يعيبوا الناس والعيب فيهم 

فيه ناس مابتشوفش الوِحش إلا اللي موجود في غيرها، لكن مابيشوفوش الوِحش اللي فيهم هما شخصيًا ، فيه ناس عُمرهم ما هيعترفوا إنهم بيغلطوا أو إن العيب منهم وفيهم، وبيبقوا مُقتنعين إن أي علاقة مروا بيها وفشلت كان السبب في فشلها الطرف التاني مش هُمّا ..😥

مابقدرش أفهم الناس دي عايشين إزاي، دا الواحد أوقات مابيبقاش غلطان ومع ذلك بيفضل يشكك في نفسه ويدي مُبررات للطرف الآخر ويقول يمكن أكون غلطت في حقه فعلًا، لكن الناس دي بيبقوا مصدقين فعلًا إنّهم مابيغلطوش، وأي سيناريوهات بيخلقوها عشان يقلبوا الترابيزة علينا بيكونوا مصدقينها فعلًا مش بيقولوا أي كلام وخلاص..

ولما بيلاقونا ساكتين بيظيطوا أكتر ويخلوك تصدق فعلاً انهم على حق وانت الغلطان..

وأصبح العيب في الغير حق مكتسب للناس الغلاطة😏

ربنا يُرزقنا بناس قادرة تعترف بالخطأ وتعتذر عليه، ويبعد عنا كُل شخص مريض بالداء ده🤲