الحلقه الثالثه عشر

_بستغرب جدا للبنت اللى تبقى سايبه خطيبها او جوزها يكلم زمايله البنات فالشغل ويهزر ويضحك معاهم وتقول انا بثق فيه...ثقه ايه انا هنقبه !

قالتهالينزى وهى تضحك عاليا ف همت الاءبالرد عليها 

_وانتم اصلا معنكمش نقاب هتعمليها ازاى

_هلبس ف وشه مطوة تعمله عاهه مستديمه 

ضحكن الجميع ف اردفت الاء

_لا ع فكرة ،ممكن يقولك انه مش بيكلم حد وان مفيش غيرك فحياته وهو خاربها،العلاقه اللى فيها امان وثقه متبادلة ارقى واحسن بكتير من العلاقه اللى فيها حب وعشق ومليانه شك وغيرة

نظرت سمر نحو آية وقالت وهى تمعن النظر بها

_اظن آية كتر واحدة تحط ايدها على قلبها فينا

تعجبت آية مما قالته سمر ف ابتسمت واردفت بعذب كلماتها المعتادة

_ايشمعنا يعنى ؟

_ايشمعنا ايه ؟ انتى شايفه جوزك مين ! قيمة وسيما ومركز وجنتلة

فى صمت كانت تترقب حور الحديث مبتسمه ،اما عن الاء تعجبت من سمر .كيف لها ان تبدى اعجابها بزوج آية هكذا برأى مُعلن!

فتدخلت لينزىقائلة

_على فكرة ،الشكل مش كل حاجه فيه ستات فيها داء الخطف ان ميملاش عينها الا التراب

يبقى جوزها فلقه قمر وحاجه كدا برنس فنفسه جدا وتعجب وتجرى ورا واحد شبه بتوع الفجل

_ياجماعه ينفع نغير الموضوع 

قالتها حوربرقة صوتها المعروفه ،ف ابتسمن الاء و لينزى وهمت سمر قائلة

_ياجماعه الشيخه الدكتورة حور موجودة خدوا بالكم من كلامكم

تبسمتحور مردفه الى سمر 

_مش فكرة شيخه والله ،بس الموضوع دا بيخلى عندى حالة رعب خاصة ان يامن جوزى بيجذب انظار بنات وستات كتير وحتى لو كنت ملتزمه ميمنعش ان بحبه وبغير عليه بس بثبات فنفسي يعنى

_يابنتى الست ست ...ملتزمه شيخه رقاصه ،الست طالما بتحب جوزها والله لو كانت رئيسة دولة بتفضل ست بطريقة غيرتها وحبها 

اومأت حور برأسها إيجابا على ماقالته آية لتو واكملت برأيها ايضا قائلة

_انتو هتخلوا الشك يدخل فدماغى ليه ...انا بثق فيه جدا بس مش بثق فالشيطان،وعلى فكرة بقا الست هى السبب فكل حاجه هى اللى بتجرى ورا الراجل وهى اللى بتخرب بيته 

اتسعت حدقة عينى سمر بعدما اهتزت قليلا قائلة بمزاح

_انتى مستنية دلوقت الشك يدخل فدماغك، دا لازم يعشش ببرنس الجيل اللى انتى متجوزاه دا 

اومال انا اعمل ايه ...اروح اجيب قلة نحاس انزل بيها ع دماغه عشان يخووننى انا نفسي اخلص من الشبكة السودة دى ياربي

تعالت ضحكاتهن جميعا ...حتى انا ارتسمت على وجههى انا ابتسامه وانا اكتب هذا الجزء من المشهد وكأننى كنت بينهن،او على اعتبار ان التجمعات النسائية تجمع لايخلو من المرح والفكاهه وخفة الظل !

كان مشهدا حبيس مخيلتى فقط ،ولا اساس له من الوجود ،مجرد اننى تخيلت ان تجمعن ذلك الحشد معا،ماذا سوف يحدث وماهو حديثهم إذا..

✨✨✨✨

 و ما قلبي إلا غصن هزيل في شجرة قد هجرها ساقيها..

