الحلقه التاسعه

"متشكرة يا كابتن انك قبلت دعوتى "

عيون ايهاب تدور بالمكان كله باحثاً عن حسين بينما قطعت سمر

_انا عارفه انك مستنى حسين ،بس انا هدخل فالموضوع على طول 

_المفروض يا مدام سمر ان الميعاد معاه

_بس انا الل جيت وقابلتك

_علشان!

ابتسمت سمر بسخرية وقالت

_شكل حضرتك مستعجل

_انا فعلا مش فاهم لحد دلوقتي انتِ عاوزة ايه ولا حسين

_حسين بيساومنى ...وانا عاوزه اخلص من الل انا فيه

ايهاب هز رأسه بتعجب واردف

_وانا داخلى ايه

_انت السبب

_ازاى

امسكت بهاتفها واشغلت مقطع مصور اذهل ايهاب حينما رآه !!

اتسعت حدقه عيناه وهب واقفا من هول المفاجأة ،بينما كانت تتابع سمر ردة فعله بحذر

امسك معصمها بشدة قائلاً

_انتى جبتى الزفت دا منين ؟

_كابتن ايهاب ،ممكن تسيب ايدى الناس بتبص علينا 

_مش هسيبك ثانية كمان عايشه لو مقولتيش جيباه منين ؟

كانت تتنفس سمر مرتعبه ،حقا له وجه آخر مرعب يكاد ان يخيف اى شخص يراه 

حاولت تهدئته مردفه

_كابتن ايهاب الاسلوب مش كدا ، انا هقولك كل حاجه بس ممكن تسيب ايدى؟

حاول ايهاب تملك اعصابه قدر الإمكان، وجلس ثانية ومازال هاتفها بيده وقال بصوت هادئ ولكنه هدوء ماقبل العاصفه

_هتنطقى ودلوقت تقوليلى الفيديو دا جبتيه منين،ولا اصورك قتيل كمان دقيقة ومش هاخد فيكى يوم

_انا الفيديو دا لاقيته مرفوع على النت وصدقنى انا بقولك الحقيقة

وانا نزلته ولما عرفت ان انت الل فيه حاولت ابحث ايه الامكانية الل تخلينى اشيل الفيديو دا من عالنت 

وعرفت وشيلتها صدقنى

_ومخلياه معاكِ ليه ، وبتوريهولى دلوقت ليه ؟ ابتزاز ولا عاوزة فلوس 

نظرت له باعين تعرف كيف تتقن النظرات فى وقتها المناسب وللشخص المناسب

_فلوس يا ايهاب!

رفع ايهاب حاجبيه تعقيبا عما تفوهت به الآن ،ومامرت الثانية حتى اكملت طمس الطين بلل

_ياااه هو انت فاكر انى كلمتك وعملت لنفسى مشكلة مع حسين جوزى عشان ابتزك واقولك عاوزة فلوس

بسخرية ردف لها ايهاب

_طبيعى من واحدة متجوزة واحد ببلادة حسين،هتوقع ايه يعنى منك وانتِ متصلة وعاوزين نقابلك

وتيجى وحدك ومعاكِ الفيديو ..انطقى عاوزة ايه ؟!

تنحنحت سمر وحاولت ان ترتب كلماتها بداخلها قبل النطق بها وقبل ان تتحدث سبقها ايهاب

_واسمعى،الكذبة الخايبة بتاعت لاقيته مرفوع نت دى تضحكى بيها ع اى عيل صغير 

لكن انا ياماما قديم اوى وحوارات هبلة متتعملش عليا

بس هعمل نفسى اكلت الطعم لحد م اعرف ايه وراكِ ...عاوزة ايه؟

_عاوزاك انت !!

#نورإسماعيل

✨✨✨✨✨✨

_انتِ قولتيله عاوزاه هو؟!

ابتسمت سمر وتناولت من امامى كوب العصير الخاص بى وارتشفت منه ومن ثم قالت

_ايوة ،قولتله عاوزاه هو ...هو انا استقتلت ف انى اقابله وضحكت ع حسين وقولتله رفض دعوتنا له 

والل عملته لحد م وصلت للفيديو عشان اقوله عاوزة فلوس زى ماهو كان فاكر

نظرت اليها نظرة تعرفها النساء،ليست نظرة لرجل يحملق فى جمال سيقانها او خصرها مثلا! او يتمحص تناسق نهديها 

بلى! كانت نظرة اننى اعلم بالاعيبها ك امرأة تود غرض معين من رجل.

بل اعتقدت قارئتى العزيزة اننى انظر لها نظرة متفحصه ككاتب .. فقالت ضاحكة

_طبعا انت يا استاذ امير بتبصلى بقا انك كاتب وعاوزنى اعصر الل جوايا ليك ...مع ان كدا كدا هقولك مش قصة وبتتكتب 

_انت مش شايفه انها مجازفه انك تحكيلى القصة وهى لسه بتحصل ، وانى كمان تعجبنى واكتب كل الل بتيجى تحكيه اول ب اول

مش كنت استنيتِ اما تخلص وتحكيهالى 

دنت سمر من ناظرى وقالت بثبات رهيب

_مش يمكن عاوزاك تقفلها ع نهاية حاسة انها مش هتحصل فالحقيقة؟!

اومأت برأسى غير مستفهم ف تابعت هى

_اصل حاسه انها مش هتنتهى زى م حبيت 

_ليكِ ولا سواء كل الثنائيات الل معاكِ ؟

_الله! اومال فين لعبتك ككاتب ...هو انا كمان هقول النهاية؟!

تعجبنى لعبتها بالكلمات ،قاريتى ذكية الى ابعد حد

_ياستى قولى النهاية وانا هشكل النهاية الل ع مزاجى

نظرت بعيدا بشرود وخوف وقالت 

_بس هى لسه مخلصتش ..

تناولت _سيجارة_من علبة سجائرى واشعلتها وانا احدثها 

_منكرش انى مشدود للقصة من اول م بعتيهالى ، بس طبعا بهاراتى انا ...

لم اكمل كلمتى الباقيه فالجملة، واذ بها قفزت من مكانها تلقف منى سيجارتى وتضعها بفمها وهى تقول بغمزة ماكرة

_بهاراتك هى الل هتحلى القصة ،حتى لو مش شبه الحقيقة!

#نورإسماعيل

✨✨✨✨✨✨✨✨

و هذا هو الطريق الى ذلك الجزء من العالم ، حيث تسكن عقارب الساعة لاختار انا متي و اين ، لأرى انعكاسات ما بداخلي على مرآياه ف ادرك من انا ويدرك هو ماهيته ...وتدرك انت فى اى الطرقات تقف!

بقاعة المحكمة كان يجلس محمد جهاد بجانب محامى الدفاع عنه ،وعلى الجانب الآخر تجلس الاء ووالدتها ومحامية الدفاع عنها .

دلف القاضى والمستشارين ، وبدأت الجلسة ..

قدمت محامية الاء بالانابة عنها مقطع_الفيديو_المصور ،وايضا قامت بتقديم بعض الاوراق بأنه قد تعدى عليها بالضرب اكثر من مرة واحدهم احدثت بها عاهه مستديمه فى اصبع يدها !

فوجئ جهاد بما يسمع وبنظرة الاء الصارمة كأنها متاهبه لسماع النطق بالحكم وانهاء الجولة لصالحها.

بعد جذب وسحب،قام القاضى بالنطق مرادفا

_الحكم ممتد لاخر شهر ...لمشاورة الزوجين والاخذ فى الاعتبار انهاء الدعوى المقامه صلحا،رفعت الجلسة!

قرعت مطرقته على الطاولة،نهضت الاء بصعوبة لاتنظر ناحيته من الاساس ،بينما جهاد فر ناحيتها مهرولا 

ليجذبها من ذراعها

_مش ناوية تكسرى عنادك دا ؟

_عاوز ايه يا محمد ،الموضوع منتهى

_وجايبه ادلة انى بضربك وكسرت صباعك وانك عاوزة تطلقى لوقوع الضرر ...انا ضرر يا الاء!

نظرت الاء ناحيته ب أسى وقد امسكت بذراع والدتها ومن ثم تنهدت واردفت بحزن 

_انت الل عملت فينا كدا يا محمد ،لحد دلوقت انت مش معترف انك اذتنى 

تدخل محامى الدفاع عنه قائلا الى الاء

_فيه جلسه للمشاورة والتصالح يا مدام ،ربنا ان شاء الله فيها يصلح الاحوال

اردفت الاء بجحوظ عينين وكأن رصيد صبرها قد نفذ 

_مفيش تصالح يا متر ، الا لو الاستاذ الكوتش جهاد قاللى ايه الل فالفيديو دا! ولا اصلا اتعلم ان مش كل شوية يرمى يمين طلاق ، المرة دى بقا هتبقى الاخيرة وهتبقى بالمرة ونهائية

احس جهاد ان هناك بارقه امل ،ومن الممكن انقاذ مايمكن انقاذه ..فتحدث بصوت هادئ نسبيا على غير عادته

_الاء ،وحياتك عندى 

_متحلفش بحياتى

_لا هحلف عشان هى اغلى حاجه عندى 

_بطل يا محمد مبقتش اصدقك 

امسكها من رسخ يدها بقوة فنظرت له ، حتى رخى قبضته قليلاً وأكمل

_والله مااعرف الفيديو دا امتى وفين ومين الل باعته 

اردفت الاء بسخرية

_كنت مغيب حضرتك!

