(9

•••••=====••••====••••

وقفت موتور العربية استعداد للنزول ، بس منزلتش الى لما تخلص كلمتين النم مع تمارا

سارة : هههههه اكاد اجزم ان سيف عمره م كره حد فحياته ادى

مش ممكن

تمارا: هو سيف اصلا عمره م حب حد، بس انتى خليكى مع عمو رفعت وابعدى عنه ومش تحتكى بيه

سارة: انا والله بعيد عنه هو الى لما بيلمحنى كأنه شاف عفريت ، والله م عايزة غير اننا نكون اخوات

انتى عارفه معنديش لا اخ ولا اخت واسألى المحروم من النعمة دى

الحمدلله انا وانتى اتصاحبنا ...فكان نفسي كلنا نبقى عيله واحدة

تمارا: هو موعدكيش انتى وسيف تبقوا اخوات او اصحاب او اى شئ من هذا القبيل

هههه

سارة: الله يطمنك ههههه ، يلا انزلى

تمارا: ايشمعنا المحل ده بالذات الى هنجيب منه

سارة: هقولك جوه ..يلا

نزلوا الاتنين سوا وكعادة سارة مع دخولها ، بيعرف اى ماركتينج انها عايزة خالد

ولو مش موجود بينادوا له

خالد: منورة المكان (مبتسم)

سارة: احب اعرفك ب تمارا بنت عمو صادق اخو بابا رفعت ، وبقت صاحبتى خالص مالص

وعايزة تشترى شوية حجات

فانا قولتلها ممكن نشتريهم من هنا وهتلاقى كل حاجة

خالد: اهلا انسه تمارا انا تحت امرك ، تحبي تشوفى ايه الاول

سارة: تعالى نشوف الميكاب والبرفيوم ، ع فكرة يا مرمر هنا الميكاب تحففه

تمار:(ميلت ع سارة بهدوء) سارة مش بشترى ميكاب لانى مش بحطه

سارة: (كشرت زى البيبهات ) ولا برفيوم !

تمارا: لا برضو لأنه حرام

خالد اخد باله من المحادثه الجانبيه الى بين سارة وتمارا وسامع كل حرف فيها ، والجدير بالذكر ان تمارا ببشرتها البيضا الناصعه وحواجبها ورموشها البنية اللون

مع لون شفايفها الربانى الاحمر جدا ...جذابة من غير وضع اى لمسه جمال ولو حتى نقطه ميكاب واحدة !

سارة: مممم حرام ، طيب تعالى نشوف الهدوم

تمارا: (بتقول لخالد ) فى هنا ملابس تنفع محجبات مش كده

خالد: اه فى طبعا ، ماكسى وبنطولات

كل حاجة تحت امرك

ولو مفيش نجيب يافندم

سارة: (ضربته بخفه فدراعه)ههههه بياع شاطر اوى حضرتك

وهما بيتكلموا فون رن بنغمه اغنيه ...

خالد: تقريبا ده موبايل حضرتك

تمارا: لأ (بصت لسارة) هو ممكن تكون سارة

سارة :اه فعلا ...عن اذنكم ياجماعه دى ماما

مشيت سارة وسابت تمارا مع خالد واقفه .

خالد: غريبة انك كنتى متأكده انه مش موبايلك ، مع انى للحظة شكيت انه تليفونى

تمارا: لا اصل انا مش بسمع اغانى ولا بحطها تون ، فعارفه التون بتاعت فونى يعنى

خالد انشد

او انجذب....شئ غريب خلاه يردد كلامها فدماغه

ومش يعاملها زى اى كلاينت عادى ...

لكن فجولة الشوبينج بتاعتهم ، كان ملتزم انه يبقى ماركتينج هايل

وع اد مقدر كان بيبعد نظره عنها ....عشان سارة.

وبعد رجوعه من الشغل ... كان فى دردشه بينه وبين مامته قدام التلفزيون

خالد: ع فكرة ياماما ، انا ان شاء الله رايح اتقدم لسارة بكرة

الام:(إتاخدت ) م تفكر شويه يابنى ،انت تقدر دلوقتى ع جواز ومسئوليه

خالد: ههههه جرى ايه يا ام خالد انتى خدتى ع قعدتى جمبك ولا ايه

انا عندى ٣٦ سنة يا امى فسنى عياله بيجروا

الام: (بتوتر) طيب م تتقدم لأمها ،هو لازم الباشا ده يعنى

خالد: هى طلبت كده ، وانا شايف انه عادى يعنى واحد الموضوع

الام : طيب ياخالد هتقول ايه لجوز امها

خالد: هقوله ظروفى وهى راضيه بيها ،وبعدين هى مجرد بنت مراته ومكبراه بس ومقدراه انى اطلبها منه

الام:خايفه يفتكرك طمعان

خالد: يا امى انا هفهمه انى عايز سارة لوحدها بفلوسه من غيرها متفرقش معايا

فين الطمع ف كده

الام :ربنا يقدم الى فيه الخير يا بنى

خالد سكت وبيقلب فالتلفزيون لقى مسلسل ع محطه معينه وقف عليها شوية، لفت نظره

بنت محجبه وشقرا

كانت بتكلم اختها عن صحوبية الولاد حرام والكلام فالفون ذنب كبير عند ربنا

شئ غريب خلاه يشوف صورة تمارا وهى بتكلمه بإستحياء وبصه للارض ومرفعتش نظرها ناحيته

ع عكس سارة الى كانت ماشيه تخبطه وتغمزه وتهزر معاه .

استغراب اعحابه بواحدة ، وهو رايح يتقدم لواحدة تانيه خالص ...

وده خلاه مرة واحدة يسأل مامته ويقطع متابعتها للتلفزيون :..

خالد: قوليلى يا ماما ، هو ينفع حد يعجب بحد وهو بيحب حد تانى فنفس الوقت

الام: مش فهماك ياخالد ، م تتكلم بطريقه بسيطه يا واد منيش خريجه اقتصاد زيك

انا كنت تمرجيه مش مدرسة فلسفه(ضربته ع كتفه )

خالد: (باس ايدها ) هههههه فوق الدنيا ياماما والله ، بصى هبسطهالك

يعنى ينفع حد يفكر فواحدة فنفس الوقت الى هو بيحب اصلا غيرها

يعنى يحب اتنين قصدى يا امى

الام : لا طبعا هو الواحد عنده قلبين ولا قلب واحد ، وبعدين الى يفكر فحد وهو بيحب حد تانى

يبقى التانى ده مش مالى عينه

ومحبوش اصلا

لانه هيبقى مكفيه وميقدرش يبص ع غيره ابدا

خالد: (هز راسه وسرح ) يمكن ....

•••==•••••=====••••====••••====•••••

ف إجتماع مغلق برئاسه سيف ، المدير التنفيذى لمجموعه الشركات والمصنع

كان فى قرارات جديدة وسفر عشان شحنة بضاعه هيستلموها

والكلام جد جدا

يعنى مينفعش هزار ، زى الى عملته سارة !

سيف: المفروض اننا نستلم الشحنه من يومين ، الاساتذة مسافروش

وده هيعرضنا لمسائلات ودفع شرط جزاكى احنا مش اده

استاذ قدرى : سا استاذ سيف ، الاستاذ حسين و محى كانو مستعدين للسفر لكن جت

بعض الامور العائليه عطلتهم

سيف:(بيخبط ع تربيزة الاجتماع) مش شغلى ! الاستاذ حسين والاستاذ محى لو هيقدروا يدفعوا الشرط الجزائى

يتفضلوا يتعطلوا براحتهم

الى هيلعب هنا ميجيش يا محترمين ، هنا شغل

محموعه بقالها سنين واقفه ع رجلها عمر م فى حاجه قصرنا فيها ابدا ...شغالين ليل نهار

محى : حضرتك والدى توفى ووو...

سيف: والدك اتوفى يا استاذ محى تدفنه وتركب الطيارة تسافر تشوف شغلك

مش قادر

غيرك يبقى بدالك ومستغنين عن خدماتك

سارة كانت بتراقبه بصمت ، انفعاله وعصبيته خلتها تكلم نفسها

سارة : هو ده مش بيتكلم زى البنى ادمين ابدا ، ده ممكن تجيله جلطه بسبب العصبيه دى

محى :استاذ سيف لو سمحت حضرتك احنا عمرنا م قصرنا ، وده ظرف

سيف:يبقى متجيش

محى : ماشي يا استاذ ، انا هروح اكتب استقالتى

لان انا مينفعش اشتغل فمكان مبيقدرش ظروف الناس

سيف:اتفضل يا استاذ ، (خرج محى وهو متضايق لكن سيف كمل الاجتماع عادى ) مين مستعد للسفر بعد ساعة من دلوقت

سارة: (باندفاع) انا !!