_انتِ عاوزة تقولى انك كنتِ بتحبينى ؟

رفعت وصال عينيها الى إيهاب ،لاول مرة تكون منكسرة هكذا ونظراتها تتحول من الكبرياء للخنوع فاردفت بصوت لاول مرة يسمع نبرته إيهاب 

_ايوة حبيتك ، اه معرفتش اهتم بيك ...كنت انانية ومحبتش الا نفسي وطموحى على حسابك وحساب بنتنا ،بس اما بعدت عنى وبعدها اكتشفت خيانتك

_بعيدا عن الهرى دا انا مخونتكيش ،انا اتجوزتها 

_وقبل م تتجوزها مش حبيتها ؟ مش دى خيانه

حاول ايهاب كظم غيظه واردف بهدوء اعصاب نسبياً

_انا مش جاى اعاتبك ، انا جاى عشان اعرف ليه كل الغل والشر دا فحياتى ..انا خلاص بعدت عنك عاوزة منى ايه ؟

نظرت له متسعه حدقتيها وقالت 

_وانا كمان بعدت يا إيهاب وسيبتك للجربوعه الل

_كلمة كمان وهمسح بكرامتك الارض ، إياك ِ تتكلمى عنها سواء بالكويس او الوحش ...الل قدامك دلوقت ايهاب وعاوز اعرف ليه صورتينى انا ومراتى فالوضع دا وهل معاكِ فيديوهات تانية ولالا وانجزى انا لحد الآن هادى 

_انت جاى مكان شغلى تهددنى 

مسح ايهاب على وجهه برفق يتمالك اعصابه ، واردف

_مش جاى اهددك يا وصال ، وصال انا معملتش فيكِ وحش عشان كل الشر دا 

_لاعملت لما خونتنى 

تنهد واردف

_ انتِ الل ودتينى للسكه دى ، انتِ الل بإيدك وصلتينى ل آية ...انا مش عاوز احكى فكلام قديم عدى عليه وقت ومالوش لازمه أساساً ، بس انا ياما قربت ياما حاولت ..انا كنت عايزك وعايزك جدا ومش شايف غيرك وانتِ الل كنتِ بتبعدينى

نظرت له نظرة لاول مرة يراها فى مقلتيها ، لأول مرة تتحدث إليه هكذا 

_ حبتنى يا إيهاب؟

ادرك ايهاب ان بطريقه ملتوية سيحصل على مايريد من تلك البغيضه وان العنف لايجدى نفعا ف اردف بحنو

_ايوة حبيتك ، وخلفت منك ومكنتش عاوز اسيبك بس انتِ الل اضطرتينى

_طب وأية؟

تلعثم وحاول الكذب ،يريد ان يحصل على نهايتها 

_اية عرفت تفهمنى وتحتوينى 

_وبتحبها ، انا شوفتك فالفيديو وشوفت كذا فيديو 

انا كنت حاطه كاميرات وصورت كل تحركاتكم سوا فشقتكم القديمه ...انت بتعشقها يا ايهاب

نظر ايهاب الى حدقتيها ب امعان وقال بثبات

_عشان عرفت تكونلى ست يا وصال ! والراجل مهما وصل ولا بقا ايه محتاج لست ..المهم فيه فيدوهات تانى معاكُِ ليا 

نفثت وصال بفروغ صبر ونظرت الناحية الأخرى ،ف امسك ايهاب ب اسفل ذقنها ووجهها له وقال 

_قولى يا وصال ، محدش بيحب حد يأذيه مش كدا 

ميرضكيش انى اتاذى او حد يشوفنى كدا 

امسكت وصال جهاز الحاسوب الخاص بها على مكتبها واردفت ب كبرياء

_طلقها وانا حديهملك كلهم ...انا نفسي اكسرها 

حاول ايهاب تهدئه نفسه امام تلك المغرورة واردف وهو يكذب 

_انا طلقتها قبل كدا عشان البنت يا وصال ،عاوزة ايه تانى ؟

_تطلقها تانى ومترجعهاش ابدا ، وانا هديهملك 

لمعت فكرة فى ذهنه فتحدث إليها 

_هما الفيديوهات كلهم هنا عاللاب توب صح ؟

رفعت وصال انفها بكبرياء وقالت 

_ايوة ، وياتعمل الل بقولك عليه يا ملكش دعوة بالل هيحصل

هز إيهاب رأسه ورفع هاتفه وهو يقول

_تمام ،انا استخدمت معاكِ اللين ومفيش اى استجابه ..ياريت بقا متزعليش

تحدث عبر الهاتف

_ادخلى 

دلفت سيدة بالعيادة خارجا وهى تصيح ومعها فتاة اخرى ويقولان بصوت عالِ

_الدكتورة دى قتّاله قتله ،موتت بنتى فالولادة ...انتِ فين يا دكتورة ...انتِ فين 

اصبح المرضى المنتظرون بالخارج فى حالة ذعر وينظرون الى بعضهم البعض بهلع واكملت الفتاة التى مع السيدة الصائحه قائلة