_متستفزنيييش

نظرت الاء الى تحول وجه جهاد ورقبته الى ثمرة من الطماطم الحمراء فتركت الساحة من امامه ورحلت مع والدتها كأنه سرابا امامها.

✨✨✨✨✨✨

في قلبي تنمو كُلَّ ليلة كالقمر في مراحله الثلاثه ففي مرحلة هلالِك حتي وإن انطفأ جزء منگ فانطفائك يسكنه أماني طالما يسكنك حبي فنوره كفيل لگ بتوهج مافيگ من انطفاء

وإن نقص كمالك ف أنت كمالي في كُلِّ نقصِ 

وفي مرحلة البدر ضوئگ ينير عتمتي ويؤنس لياليَّ الحالِكه 

وفي مرحلة المحاق تتسرب روحُگ داخلي كُلَّ مره فتسكنني وتُسَكِن كُلَّ وجعٍ عليَّ جُمِع فتكمن داخلي ولا تضيءُ سواي..

بيده كان يتحسس يدها ، ينظر لها وهى ممددة هكذا تتلقى علاجها ومن شدة الالم تأخذ جرعات من المسكنات تجعلها تغفو قليلا بلا الم ...قليلا فقط!

اصابع يامن كانت تتحرك على شعر حور زوجته برقة الى الخلف ،التى اصابها الحريق فى جذعها منتصف جسدها وصنع تشوه بالغ اثرة فى نفسها وجسدها.

وعلى العكس اصيب يامن فى احد ساقيه بحرق من الدرجة الاولى ولكن سرعان ماحاول يامن بأن يجتازه حتى يستطيع ان يقف بجانب زوجته وشريكة قلبه حور.

_حور ،يابابا ...انتِ قوية وهتعديها والله خليكِ واثقه فربنا 

عيناها تتحدث حزناً وهى تجيب زوجها 

_مش زعلانه يا يامن ، يمكن ذنبك عشان فعلا اتجسست عليك ..مش دا الل ديننا قال عليه والمفروض انى واثقه فيك وواثقه انى انا وبس الل فقلبك

ابتسم يامن وهو مازال يلامس خصلات شعرها الحريرية المنسدلة على وسادتها

_وانا كمان اتعاقبت انى هجرتك على حاجه قديمه مالكيش ذنب فيها ،وعلى غيرتك عليا ك ست طبيعية 

خلاص يا ستى واحدة بواحدة

ترك قبلة على جبينها برفق ،ونظر الى مقلتيها بابتسامه فقالت هى

_مش هبقى فعينك حلوة زى م كنت ، نصى كويس ونص...

ضم رأسها إليه قبل ان تكمل ، وتحدث وكأن دقات قلبه هى المتحدثة

_وروحك راحت فين قبل شكلك ،روح حور الل حبيتها وفضلتها على كل البنات

اخلاق حور الل بالظبط فحوريات الجنة ، وعيون حور الل بشوف بيها دنيتى

متقوليش كدا يابابا عشان مزعلش منك ،انا الل بلوم نفسى انك جبتى اليوم دا رغم انه يوم راحتك وحصل الل حصل

رفعت حور عيناها له وهى داخل احضانه واردفت بخفوت

_ايه ياشيخ يامن ، دا قدر وكان لازم يحصل ولا ايه!

تبسم ثغره وعانقها بدفء شديد،ربما كانا يحتاجا الى هذه الصدفة اللعينه كى تعيد اليهم ثقتهم بأنفسهم وببعضهم البعض.

رب داخل المحن توجد المنح ،ورب داخل الشر يكمن الخير...ومن منهم كان يعلم ان لولا هذا الحريق الذى نشب

لوما انطفأت نيران كانت بينهم مشتعله ليال طويلة.

✨✨✨✨✨✨✨✨

_مقالتش الفيديو منين ، ولا حسين بيبتزها ف ايه !!

مقالتش اى حاجه .. سابت نار بس تحرق فيا وخلاص ،سابت التفكير يجننى

هل بجد الفيديو من النت ؟!

ولا حد باعتهولها ؟! طب ايشمعنا هى ومين فالاساس صورنى كدا وازاى دا حصل 

دماغى هتتشل تفكير ..خلاص مش عارف اوصل لاى حاجه 

_ايهاب!

هنا انتبه ايهاب من شروده ،اثر وضع فنجانا من القهوة امامه وبمناداة اسمه من فم محبوبته آية

_ايه يا حبيبي مالك سرحان ف ايه

تبسم ايهاب وتناول كفها وقبله من الداخل واردف

_بفكر ف حبيبي 

_لالالا فيه حاجه تانية شاغلاك بقالك يومين 

نظر ايهاب ب امعان الى أية ،هى حقا تفهمه حتى وان راوغها تعلم مابداخله ومافى سريرته 

تستحق قلبا لن ينبض الا لها ، تستحق مكانا لن يكون ابدا لاحد سواها.

_وعرفتى منين يا روح ايهاب ان فيه حاجه شاغلانى ،اذا كنت انا كويس اهو وزى الفل وقاعد معاكِ فالفراندا 

وبنشرب قهوتنا وهنحكى حكاياتنا وهنحب فبعضشينا

تضاحكت آية على طريقة القاء كلماته الاخيرة ونهضت من مكانها لتنتقل وتجلس على ساقيه كفتاه تدلل على ابيها واحاطت بيدها عنقه وهى تمسح من خلف رأسه برفق وقالت

_حبيبي ، صارحنى مش انا آيتك حبيبتك اول مرة تخبي عنى حاجه

_بس انا مش مخبي يا آيتى

_متضحكش عليا انا عارفه انك مش كذاب 

زفر ايهاب زفرة حارة ف رن هاتفه ،نظرا الاثنين ناحيته وناولته آية اليه من على الطاولة

_سمر!! سمر مين 

تلعثم ايهاب قليلا ولكن حاول التظاهر ب ان الموضوع عاديا

_سمر مرات حسين ياستى 

ضيقت آية عيناها وقالت بنبرة متوجسه

_ودى عاوزة ايه منك 

مط ايهاب شفتيه دليلا على عدم معرفته فتابعت آية تساؤلها

_انا ملاحظة انها بتكلمك كتير ، هما عايزين ايه يا ايهاب م تفهمنى

_اية احنا هناخد الليلة فسمر وجوزها ، سيبك منهم اكيد عاوزين يعزموا نفسهم عندنا تانى

اصل حسين دا تنح وانا عارفه من ايام دبي 

دنى من شفتيها واكمل وهو ينظر إليهم

_خلينا احنا فموضوعنا 

التهم شفتيها بشدة ،ابتعدت هى بالكاد من امامه ونهضت هاربة فنهض خلفها واتبعها

الى الطابق الاعلى يلهث خلفها وتتعالى ضحكاتها ،تُرفع القبعة إليك يا كابتن ايهاب

عرفت كيف تعالج الموضوع بحكمة وتواريه ،ولكن هل فى كل مرة سلمت الجرة!

#نورإسماعيل

✨✨✨✨✨✨

_إوعى اسمع منك كلمة فقير دى تانى ،دا إنتَ عندك كليتين يعملو 900 ألف جنيه!

_لا انا فقير ،فقير وغلبان مش زيكم عملتوهم على قلبكم اد كدا وسيبتونى وحدى ضال لحد م اتفنشت

اعتدل مارسيلينو فى جلسته ، ووضع الهاتف على أذنه الأخرى وهو يحاول نفض الاولى من صوت حسين المزعج ومما يقول 

_انا عاوز بس اعرف انهى ريح بنت كلب حدفتك عليا وخلتك تكلمنى دلوقت ؟! 

ترك حسين السيجارة من يده بعدما وصلت المنتصف ،اطفأها واعادها الى العلبة مرة اخرى وأكمل حديثه باهتمام مبالغ فيه ومبتذل

_مانا هقولك ياسينو انت مال خُلقك بقا كِنز كدا خليك سيريلاكس ،انا فتحت الفيس لاقيت اخبار انما ايييه فقولت اتطمن عليك بالمرة

التوت شفتى مارسيلينو حنقا واردف الى حسين باستياء

_لاقيت ايه يابوز الغراب ! يخربيت الل شار عليك برقمى

_لاقيت يامن كان فحريقه واتحرق هو ومراته ،واحد معلق له عالفيس ان كلنا ندعيله

_بسم الصليب!! ياساتر ياساتر يا حسييين 

_والواد محمد جهاد كاتب بوست حزين وواحد قايله مش هترسى ع طلاق وهترجعوا ان شاء الله

_وجهاد هيطلق مراته تالت ولا سابع؟يالاهوى يالاهوى يالاهوى ...كمل كمل ياضفدعة النحس

_واسمع ، ايهاب شكله بقا فيه مصيبة كبيرة هتحصله عشان حلمت له حلم بيغرق فبركة طين 

_دا اليوم هو الل كان مطين بطين يوم م عرفناك ياجالوس الطين

_ياعم هو فيه ايه،دا جزائى انى بتطمن عليكم !

قالها حسين بنبرة عالية ،فاردف الية مارسلينو بعدما قام برشم الصليب على نفسه عدة مرات تحصينا

_كدا بتطمن ولا بتموتنا بالبطئ باخبارك الشوم يابومة الخرابات!