كلهم بصوا لبعض بإستغراب ...

سيف:انتى ايه يا انسه ؟!

سارة: انا مستعدة اسافر ، وبالمرة تبقى خروجه حلوة واشوف بلد جديدة

الصمت عم المكان ، وسارة حست انها هبلت واتكسفت

سيف:هى رحلة للقناطر الخيرية وبنبلغ حضرتك تلحقى تعملى السندوتشات !

دى شحنة ببتسلم وورق بيتمضى وبتتوزع ع الموزعين بتوعنا

وفلوس وشغل ومجهود

وحضرتك عايزة تشوفى بلد جديدة ، انا مضطر انهى الاجتماع لان اعصابي هتلفت عن كده

والمطلوب فظرف ساعة اتنين من منكم يكونوا ع المحلات الى حجزناها فالطيارة يسافروا يخلصوا الشحنه دى ...انتهى !!

===••••====••••====•••••••=====••••====••••==

يمكن دى تانى مرة يلبس فيها بدلته الكامله ، بعد اول مرة لبسها لما اتقدم فالخارجيه واترفض !

وخايف المرة دى تكون نتيجتها زى السابق

بس هو المرة دى متطمن بيها ...

فمكتب رفعت نصار كان خالد مستنى ، وقدامه المشروب الى اتقدمله ...

ودخل رفعت الى عارف بمعاد المقابله ، وقعد قصاده ...

رفعت :خالد ...مش كده !

خالد : ايوة يارفعت بيه

رفعت:بص ، سارة حكتلى كل حاجة وعرفتنى

بس الى مستغربله انك مصمم ع انكم ترتبطوا رغم ظروفك المادية البسيطة

خالد: احنا عندنا شقه بتاعت المرحوم بابا ، وانا وماما عايشين فيها

وماليش اخوات

رفعت: وشغلك ك ماركتينج ف محل معروف ده هيكفى سارة ومامتك طبعا

خالد: اعتقد مرتب ٣الاف جنيه مش صغير

رفعت : انت عارف سارة بتصرف كام دلوقتى

خالد: عارف ...بس قبل كده مش كانت بتصرف كده واكيد حضرتك عارف كده

رفعت وهو بيتكلم مع خالد ، اخد باله من شامه كبيرة فخده الشمال وكان مركز فيها طول الوقت.

رفعت : انت باباك كان بيشتغل ايه ؟

خالد: حارس امن ...ع عقار

الله يرحمه

رفعت: ومامتك ست عاملة ؟!

خالد: كانت رئيسة التمرجيات فمستشفى المروة الاستثمارى ، بس طلعت معاش من كام سنه

رفعت : مستشفى المروة !

(فك الكرافطه وقام من ع كرسيه ومشي خطوتين )

اسمك خالد !

خالد: (باستغراب) اه حضرتك ...ليه فيه حاجة ؟

رفعت : ولدغتك فحرف ال ر دى من حادثه ولا من زمان

خالد:(ابتسم) لا من من ولادتى تقريبا

رفعت عنيه اتملت دموع مرة واحدة وفتح الشباك كأنه مش قادر ياخد نفسه ...وفجأة وقع غالارض

خالد: رفعت بيه !!!

===••••====••••====•••••••=====••••====••••==

الدنيا مقلوبة فالسرايا ...

رفعت اتنقل مع طقم تمريض كامل لرعايته ...جلطة فالقلب مفاجئه !!

مديحة: (قلقانه ) يارب استر ، ده مش بيرد ع حد

سارة : خالد بيقولى كنا بنتكلم عادى وفجأة وقع ، انا مش فاهمة حاجة

ده حتى محدش زعله

ولا حتى سيف 

سيف خارج مع الدكتور ووشه مكشر جدا ، حتى لما سالوه مردش...

ومشى ع طول

فضل فغيبوبة مبهمة ،محدش عارف من ايه ...ومديحة مش بتسيبه لحظة

ورجعت لممارسه مهنتها بس مع جوزها

وتمريض ليل ونهار

وفونات كتير من خالد. ...بيسال ايه الاخبار وليه حصل كده ومفيش إجابه!

حتى مامته لما سمعت اتنفضت وطلبت من خالد يكون بعيد اليومين دول ...لحد م الامور تهدى .

وفيوم ....

فاق كام ساعه بس ونده ع مديحه الى كانت مش مفارقاه اصلا ..

رفعت: مديحه (بيبلع ريقه بصعوبه)

مديحة: رفعت ! انت فوقت

حمدلله ع سلامتك

رفعت: مديحه انا حاسس انى مش هقوم منها المرة دى ...(مسك قلبه)

مديحة: بعد الشر عليك ، تحب اتصل بالدكتور يجيلك ؟

رفعت:اسمعى مفيش وقت ، كلمى المحامى

قوليلو عايزه ضرورى

حالا

مديحة: محامى ايه

رفعت: اسمعينى يلا بس ...

فعلا المحامى جه ، قعدوا لوحدهم الاول وبعدين امر بدخول مديحه واتقفل الباب ...

وبعدها بشويه خرجت وهى سرحانه ، كان هو طلب يشوف سارة بسرعه ...

سارة: (معيطه)بابا رفعت انت هتبقى بخير ، انا طلبت من ربنا يخليك ليا

انت عوضتنى الاب الى كنت محتاجاه

مش بقصد الفلوس

كفاية حنيتك

رفعت:(بيطب طب عليها) وانتى عوضتينى حنيه الابن الى عمر ابنى م حسسنى بيها

عشان كده هطلب منك طلب وعايز بنتى سارة توافق عليه

سارة: اتفضل يا بابا انا تحت امرك

رفعت: اسمعى ياسارة ، فى حاجه انا عايزك تعمليها عشان خاطرى

انا حاسس ان دى اخر ساعات فعمرى

سارة: بابا !

رفعت:سيبينى اكمل ، الى هينطلب منك يا سارة

اعمليه

عشان ارتاح فقبرى

فاهمة

نفذيه...عشان اتطمن عليكى

فاهمة ياسارة

ابتدى يتعب ويمسك قلبه وسارة مش فاهمة هينطلب ايه منها ، دخل سيف عليهم

سيف: المحامى كان هنا ليه ؟

رفعت: سيف انا مش حمل اجابات ع اسئلتك دلوقت

سيف:ياسيدى جاوبنى الاول وبعدين اتعب براحتك

سارة: انت ايه مفيش دم خالص ، ده مش قادر يتكلم

سيف:(زقها) لو سمحت انتى تخرسي شويه انا بتكلم مع ابويا انا

سارة: وياريتك عارف قيمته !!

سيف:الو سمحت جاوبنى وقول المحامى كان بيعمل ايه هنا بالظبط ، مش ناقصة حرق اعصاب هى

وايشمعنا الكونتيسة هى الى دخلت معاه

رفعت: (بيكح) بعدين هتعرف ياسيف

سيف:(بزعيق) بعدين ايه ! امتى بعدين

انا عايش كومبارس فحياتك

ي اخى اخلص من ذنوبك المتلتله ولو لمرة واحدة واعمل حاجه لوجه الله

رفعت التعب شد عليه خرجت سارة جرى تنادى مامتها ، الى جريت تسعفه حطتله اكتر من الجرعة بتاعته لدوا القلب بسرعه من خوفها وزعيق سيف خلاها مش مركزه ...

خدها ونام

وساعة بالظبط

كان جاى صادق وهانى يشوفوه ، سمعوه صوت الدادة وهى بتصوت !!!

===••••====••••====•••••••=====••••====••••==

السواد كان منتشر فالسرايا ....

لكن الى بيتلقى العزا مكانش سيف ولا مديحه ، كان صادق !

لان سيف ومديحه كانوا فسراى النيابه ! بعد اتهام سيف لمرات ابوه بإنها سممته عشان الورث

وشهادة زور من هانى وباباه

ع عكس سارة الى شهدت ع سيف انه هو السبب فموت باباه بسبب العصبيه والانفعال الزايد .

ونفس الكلام شهدت بيه فيروز انها سمعت هم بيتخانقوا ، ومكانتش عارفه ان ده ادانه ل سيف .

وبعد م قضوا ايام فالزنزانه ....