_مش اول مرة تموت حالة ولادة ف ايدها ، ودايما بتشخص غلط وهى دكتورة غلط اصلا دا غير اصابتها بمرض وبائى مُعدى

خافت المرضى وهمّوا بالرحيل ،انتبهت وصال لما يحدث بالكاميرات فقالت منزعجه

_ايه الل بيحصل برة دا ؟

ابتسم ايهاب ابتسامه ساخرة وهو يقول

_لالا متتعبيش نفسك مجرد بس فضيحه صغننه كدا ولو مميلتيش دماغك فيه مفاجأة تانية عشانك ،صحفية عاوزة بس اشارة منى وتخدمنى هتكتب بس مقال صغنن انك دكتورة نصابة وان الحالات عندك بتموت والكيان يادكتورة وصال يروح فداهية الل بتبنيه من سنين 

نظرت وصال إليه محدقه يكاد الغل يكبل عينيها وهى تقول

_هرفع عليك قضية رد شرف وهودى كل الناس الل معاك دى فداهية

دنى ايهاب منها واردف بنبرة منتصرة وهو يغمز غمزة ماكرة لها

_اثبتِ إنه انا الل ورا كل دا وساعتها اعملى مابدا لك 

صمتت وصال امامه لم تعرف كيف ترد عن جبهتها المقصوفه إذا ..

_هاتى الفيديوهات وهمسح بنفسي اى أصل معاكِ ، ولاخر مرة بحذرك ملكيش دعوة بحياتى 

وانتِ عارفة كويس ردى بيبقى شكله ايه . 

✨✨✨✨

لمحت بطرف عينى علبة_البيتزا_ التى طلبتها توصيلا الى منزلى منذ ساعتين ولم أكل منها سوى شريحة واحدة.

نهضت من مجلسي وفتحت العلبة لاتناول شريحة اخرى ، التهمتها بنهم شديد فمن الواضح اننى كنت اتضور جوعا ولكن اخذتنى الكتابة فنسيت..

رجعت مرة اخرى الى اقلامى ودفترى ..لاحت بذهنى بداية المشهد ،سيكون لمارسيلينو ولينزى 

اراهما الآن يجلسان بصالون منزل ذو بهو واسع ، فهو منزل شقيق مارسيلينو الأكبر ..

هناك سيدة تبكى ويد لينزى تربت على اكتافها ،اما عن شقيق مارسيلينو فهو لم ينفك عن الصياح بصوت مرتفع ..

_انا مش بخونها،دا مجرد وهم فخيالها انا ايه ذنبي انها انسانة مريضه

همت زوجة شقيق لينزى بالرد عليه بنفس درجه نبرة صوته المرتفعه

_انا مريضة يا ابرام!! والاسورة الدهب الل فالعلبة الشيك القطيفه ومش جايبهالى تطلع لمين بقا؟

ذهب إبرام ناحيتها غاضبا وهو يردف

_احنا ناس بتوع دهب ،يعنى وارد يكون معايا بضاعة

_فيه فرق بين البضاعه وبين الهدية يا استاذ إبرام

نطقت بالاخيرة لينزى وهى تحدق بشقيق زوجها وكأنه الجانى بالفعل ، فهم هو بالرد عليها

_انتِ مجنونة زيّها،هدية ليه ولمين ..انا ع آخر الزمن هخونك ؟!

_اه ثبتها ثبتها 

اقترب مارسيلينو من زوجته لينزى قائلا

_حقنه ،حريقه هوف ولع نار هدّى متشعلليش 

_بس اسكت انت ، انت حسابك لوحده 

_وانا مالى ياليمبي ،هو انا الل كانت معايا الاسورة !