_سيبك انت ، انت الل زى الفل مع المدام 

اصتنع صفيرا دوى صوته فى إذن مارسيلينو على الجهة الاخرى

_ايه يا زفت طرشتنى

_ايوة ياعم اترقيت فالشركة ،ومعاك موزة اللهم لا حسد تحل من على مشنقة عشماوى 

مالك انت بالمصايب الل احنا فيها 

_لا عقبالك ويارب متقاطعش ،انا جالى السكر والضغط والتهاب المعدة والاذن الوسطى ولينزى من اسبوع

ادتنى شلوت خلت الطحال ينفجر وشيلته ورافعين على بعض قواضى وليلة كبيرة اوى سعادتك

حك حسين فى ذقنه اثر بحثه فى رف ملابس سمر بخزانتها عن اى نقود واردف الى سينو

_مممم ،اكيد جالك دا كله من الاكل ..دا انت بتحش حش يابنى 

وبتاكل اكل ،الواحد بياكله ع شهر

سعل مارسيلينو فالحال بعدما انتهى حسين من كلمته الاخيرة التى القاها فى وجهه كالغبي ، ومن ثم ذهب ليتجرع جرعة ماء تذهب هذة السعله المفاجئة التى كادت ان تودى بروحه 

ومن ثم تنفس الصعداءواردف بغضب

_غور ياض اقفل السكة ياض ،اقفل قفلوا عليك فرن امبابه الآلى 

_انت اتحسدت،ياعم انسى انا بضحك معاك انت عارف انى بحبك يا سينو

_وانا لا

_مش مهم 

تنهد مارسيلينو وتمتم بصوت مسموع نسبياً

_ هااااه ،ومانيل الصديق بالتمنى ولكنك تقع مرغما فى اشر الكلابا وماكان حسين رفيق قوم الا وكانت وقعتهم هبابا

ضحك حسين عالياً ومن ثم قال

_بقولك ايه ،ماتعزمنى يوم عندك دا احنا حتى جيران فالقاهرة

_لا مانا مشيت من القاهرة روحت العريش

_عمى فالعريش اجيلك

_انا خدت شقة بس هناك لكن عايش فحلايب

_بسيطه مواصله واكون عندك 

_ماهم قطعوا المواصلات

_هشوف براشوت

_اقولك يا حسين تعالا جرى ،لاء

تعالى زحف...ولا اقولك الاحلى

_اييه؟

اغلق مارسيلينو الهاتف فى وجهه ووضع رقمه بالقائمة السوداء وتمتم بطريقته الساخرة

_يحرق صوتك على مكالماتك الهى تموت محروق ملدوع من تعبان فوشيا ،جاتك الهم!

✨✨✨✨✨✨✨✨

الحلقه العاشره

_انتِ غبية يابنتى ! مريضة؟!،بلاش عناد قصادى انا فزعلى وحش وخط احمر 

قطعت سمر ايهاب اثر تحدثه عبر الهاتف بحسم كأنها حقا تعرفه عن ظهر قلب

_عارفه ،وعارفه جدا وعشان كدا بقولك والله مش عايزة اى حاجه غيرك

_وحسين ! انتِ مش شيفاه ؟ شبح هو ،بلاش حسين ومراتى الل بعتبرها النور الل بشوف بيه

غرست سمر القلم بحدة فالورق الذى امامها من شدة غضبها واردفت 

_حسين مين الل احطه فدماغى ، حسين المعفن الل بيفرح بال ٢جنية الفكه!

حسين الل معيشنى ف قحط وفقر وحتى لما بحكى عنك قدامه ولا بيتهز ولا كأنى اهمه 

حسين ايه الل بتتكلم عنه ؟

ابتسم ايهاب بسخرية واردف لها

_ياستى انتى جوزك بالنسبة لك راجل هوزوء ، انا مراتى فوق دماغها وبحب احافظ عليها ،فياريت نختصر 

انتِ عاوزة ايه وانطقى قولى الفيديو منين قبل م صبرى ينفذ وحسين عاوز منك ايه ؟

رمشت سمر بعينها عدة مرات ، ارادت ان تفكر ب اى شئ ينقذها قبل نفاذ صبره بالفعل ،فارادت الالتواء فى مجريات الحديث كى تلهيه

_طب وانت مش خايف فعلا من الفيديو الل معايا ؟ فيديو بيجمعك بمراتك فسريركم 

بكل الشقلبظات والحركات والتكات ،مش قلقان انه معايا وكان مرفوع نت !

احتقن وجه ايهاب ولكنه تمالك نفسه وكظم غيظه وتحدث بهدوء

_لا مش قلقان لانك عارفه انك لو استخدمتى الفيديو دا هتلاقينى قاطع راسك قبل م تفكرى 

انجزى بقا فيومك

ارتعبت سمر ،تنحنحت وظهر ذلك لإيهاب واضح فعلم ان كارت الارهاب شئ مُجدى جدا مع شخصية كهذه 

_طب وليه التهديد ،عمرك شوفت حد بيحب حد يأذيه؟

_مين الل بيحب مين ؟ يخربيت كدا

_انا ياسيدى ،انا يا ايهاب بحبك ...ومن اول مرة شوفتك حبيتك ،ايوة وانا متجوزة صاحبك وكلت وشربت مع مراتك بس حبيتك غصب عنى جت كدا 

ولذلك عمرى م هأذيك

زفر ايهاب بضيق من حديثها السخيف ، واردف

_مممم بعيدا عن الهرى دا ، حسين بيساومك ع ايه ؟

_حاضر يا ايهاب هقولك ،بس توعدنى بعدها تفكر فكلامى 

وبجد مش هتندم

✨✨✨✨✨

مضيتُ جُل عمرى بقلب طفلةٍ لم تَخطُ قدميها على الارض مُطلقاً .. أُقدم دون تحسباً لزمن أُصبحُ فيه خاويةً وأشحذُ ثُلث ما أعطيته ببزخ ولا أجدُ سوى سهام شفقة وسُخرية تنهشُ عافيتى .. بُحت أحشائى وأنا أصرخُ بأننى أنا من كانت هُنا حينما رحل الجميع .. أين أنتم حينما سُلبت مدخراتى وأصبحتُ مُتسكعةً ف أزقة الحُب أبتغى حناناً دون مَنٍ ولا أذى ؟!

ف هى الاء ..التى حينما احتمت من غدر زمانها احتمت بصدر اكثر الاشخاص جعلها تتحطم من الداخل.

عزة نفس محمد جهاد،كانت اكبر من انتظاره حكم المحكمه ونطق القاضى بالحكم عليهما وعلى قلبه بالتحديد ..لم يسعه الانتظار كعادته الهمجية او حتى محاولات المحكمة بالتصالح والقى هو عليها اليمين الاخير !

كانت جالسة الاء بغرفتها ممسكة بورقة قسيمه طلاقها الرسمية ،تنظر الى توقيعه عليها وابلاغها غيباً

تنظر الى التاريخ المدون عليها ...مر شريط عليها طويل وحافل ملئ بالاحداث بينهما ...مهما حدث واى ان كان الحادث ، فهو محمد جهاد حبيب عمرها وحبيبها الاوحد الذى دخل قلبها وحيااتها دون استئذان .

"استنى ..انا مش بعاكس ،انا وعهد الله عاوز اتجوزك"

كانت اول كلماته لها ، اول من لامس قلبها منه ..عاهدها امام الله وطلبها من والدها فى النور ..اصبح حبهما يرى شمس النهار وامام الجميع ،اغدقها حبا وحنانا حتى انساها نفسها.

وضعت الاء القسيمة ،وتوكأت بعكازها حتى وصلت الى خزانتها لتفتح بابها وتخرج _شنطة بلاستيكية_بها صور كثيرة فوتوغرافيه تجمعهما فى كل لحظة بينهما ، حتى فى هذه اللحظات بعد رجوعهما بعد الانفصال ..فقد حرص جهاد على ان يلتقطا سويا الكثير من الصور وطباعتها وكأنه كان يشعر ب ان وقت الفراق سيأتى حتما.

"ايه يا الاء، راضيكى عذابي ...راضيكى تعبي الل بشوفه فبعدك دا؟"

تذكرت الاء كلماته هذه حينما كان يرتجيها ان يعودا بعد فراق دام لسنوات ، تنهدت الاء ب اسى وتمتمت بسريرتها

_اظن دلوقت خلاص لافي عذاب ولافى وجع يا محمد ، جيم اوفر ! بس خد بالك من الل جاى بقا

لان حقى مش هسيبه.

#نورإسماعيل

✨✨✨✨✨

هو من كان يحاول كثيرا ان يعيش ف عالمه الخاص عالمه الهادئ البعيد عن عالم اخر ملئ بالشر والحقدولكنهم كرهو له هذا العالم وحطموه..ف يامن لم يتوقع ابدأ ماحدث له ولزوجته كان فعل مدبر من خطيبته الاولى روفيدة!

_انتِ الل عملتى فيّا انا ومراتى كدا ؟ انا هطلبلك البوليس حالا

امسكت روفيدة يده قبل ان يتصل بالشرطه ليخبرهم عنها وقالت بتوسل مزعوم 

_يامن ارجوك متأذنيش

_وانتِ باللى عملتيه مش أذتينى انا ومراتى ، واذيتينى ف شغلى وشغلها ، انتِ كنتِ عايزة ايه !