تبين من تشريح جثه رفعت ، ان الجرعه الزيادة عملت هبوط حاد ادى للوفاه !

وان محدش السبب فالوفاه ، وانها اداتله الجرعه عن طريق الخطأ.

لكن سيف كان وصى بمعرفته لما طلع قبلها انها تاخد علقه موت من ستات شلق جوه السجن ، بتطلع بعدها مديحه لا حول لها لاقوة ....

بعد طلوع مديحه من الحبس المؤقت ...

منسيتش رفعت ، راحت عند قبره تبكى وتشتكى ظلم اهله ليها ...

وكانت مقرره جوه نفسها انها تاخد سارة وترجع شقتهم القديمه وحياتهم قبل كل ده

لكن سارة صممت يرجعوا السرايا ، لأنها لحد دلوقتى متعرفش ايه الى هينطلب منها وهى هتنفذه ؟!

لكن مديحه مسمعتش اصرار سارة المرة دى وروحت شقتها تكفى خيرها وشرها ، وبعد مرور الاربعين

وهما ع لبس الاسود، حتى خالد سارة مكانتش بترد ع مكالمته

بسبب حالتها النفسيه الوحشه للى حصل لمامتها واهانتهم

وموت راجل كانت بتعتبره ابوها ...

وفيوم كانوا قاعدين ...حتى الكلام بقى تقيل ع لسانهم ومش بيتكلموا ...

كان فى خبط ع بابهم

مديحة: افتحى ياسارة

فتحت سارة ...لاقت محامى رفعت بيه واقف قدامهم ...

===••••====••••====•••••••=====••••====••••==

فمكتب المرحوم رفعت فالسرايا ...

كان سيف برغم كرهه لباباه لكن لابس الاسود ، وصادق

هانى وتمارا

ومديحة وسارة ....حتى فيروز !

مجتمعين ،، والمحامى ع المكتب قدامه ظرف مقفول ..

وكلهم مش عارفين ايه الى فالظرف .، وليه مديحه وسارة رجعوا تانى ؟!

المحامى: طبعآ الكل مجتمع والكل حاضر ، وبصفتى القانونية اقدر دلوقتى بس افتح الوصية

وصية رفعت احمد نصار باشا زى م طلب

بعد الاربعين ...

وبوجود كلآ من زوجته الحالية مدام مديحة وبنتها ، وابنه الوحيد سيف

واخوه صادق وابنيه هانى وتمارا

ومديرة المنزل ...فيروز !

بسم الله الرحمن الرحيم ...

اولآ:

تمت بناء ع موافقه الطرفين وذلك فيوم ....

بيع كلآ من نصف مجموعه شركات نصار ، والمصنع والسرايا ورصيده البنكى

وما تحويه

الى السيدة مديحه عبدالعال ..

سيف:(اتعصب) نعم !!! كلام ايه ده يامتر

انت بتخرف

ده امتى ده

ولا استنى استنى ...ااااه ساعة لما طلبك قبل م يموت

وهى دخلت معاكم

طبختوها سوا

المحامى: سيف انا مسمحش ابدا بإهانتى فبيتك ، واسمع الوصية للاخر

سيف:وصية ايه ده تخريف

نص ممتلكاته ايه الى باعها للجربوعه دى

ومعاها ايه تشتريه ؟

وانتى !!

(بص لمديحه) انتى كنتى عارفه اكيد عشان كده موتتيه وزودتى جرعه الدوا

سارة: ع فكرة بقى ماما مموتتش بابا رفعت ، وانت الى موته بجشعك وقلة ذوقك معاه

صادق: كلام ايه ده يا سيادة المحامى ، بيع وشرا نص ممتلكاته ازاى

اخويا اكيد مكانش بعقله

المحامى : لا كان بكامل قواه العقليه وبخط ايده ، وانا شاهد ع ده

تمارا:(متضايقه منهم) كمل يا متر لو سمحت

المحامى : ع ان يصبح مبلغ ٢مليون من حق صادق اخى وابنيه وتحت تصرفه، وان يصبح كلا من

هانى صادق نصار

مديرا لحسابات المجموعه

وتمارا مديرة المصنع

صادق سمع اسمه ، وابتسم عشان التركه الى اصبحت من نصيبه ونصيب ولاده

المحامى : وشقه المنيل والتى تقطن بها اختى سوسن ومبلغ مالى وقدره .....من حقها

مديحة وسارة سوا : سوسن!

هانى إتأفف ان اتكتب لعمته حاجه وتمارا بصتله بقرف ورجعت تسمع المتر ...

المحامى: ومبلغ ٢٥٠ الف جنيه للسيدة فيروز عوض اعترافا لها بجميل رعايتها لسيف ابنى

فيروز: الله يرحمك يا رفعت بيه

المحامى: اما عن نصف الممتلكات من حيث المجموعه والمصنع والسرايا ورصيدى البنكى

فهو من حق وحيدى

سيف رفعت احمد نصار ..

سيف:(فك تكشيرته الى حد ما لحد جملة المحامى الى بعدها )

المحامى : بشرط !

زواجه من الآنسه ثريا ثابت ضاحى ع سنة الله ورسوله

سيف: ايه !!(عنيه طقت شرار) ثريا ميييين ؟؟!

سارة:(قامت حاضنه نفسها وعيووه نفضت دموع ) لا ...لأ....حرااااام

مش هيحصل ....لأ

مديحة: (مندهشه وحاطه ايدها ع بوقها وحضنت سارة)

المحامى : وان يتمم كل المراسم من إشهار ومراسم عرس تناسبهم وتأخذ كل حقوقها كاملة ع شرط الانجاب منها حتمآ ويجب تنفيذ وصيتى فى ظرف سنه

وفى مقابل ذلك تخصيص مبلع ٢مليون ل ثريا ثابت ضاحى مقابل تنفيذ هذه الوصيه

تمارا وهانى بصوا لبعض وصادق المفجأة مخلياه مش ناطق!!

المحامى :وان لم يتم ذلك ....ترحل ثروتى كلها تلقائيا التى من حق سيف الى عمه صادق احمد نصار !

هانى :(برد فعل تلقائى) ايوة بقى ، هو ده الكلام !

سيف: ازاى كده (بيخبط زى المجنون ) اتجوز ميييين عشان اخد ورثى

لا وكمان اخلف منها

شرط اخلف منها ....دى وصيه واحد مجنون

واحد مش بعقله

وفظرف سنه كمان

مخلف الشحات مبروك هو انا مش عارف

اخلف من ميييين الجربوعه دى ! وانا مش هسكت وهطعن فالوصية دى

واى حد اتكتب له حق مش من حقه ينساه

وانتى وامك تمشوا بكرامتكم لحسن اطلعكم بمصيبه !! وانتوا عارفين انى مش بهدد.

•••====•••••••=====••••====•••

(10

•••••=====••••====••••====•••••

المحامى: اما عن نصف الممتلكات من حيث المجموعه والمصنع والسرايا ورصيدى البنكى

فهو من حق وحيدى

سيف رفعت احمد نصار ..

سيف:(فك تكشيرته الى حد ما لحد جملة المحامى الى بعدها )

المحامى : بشرط !

زواجه من الآنسه ثريا ثابت ضاحى ع سنة الله ورسوله

سيف: ايه !!(عنيه طقت شرار) ثريا ميييين ؟؟!

سارة:(قامت حاضنه نفسها وعيووه نفضت دموع ) لا ...لأ....حرااااام

مش هيحصل ....لأ

مديحة: (مندهشه وحاطه ايدها ع بوقها وحضنت سارة)

المحامى : وان يتمم كل المراسم من إشهار ومراسم عرس تناسبهم وتأخذ كل حقوقها كاملة ع شرط الانجاب منها حتمآ ويجب تنفيذ وصيتى فى ظرف سنه

وفى مقابل ذلك تخصيص مبلع ٢مليون ل ثريا ثابت ضاحى مقابل تنفيذ هذه الوصيه

تمارا وهانى بصوا لبعض وصادق المفجأة مخلياه مش ناطق!!

المحامى :وان لم يتم ذلك ....ترحل ثروتى كلها تلقائيا التى من حق سيف الى عمه صادق احمد نصار !

هانى :(برد فعل تلقائى) ايوة بقى ، هو ده الكلام !