جلس إبرام ناحية زوجته وامسك بيدها وكفكف دمعاتها

_صدقينى ، دى بضاعه كنت هفرجها لحد معرفه وروحت بيها البيت لا اكتر ولا اقل

نظرت له زوجته بعيناها الحمراوتان ، فتدخل مارسيلينو بنكاته يخفف حدة الموقف

_ايوة كدا الصُلح خير وبنتصالح ترام رام طمطم ، وبالمناسبة دى اديها الاسورة هدية يا ابرام 

لكزه ابرام بعنف فى كتفه ،فتأوه مارسيلينو واردف

_خلاص خليها تلبسها اسبوع وبعدين ترجعهالك

_مارسلينو!

_خلاص تلبسها سبت وحد وخميس

_ممكن تخرس 

_انت مالك خايف ليه عللاسورة هى لواحدة بجد ولا ايه؟

بقوة دهس إبرام قدم اخيه حتى يصمت ، تفهم مارسيلينو الامر وهم بالانصراف مع زوجته ...وفى طريقهم للمنزل بعدما استقلوا سيارة الاجرة

_على فكرة اخوك بيخونها ،احساسي الانثوى بيقول كدا

نظر مارسيلينو ناحيتها وقال

_ياست هو مولد ومحتاجين حد يزمر ، م ترحمى ابويا العيان بلا احساسك الانثوى بلا احساسك العنكبوتى الناس اتصالحوا واتفض الفرح

_اه مش اخوك ،انتو كدا بتحبوا تلموا على بعض

_ممكن تسكتِ ،تعشقى النكد زى عينيكِ

_وانتو تموتوا فالخيانه والكدب والخبث والضغينه والحركات الثعبانية يا العوبان 

_العوبان! مين ناظج السلحدار دى ؟ بس ياماما اهدى 

صمتت لينزى وحكت بمقدمه شعرها واردفت

_بس هو فعلا بيخونها،انا متأكدة

امتعض مارسيلينو بشفتيه واقترب من سائق السيارة يقول

_ممكن تعمل بينا حادثه يا اسطى قبل مانروح 

نظر له السائق الى الخلف 

_طب حاول تدخل فشجرة او تاكل بينا مطب يعملنا شقلباظ فالهوا . ...اصل انا مش عاوز اروح !

#نورإسماعيل

✨✨✨✨

كانت تتراقص نقاط المحادثه امامه ،اى ان هناك من يكتب شيئا فالناحية الاخرى ..حتى ظهرت رسالة من يامن

_وعليكم السلام ورحمه الله،ازيك يا حسين ايه أخبارك

ابتسم حسين لرد يامن عليه عبر رسالة _الماسنجر_ وهم بالكتابة له

_الحمدلله ياشيخ يامن ، انا اسف انى بعتت كنت عاوز اتكلم مع حد وانت عارف ماليش صحاب وانت الوحيد لما كنّا ف دبي الل بتعاملنى كويس 

ثوانِ وظهرت رسالة من يامن فقرءها حسين

_متتأسفش يا حسين احنا إخوة كلنا فالله ، اتكلم انا سامعك ..اخبارك انت وزوجتك واخبار شغلك

_مانا بكلمك عشان كدا ، مراتى سابت البيت بعد م حصلت مشكلة بيينا وضربتها 

نظر يامن الى شاشة هاتفه وتحوقل فى سره ، بينما اتت ناحيته حور تحمل بيدها طبق حلوى وكوبا من الشاى وجلست بجانبه صامته

_لاحول ولا قوه الا بالله ، ليه بس الضرب ياحسين 

التأديب للزوجه مش كدا ، طب وهى فين دلوقتي

_معرفش ، ومكلمتش اهلها خايف من الفضايح

_لا كلم اى حد من قرايبها انت ازاى ساكت كل دا

زفر حسين بضيق وكتب ل يامن 

_انا مكنتش عارف انها هتوصل لكدا ،قولت يوم وترجع وحتى اهلها لو كانت راحتلهم كانوا كلمونى ،بس من يومها لاحس ولاخبر

_اتصل بيها يا حسين ،الهجر بيعلم القسوة ،كلمها وشوفها فين وروح جيبها

البيت يعنى ست ودفا واسرة وحاولوا تتفاهموا بالعقل وبلاش الضرب ،ربنا يهديلكم الحال

اغلق حسين المحادثة بينه وبين يامن بعد أن هدأت من غضبه قليلا واثلجت صدره .

