"اللص والكلاب" مش مجرد رواية لنجيب محفوظ دي قصة حقيقية هزت الرأي العام والشارع المصري في الستينات بطلها الحقيقي اسمه "محمود أمين سليمان" أشهر حرامي الفترة دي، المميز في محمود إنه كان حرامي جريء ويمكن قصد يستهدف المشاهير زي أم كلثوم اللي سرق فيلتها وفيلا أحمد شوقي ده غير أنه سرق بيت الُمقدم اللي كان مدير لمكتب المشير عبد الحكيم عامر.
اللي اتعرف بعد كده أن محمود كان متعلم ومثقف وعمره ما استخدم العنف ، يعني عمره ما شال معاه أي سلاح وهو بيقتحم البيوت وبيسرقها، مجرد كشاف وشوية مفكات، وكان بيتسلل من الأبواب والشبابيك من غير ما حد يحس بيه.. محمود مكانش بيسرق غير الأغنيا...والسرقة مكنتش موهبه عنده، ده درسها، عشان كان بيتدرب مع عصابات قبل ما يتخصص..
وقبل ما ييجي مصر، اتوقف في لبنان واتسجن عشان هجم على قصر رئيس لبنان وكان هيسرقه...
ده غير بقى أنه كان ممثل رهيب، انتحل شخصيات كتير من ضمنها صاحب دار نشر واخد ليها مقر فاخر بسكرتارية ومدير مكتب ومستشار قانوني ونهايته كانت قتله على ايد الشرطة بعد مواجهة معاهم في مغارة من مغارات حلوان...
#ياسمين_رحمي
2
-2