سيف: ازاى كده (بيخبط زى المجنون ) اتجوز ميييين عشان اخد ورثى

لا وكمان اخلف منها

شرط اخلف منها ....دى وصيه واحد مجنون

واحد مش بعقله

وفظرف سنه كمان

مخلف الشحات مبروك هو انا مش عارف

اخلف من ميييين الجربوعه دى ! وانا مش هسكت وهطعن فالوصية دى

واى حد اتكتب له حق مش من حقه ينساه

وانتى وامك تمشوا بكرامتكم لحسن اطلعكم بمصيبه !! وانتوا عارفين انى مش بهدد.

المحامى: انت مش من حقك تمشيهم من السرايا لان ببساطه هما الى ليهم حق فيها وحضرتك يا استاذ سيف لسه منفذتش حاجه عشان تاخد نصيبك

صادق: (بتكشيرة) يامتر ....ازاى المدام المبجله (بسخريه)

تورث اكتر من نص الميراث هى وبنتها واحنا الى هى فلوسنا وفلوس اخونا ناخد بشروط وملاليم !

ده شرعا مينفعش

المحامى: سيد صاااادق !

رفعت بيه قبل وفاته كتب نص الممتلكات بيع وشرا لمدام مديحه والكلام ده بخط ايده وموثق بالشهر العقارى وانا شاهد

يعنى هى مش وارثه...هى شاريه .

سيف:انت مالك واخد صفهم ليه ، اتنين شحاتين جايين ضحكوا ع عقله وكتبوه وفاكرين انهم كده كسبوا

والله م هسكت وهطعن فيها الوصية دى

هانى :(بخبث) يا سيف بيقولك بكامل قواه العقليه وبخط ايده يعنى الطعن هيطلع فشنك

انا رأيي

تهدى وتشوف هتعمل ايه

سيف:(بزعيق) اه طبعا ، مش خلاص ضمنت انت والسيد الوالد والاخت تمارا الحسابات وادارة المصنع

والفلوس

وكمان لو معملتش الى فالوصيه انتو هيكون من نصيبكم تلقائى بقية الورث ...مش كده!!!

حضرتك مبسوط طبعا

تمارا:(بضييقه) يووووه يخربيت الفلوس والى عايزها والى طبعها حرام عليكم كفايه !

خرجت منهارة من المكتب تمارا من المنازعات الى سمعتها جوه حاسه ان جواها غليااان ...

لكن مكنش ابدا اد الغليان الى جوه مديحه ...وثريا !

•••====•••••••=====••••====••••==

" وهى عمتى صوصو بتورث معانا ليه اساسا "

صادق: احترم نفسك يا هانى ومتتكلمش كده عن عمتك ، بس تعرف فعلا انا استغربت ان رفعت

كتب حاجه لسوسن

دول مقاطعين بعض من سنين

هانى : لاااا ومحدش بيطيق التانى

صادق: مممم يلا خليها تشبع باللى جالها عالجاهز

كانت تمارا ومامتها قاعدين معاهم وسامعينهم ، فالوقت الى تمارا بتحاول تشوش ع الى بيقولوا ده لانه مش عاجبها .

تمارا:يووووه م خلاص بقى مبقاش فيه سيرة غير الورث والفلوس والفلوس والورث

بجد حاجه تخنق

هانى: ايه يا سيادة مدير المصنع ..مالك لابس لنا الوش ليه

تمارا:ع فكرة ياهانى انا مش هنفذ كلام عمو رفعت ومش هدير المصنع

انا هشارك ب مجهودى واحدة صاحبتى فصيدليه باباها

وهعمل الحاجه الى بحبها

وثانيا بقى عمتو سوسن مش هتقبل الفلوس الى انكتبت لها من عمو رفعت عشان هى محرمه كل فلوسه عليها اصلا وزى م قولتوا مقطعاه

هانى :ااااه ماهو انتى حبيبتها وكل خميس عندها وبتعملى طلباتها لازم تدافعى عنها

بس والنبي بلاش جو فكهانى الامانه ده عشان مش هيدوم كتير

اى حد بيشوف الفلوس لسانه بيدلدل عليها .

تمارا:لا يا هانى ....لسانى مش هيدلدل عشان احنا مش كلاب

زى ناس!

قامت تمارا وهانى اتعصب

هانى :سامعه يا ماما ؟!

الام : بقولك ايه ملكش دعوة بأختك ، وحكاية الورث دى انا مش بلعاها

هانى:يووووه جاتكم نيلة وش فقر

صادق: خلاص يا هانى سيبك منهم

هانى :طبعا هسيبنى منهم ، هو انا هشغل دماغى بتمارا والهبل الى بتقوله ده

خلينا فالملااين والعز

وسيف الى انا متأكد انه مش هينفذ الوصية ويتجوز البت دى... وان فكر

مش هيلحق .

====•••••••=====••••====••••==

مسكت النوت بوك وبتقرا اخر حاجة كتبتها وبتعيط جامد ف أوضتها ، مش مستوعبه الى بيحصل

"بابا رفعت كان اخر كلامه انفذ الى هينطلب منى عشان هو يرتاح وده الاحسن لى

طيب وهو ايه الى هيتطلب ؟!

انا خايفه "

سارة: (بتكلم نفسها بعياط)مستحيل اتجوز الشخص ده ااااااه

مستحييييل

يموتونى الاول

ليه كده يابابا ، ليييه وانت عارف ان بحب خالد وعايزه اتجوزه

دخلت مديحه عليها وقعدت جمبها عالسرير وحضنتها ومسحت دموعها ...

مديحة: سارة متخافيش، محدش هيجبرك ع حاجه

عشان خاطرى متعمليش فنفسك كده

سارة: ماما ...ماما انا ازاى اتجوز البنى ادم ده

لا وكمان بشرط نخلف

ده ازاى يبقى فيه جوايا حاجه منه !

ليه بابا رفعت عمل كده ليييه ، اكيد مش عايز يعذبنى

بس هو عارف ان سيف ابنه ده العذاب نفسه

مديحة: بصى ، مش هتتجوزيه

هو الى محتاجك عشان ياخد ورثه ...واحنا بقى يفتح الله

بناقص المبلغ الى كتبهولك رفعت

انا ورثت الى عمرنا م نحلم بيه

سارة: ماما سيف مش هيسكت

ده ممكن يقتلنا او يعمل اى حاجة تخطر ع باله قصاد انه مش ينهزم

وكلنا كسبنا ماعدا هو

ده اكيد جواه نار وغل يخليه يعمل اى حاجة... انا خايفه منه اووى

مديحة: ميقدرش يعملك حاجه

سارة: لا يقدر وانتى عارفه ده

مديحة: يوووه ياسارة متقلقنيش بقى ، انا لوحدى مش ناقصة

حاسه ان ضهرنا راح بموت رفعت

والى خايفه منه حصل فالجوازه دى

مات رفعت...وبقينا مننا لسيف

سارة: ياارب انت مترضاش بالظلم ، ااااااااه

====•••••••=====••••====••••==

اى حد فالدنيا مهما بان حجم جبروته ، شدته وعنفه

فى جواه حد ضعيييف اوى ومكسور

بيظهر فبعض الاوقات ...

وده الى حصل لما اتصل سيف ب مامته تيجى من لبنان تشوف حل للمصيبه الى هو فيها

فيولا: لاأ سيف حبيبى مابدى شوفك هيك ، انا حدك

وراح ضل حدك وراح نفكر سوا ع شى حل

سيف: حل ايه يا ماما ، بقولك روحت لمحامى اسأله عن الطعن ووريته نص الوصية قالى انها سليمة وان الطعن هيترفض من اول جلسه

يعنى لازم انفذ نص الوصية

واتجوز الزباله دى

فيولا :إسمع سيف ، مايصح يا ابنى تحكى عالخلق هيك

كلنا واحد

سيف: لأ مش واحد ، مش كفاية انها من الشارع

ولا كفاية انها وحشه جدا وممكن اطيق عشماوى وهى لا

وكمان بنت الست الى جابت اجله وأشت كل حاجة عالجاهز

والله لو بإيدى اموتها

فيولا: ولو ...كيف يصير هالحكى

لا يا ابنى

راح نفكر بهدوء سوا ومع المحامى

وكل شى راح يبقى كتير منيح ، وانا معك هون بالفيلا

وما راح اتركك

سيف: انا فكابوس...كابووووووووس

ليه بيعمل كده ، وانا الى للحظة حسيت انى غلطت كتير فحقه بسبب معاملتى وجفائى من ناحيته

كل الناس خدوا حقوقهم مرتاحين

الا انا

حتى الى ملوش حق اخد ...قوليلى اسامحه بس اسامحه ازاى

والله م هسامحه

ولو وقفنا قدام ربنا هقول مش مسامحه

فيولا:بتنحل م تزعل هيك سيف عم انجن وانا عم شوفك هيك

ولك تؤبرنى حبيبى

بتاخد مصرياتك بس اصبر

سيف: خلاص يا امى ابويا رخصنى ، هترجى واحدة مش بطيق اشوف وشها

عشان تقبل نتجوز عشان اخد حقى الى كنت شغال ليل ونهار فيه زى الحمار

مين قال كده

فين العدل فكده

هو بيعمل ايه دلوقتى بين ايدين ربنا

انا خلاص حياتى اتنهت...حتى بعد م مات بيخططلى حياتى

يعنى قبل موته دفنى

وبعد موته ...كسرنى !