انا مستحيل اغضب ربنا وارضى ب أنى اتكلم معاكِ وانا راجل متجوز وبحب مراتى وانتِ ست متجوزة 

انتِ ازاى كدا ، شيطان فى صورة بنى آدم ! كنتِ فاكرة انه يوم راحتى انا وشغلها هى ،خططتى ودبرتى ودفعتى فلوس عشان العيادة تولع وهى تموت ؟

مفكرتيش ف ولادى ؟ مفكرتيش فالناس الموجودة فالعيادة لو حصلهم حاجه ولا راحوا فيها ؟

نظرت روفيدة إليه باستعطاف بالغ ،واضح جدا بأنه ليس من داخلها وانها تجيد التمثيل بحرفة ولكن الفطنه التى منحها الله له جعلته يقرء الاعيبها هذه وان لايفتح فمه ليلتقط طُعمها 

_يامن ، انت عارف انى بحبك وان الل حصل زمان كان غصب عنى عشان كدا انا ...

قطع حديثها غاضبا وهو يدون رقم على هاتفه ويقول مردفا

_الو...بوليس النجدة ،عاوز ابلغ عن واحدة حرقت عيادتى عمداً 

اتسعت حدقه عين روفيدة ذهولا وما كان باستطاعها التحدث غير ان تردف إليه بشهقه عاليه رافعه حاجبيها كادت ان يغشى عليها وتنطرح ارضاً.

✨✨✨✨✨

_ماااارس 

كان مارسيلينو سائرا ب طرقة الشركة التى يعمل بها ،يدلف الى مكتبه ف اذا به يسمع صوت فيفيان من بعيد يناديه ،ليتصنع الهروب فتلحق به عنوة

_ماااارس ،استنى ...لابسه هيلز هتوقعنى 

تأفف مارسيلينو وتوقف وهو يقول

_ايه يافيفيان ، عاوزة ايه ...

_ايه يا مارس انت منفضلى خالص ليه كدا

_عشان انهاردة يوم التنضيف فالبيت وانا بحب انفض الشبابيك ..عن اذنك

تبسم لها ب وجه مفتعل وهو يظهر صفى اسنانه بسهافه لها،ف أمسكت هى ب طرف الجاكيت الذى يرتديه وقالت بانوثه طاغية

_للدرجة دى هى مخوفاك؟!

_مين الل مخوفانى ، انتِ شكلك متعرفيش انى متجوز بلد المخوفاتيه كلها ..شلبي سوليفان بينام فحضنى كل ليلة

_لكن مش بتحبها صح 

حدقت فيفيان فى وجهه وهى تقترب بينما تلتمع حمرة شفتيها فى وجهه وحرارة انفاسها تشتعل به اكثر واكثر

احست هى بأنه قد يستجيب لاغوائها فقالت 

_بُص كدا ، فيه حاجه دخلت ف عينى 

_حاضر هنفخلك فيها 

_لالا نسيت دى دخلت ف بوئى 

كانت تتلاعب ب اطراف خصلات شعرها ،بينما سمعوا صوت انذار حريق يندلع بالشركة ففر مارسيلينو من امامها سريعا وهو يردف

_يابووومه الشركه بتولع الله يحرقك ،هنموت محروقين يامااا 

✨✨✨✨✨

_امير ،هاتلى البورنوس من عندك

اقبل حسين نحو المرحاض متعجباً وهو يهتف 

_امير مين ،انتِ بتنادى على حد غيرى؟

تلعثمت سمر وقامت بمداراة الموضوع بجدارة فقالت

_يابنى قبل م ادخل اخد دوش كنت بسمع اغنية امير البحار ف علّقت ف دماغى مالك !

التوت شفتى حسين وناولها معطف الاستحمام وذهب غيرمبالى ، كان اسمى معلق ب رأسها حتما لاننا نتحدث كثيرا هذه الايام حول الرواية 

ربما تعجبنى طريقتها فى توصيل المعلومات إلى ، فقد اصبحت سمر ليست قارئة لدى وحسب 

استطاعت حفر مكانا لها دون قصد منى ، ولكن يبدو انه قصد منها ان تدلف هكذا داخل حياتى ليست ك روائى فقط.

لا اعلم ما الخيط الذى بينى وبين قارئاتى ،هناك سر عجيب وخفى حتما ...جلست الى اوراقى اعيد صيغه ترتيب المشهد بين سمر وايهاب بعدما نظرت جانبي على هذة القطعة الحريرية التى تركتها سمر آخر مرة يبدو وانها قد سقطت من بالها ، سقطت ف وقعت فى جعبتى انا لتذكرنى بهذة الليلة الساخنه !

#نورإسماعيل

✨✨✨✨✨

أي جنون هذا الذي يجعلني أهتم لأمرك... وأنا لا أعني لك شيئا..!

وقفت امامه تلهث وكأنها قادمة من طريق طويل سيرا على قدميها ،صدرها يعلو ويهبط من شدة تعصبها واحساسها المضطرب والمتخبط ..بينما هو كان ينظر لها بثقته المعتادة يريدها ان تهدأ عن صراعها هذا وما نتج عنه ..

_يعنى انت بترفض اى وجود ليا فحياتك ،مش كدا؟!

اومأ ايهاب برأسه غير مستفهم ،ماذا عساه ان يفعل اكثر من ذلك ليوضح لها ماهيتها وكونها فى حياته

_يابنتى متضطرنيش اعمل اسلوب انا مش حابه معاكِ، انا لحد الآن عامل حساب لكل الحجات اللى شرحتهالك مليون مرة قبل كدا ،وعامل حساب ان فيه ظروف نفسيه دفعتك لانك ت....

صرخت سمر فى وجهه مقاطعه إياه بعفويه وصوت يشبه الصراخ

_انا بحبك !!مش ظروف نفسيه ..مستحيل اعرف واسمع كل اللى عرفته وسمعته عنك دا ومحبكش!!

لا يا ايهاب انا مش حبيت انا اتكفيت على وشى كدا كأنك مطب مكنتش عامله حسابه 

كأنك ذنب مش عارفه انساه وبستحلى عذابه 

انا مش مجنونة ولا واحدة مضغوطه وحبتك ،،،انا واحدة فهمت وعرفت ادق تفاصيلك من بعيد لبعيد وحبتك من غير م تعوز ولا تطلب حاجه منك غير بس انك تفضل فحياتها 

صوته اخذ فالعلو وقد بادت عليه علامات الغضب خاصه انها ترى الان احمرار وجهه ونفور عروقه ب رقبته 

_انا بحب مراتى افهمى !! بحبها واوى ومعرفش احب غيرها وقلبي اتقفل عليها 

انتى عارفه تستوعبي دا ...هى بس لو حست ب الهبل بتاعك دا انتى عارفه عواقب دا ايه

نظرت له سمر بشرار فى عيناها

_متخيل انى ممكن اسيب حقى فيك ليها ،هى خدت منك اكتر بكتير من اللى تحلم بيه ،وانا ليا حق وهاخده ي ايهاب

_مالكيش اى حق فيا يا سمر ولاخر مرة بقولك ابعدى عنى ،،فيه رد فعل تانى منى مش هتحبيه

اقتربت منه انفاسها تشعل احاسيسه ك رجل على اية حال ، كنت اود انا ك أمير راوى هذة القصة ان اكتب عنها هذا الجزء ك ضمير مستتر اسمه هى !

ولكن مطلوب منى المصداقيه كى تكتمل الصورة حتى وان كنت اود تزييف الحقيقه بقدر استطاعى .

نظرت له بعينيها كأنها تريده ان يقع فى بئر نظراتها العميقه التى لانهاية لها ، تحدثت بخفوت وانوثه طاغيه لايبدو ابدا على فتاه مثلها وفى ضعفها الذى يبدو عليها طيلة الوقت

_انا سمعت عن آذاك وعن قلبتك ومش خايفه منك ،عشان دا 

ضغطت بباطن يدها على قلبه تحدثه بكل مافيها مخاطبه قلبه وعقله وعيناه فى نفس الوقت ،واردفت ب ثقه

_دا يستحيل ميكونش حاسس بيا ،ولو حس..مش ممكن يأذينى

ولو اذى؟ على قلبي احلى من العسل عشان اذى الحبيب زى اكل الزبيب !!

✨✨✨✨✨✨✨✨

الحلقه الحاديه عشر

_ايه البونية الل فعينك دى ياسينو!

نظر مارسيلينو الى زميله ب استعطاف وهو يضع كيس الثلج فوق عينه ويردف بتهدج صوت

_انا راجع من الشغل امبارح بعد الخضة الل خدناها ومطلعش فيه حريقه ولا حاجه وطالع من هدومى ومش طايق نفسي ، فالست الكومل مراتى سألتنى سؤال ملهم جدا بصراحة  

 عملت ايه في الشغل قولتلها اشتغلت راحت جودت بسؤال اكثر ذكاءا ماهى ليلتها بقا لا احكيلي كل التفاصيل 

_هاه!