ومن سجل الارقام ، وقف على رقم هاتف سمر واتصل بها فلم تجب ...وبعدها ارسل رسالة لاول مرة يتحدث بمشاعر فيها هكذا فدون بها

_سمر متزعليش منى ،انتِ الل بدأتى واهانتينى وقولتِ انى مش راجل ..ارجعى بقا عشان وحشتينى

على الجهة الاخرى ، اضاء هاتفها نوره واصدر صوت قدوم رسالة 

ولكنه فحقيبة يدها لا حيله له ، ف سمر مقيدة من وقتها بفعل ايهاب ولم يفك عنها قيدها تاركاً اياها بقبو منزلته وحدها تتجرع جزاء مافعلته.

✨✨✨✨

"وابتسمى..عايزك تترسمى..كتبوكِ على اسمى ..بقا رسمى بقا رسمى"

يوم عقد قران الاء وابن عمتها فى حفل بسيط بمنزل والدها ومن حضر من الاقارب وبعض الاصدقاء..

جلست والدتها غير راضية تماما عما يحدث ،ولكنها تجارى افعال ابنتها الوحيدة فماذا عساها بفاعلة حيال عنادها وتيبس رأسها هكذا.

اما عن الاء ...فكانت تجلس بكامل حلتها واناقتها ترتدى ثوب رقيق ذو اللون الاحمر القاتم.

وبجانبها محمد الصغير طفلها ، وعلى الجهة الاخرى كان يجلس زوجها وعلى وجهه مرتسمه الفرحه العارمه بها ..فمنذ عهد قديم وهو يريد ان يظفر بها قبل محمد جهاد ولكن كان للنصيب رأى آخر.

وفى وسط الحفل والاجواء الصاخبة ، ظهر هو من بعيد عند بوابة المنزل مسكا بيده سكيناً ويقترب ناحيتها و

الحلقه الاخيره

اما عن الاء ...فكانت تجلس بكامل حلتها واناقتها ترتدى ثوب رقيق ذو اللون الاحمر القاتم.

وبجانبها محمد الصغير طفلها ، وعلى الجهة الاخرى كان يجلس زوجها وعلى وجهه مرتسمه الفرحه العارمه بها ..فمنذ عهد قديم وهو يريد ان يظفر بها قبل محمد جهاد ولكن كان للنصيب رأى آخر.

وفى وسط الحفل والاجواء الصاخبة ، ظهر هو من بعيد عند بوابة المنزل مسكا بيده سكيناً ويقترب ناحيتها .

رأته الاء فنهضت من مجلسها وبدا على قسمات وجهها الانزعاج ..

انتبه كلا من عريسها ووالدتها وبعض المدعوين فحدث الذعر خاصه ان الكل رأى بيده السكين والكل يعرف حبه لزوجته السابقه الاء ،حبه المرضى الذى يتحول لجنون ان رأى احدا يقترب منها 

فما بالك ان كانت ستتزوج شخصاً غيره ،ستكون ب أحضانه ..يتذوق جمالها عن قرب 

سيشم رائحة أنوثتها ،سيتمتع بها وبقربها ،سينعم بحنانها وحبها ،ستكون له وحده وستحرم عليه هو جهاد إلى الابد.

_جاى وماسك سكينه ي محمد؟!عاوز تقتلنى ولا تقتل عريسى ،مجنون وتعملها 

_ايوة مجنون ،وهقتلك يا الاء واقتله واقتل نفسي ...عشان عمرك يا الاء ماهتكونى فحضن حد تانى غيرى ولاحد هيعرف يدوق حضن الاء غير جهاد 

اعتلت اصوات الصراخ وحدثت الجلبة خوفا من الذى سيحدث ،وانقلب الفرح رأسا على عقب فِ ثوان!

_اقتلنى ، بس قبل م تقتلنى عرفنى انت ليه عملت فيا كدا ؟ليه خونتنى 

_انا مخونتكيش ، وحياة ابننا ماحصل وعهد الله ...دا فيديو عمتى فبركته عند واحد بتاع موبايلات واتبعتلك من نمرته منها لله ،عاوزانا نتطلق ومش بتحبك من اول يوم جيتِ فيه حياتنا

اغرورقت عيناها ونظرت لمقلتى جهاد تحدثهما وقالت 

_عمتك عملت كدا عشان امشى وادينى مشيت ...قولّها عشان تفرح 

_هى تفرح وانا اتعذب يا الاء؟ 

_انت متسرع واهوج ، وكل شوية يمين طلاق وكأنى جيت حياتك بالرخيص 

_الل حصل علمنى والله

_خلاص فات الاوان

_يعنى ايه؟

_يعنى انا اتحرمت عليك ،وخلاص اتكتب كتابي 

احمرت عينا جهاد ودق ناقوس الشر فى عقله ، ف لوح بالسكين وهو يقول 

_يبقى مش هيشوف طرفك ولايوم واحد !