====•••••••=====••••====••••==

اياااام وراحت سارة تقابل خالد فمكان ، الى من ساعه وفاة رفعت مش عارف يتلم عليها

خالد :خلاص بقى بلاش اشوفك كده

سارة: انت مالك ..بتستهين بالى بقوله كانى بقولك حاجه عادية ،انت سمعتنى كويس

خالد: اه سمعتك ، المفروض اعمل ايه يا سارة

سارة : انا هتجنن من التفكير ، ليه بابا رفعت عايز كده

ليه كتب كده وانت كنت متقدملى وانا حكتله عنك

خالد: انا اصلا لحد دلوقتى مستغرب جدا ليه هو إنهار مرة احدة كده لما سمع ان ماما كانت بتشتغل مستشفى المروة

وسالنى ع لدغه لسانى فحرف ال ر ، بصراحة الله يرحمه استغربته جدا

اسئله غريبة خلته ينهار ويوقع من غير اى سابق انذار

سارة: خالد انت فاهم انا مش هقدر اتجوز حد تانى غيرك ، بقولك ايه تعالى نكتب كتابنا ونحطهم قدام الامر الواقع

وساعتها سيف مش هيعرف يعمل حاجه

خالد: سارة الامور مش بتتحل كده

سارة: انت مالك بارد كده ليه ولا كانى هتجوز حد تانى غيرك

خالد: بارد ازاى ، هى بصراحه حاجه تلخبط وانا مش عارف ارد ب إيه

خالد سكت واتلكك بإنه يقوم يروح ال حمام عشان يهرب من اسئلتها ...وساب الموبايل بتاعه عالتربيزة قدامها

سارة كانت شاكه برد فعله الغريب والجديد ده ، كانت فاكرة كلمه لواحدة صاحبتها بإنها عرفت كل الى مخبيه خطيبها عليها من فونه .

بسرعه مسكت فونه ، وكانت لسه بتقلب فيه كان عنده واتس اب مش مفتوح ، فتحت وقرت!

ولما جه خالد ...

كانت ماسكة شنطتها وقايمه وعيونها كلها دموع

خالد: استنى ،انتى قايمه رايحه فين

سارة: ع فكرة بقى مبقتش استغرب حاجه (بتعيط) بس الضربه لما بتيجى من اقرب الناس بتوجع اووى

وشكرا ع الى عرفته وكفايه لحد كده

مش عايزة اعرفك تانى

جريت وجرى وراها ومسكها من ايدها ..

خالد: فيه ايه انا مش فاهم ياسارة

سارة: هو انا عملتلك ايه عشان تلعب بيا ، انا بجد مش مستوعبه ازاى

جيت واتقدمتلى وكان ممكن نتخطب

وانت فالاصل متراهن عليا مع اصحابك ومش بتحبنى بجد

خالد: (عرف انها قرت مسجاته هو واصحابه ) سارة !

سارة هو الاول والله كنا بنهزر سوا وقولنا الكلاينت الى هتدخل مهما كانت هقدر اوقعها

وانتى دخلتى

منكرش انى كانت مجرد لعبة ، لكن بعد كده والله بجد حبيتك واقتنعت بيكى

سارة: متكدبش انا قريت كل حاجة ، ودلوقتى مش مستغربه برودك

خالد: إسألى ماما انى بجد كلمتها عنك وكنت عايز اخطبك ...بس حصلت حاجه كده

سارة: ايه الى حصل ؟!

حصل ان عنيك فارغه ، إشبع بيها اهى عندك

وممكن ابعتلك رقم فونها وخلى بالك دى ورثت كتير اوى يعنى صيدة حلوة برضو

مش بس جمالها

خالد: انا كنت هقولك ومش هكدب انى مستغرب الى بيحصللى وان انشغل بيها وانا بحبك

سارة: عشان محبتنيش من الاساس ، لوكنت فعلا حبتنى

كنت عمرك م انشديت لغيرى ...مهما كانت

خالد: سارة !

سارة: ابعد بقى وكفاية

كفاية ....

====•••••••=====••••====•

سارة لما رجعت السرايا ،دموع عنيها واحساس الانكسار كانوا ماسكينها اوى

اتخدعت ف اقرب ماليها

واتظلمت من حد كانت بتعتبره اب

ومتعرفش ليه بدات الدنيا تبوظ من حواليها كده ...رمت نفسها فحضن مامتها الى اشتكت لها يعنى ايه مراره خداع فشخص كان كل حاجة ليها

وازاى قدر يعجب ب تمارا !

لكن معروفه من قديم الازل ، وقت الانهيار ....متاخدش قرار !

وهو ده اكبر غلطه عملتها سارة لما حاولت فيولا وفيروز يتكلموا معاها ولأول مرة من ساعة وجودها لاول مرة فالسرايا..

فيولا: سارة ....فيكى نحكى شوى ع جنب

بدى ياكى بموضوع مهم

سارة: (بتمسح دموعها) اتفضلى

فيروز : هو انتى بتعيطى ليه يا انسه سارة ؟

سارة : لا مفيش انا تمام

مديحة: خير يا مدام فيولا

فيولا: بندخل بموضوع ع طول ...الوصية الى انكتبت واجبة النفاذ

من شان سيف بياخد حقه

وحقه متعلق فيكى انتى سارة

سارة: تمام ده كلام حلو ، بس انا دلوقتى مش حمل كلام ولا حاجة فالموضوع ده ياطنط لانى تعبانه اوى

فيولا: (سكتت وكملت كلام بذوق) شوفى سارة

بعرف يمكن وقتك م يناسبه هالحكى

لكن كل دقيقة عم تمر ، عم تخسرنا كتير

وبتعرفى ان رفعت قال بدوا تتزوجوا ويكون لكن اولاد بظرف سنه

لو م حصل هيك شى

ابنى م بيكونله شى بورث بييه ، وهاد كتير ظلم

سارة : ومتعرفيش ان ابنك ظلمنا كتير وهزقنا كتير وقرفنا فعشيتنا كتير من ساعه م جينا

وكنا مستحملين بس عشان بابا رفعت

والله مش مشكلتى انه ورثه مرتبط بيا ، ده بنى ادم ميتعاشرش

فيولا يأست فاول جوله فالوقت الى فتحت فيروز الكلام من جديد بطريقه سحرية تأثر عليها

فيروز:بثى يا انسه سارة ، رفعت باشا قررلك ٢مليون جنية لو نفذتى وصيته

هتتحوزو ع الورق بس

والمحامى هيشوف الورق وهنحلها معاه ان يدى لسيف بيه ورثه وساعتها تطلقوا وانتى تاخدى حقك

وتعملى الى نفسك فيه

مشروع ليكى ...حاجه لذاتك

اعتبريها مرحله عالورق بس

سارة :ياسلام ! ورق ايه

والخلفه

انتى مسمعتيش

لازم نخلف

فيروز: متقلقيش احنا هنظيطها مع المحامى وهو هيقدر

فيولا : وماتقلقى م راح يتعرضلك ب شى تا يتم الطلاق وبيحصل ع ورثه

شو قلتى ؟

سارة بكل غباء لمجرد انها تنتقم من حد ، قررت تنتقم من نفسها ....ووافقت !

كلام فيروز ان يكون لها نصيب وتعمل بيه مشروع دخل دماغها ، ولان سارة فيها جزء مادى طماع شوية وهو ده الى لمسه رفعت ف ان يكتبلها المبلغ ده فى حالة موافقتها عالوصية .

