أنا من أكتر الحاجات اللي بكرَهها في حياتي: الناس اللي بتفجُر في خصومتها.

يعني شخص كنت معاه على الحلوة والمرة، واكلين وشاربين وضاحكين ونايمين سوا، مصارحينه بكل حاجة…

وفجأة لما يحصل خلاف، تلاقيه بيطلع كل أسرارك، وبيعايرك عادي جدًا،

يشوّه صورتك، ويخون العيش والملح اللي كان بينكم…

من غير حتى ما يحس إنه بيعمل حاجة غلط!

الناس دي بالنسبالي مش بس فجّارين، دول خَوَنة.

إزاي تكون أنا فتحتلك قلبي، وفضفضت، وشاركتك لحظات ضعفي، وأمانتيك على وجعي…

وتفضل تخزن كل دا جواك،

عشان أول ما نزعل، تطلعه وتغرز السكين؟!

إزاي بتعدّي الحدود؟! إزاي مافيش عندك خطوط حمرا؟!

فين الود؟ فين الحب؟ فين اللحظات الحلوة اللي المفروض كانت تشفعلك؟

هو انت مش فاكر إننا ممكن نتصافى يوم؟ نرجع زي الأول؟

لكن الحقيقة… بعد كسر الثقة، بعد طعنة الأمان،

بعد خذلان النفس،

مافيش رجوع.

أنت بقيت بالنسبالي شخص لا يُؤتمن.

ملكش أمان تاني… ولا حتى احترام.

أنا مش هرد عليك،

ومش هنتقم…

بس خلاص، انت كل اللي هتاخده مني هو احتقاري.