قام بدفعه شيطانية بغرس السكين فى قلبها ،يريحها من عذاب ان تكون مع غيره ويريح نفسه من عذاب جنونه بها !

نهضت انا من امام دفترى بعدما نظرت إليه هكذا،تنهدت لماذا انتهت النهاية الى هذا الحد ؟

جلبت بعض الاوراق الاخرى وجلست مرة اخرى ودونت ولكن هذه المرة دونت باللهجة العامية المصرية ..كتبت حقيقة نوفيلا وايت فراى داى وبدأت اسطر

_النهاية سودا اوى! سودا وسخيفه وانا متعودتش ان انهى كتاباتى النهايات دى خصوصا ان النوفيلا كلها من دماغى باحداثها بكل الل حصل فيها ...كله من خيالى 

انا بس اخدت الخطوط العريضة من قارئتى سمر ، وخدت تفاصيل وسمات الشخصيات منها وكملت انا من نسج خيالى .

يعنى مثلا أقر انا واعترف كاتب النوفيلا /امير طلعت ان ماحدث داخل النوفيلا دى ليس له اساس من الصحة .

بداية من الثنائى يامن وحور .. مفيش شخص اسمه ضىّ وروفيدة الخطيبة السابقه ل يامن مظهرتش تانى فحياتهم ، بطبيعتى حبيت اشطشط قصتهم شوية ،زائد ان عاوز اعلم القراء واوصل رسالة ليهم عن طريقهم

ان لما بنكون ملتزمين بكل شئ فى حياتنا ،فيه حجات بتطلع تنغص علينا حياتنا 

علينا بقا تقبلها والتعامل معاها بحكمة ،من غير مانخرب العلاقه ومن غير ماندمر حياتنا 

وعن الثنائى مارسيلينو ولينزى ..ف من الكلام الل وصلنى عنهم عن طريق سمر 

عرفت ان شخصية زى لينزى زى شخصية ستات كتير ، بتحب جدا بس ف افعالها بتعمل العكس

زى بالظبط الدبه الل بتقتل صاحبها ، ودا بيضيع علاقات كتير بغباء ونرجع نسأل نفسنا هو حصل ايه عشان نخسرهم ؟ رغم الاجابة قصادنا بس احنا الل بنغمض عيوننا طول الوقت.

بس مارسيلينو بقا ،على اد خفه دمه وهزاره وتلقائيته ..هو بيحب يستنشق من كل وردة عبيرها ،حتى لو معاه الحديقة كلها !

مارسيلينو بيحب يحس انه مصدر تسلط الضوء،انها مراحتش عليه ودى فى رجالة كتير على فكرة بس لازم تتعامل مع النوع دا ست شاطرة عشان تكونله كل الستات فِ ست واحدة وحتى لو بص برة تسيبه يبص 

بس معاها مفتاحه فالنهاية.

اما محمد جهاد والاء ، المفروض انهم روميو وجوليت اسكندرية وانهم قصة الحب العنيفه الل انتهت بالجواز وجمع شملهم من تانى ، بس جهاد دا عامل بالظبط زى الل اتفنن فعمايل تورتاية رائعه الكل ينبهر من شكلها لما تتشاف وبعد م تعب فيها يجيب شوية تراب ويحطهم من فوق !

محمد بيعشق الاء ، بس تصرفاته وأفعاله غلط ..وصلنى من سمر انه سريع الغضب وايده سابقه لسانه 

ف افترضت من نسيج خيالى انه هيفضل يرمى يمين الطلاق لحد مايخسرها ،ولانه شخص عنده حب امتلاك لابعد حد ...مش هيحب يشوفها مع غيره 

لان شخصية عنيده زى الاء ، هتعاند بالطبع وهتتجوز اول لما الفرصة تجيلها انتقاماً لكرامتها وعشان تغيظه وتحسسه انها كانت ف ايده وضاعت ويندم عليها ..

