنْ (/ه ) .. متحرك وساكن


*********************

مثلا لما نشوف جمله زي .. (ضحكت لي ) .. ونيجي نوزنها ..

ضحكت (///ه ) .. ثلاثه متحركات وساكن


ليْ ( /ه ) .. متحرك وساكن


إذا ( ضحكت لي ) = ( فعلاتن )


*************

نتعزّى ( ///ه /ه ) ثلاثه متحركات وساكن .. ثم متحرك وساكن

نتعزْ ( ///ه ) ثلاثه متحركات وساكن ..

زَى ( /ه ) متحرك وساكن

إذا ( نتعزى ) = ( فعلاتن )

************

دلوقتي قبل ما نشوف حاجه م الشعر هنوضح ليه ( فعلاتن ) تفعيله تابعه .. وليه بتعتبر كإنها ( فاعلاتن ) بالظبط وتدخل معاها في نفس الوزن ..


********************

ببساطه لان ( فَعِلَاتُنْ .. ///ه /ه ) هي نفسها ( فَاعِلَاتُنْ .. /ه //ه /ه ) بعد حذف حرف الالف .. طيب ليه حذفنا الساكن اللي هو الالف وغيرنا شكل التفعيله .. عشان تتباع ثلاثه حركات بيدينا سرعه في الايقاع .. بخلاف لما نتكون حركه وسكون بعدين حركتين وسكون .. كثرة السواكن بتخلي ايقاع التفعيله بطيء وهيتضح ده لما بعد ما نطبق ع الشعر دلوقتي .

******************

صار عمري خمس عشرة
صرت أحلى ألف مرة
صار حبي لك أكبر
ألف مرهْ..

****************

السطرين الاولنيين عملناهم قبل كده.. نيجي بقي للسطرين التانيين ..

***************
صار حبّي لك أكبر
ألف مرّهْ ..

**********

صار حبّي .. (/ه //ه /ه )

صا .. (/ه ) متحرك وساكن

رحبْ .. ( //ه ) متحركين وساكن

بِي .. (/ه ) متحرك وساكن

إذا ( صارحبّي ) = ( فاعلاتن )

*******************

لك أكْبر .. (///ه /ه ) ثلاثه متحركات وساكن .. ثم متحرك وساكن

لك أكْ .. ( ///ه ) ثلاثه متحركات وساكن

برْ .. ( /ه ) متحرك وساكن

إذا ( لك أكبر = فعلاتن )


*******************

ألْف مرّهْ .. ( /ه //ه /ه )

ألْ .. (/ه ) متحرك وساكن


ف مرْ .. ( //ه ) متحركين وساكن

رَهْ .. ( /ه ) متحرك وساكن

إذا ( ألف مره ) = ( فاعلاتن )


**********************

صارحبّي ......... لك أكبر
/ه //ه /ه ......... ///ه /ه
فاعلاتن ........... فعلاتن

***
ألف مره ....
/ه //ه /ه
فاعلاتن


بيتضح في السطرين دول ان (فعلاتن ) بتيجي مع (فاعلاتن ) في نفس الوزن زي ما قلت قبل كده .. لانهم بمثابه تفعيله واحده .. وبتأتي في صور مختلفه علي حسب سرعه الايقاع المطلوبه
************************************************** ******


لم أكن أطلب أكثر

***************

لم أكن أطْ .. (/ه //ه /ه )

لمْ .. (/ه) متحرك وساكن

أكنْ .. (//ه) متحركين وساكن

أطْ .. (/ه) متحرك وساكن

إذا (لم أكن أط ) = (فاعلاتن)

********************
لبُ أكْثرْ .. (///ه /ه )

أكْ .. (///ه) ثلاثة متحركات وساكن لبُ

ثَرْ .. (/ه) متحرك وساكن

إذا ( لب أكثر ) = (فعلاتن)

********************

لم أكن أط .......... لب أكثر
/ه //ه /ه .........///ه /ه
فاعلاتن .......... فعلاتن


**********************
وبصدري ضحكت قبّة مرمر
**********************

وبصدري .. ( ///ه /ه )

وبصَدْ ..(///ه) ثلاثة متحركات وساكن

ريْ .. ( /ه) متحرك وساكن

إذا (وبصدري ) = فعلاتن

*****************

ضحكت قبْ (///ه /ه )

ضحكتْ .. (///ه) ثلاثه متحركات وساكن

قُبْ .. (/ه) متحرك وساكن

إذا .. (ضحكتْ قبْ ) = (فعلاتن )

*********************

بَةَ مَرْمَرْ .. (///ه /ه )

بة مرْ .. (///ه) ثلاثة متحركات وساكن

مَرْ .. (/ه) متحرك وساكن

إذا (بة مرمر ) = ( فعلاتن )

*********************

وبصدري ....... ضحكت قب ...... بة مرمر
///ه /ه ............ ///ه /ه ............ ///ه /ه
فعلاتن ............ فعلاتن ............ فعلاتن

***************************

كده انتهينا من (فعلاتن ) ... وهي أول تفعيله تابعه ل (فاعلاتن ) .. وانتظروني المرة القادمه مع التفعيله الثالثه ( فاعلا .. /ه //ه )

**********************
وياريت اللى عنده معلومات يفيدنا واللى شايف غلط فى اللى أنا ذكرته يصلحه
ده معلومات حاولت أجمعها
وتحياتى:)