السيستم الصحيح بلا ابطال

التعامل الحكومى مع الأزمة كان معقول (بصرف النظر عن الاستقلال بشكوى انقطاع النت) ..لكن متوقع طبعا الخدمات تاخد فترة على ما ترجع..

كل دولة معرضه للكوارث عادى و قدر ولطف..

انت عارف اللى مضايقنى؟

إنى واثقة ومتأكدة أن السبب حاجه من نوعيه ( قالوا الكابل ميتحملش بس احنا ركبناه برده..يحصل ايه يعنى!) ..(أصل ميعاد الصيانة عدى بس الميزانية واقعه ... في قطع غيار مش لاقيينها) ...(التكييف فصل في اوضه الكابلات الفلانية و مذكرة التصليح لسه مخلصتش).. (خطة الطوارئ أصلها غاليه أوى فليسناها) ..مرورا بعم فلان اللى عمل قهوة سربتايه جنب الكابل الفلانى أو عم علان اللى مدارى الكاتل جوه...

دا اللى يزعل..أن مكنش في خطة طوارئ و كل الاحتياطات اللازمة معمولة واللى حصل حصل بقى...

يتساوى فى الاستهتار بمواصفات السلامة الشعب والحكومة وكله...(راجع عدد السائلين في جروبات الديكور مثلا عن تقفيل علب المطبخ حوالين عداد ومواسير الغاز...و المهندسين بتصوت وتقول غلط والناس بتقولهم حيحصل ايه يعنى)...

و قول أخير...

السيستم الصح مش محتاج أبطال..إلا فيما ندر..