_قولتلها بصي ياحبيبتى انا نزلت من البيت روحت الشركة اشتغلت ورجعت راحت برئت كأنها اتلسعت فقفاها وقالت يابنى هي دى تفاصيل يابنى هو انت حتى الكلمة مستخسرها فيا انا اقعد طول النهار زى القرد وانت تيجى يدوب تنقطنى بكام كلمة

اقترب زميل مارسيلينو الاخر بمقعده ناحية المكتب،واردف بشغف

_وبعدين

نظر سينو ناحيته وأكمل ب امتعاض

_انا كدا بحكيلكم حدوتة ،يلا ماعلينا لسه بقولها يا حبيبتي ومكملتهاش قالتلى

استني هكمل يالينو وانا بينى وبينك بتشائم من دلع لينو منها لان بعدها بنضرب بعض بالشلاليت،المهم باستعطاف معفن قالتلى الكلام ابسط حقوقي معاك ليه متحكيش ليه ديما فيه سر في قلبك 

مانا لو صاحبك ديفيد اللي بتقعد معاه فالبلايستيشن بالساعات كنت هتحكي انت لا يمكن تكون بتحبني 

 ممكن ترد وتقول اتجوزتني ليه ؟ 

لسه هرد لاقيتها مش مستنيه وهوب قالتلى والله العظيم هكسر الفازة الكبيرة اللي هناك دى 

روحت قولتلهاطيب ما بلاش دى ياحبيبتى وتكسري الصغيرة ارخص قالتلى انت قولت ايه ؟ 

بصراحه مكدبش عليكم انا خوفت وقولتلها بقولك كسري الصغيره ارخص 

قالتلى لا اللي قبلها روحت بنفس الهلع الداخلى قولتلها قولت ياحبيبتى 

راحت عيونها قلبت قلب احمر وقالت بقى انا لو حبيبتك هتسيبنى متعصبه كدا ؟ 

ضحكوا زملاءه واردفوا فى صوت واحد ب اهتمام

_كمل يابنى ، دا حكاياتكم دى تتعمل يوميات 

واردف الآخر

_كمل كمل يابنى دا انتو فظاع 

نظر مارسيلينو اليهم ،ومن ثم تصنع البكاء فربتوا على كتفه وتابع هو

_وراحت قالتلى م انت فاكرنى مجنونه ولا ايه واقسم بالله الفازه لتتكسر دلوقتي 

وراحت بكل قوة خابطة الفازه في الارض ومصرخه طيب بتصرخي ليه مش فاهم 

والجيران جت افتح يااستاذ مارسيلينو متضربش مراتك حرام عليك راحت لينزى بصتلي وقالت بكل غلب وتنهيد لدرجة اني حسيت نفسي غلطان فعلا وقالت افتحلهم يشوفوا يااستاذ افتحلهم ماانت غاوي فضايح 

فجأة دخلت فتحت الباب الستات دخلت تحضن فيها وانا واحد بيدينى محاضرة ازاى اتعامل مع مراتى وكورس تنمية بشرية نزل على دماغى وهو اصلانفس الراجل ده مراته ضرباه بسبت الغسيل في دماغه يوم الحد اللي فات بس مش موضوعي 

قطع حديثه زميله حينما اردف

_هو احنا بنعرف ندى نصايح حلو اوى ومنعملش بيها،هو الشعب المصرى كدا 

_كمل يالينو،محدش يقاطعه تانى ياجماعة دى حكاية مشوقه جدا 

_ياسيدى فالوقت دا حسيت نفسي في شارع العتبه و واحد مدخلني المحل بالعافيه و حاطط على كتفي بنطلون وخمسه وتلاتين قميص ويقولي ذوقك حلو جدا عاوزين خمس تلاف جنيه 

وجه عم محمد ابو تلت غرز من سبت الغسيل قالى يااستاذ مارسيلينو والله دول كائنات رقيقه قولتله والمسيح الحى ياعم لطيف انت اللي رقيق 

 عم سعد متكلمش بصراحة وطلع ربابه من جيب البنطلون وعمل مزيكا هاديه تلطف الجو 

وضعوا ذقونهم على ايديهم واردفوا معا

_وبعدين

_بس ياسيدى ،كلمة منى علي تسعه وتمانين كلمة منها طلعت غلطان 

والجيران عاملولي محكمة الاسرة في الصالة عندنا قعدتهم كلهم ودخلت المطبخ عملتلهم فشار وجبت ميكرفون من جوا كنت جايبه ب 120 جنيه مش فاكر ليه بس اهو جه وقته  

وخليت عم سعد يشتغل علي الربابه يمكن اصعب عليهم وانا بحكي وقولت بصوت جهور سمع هوووس

انا خلاص هقولك عملت ايه في الشغل  

 نزلت الصبح 34سلمة وركبت العربية ومشيت حوالي ساعه ونص الا 32 ثانية 

صباح الخير ياشركة 

صباح النور ياموظف 

المدير فين ياشركة 

مستنيك وجايبلك خصم ياموظف 

دخلت خدت الجزا وخرجت زي البدر 

وفى وسط الشغل بتغدى مع نور وبعدين بخرج من الشركة اللي تولع علي دماغهم قادر ياكريم وبركب العربيه واوصل هنا واطلع ال 34 سلمة عشان ارجع لمراتى حبيبتى لينزززى واتكيت عال زييين

وقولت لهم ثوانى كدا اما اشغل صدى الصوت بتاع الميكروفون 

مراتى تى تى ..... حبيبتى تى تى ...لينززززى 

وروحت قعدت وسط الناس الل لسه قاعده قولتلهم 

تحبوا اغنيلكم حاجه للست ؟ 

فحسوا ومشيوا الحمدلله ،لاقيتها لسه بصالى بصة مصاصين الدماء

روحت قولت رسالة في الميكرفون قبل مانزل من علي مسرح الصالة 

لو مراتك قالتلك عملت ايه في الشغل ؟؟ 

اوعي تقولها اشتغلت وتسكت ارغي وخلاص وياريت تقولها ان فيه تنين جه الشركه وبخ النار من بوقه حرق كل الستات اللي فيها 

ومتتكلمش كتير غير في وجود محامى شاطر عشان هتغلط 

تدخل زميله قائلاً

_طب ماهى خلصت،ليه مضروب بقا؟!

تصنع مارسيلينو شهقات مضحكه وهو يمسك برأسه

_ اصلي في نص الكلام قولتلها واتغديت مع نوروطبعا مصدقتش انه راجل و طلعتني علي المسرح تاني وخلتني اتصل بيك يا نور يروح ابن الوارمه يقولى ايه بعد م قولتله 

مش انت نور؟ 

 فكرني بهزر معاه وقالي لا ثواني اندهالك من جوا ،راحت هى نزلت بالفازة الصغيرة ع دماغى وعينك ماتشوف الا النور!!

ضحك الجميع ومن بينهم زميله الذى تصنع المقلب عمدا به ولكنه لم يكن يعلم انه تسبب فكسر رأس مارسيلينو من زوجته لينزى للمرة الالف .

#نورإسماعيل

✨✨✨✨✨

ما الذى اتى بها الى هنا؟ اقصد الى عالمى هذا ..هناك ثمانى كواكب اخرى غير هذا الكوكب ! الم يكن لها اختيار فيما بينهم ...بعيدا عن زوجها هذا الذى تبغضه ،والتى أُِجبرت ان تكون معه بحكم العادات والتقاليد المصرية العتيقه..بعيدا عن الثرى المغرور ايهاب التى تلهث وراءه وكأنه آخر كنوز الدنيا ...وبعيدا عنى أيضاً!

من الواضح جدا انها لم تنسجم مع معظم سكان هذا الكوكب ،فوجدت براحها معى انا فقط ،يالاعجوبة القدر..

كنت جالس شاردا بعد قضاء بعض الوقت الممتع معها،والذى أطلق عليه " التكّّات اللذيذة" اسم غريب ككل مسمى اطلقه على اشيائى ..اخرجت سيجارة وقبل ان اضعها بشفتى التقطتها هى من يدى وامسكت الولاعه فسالتها فى دهشة 

_بتدخنى ياسمر !

اجابتنى بينما كانت تشعلها 

_وليه لاء !عشان ابقا ادخل النار بالمرة ...شعر ومكياج ولبس محزق وكمان الل بيحصل بينا دا 

ارتفع حاجبي غير مصدق ،ماهذة الكائنه العجيبة ؟

انها مجرد فتاة عادية نشأت فى اسرة بسيطه ومن بلدة ريفية بمحافظة المنوفية وطيلة حياتها كانت منغلقه وحسب.

نظرت لها ب ارتياب قائلا

_انتِ جريئة اوى

اجابتنى وقد لمعت عيناها 

_وانت غيرهم كلهم بالنسبة لي

لا انكر اننى احسست بالزهو حينما تفوهت سمر بهذه الكلمة ، فاردفت وانا انظر الى عيناها مباشرة

_حاسة ب ايه ناحيتى طيب؟

ضحكت سمر ضحكة عالية نبراتها واردفت بطريقته الانثوية العفوية

_انت شايف ايه 

_انا عاوزك تجاوبي

_ عارف لما تكون بتشاور لتاكس بعييييد ،وعاوزه يوقف يوصلك لمشوار مهم 

وجمبك ع طول عجلة مركونة مش بتاعت حد ،توصلك اريح واسرع بس انت مش واخد بالك

بغض النظر عن التشبيه الحقير ، بس انا بحسلك حاجه متغيرة عن انك الكاتب المفضل ليا 

وانك الشخص الل عاوزه اوصله حكايتى عشان الناس تقراها 

بقيت بحس لك حاجه حلوة عاوزاها ع طول فيومى ،مش حب ولا اعجاب ولاتعود 

حاجه مغروسة فيا مخليانى عاوزة اقرب اقرب اقرب ومبعدش 

ابتسمت لها ابتسامه جانبيه ،واردفت بعدما ازاحت هى احد خصلات شعرها من ع جانب وجهها 

فقمت انا بجذب نفس الخصلة مرة ثانية ،ضحكت سمر عاليا وتذكرت انا انها نفس حركاتى مع اروى

وقبلها كانت فريدة ...ماهذا!!