وتانى يوم

كانت بتحكى بالتفصيل الممل الى حصل لجهاد ، وهى بتكتب فالنوت بوك فنفس الوقت

" وهضحك ع الى عملته فيا فحبي ليك وفوقت انا فيه محتاجه اشوفك جمبي واتعلقت بيك

وعشان خسارة تشوفنى فيوم بندم عليك ...خسرتنى ياخالد"

سارة: اه يا ستى هى دى توزيعه الورث

جهاد: يا حلاوة يا ولاد ، ياريتنى كنت فيها القاعدة دى كنت خدتلى ييجى ٢٣٠ جنيه كديتى

سارة :(ضحكت ضحكة صغيرة من غير صوت )

جهاد: طيب وهتعملوا ايه يا شملولة دلوك ؟

سارة: مانا اصلا بتصل بيكى عشان اقولك انى خلاص واقفت

جهاد: وافقتى ع ايه

سارة : اتجوز

جهاد : تتجوزى مين يا واكله ناسك ...تقوليش...

سارة: ايوا سيف ...يلا

ومطرح م ترسي دقلها !

جهاد: (صوتت بالصعيدى) يابوووووووى ، يامرك ياجهاد يا حزنك ياجهاد

هتتجوزى مصاص دماء الاطفال الاستاذ سيف الدين قطز

روحى شالله ينكد عليكى زى م نكدتى عليا بالخبر المحروق ديتى

يومك اسود وليلتك طين وحياتك الجاية سواااااد السواااااد يا بومة !!!

====•••••••=====••••===

(11

•••••=====••••====••••====•••••

"هاهاها سيف مين الى وافقت ع جوازه ؟ دى تروح فيها رقاب دى "

صادق :سمعت طراطيش الكلام من الخدم فالسرايا ، هنعمل ايه دلوقتى

هانى : وحياتك م هيحصل وبكرة تشوف ...ده نص الورث

ده انا اهد الدنيا فوق دماغهم

صادق: يا سلام يعنى هتعمل ايه تقدر تقولى ؟

هانى : هوريك يابابا هانى يقدر يعمل ايه

الخبر طير برج من دماغ هانى الى كان مستبعد حدوث ده ومن المستحيلات، واضح اوى الكراهيه مابينهم .

ازاى وافقت ؟

وايه الداعى ...اكيد مش الفلوس امها ورثت ورث مالوش آخر

شخصية سارة الساذجه ، خلت الكتير يطمع بإنه يقدر يسيطر عليها والاكيد ان هانى كان بيشتغل ع ده

فتراث السرايا كان مستنى يدوها خبر انه تحت مستنيها ،نزلتله مستغربه الزيارة وقعدت يتكلموا...

هانى: انسه سارة ...ولا الاحلى اقول يا سارة بلاش القاب احنا اهل

سارة: هانى اتفضل قول عايزنى ف ايه (بضيق وعدم ترحيب)

هانى : هدخل فالموضوع ع طول ...بس الاول ليا طلب

سارة: اتفضل

هانى : نتكلم بعيد عن هنا ...فى حجات كتير عايز افتح عينك عليها

سارة: غريبه !

وايشمعنا دلوقت

هانى : هفهمك كل حاجة ...بس فمكان تانى

سارة: اوك ...ثانيه اقول لماما وجايلك اشوف عايز منى ايه

•••••=====••••====••••====•••••

وفى اجتماع مكون من فيولا وسيف ومديحه وسارة ...وفيروز

الى متبنيه فكرة جوازهم بشدة من خوفها ع حق سيف ، بحكم السنين الى قامت برعايته فيها

سيف زى ابنها وبتحب له الخير ومش زى الباقى

جواهم مشاعر كره وحقد من ناحيته.

سارة : كده مش عاوزه

فيولا:(بزعل) ليش هيدا تغيير الراى بعد م كنا متفقين سارة

مديحة: ياجماعه هى خدت القرار فوقت تسرع ،سيبوها تفكر ( ومن جواها نفسها ترفض الجواز بس خايفه من سيف)

فيروز : انسه سارة ،انا متاكدة ان مجية هانى ليكى هى السبب

بس مهما كان متصدقيش

الى اتفقنا معاكى فيه هو الى هيمشى

سارة: لأ مش هقدر ومعلش انا مش مجبورة ع كده

سيف:(بكل عنف شدها من دراعها لوحها لوشه ) بت انتى !

انا مش هقعد استنى امرك

اذا كنتى بتعصرى ع نفسك لمونه فانا اكتر منك

سارة: (فلتت ايدها منه) بذمتك واحد بجبروتك وعنطزتك ارمى نفسي فجحيمه ليه

سيف: عشان لو لاوعتينى كتير انا هقتلك ..وكده كده انا ضعت

فيولا:(دخلت بينهم تفصلهم) هاد مو معقول ، مافى طريقه افضل تحكوا فيها

بدنا نحلها وع رواق ...شو ياسارة

ليش عم تعذبينا معك ...بدنا نخلص من هالمصيبه وكل حدا بيكون بطريقه من بعدها

ليش عم تعقديها

سارة: محدش له هنا سلطه عليا غير ماما، وبعدين ايه الى يضمنى انه يفضل جواز ع ورق لحد م البيه ياخد ورثه ويطلقنى

سيف:(بسخريه) لأن البيه اهون عليه ينام فحضرةعزارئيل ولا تنامى انتى فحضنه

سارة: انا قرفانه اكتر منك ، ونفسي اعرف بابا رفعت ليه قالى نفذى الى هيتطلب لانه لمصلحتك

ايه مصلحتى فجوازه مهببه زى دى

انا اتسرعت كنت منفعله ورجعت فقرارى ....انا حره

سيف:(جاى ناحيتها كأنه هيضربها وفيروز وقفت فوشه)

فيروز: بصى يا انسه سارة ، انتى عندك حق واكيد حرة

بس هى يدوب امضى

وتلبسي فستان ابيض وحفلة عالضيق زى شروط المرحوم رفعت باشا

وخلاص ..كأنك بتمثلى تمثيليه

والله مافى اى اذى هيحصلك انا اضمنلك

سارة سابتهم وطلعت جرى ع اوضتها ووراها مامتها ، وهما فى حيرة من امرها ياترى هترسيهم ع ايه ...

•••••=====••••====••••====•••••

ست عاجزة كبيرة فالسن ، بتتحرك ع كرسي متحرك بعجل

كانت قدامها تمارا

بتأكلها ف بوقها ...وبتحكيلها ...

تمارا: بس ياعمتو ، وانا خمنت انك مش هتوافقى عالمكتوب لك فالوصية

سوسن: يا تمارا يابنتى ، انا لا عايزة رفعت ولا فلوسه

انا جيت عزاه وحضرت الدفنه زى الغريبه

..ربنا يسامحه

تمارا: عمتو انتى عارفه انى مش حشريه ...بس مستغربه كمية الجفا الى كانت بينكم دى ليه

سوسن :(سرحت ) يااااااه القلب ياما شايل

هقولك ايه يا تمارا ...ربنا يغفرله بقى

تمارا: ومعرفتيش تسامحيه خالص طول الفترة دى

سوسن سمعتها وهى بتسحب عجلات كرسيها ناحيه تربيزة عليها راديو انتيك

وفاز شيك

وصورة لطفل ميعديش ال ٥سنين ....

مسكت الصورة وحضنتها وعيونها مليانه بالدموع .

تمارا: (شايفاها) عمتو انتى عارفه سعات بستغرب حبك لأحمد ابن عمى ، ساعات بحس انه كان ابنك انتى

سوسن: هو كان اكتر من ابنى ، ده انا الى ربيت فيه اكتر من حورية الله يرحمها

وكأن ربنا عوضنى بيه كل حاجة عدم الجواز وعدم الخلفه والعجز

يلا ...اهم كلهم اموات ولاد اموات

تعرفى نفسي ف ايه دلوقتى ؟

تمارا:ايه؟

سوسن: انا اروح عند ربنا بسرعة عشان اشوفه، وحشنى !

بعد زيارة تمارا لعمتها المعتادة ، اتلقت اتصال من بنوتة صاحبتها كانت عايزة منها طلب

بس ساعات القدر بيسوقنا لحجات ...ربنا وحده العالم بيها .

تمارا و صاحبتها خارجين من محل ملابس...

