عشان الكاتب يدي احساس بالواقعية أكتر لأي شخصية بيكتبها، يخليها حية ومجسمة في عيون القاريء، لازم يخلق ليها تفاصيل خاصة، غير الأحداث بتاعة القصة نفسها، من غير ما يزود عشان القاريء ميملش،

زي مثلاً تركيبته وطباعه، بيحب يشرب إيه وبيكره ايه، هل هادي ولا عنده طاقة مفرطة، ملامحه، تاريخه، طفولته، مواقف أثرت فيه، هل هو بيحب الهزار ولا جد ولا عنده حس كوميدي سودوي، اللي هو شايف الدنيا سودة بس دمه خفيف، من أنهي طبقة اجتماعية، ردود أفعاله عاملة ازاي، كل ده بيدي بعد للشخصية وبيخلي المستمع او القاريء يرتبط بيه ويحس أنه يعرفه بشكل شخصي، كأنه صديق أو جار أو معرفة، وده بينعكس على القصة نفسها، الناس بتحب وتعيش القصة اكتر...