احقا ستوضع هى فى قائمتهم ؟ كيف حدث ذلك ومتى إذا!

قطعت هى حملقتى بها هكذا واردفت باغواء سيدة تتفنن اللعب على اوتار رجل وحيد مثلى خاوى القلب

_ايه سرحان ف إيه؟

_ولا حاجه ،انا دايما سرحان كدا 

_ع فكرة نسيت اقولك ع حاجه تكتبها فالرواية

أومات برأسى مستفهما ،فقالت هى بدلالها الذى بدأت ان اتعود عليه

_انى وانا معاك بحس انى ست بجد !

قبلت شفتى قبله طويلة ، فطرحتها انا مرة ثانية الى فراشى كى ابرهن لها اكثر انها سيدة بالفعل

وان وجودها مع ذلك الوغد حسين ...ظلم عتيد..,

#نورإسماعيل

✨✨✨✨✨

_افعل يابن آدم كما شئت كما تدين تدان

_عندك حق ،البنى ادم مننا يعمل المصيبة فحق الناس ويورط معاه ناس ويبهدل الدنيا طول وعرض 

وفاكر ان مش هيتردله ، لا طبعا بيترد حتى لو بعد سنين..فاتورة ولازم تدفع يا ريس 

وبتدفع دنيا وآخره 

كان هذا الحديث يدور بمكان عمل حسين ، كان يستمع دون ان يبالى كعادته 

منغمس فيما يعمل ولا يعطى شئ اهتمام سوى ان يجدى المال فقط .

_بس على فكرة ،رمزى يستاهل واحدة زى خطيبته دى 

انت كنت عاوز يقعد يعمل ويسوى وفالاخر يوم لما يرتبط يرتبط بواحدة شريفه عفيفه لاء طبعا لازم واحدة مدوراها 

هنا انتبه حسين ،فترك م يفعل ونظر ناحيتهم ليشاركهم حتى لو صامتاً 

_بس لازم حد ينبه رمزى أن خطيبته دى مش كويسة،برضو دا صاحبنا

والساكت عن الحق

_يابنى رمزى مبيسمعش لحد ، واساسا هيقولك انتو غيرانين عشان هى قمر ومش قمر على اساس اننا بنات وهنغير او مثلا الستات بتوعنا شبه توفيق الدقن

_طيب هى فين المشكلة طيب

هنا تدخل حسين بالحديث،تعجبوا زملاءه لانه لايعرف القصة من اساسها او الشخص الذى يتحدثون عنه 

ولكن زميله اجابه على اية حال

_يابنى دا صاحبنا وعرفنا ان خطيبته مقرطساه جامد يعنى ،وهو كان خاربها مع البنات ومنهم واحدة عشمها وبهدلها وغدر بيها ف احنا عاوزين نحذره فهمت !

نظر حسين لزميله فغر فاهه بينما اردف الآخر

_بغض النظر عن ان لازم الدين يرجع عشان البت الغلبانة اللى ضحك عليها زمان ،بس هو صاحبنا ولازم نقوله

مع ان نفسي يدوق من الل عمله فبنات الناس عشان يحرم بعد كدا

بعد آخر كلمات تفوه بها زميل حسين، اصبح حسين فى دوامته شاردا متذكرا ماحدث قديما بينه وبين رضوى 

وانه تخلى عنها وعن وعده لها بعدما افتعلا الكثير من المحرمات سويا باسم الحب

ياتُرى ...هل استطاع عقل حسين استيعاب ان زوجته ستطعنه نفس الطعنه ؟

ولا انها فتاة عادية من بلدة هادئة الطباع ،لايوجد فى حياتها سوى العمل والمنزل وقراءة الروايات

ان تفتعل به هكذا ...ولكن هناك مقولة متدوالة

ان تحذر شر كل من سكت حسه وسلم لسانه ،لربما تأتى منه الصفعه الغير متوقعه..

✨✨✨✨✨

ولقد رأيتك رافعًا يداك بتوسلٍ، تشكو الظروف وقلة حيلتك،جئت أتابع حركاتك، أناتك، ورأيت فيك ما لم عين ترى..رجلًا يسود الأرض بدينه، أخذ الرسول آيته ووجهته

فأعلم بأن الروح تأنس بعضها، وأعلم بأن روحي تسكنك..

سطرت حور هذه الكلمات وبعثتها برسالة الى يامن زوجها فى رسالة نصية اثناء تواجده فى عيادته يباشر فحوصاته على مرضاه.

هو قد اخبرها بما حدث مع روفيدة ،و ب انه سلمها للشرطه دفاعا عن ما حدث له ولزوجته .. وأثر الخسائر التى حدثت بالمركز الطبي وبما حدث لزوجته .

حور صدقت حدسها بأن زوجها لا يحب سواها ولاتغريه اى مغريات مهما حدثت او من من كانت .

قلبه معلق بها كتعلقه بمسجد اعتاد الصلاه فيه ،ونور الله زُرع بينهم لايعكر صفوه ظلام حاقد او حاسد.

تلقى يامن الرساله فتبسم ثغره، وحك فى ذقنه المهذبة التى تعطى وجهه جاذبية فوق جاذبيته 

والهمه كلمات ييعثها ايضا لمعشوقته فكتب

"اراها تشع من قلبك لترتفع بين يدك ليتقبلها ربك وربي، انها دعواتنا الثابته في سجودنا وركوعنا وخشوعنا يا عزيزة روحي فنلتقي ،ففي لقائنا رحمه لقلبي كرحمته للعالمين..وانتِ رحمة الله الذى وهبها لى طيلة حياتى يا كل حياتى.."

✨✨✨✨✨

"بعدت ليه وخلتنى اخسر اغلى حاجه فدنيتى ،ليه لما اقابل حد غيرك لسه حاسس غربتى 

ليه انت بس الل فعنيا مهما شوفت دايما ،ليه لو فيه مكان لغيرك مش عاوز اعيشه ابدا"

كان يستمع محمد جهاد الى الاغنية حزين منفطر القلب دامع العين ،متذكرا كل شئ مضى مع لؤلؤة عينه 

الاء ..حبيبته وام ولده وزوجته 

تهاون برمى يمين الطلاق ،والان ادرك حقيقة مافعل وتسرعه هذا ماهى عاقبته.

رحلت الاء عن عالمه الى اجل غير مسمى ، وقبل ان ترحل هى بجسدها رحلت بقلبها عنه 

شاردا يفكر فحاله سويا فيما بعد ،وكيف ستكون معاملته لمحمد صغيرهم 

_جرى ايه؟ لا هى اول ست ولا آخر ست ..راحت لحال سبيلها مع السلامه 

قوم وفوق لنفسك وشوف شغلك واللى وراك

نظر جهاد ناحية الباب الى صوت عمته عزة التى من يومها تنهره على اعتكافه المستمر من يوم الانفصال 

فقد اعتاد نهرها له وحديثها خالى الطعم ، اعتاد كرهها ل الاء 

اعتاد فرحتها بمغادرة حياته نهائيا ،استطردت عزة واردفت

_انا عاوزة افهم ،هى كانت الاميرة ديانا يا ولاه!

_ياعمتى عايزة ايه ،ادينى طلقتها ومن غير رجعه كمان ..اروح اقتلها 

_لا متروحش يانن عين عمتك ، بس اطلع من الل انت عامله دا ،اييه هتموت وراها مفيش شغل ودنيا وراك 

لو هتفكر فحاجه ناحيتها ففكر فنفقة الواد ترميهالها امتى واد ايه وفضيناها سيرة

نظر جهاد اليها يشتعل شرار عينيه ف اردف بصوته الجهور

_ياعمتى عاوز افهم ،هى الاء دى كانت كلبة مثلا فراحت فستين داهية

مش بنى ادمه وحبيتها وخلفت منها وخدت كل الحلو الل فحياتى 

وطلقتها واتجوزت غيرها ومعرفتش اتعايش رغم ان رضوى كانت ست زى الفل 

ومع ذلك كتالوجى مظبوط ع الاء 

ليه مستكترة انى مثلا احزن عليها وع فراقها ، مستكتره انى بس احاول اطلع من الل انا فيه

هو انا عارفها اول امبارح ياعمتى 

التوت شفتى عزة استخفافا لما يقول ابن اخيها ،فجلست على اقرب مقعد لها فى الغرفة واردفت بسخرية

_ولما الست الاء غالية اوى كدا،يمين الطلاق لبانه فبوقك ليه كل حاجه عمّال على بطّال انتِ طالق طالق

مدام واجعك فراقها كنت مسكت لسانك ولو مرة

كنت عرفت ان فيه مرة هتبقى مالهاش رجعة ، لكن برضو هى لو مش نازلالى من زور ف انت عليك غلط كبير

الل بيبقى عاوز يحافظ على بيته دا ،مبيفتحش على نفسه مداخل شيطان ويرجع يعيط

تنهد جهاد ب أسى ولم يرد بكلمه واحدة ،استطردت عزة بعدما نهضت من مجلسها

_نهايته ، قوم اغسل وشك وشوف وراك ايه ،مش هنبكى على الاطلال طول العمر

م هى برضو بيّاعة ..مش حتة فيديو الل ترفع عشانه قضية وتطلب الطلاق

ياما الستات بتعدى ،دا مكانش بيت فضل فمصر لو كل الناس عملت زيكم 

القت كلماتها الاخيرة وانصرفت من غرفة محمد ، استمهل هو دقيقة ومن بعدها تذكر

انه لم يخبر احد فالمنزل سبب خلافه بينه وبين الاء .. إذا من اين علمت عمته بشأن المقطع المصور

خرج كثور هائج قائلا ل عزة فى اندفاع كعادته 

_عمتى ،ايه عرفك حكاية الفيديو ؟

#نورإسماعيل

✨✨✨✨✨

وماذا عن وجع قلب لم يعد يشتهي شيئاً ..