صاحبتها: برضو يا مرمر مفيش هنا، انتى شكلك متضايقه انى طلبت منك تيجى معايا نجيب نفس الشيميز بتاعك الاحمر الى اتبخر ده

تمارا:بس كانت فى حجات حلوة كتير جوة ع فكرة ، ومش اول محل ندخله انهاردة

انتى تعبتينى

صاحبتها: م انتى الى مش عايزة تريحينى وتودينى للمحل الى جبتيه منه

تمارا: يابنتى عادى اكيد فى محلات كتير هنلاقيه

صاحبتها: لا ع فكرة ،فى محلات بتبقى طريقتها بيع القطعه الواحدة الى ندوخ ع شبيه ومنلاقيش غير عندهم

ودى الريادة يابنتى

احنا دخلنا كذا محل ومش لاقيناه

تمارا:بس انا اشتريته من كذا شهر ، اكيد خلص منه

صاحبتها: تعالى نشوف بس ولو مش لاقينا نوصى عليه

راحو للمحل الى بيشتغل فيه خالد ، دخلوا يدورو بمساعدة ماركت هناك

فالوقت ده كان خالد مع كلاينتس تانيين ، وكان شكله غريب جدا لما واحد من زمايله

قاله ان تمارا هنا !

لهفة شوقه انه يشوفها كانت غير عادية ، نده ع ماركتينج غيره للكلاينت الى معاه

وراح لحد عندها ...

خالد: انسةتمارا منورة ...

تمارا:(ابتسامة ذوق)اهلا بيك يا استاذ خالد

خالد: اومال مكررتيش مجيتك ليه تانى ، احنا بنشوف الناس الحلوة (صاحبتها وزميله اخدوا بالهم فعدل طريقةكلامه ) ولا البيسز الى اخدتيها مش عجبتك ؟

تمارا: لا بالعكس ده احنا جينا ندور ع بيس عجبت صاحبتى من الى جبتهم ، بس مش لاقينا

خالد: انتى ممكن تجيبي الفاتورةالقديمة لو معاكى ونشوفها انهى نوع وممكن نجيبها تانى من نفس المصمم الى بنتعامل معاه

ومفيش مشكله (ابتسم)

تمارا:اوك ميرسي لذوقك، هجيب الفاتورة ف اقرب وقت واجى

السلام عليكم

خرحت تمارا هى وصاحبتها وخالد سرحاااان فيها ببلاهة شديدة خلته يرد ع اخر جملة قالتها وهو مش فوعيه ببرطمه فسره ومصوب عنيه ناحيتها

خالد : يارييييييت

==••••====•••••==••••====•••••

وفمقابلة مهمة جدا ، كانت السبب فالتغيير الجذرى الى هيحصل لسارة بعدين .

مع صحبات ليها من ايام الجامعه فوق مركب فالنيل .

كان ده الحوار داير مابينهم..

صاحبة سارة ١: يابنتى والله فعلا اثبتت الايام انك بنى ادمه حمارة وغبية طحن يعنى

سارة: ليه يعنى غبية طحن عشان مش هوافق ع سيف بيه سليط اللسان قليل الذوق قليل الادب

لأ طبعا ده عين العقل اصلا انا خدت القرار فوقت تسرع

صاحبة ٢: ياهبلة لما تاخدى ٢مليون جنيه تعملى حاجه وكيان خاص بيكى اى ان كان فدماغك ايه

وتكبرى قدام الناس،اول م تطلقى من ده هيجيلك مليوووون

صاحبتها١: واصلا متعتمديش ع ورث مامتك، لان ورث مامتك متجمد فحجات رفعت باشا السرايا

والمجموعه وكل الحجات عمر م مامتك هتنفصل عنهم

لكن انتى لازم يبقالك وضع

صاحبة ٢:تخيلى كده لما الجرايد والمجلات تنزل خبر جوازكم بالبونط العريض

زواج الانسة سارة ثابت ع صاحب السمو سيف نجل المرحوم رفعت باشا نصار

سارة:ثريا!!

صاحبة١: اى ان كان ياستى ! المهم صورك جمبه لوحدها ب ٢مليون جنيه

وكده كده جواز مصالح عالورق وخالتى وخالتك واتفرقوا الخالات

سارة:بس انا مبحبوش ...ده واحد ماينطاقش

صاحبة ٢:(ميلت ع ودنها بخبث) وهما الى حبتيهم كانوا عملولك ايه !

==••••====•••••==••••====•••••

"حسبي الله ونعم الوكيل ، انت السبب الاول والاخير انى ارمى نفسي الرمية دى

عمرى م هسامحك ولمابعدين يحصلك حاجه وحشه متقولش ليه يارب كده

اعرف انه ذنبي....بجد حسبي الله "

بعتت المسج لخالد وهى بتلبس تاج ع راسها واتظبطت للنزول وحضور فرحها ...ع سيف!

الدموع مالية عنيها

بتبص ع نفسها فالمرايه بالفستان الابيض الى كل بنت بتحلم بيه، هى لابساه غصب عنها عشان تمثيليه

وقامت يشوفو التاتش الاخير عشان تنزل

كانت مامتها طلعت تشوفها، قلبها انشرح لما شافتها بفستانها زى القمر

هو ده حلم كل ام،بس عمر م جه فبال مديحه ان الحلم يتحقق كده !

اما عند العريس....

كان سيف بيلبس رابطة العنق بتاعته وجواه حزن الدنيا وكانت مامته اقفه وراه...

فيولا: يخزى العين عليك ،ماشالله كتير حلو ياابنى متل القمر

سيف:(لف يبصلها) متل القمر ومن جواته عم ينحرق

فيولا: سيف....اسمعنى ياابنى

ياللى انكتب عليك هاى مرحلة و بتمرء ع خير بإذن الله ،والى بدو يكون يكون

اهم شى انت حبيبى

سيف: راح اصبر من شانك ماما

فيولا :تؤبرنى حبيبى

طلع سيف واخد العروسه الى مبصش فوشها ، وانكشها ع مضد

وهو مش حابب

سارة كأنهم بيزفوها لموتها

نزلو للفرح ، كل المصورين والصحافيين ورجال الاعمال وبعض من افراد الطبقات الراقيه

وكان الفرح ع اعلى مستوى زى م رفعت وصى برغم انه مر بس ع وفاته ٤شهور !

هانى وصادق هيطقوا من الغيظ

هانى :اتجوزته فالاخر انا هتجنن ،ده انا بخيت فودنها سم يخليها متبصش فوشه

صادق: بقولك ايه الجوازة دى كده وكده انا سمعت انه عالورق بس وده مش شرط الوصية

وبكده هيسقط حقه لعدم حدوث الخلفه ههههه المنشودة

هانى: يعنى ممكن ....

صادق: طبعا الحق تلقائى هيرجع لنا لان شرط الوصية متنفذش بالكامل

هانى :يعنى الفلوس هترحع لنا

صادق: وهما يشربوا بعض ههههههههه

تم افتتاح الرقصة الاولى من قبل العريسين ، الى حزن مخيم ع وشهم

واكيد دى حاجه مفاتتش سيف

ان يجيب مدرسين اتيكيت وبروتوكول ل سارة

تتعلم الكلام

والاسلوب

والشياكة

والذوق

واهم حاجه فن التعامل ....ورقصة انهاردة .

معزوفه الفالس بدات والاوركسترا كانت مستعدة ، برغم التكشيرة

الى ع وش الاتنين

وكأنهم تماثيل من جبس سوا

لكن كان الانسجام بينهم فالرقصة اكتر من رائع ....وبعد م خلصت

قعدت هى وبدأ كتب الكتاب

المأذون : قول ورايا يا استاذ سيف ...قبلت زواج

سيف:(بيبلع ريقه) ق. ...قبلت زواج

الماذون:البكر الرشيد ثريا ثابت ضاحى

سيف:ثريا مين ! انتو هتحوزونى واحدة كمان

المحامى: الانسه سارة اسمها ثريا ياسيف بيه ، معلش يوم الوصية انت مركزتش كويس ع اد م كان همك حقك

(فودنه)

سيف اتخنق اكتر من خنقته وهو بيردد وسارة حاسه ان فى سكينه بتدبحها، المصورين صورهم وبدات الاخبار تنتشر وصورهم تملى الدنيا

ومديحه كانت وسط المعازيم قايمه بدورها المزيف كام العروسه الفرحانه لان كل ده هيتكتب، لكن تمارا كانت مشغوله انها تكون جمب سارة

الى سارة مكانتش مدياها اهتمام اصلا...

خلص الفرح وطلعوا العرسان لجناحهم ...كان قلب سارة صوت دقات خوفه مسموعه !

اتقفل الباب ...

