كنت باتفرج على فيلم النمر الاسود بطولة العملاق احمد زكي الله يرحمه 

كان فيه مشهد عجبني وحسيته واقعي جدا...

لما احمد زكي وهو في الغربه سمع عن حرب ٦٧ وهو في المانيا بيجري على اكل عيشه

فقرر بشكل عفوي وحاسم جدا انه يلم هدومه ويرجع على مصر....وحتى "هيلجا" جارته وحبيبته كانت بتبكي وبتقوله انت رايح فين مهمد؟؟ ...

قالها وهو متعصب انا لازم انزل مصر اعمل اي حاجه...

بس للاسف عرف ان المطارات كلها مقفوله 

وهي ديه الشخصية المصرية بلا مبالغه ....لما بلده بتقوم فيها حرب ...بيجري عليها....مش يجري منها ..

وللعلم ده مش مشهد في فيلم ودراما وكده!!...

في الواقع ...مصر ياما حاربت وستاتها واطفالها كانوا بيتهجروا جوه البلد...وستات كتير كمان قدموا بطولات تدرس !....واغلب شبابها كانوا يا اما في الجيش يا اما فدائيبن ...

البلاد بتتحرر كده....بتتحرر بوقفة ولادها قبل قيادتها 

#تحيامصر