يمر ايهاب بمرحلة تغيير كادت ان تبدى علامتها على وجهه ومعاملته على حد سواء زملاء العمل وفى العمل أيضاً ، وفى منزله ومع اولاده ... وآية!

_ايهاب ...مالك يا حبيبي ،الاكل مفيش ومش بتقعد ويانا 

دايما سرحان وساكت كأن فيه حاجه فعلا شاغلة دماغك ومش عاوز تقولها 

حاسة روحك بعيد عن روحى يا ايهاب ..قولى بالله عليك فيه ايه

نظر ايهاب لمقلتيها كأنه يحدثهم ويصوب حديثه إليهم كى تشعربه هى من الداخل 

_لو قولتلك ..هتكبرى دماغك 

_قول يا إيهاب متقلقنيش 

_قوليلى بس ، هتعقلى ونفكر سوا ولا هتتجننى اول بس لما تسمعى كلمتين ؟

امسكت اية يديه كى تشعره ب امان اكثر واردفت وعيناها تسيل هياما

_وان مكنتش انا الل احس بيك ي حبييى ،انا سامعاك يانورعينى قولى بس فيه ايه

حدق بها ،وبعدها تمهل لاختيار الكلمات المناسبة للبدء بالحديث 

اخبرها بموضوع سمر من بدايته لنهايته ..واخبرها ان هذه التافهه لا تشكل له اى اهتمام او خوف منها

كل مايقلق حيال امره هو من اين حصلت على ذاك المقطع ؟ اكذوبة النت لم تكن مصدقه حقا 

لا عندما سمعها هو او عندما سمعتها آية منه ،هناك شرف يُفتك به بهذا المقطع هو وزوجته معا بفراشهما 

اية بعدما انتهى من اخبارها ،لم تستطع الرد سوى بالبكاء ..كادت شهقاتها تمزق قلبه ..احتضنها بقوة وهو يردف

_متخافيش يا حبيبتي، حقك هجيبه وهعرف مين الكلب الل وراه وسمر دى هسحل امها 

انا مكنتش عاوز اقولك عشان انتِ متقلقيش 

بس واضح ان لازم تعرفى ...ونتشارك زى م اتعودنا على كل حاجه سوا 

كفكف بيده دمعاتها ، ومسح على رأسها برفق وقال

_قوليلى يا آية ، ممكن يكون مين ورا الفيديو الحقيردا 

وقصده ايه ازاى وصل لايد الكلبة الل اسمها سمر دى 

هدأت آية من روعها قليلا ، واستعادت قواها واردفت بعدما لمعت فى رأسها 

الفكرة التائهة عن بال زوجها 

_وصال ، يا ايهاب ...وصال الل ورا الفيديو !

✨✨✨✨✨

الحلقه الثانيه عشر

_يابنتى كفاية جنان بقا ،تعبتينى معاكِ

رفعت الاء عينيها الى والدتها ببطء وقالت بصوت هادئ

_وهو انا عملت ايه يا ماما ؟ 

_سيبتى بيتك من غير م تسمعى جوزك وسكتت ، رفعتى قضية ومخدتيش رأى حد وقولت ماشى بترد كرامتها..جه ديك البرابر طلقك كدا من الباب للطاق عشان كرامته وتسرعه كالعادة

وانك متستنيش العدة تخلص يدوب فاضل فيها 15يوم وتدى وعد لابن عمتك انك هتكتبوا الكتاب بعد م تخلص العدة على طول ..لاااا انا كدا مش عارفه احكمك 

هو اكمن عجزت يابت خلاص !

اقتربت الاء من والدتها وربتت على كتفيها تهدأ من روعها وقالت

_ماما يا حبيبتي،انا معملتش حاجه غلط فكل الل حكتيه دا ، اخدت قرار ومقتنعه جدا 

فيه ايه بقا ،محمد جهاد بالنسبة لى صفحه واتقفلت

_ف انتى بقا نسيتيه فالكام شهر دول وهتعرفى تتجوزى غيره ،دا انتِ زمان معملتيهاش 

اشاحت الاء بوجهها بعيدا وهى تردف لوالدتها

_ايوة ياماما ، هدى فرصة لحد تانى يعرف قيمتى عن محمد ..زمان كنت معمية بيه وفضلت معميه 

لحد م فوقت ، فوقت ان مش كنت غالية عنده لدرجه ان يمين الطلاق كان فبوقه كل شوية 

انى ولا حاجه بالنسبة له لما خاننى واتسرمح والله اعلم فيه غير المرة الل شوفتها دى ولالاء 

ماما انا اتجرحت ...والجرح يترد عليه بجرح زيه بالظبط

حدقت والدتها بعيناها واردفت 

_يعنى ابن عمتك مش فدماغك اصلا ، وانتِ بتغيظى محمد؟

همت الاء بالرد واذ بجرس الباب يدق ، ذهبت والدة الاء نحو الباب وفتحت لتجده محمد جهاد قادم يلهث يلتقط انفاسه بصعوبة ويقول

_الاء...الفيديو متفرك ،دا مش انا ،انا عرفت الحقيقة والله م انا

قطعت الاء كلمات محمد بقولها المندفع

_انا اتخطبت ي محمد!

✨✨✨✨✨

_كنتِ فين ؟

نظرت سمر له بازدراء ، ودلفت الى غرفتها صامته فتبعها حسين زوجها

_انا مش بسألك ، ردى كنتِ فين 

_طلعت من الشغل ،اتمشيت شوية مع زميلتى ونفسي جت اشرب حمص الشام شربنا وجيت

خير فيه حاجه

حدق بها حسين ومن بعدها تحدث بنبرة صوت عالية نسبياً 

_اسمعِ ،بعد كدا تقوليلى رايحه فين وجاية منين وكنتِ فين ومتعمليش حاجه من غير اذن سامعة؟!

ابتسمت سمر بسخرية له ، وادارت ظهرها تبحث عن ثيابها كى تبدلها

_ياسلااام بس كدا ،عنيا يا سحس بومب هو انا اطول لما الاقى جوزى بيهتم بيا كدا 

زفر حسين زفرة بسيطه غير مصدق رد فعلها ،فتركها وانصرف وهو يقول بصوت عالِ يُسمعها

_على فكرة ، مفيش فلوس اشترى طلبات عشان تعملى اكل 

ف اتصرفى بقا ، فيه جبنه وعيش وانا اتغديت خلاص

هرولت سمر ناحيته غاضبه وهى تهتف بصوت عالِ 

_يعنى انت راجل بس ف رايحه فين جاية منين،لكن الرجولة عندك مش موجودة فالصرف عالبيت والمسؤليات وهاتى ياسمر واصرفى ياسمر

جذبها حسين من معصمها بقوة ليهتف فى وجهها 

_بقولك ايه ، انا لازم اعرف تحركاتك ودا من حقى ثم انتِ بتشتغلى زيي زيك بالظبط والبيت دا لازم يقوم بينا احنا الاتنين

_اسمع مفيش حاجه اسمها كدا ،انت الل بخيل ونتن وجلدة وحاجه صعبه ..ملايين الستات بتشتغل ومش مطلوب منها تساعد جوزها 

وبعدين تعالا هنا ..ايه الصحوة والنخوة والرجولة الل نزلت عليك دى ،من امتى يعنى ؟

لم تشعر سمر بأى شئ سوى باطراف كف حسين تطرق وجهها بقوة ،لاول مرة يفعل هذا بها 

لاول مرة تظهر هذه الناحية فى شخصية حسين 

اتسعت حدقه عيناها له ، ومن ثم لكمته عدة لكمات فى صدره فقام هو بضربها أيضاً وجذبها من شعرها يسحلها أرضاً .

كانت معركة بينهما لافصل فيها ولاجدل ، حتى رن هاتفها عدة مرات فنهضت سمر والقت ب حسين بعيداً عنها ونظرت الى هاتفها لتجدة ايهاب !

✨✨✨✨✨

على الناحية الاخرى كان ينفث ايهاب غضباً ، ويلقى بهاتفه بعيد ف سألته آية زوجته

_ايه يا ايهاب؟

_رنبت كتير وفالاخر بنت اللذينا دى قفلت تليفونها خالص 

شردت آية ،فلاحظها ايهاب ..قام بمحاولة تهدئتها

_حبيبتى ، انهاردة بإذن الله هتأكد من الكلبة دى ان كانت وصال الل ورا الفيديو ولالاء وساعتها والله لاجبلك حقك ومش هرحمها

عانقته آية تستمد منه الأمان ، تستمد منه القوة اكثر ..تحاول تهدئة نفسها من الاحساس المروع الذى داخلها 

تخشى ان هناك من رآها فى وضعها هذا غير هذه الحقيرة !

