وبمناسبة الموضوع اللى فات عن كتاب "عقل جديد لعالم جديد" والنقاش عن السخام الذى يفعله بنا الذكاء الاصطناعي و تطبيقاته ...تصادف انى بقالى فترة بأقرا فى هذا الكتاب العسلية " البطل بألف وجه لجوزيف كامبل" ...عن تركيبه حكايات وأساطير الأبطال عبر التاريخ وفى كل الثقافات وازاى بتورينا رؤيه البشر لأنفسهم وحدودهم و معرفتهم بنفسهم.. و تطور فكرة "البطل-المخلص" عند كل شعوب العالم...افتكرت كتاب تانى لفراس السواح "مغامره العقل الاولى"... ودا بيتكلم عن أساطير بلاد الرافدين و اساطير بداية الخلق ومقارنتها بأساطير الخلق عند باقى الثقافات...
وعماله أفكر اد ايه خيال الإنسان الأول كان خصب...يخلص شغل و يقعد يتأمل فى كينونته والكون والليل وسماه ونجومه وقمره...وينظر فى ذاته و حكاياته وذكرياته...و اد ايه البشرية بتفقد خيالها بالتدريج و بيتقلص لصالح وسائل ميديا بتتصارع على شغل ساعات فراغه..ساعات فراغه هى صناعة كامله وعملاقه...بحيث أنه ميلحقش يفكر ولا يتأمل ولا يتخيل...
معرفش ليه بدأت اصدق أن فى حكومة ماسونيه عالميه اليوميناتى بتلعب فى مخ العالم...و حديثا استبدلت قدرته على التخيل تماما وحولته لمتلقى فقط لما يتخيله الآخرون ...والآخرون دول عندهم أجندة...و الأجندة عند الحكومة الماسونية دى بقى ....
معرفش انا لسعت من كتر الشغل اللى ورايا ولا توفيق عكاشه أثر عليا ولا مالى بالضبط...
2
-2