ولانه اهوج كان هيبقى دا تصرفه بالتأكيد.

عصفورين نوفيلتى ، آية وايهاب ..مفيش اى شائبه عكرت صفوهم ..كل الل اتحكى فحكايتهم من خلالى كان مجرد خيال ...بس طبقا لنظرية عشان تدوق الحلو لازم تعرف طعم المر 

كان لازم من خلالهم نقول ان الدنيا مش وردى على طول ولاحلوة على طول ولا بتمشى على وتيرة واحدة 

فيه خناق وخصام وهجر ورجوع وقرب وبُعد ،فيه عوامل خارجية هتبقى حاقدة وحاسدة بس بالحب هنتغلب وبثقتنا ببعض ،الصورة مش زى مابنشوفها كدا دايما ،بالعكس ورا الضحكه الحلوة فيه معافرة 

ورا الخروجه الرائعه فيه معاناة، وورا اللبس الشيك فيه حكايات تتحكى .

المهم اننا نبقى متفقين ان زى مافى الحلو فيه الوحش ،وان كل الناس عايشة زى بعض لو عندك حاجه مش عند غيرك ...ففى عنده هو حاجه مش عندك والعكس بالعكس.

وأخيراً انتهى الى ثنائى سمر وحسين ، سمر البطلة الحقيقية 

الفتاة الريفيه الل انتقلت للعيش من ارياف المنوفيه بعد انتهاء دراستها الجامعية واتجوزت حسين الشاب الل كان بيشتغل برة وحالته مش بطّالة.

بُخل الراجل عاهة مستديمه لايمكن التخلص منها، بس بُخل المشاعر اصعب من بخل المادة ويا ويل الل يجمع بين الاتنين .

سمر انا شوهت شخصيتها جدا ، ليها حق اعتذار عندى فى بداية النوفيلا لما تطبع ...لان محصلش منها اى شئ من الل اتكتب غير انها قابلتنى فحفل التوقيع وادتنى الافكار 

مش عن عمد شوهت شخصيتها ،انا بس اتمردت على طبيعتها الساكته الراضية ببخل حسين ومجرد انها بتشتغل وبتساعده وترجع بيتها ومفيش جديد ..

اسندت لها كذا دور يولع النوفيلا ، وفعلا حسيت انِ انتصرت فكدا ورسمت دورها الجديد حلو جدا وصح جدا جدا.

اما عنى ، ف انا على عهدى مع حبيبتى اروى .

حتى لو مكناش سوا وفرقنا القدر ...او بمعنى ادق فرقنا باباها والجاه وفرق المادة 

سافرت وعاشت برة بدون اى مقاومه منها ،وفضلت انا على ذكراها .. زى م عشت فترة برضو على ذكرى الل قبلها فريدة !

واضح ان هفضل كدا قلبي محاصر ملكهم ، ملك اى حد يقرب منه ويوجعه .

النوفيلا انتهت وحبيت اوضح افكارى الحقيقية بعيد عنها فورق تانى بالعامية المصرية وكأنى بحكى مع جمهورى الحقيقة.

هيفضل عهد يامن وحور موجود ، وهيفضل مارسيلينو صائد بالون محترف لحد م يصطدم بنصه التانى لينزى بالونه الكبير الل هيملى حياته 

رمل البحر وجماله واضح فقصة عشق الاء ومحمد جهاد ..رمل البحر مالوش آخر وجماله مالوش زى 

زى عشقهم بالظبط ،وعلى جنح اليمام هيفضلوا طايرين آيه وايهاب...هى مربعة جوا قلبه وهو ساكن روحها وعيونها..

بيدى امسكت دفترى الخاص بالنوفيلا وكتبت آخر سطور بها 

كنتم مع "وايت فراى داى" قصص الجمعة البيضاء قصص الزواج والمتزوجين 

من الواقع او غير الواقع،سَعدت بكم وبقربكم والشكر الجزيل لكم..امير طلعت .

اما عنى فكنت سعيدة للغاية وانا ادمج روايتين برواية واحدة كانت تجربة جديدة وفريدة لى ولكنها كانت ناجحه ،اكملنا قصص الثنائيات كما احببتم واريد ان اكون دائما عند حسن الظن 

/نورإسماعيل