ولكنها تتمسك ب أمل ويقين بالله ...ومن كان مع الله لايُضام

#نورإسماعيل

✨✨✨✨✨

_طب تعالا اقولك نكته تانيه ، ف مرة واحد اتصل بواحدة كان بيحبها وسابو بعض

قالها وحشتينى بعد ٥سنين فراق يالا نرجع لبعض ..راحت ادت الموبايل لابنها وقالتله تف على عمو يا حبيبي!

نظر كاراس لأبيه كأنه غير مستوعب مايقال ،ف حك مارسيلينو ب رأسه يفكر حتى دلفت لينزى حاملة بيدها بعض الشطائر واكواب العصير لطفلها وزوجها وهى تردف

_ايه العبط الل بتقوله لابنك دا يالينو 

امتعض مارسيلينو وبدا هذا على قسمات وجهه فقال

_ابقى اكتبيلى كتالوج يا ام محسن العب مع ابنى ازاى 

التوت شفتى لينزى حنقاً وقالت فى تعجب

_ام محسن ايه يابوسريع ،الحق عليا عاوزة تلعب بشكل متحضر مع ابنك

_شكل متحضر ايه !هو انا هبنيله الهرم ،انتِ كل حاجه انا بعملها مش عاجباكِ كدا 

احست لينزى انها دائما توجه اللوم والتوبيخ له ،ف حاولت من تهدئة تصرفاتها معه اكثر فقالت بحنو 

_معلش يا لينووو ،م انت الل مستفز ولما بتستفزنى بضطر استفزك 

_دا فيلم تيمور وشفيقه دا ؟

رفعت لينزى حاجبا وكشفت عن انيابها وقالت 

_ايوة انت عايز ايه دلوقت ؟ 

امسك مارسيلينو باحد الشطائر ليتناولها ف اخذتها منه

_بلاش دا ، انت عندك السكر ودا سندوتش نوتيلا بالزبدة

تركها مارسيلينو بعدما ناولت لينزى الشطيرة إياها لطفلها كاراس ،وامسك الاخرى ف اخذتها منه أيضاً لينزى مردفه

_ودا كمان بلاش ، دا جبنه رومى والضغط يزيد عندك لو اكلتها

التوت شفتى مارسيلنو فتناول الاخيرة ف امسكتها لينزى فقام هو بالرد

_ايه دا كمان سندوتش برص!! وانا من آكلى لحوم البشر ؟

_ايه القرف دا ...لا طبعا دا كُل منه عادى 

_ يعنى الحمدلله أكل عادى 

فتح مارسيلينو الشطيرة ل يجدها فارغه فنظر نحو زوجته التى اردفت وهى تأكل وتشرب العصير بهدوء

_اه دا سندوتش فاضى ،افضل واصح حاجه ليك عشان كمية البلاوى الزرقا الل فجسمك 

تصنع مارسيلينو البكاء وتوجه برأسه الى السماء قائلا بتوسل

_نجينا ياعدرا ...نجينا ،اهئ اهئ اهئ

ليه يا دنيا تحطّى على جرحى كولونيا 

#نورإسماعيل

✨✨✨✨✨

ولك كيفما شئت حرية 

فأن عدتى فلن اتخلى 

وانت تخليتى فلن ابحث !

كنت انظر لها وهى نائمة هكذا ...تغط فى سبات عميق وكأنها ولدت داخل هذا البيت منذ زمن.

دلفت إلى المطبخ واحضرت بعض القهوة فى فنجانى الخاص وجلست الى مكتبي ففتحت عيناها تنظر لى 

بعدما ازاحت شعرها عن وجهها وقالت

_صباح الخير يا امير

_صباح النور ياسمر ،استغربت نومك العميق دا فبيتى حسستينى انك مولودة فيه

_ارتياح يابنى ، ارتياح فيه فرق لما تنام على انفاس امير..او تصحى وف وشك حسين!

ضحكت مما قالت وبطريقتها العفوية هذه ،واردفت إليها

_ طب يالا قومى عشان تشربي قهوة معايا 

_مبحبش القهوة عالصبح كدا ، فالشغل بطلب سندوتشات وافطر وبعد الضهر بشرب نسكافيه

القهوة دى بقا كل فين وفين 

تبسمت لها وارتشفت من قهوتى ، رأيتها تتحرك فى منزلى بطريقة عفوية وعشوائية أيضاً 

دلفت هى الى المرحاض بعدما احضرت ثيابها، اغتسلت وخرجت منه الى المطبخ صنعت وجبة الإفطار ،يحق القول لى انها كانت وجبة شهية ..رائحتها الذكية تسللت الى من على بعد.

أتت نحوى بابتسامتها المشرقة ، ووضعت امامى الطعام وبدأت تتناوله بشهية مفتوحه وانا ناظرا لها متعجباً

_يلا مش هتاكل معايا ؟

_كُلى انتِ بالهنا والشفا ، انا مش متعود افطر

_لا اتعود طالما انا قاعدة هنا لحد م اشوف هعمل ايه 

تناولت هى قطعة من الخبز ووضعتها فى فمى بعد ان ملأتها _بالمربي_ اكلتها مبتسم لها وبعدها اردفت إليها

_حسين تلاقيه مخضوض عليكِ

ضحكت سمر باستهزاء على ماقولته واردفت

_حسين استريح اصلا ان فيه حد مش هيقاسمه رغيف العيش الل بياكله ع ٣ايام

_يعنى مش هيدور عليكِ ؟

_لاء، عارف ان فيه وقت هرجع فيه ..اهلى وانا ماصدقت امشى اصلا من عندهم وبلدنا مش هرجعلها بعد م عرفت عيشة القاهرة

فهو عارف انى هرجع

_تفتكرى اتصل بحد من اهلك؟

_حسين مش هيتصل بيهم مش هيعمل شوشرة على موضوع تافه هو غلطان فيه ، شكلك لسه متعرفش حسين

عشان ترسمه فروايتك كويس

غمزت ب احدى عينيها فضحكت لشقاوتها هذه ، حتى رن هاتفها فنظرت للمتصل لتجده ايهاب وما ان ردت عليه

_اسمعِ فظرف ساعة تكونِ قصادى ف....... سامعة لا إلا والله مش هيحصلك كويس!

✨✨✨✨✨

صفعة قوية على وجهها ، افاقتها حينما كان مغشى عليها ...ادركت حينها سمر ان هناك ملعوبا اصتنعه إيهاب 

عليها حينما اخبرها ان عليها مقابلته فالحال ومن بعدها اخذها وجعلها تستنشق مخدرا ونقلها الى مكان فى فيلته منعزل تماما لينفرد بها وتعترف بما قامت به وينتهى هذا الكابوس.

_ودينى وما اعبد، لو منطقتيش الفيديو دا وصلّك ازاى هعملك فضيحه وهلبسك مصيبة تقدرى تسأل ِ الحيوان جوزك انا اقدر اعمل ايه ،صبرى عليكِ نفذ خلاص!

حاولت ان تستعيد قواها بعد هذه الصفعه ،وتمالكت انفاسها قليلاً ومن ثم انفرجت شفتيها وقالت

_وصال ...وصال طليقتك 

_هى الل ادتهولك مش كدا؟

_مش بالظبط..انا روحتلها وعملت نفسي صحفيه وبعمل حوار معاها ،عملت كدا عشان اعرف عنك معلومات اكتر واعرف مداخلك

ضحك ايهاب بسخرية جعل سمر تتعجب منه

_انتِ رايحه لاكتر واحدة متعرفش عنى اى حاجه تسأليها..اخلصى وبعدين!

_كنت حبيت ابين لها انِ عاوزة افضح اد ايه انت مش جدير بيها وانها تفتح لى قلبها 

بعد م روحت من عندها اتبعت لى الفيديو دا على الواتساب من رقم غريب 

فحسيت انها وصال ومش عاوزة تعرفنى انها هة عشان اسمها وعشان ميبانش 

انها عاوزة تهدك للاخر

دا غير انها فكلامها لما قولتلها قولى الل عندك ومش هنشره،قالتلى عشان تكشف علاقتك بمراتك آية قبل م تعرف انها مراتك 

كانت مخليه ناس تراقبكم وتدخل شقتكم القديمة وانتو مش موجودين ،يبقى اكيد حد حطلكم كاميرات عشان تمسك هى سلاح ف ايدها تهددك بيه ،بس واضح انها ملحقتش وانفصلتوا وأية الل كسبت فالاخر

زى ماهى برضو الكسبانه دلوقت بعد م عملت كل محاولاتى ف انى اكسبك ومعرفتش

هنا تذكر ايهاب قول آية حينما خطر ببالها ان من افتعل لهم ذلك هى وصال فقالت له

_وصال زى م عرفت تلبسنى مصيبة من لاشئ، هتعرف جدا وبكل سهولة تصورنا سوا فالوضع دا 

هنا اعتدل ايهاب ...وهم بالانصراف فصرخت سمر

_ايه دا !! انت هتسيبنى وتمشى،مش هتفكنى ؟ ايهاب ...ايهاااااااب