سيف:(مديها ضهره) متخافيش ...انا بعد م الدنيا تهدا هروح اوضتى

عشان هانى وعمو بايتين هنا

ولازم يصدقوا اننا اتجوزنا بجد

سارة :(بتشيل مكياجها بعنف وعصبيه) يارييت بسرعة لانى بجد خايفه ومخنوقه من وجودنا فنفس المكان سوا والباب مقفول

سيف:انا مستعجل الدقايق اكتر منك يا اسمك ايه انتى ، وبعدين حذارى تتكلمى معايا كده

سارة :بقولك ايييييه انت ملكش اى حق تتامر عليا ، انت هتاخد حقك بسببى يبقى تكلمنى عدل

سيف:(جه ناحيتها بعصبيه) انتى تخرسي لانى عاصر ع نفسي لمونه ان اليوم ده يعدى

وواخد مليون مخدر احساس عشان محسش باللحظة البشعه الى فيها انا وانتى سوا ولوحدنا

وعندى الموت اهون من وجود اسمك مقترن بإسمى فقسيمة !

سارة : وانت فاكر انى هطير من السعادة يعنى ؟! ده انا عندى اتخيل نفسي بيدهسنى قطر عشان اخلص من الكابوس بتاعك ده

سيف: وانا مش هحرمك ابدآ انك تدعى ع نفسك بالموت كل يوم، واعتبرى ده وعد !!!!

==••••====•••••==••••

(12

•••••=====••••====••••====•••••

القلق بقى هو الضيف الرزل فقلب سارة وسيف، سيف كان اد وعده وراح اوضته يبيت فيها

بعد م الدنيا هديت وكان تقريبا هانى وباباه ناموا ..

والصبح خارج من اوضته كالعادى بتاعه ،لقى هانى طالع من اوضته

بسرعه من غير تفكير

جرى ع جناحه هو وسارة ودخل وقفل الباب وراه بقوة قبل م هانى يشوفوا ...كانت سارة فعز نومها

وقامت مفزوعه !

سارة :(قامت مخضوضه من نومها وبتدارى بالغطا) انت ازاى تدخل عندى هنا من غير استئذان

سيف:(مردش وواقف ورا الباب يترقب خطوات هانى الى هو اصلا بيتجسس عليهم) شششششش

سارة: ششششش فعينك (قامت من مكانها) اما صحيح قليل الذوق والادب

سيف:لآخر مرة تتكلمى كده معايا ودى اخر مرة حنبهك فيها

سارة: ممكن افهم بتعمل ايه هنا وداخل هجم كده ليه ايه مفيش ناس هنا

سيف:(بآخرة صبر) اووووووف، بصى يا انسة هانى بيه بيتمشي يشوف ان كنا بايتين سوا ولا لا

وطبعا هو بايت عشان كده لانهم شاكين ان جوازنا حقيقى

عشان كده كنت طالع من اوضتى جيت ع هنا ع طول

سارة : يووووه بقى انا زهقت من العيشة دى ، ايه الى كل حاجة اعمل حسابها

انا مش مجبورة ع كده

سيف:لا مجبورة عشان تاخدى ال ٢مليوون(شاور بإيده ٢

سارة : (اتوترت) لأ طبعا

سيف:(زقها فدقنها بغلاسه) اوعى تكونى فاكرة ياشاطرة انى مش عارف انتى وافقتى ليه ، واحدة كان آخرها ٢٠٠ جنيه يغرقوها

مرة واحدة هبطت عليها و ع الى خلفوها ثروة يشوفوها فحلم

وهى عشان طماعه طمعت فالاكتر من كده عشان مش بتشبع

سارة: بص يابابا هى مهمة زى الزفت ربنا ابتلانى بيها نخلص منها وكل حد يروح لحاله

مع ان مش عارفه بابا رفعت ليه كتب السرايا النص بالنص

يعنى هيفضل وشك ف وشي طول العمر

سيف: ده انا الى مش متصور وش النملة الى ف وشي ده هشوفوه ٢٤ ساعة متواصل ، وكمان انتى الى مش متصورة ده

المهم تخلصى وتلبسي وتنزلى عشان تمشي الحكاية للاخر خلينا نخلص

سارة اتنططت ونفخت ومشيت وهى بتبرطم

وع سفرة الفطار ...

صادق: صباح الخير يا عريس ، عامل ايه

سيف: الحمدلله (وش مكشر)

هانى :اومال العروسه منزلتش ليه معاك ، اوعى تكون مزعلها

سيف:(بدأ اكل ) نازله ورايا

هانى : ورفعت راسنا ولا ايه ؟(بيوش وشه)

سيف سمعه ومردش ونزلت سارة لابسه فستان جميل ورافعه شعرها بشكل جميل ينفع تمثل انها عروسه

لكن تعبيرات وشها هتداريها ازاى.

السكوت كان الشئ المشترك بين الكل ، بصات وهمسات مابين صادق وهانى

عليهم

وخلص الفطار وبدأ يوم عادى زى اى يوم ،لكن هانى مش هيسيبهم فحالهم ..

==••••====•••••==••••====•••••

ومع اول يوم فالمجموعة ،تنزل سارة ك رئيسة مجلس إدارة بالإنابة عن مامتها

وهانى مدير حسابات المجموعه

وسيف مدير تنفيذى زى ماهو ، وكانه بيشتغل عندها

لأن لحد الان

مش قادر ياخد حقه ...

استاذ قدرى : عايزك متقلقيش خالص يا مدام سارة

كل حاجة هتتعلميها بسرعه

شغلنا سهل بس محتاج تفتيح مخ

سارة :انا حاسه انى هلوص هنا،بابا رفعت كرسيه كبير عليا

وماما وكلتنى مكانها قالت انى بفهم عنها وانها مش هتقدر تكمل مكان بابا فعت

وانا هغرق

استاذ قدرى: لالالا الموضوع ميستاهلش الخوف ده كله ، بس استاذ سيف ممكن يقوم ب مهمة تدريبك

وفهمك لشغل المجموعه

سارة: ها !

لا خلينا نبعد عن سيف ، هو انا اعرف شوية حجات فالفترة الى اشتغلتها هنا فمكتب فالعلاقات العامه

استاذ قدرى: لا رئاسه مجلس الادارة شئ، والعلاقات شئ تانى

يلا هنبدا اول حاجه وواحدة واحدة هتوصلى

سارة بصت له بصت خوف من الى جاى ....

اما هانى كان ف مكتب سيف بيرخم عليه ...

هانى : وهى منزلتش من ساعة اعلام الوراثه ليه وسابت كل حاجة لقدرى وليك

لازم تتجوزو الاول يعنى

سيف:(بضيق بيرد وهو مركز فشغله عاللاب توب ) والله معرفش ليه

هانى: واحنا هنسيب حتة بت مفعوصه تبقى مديرة المجموعه

سيف: والله حقها الى كتبهولها عمك هى وامها (بسخريه)

هانى: مممم بس انت لما تاخد ورثك ...

سيف:(قاطعه) طبعا هبقى انا رئيس مجلس الادارة لأن ليا احقيه اكبر من ٥١٪

هانى :٥١٪ !

سيف:اه ابقى راجع ورق الوصية لو مش عارف ،هو عند المحامى (برخامه)

هانى :(سرحان ف كلامه ) ٥١٪

وطبعا لو انت مكملتش شروط الوصية صح ....هتبقى تلقائى لينا

قالها وهو سرحان ومش باصص ل سيف ، خلى سيف يسيب شغله ويبصله بإحتقار لمدة ثوان

فوقت هانى من احلامه الوردية ع بصة سيف وحس بالاحراج

سيف:انت مش عندك شغل ؟!، اتفضل يلا ع مكتبك

هانى :(بإحراج) اه حاضر رايح اهو

سيف ابتدت الماسكات تقع قدامه ، واكترهم هانى الى بانت نواياه اوووى

حس انه مخنوق

خلص شغل وطلع عالمحامى ....

سيف: وايه الى مينفعش، احنا اتجوزنا زى م قال

وعايز حقى

المحامى :سيف واضح انك فاهم غلط ، لازم يبقى فى طفل مابينكم

رفعت باشا نصار الله يرحمه مأكد حتميه الموضوع ده

سيف:انا مش فاهم ليه لازم اخلف من الكائنه دى ، ايه الشرط الغريب ده

المحامى : لأ مش غريب ولا حاجة ، رفعت باشا كانت ليه نية فالشرط ده وانا بس الى اعرفها

سيف: ايه بقى النية ؟؟؟

ممكن اعرف ايه الى يخلينى يبقى فى رابط قوى بينى وبين واحدة زى دى عشان اخد حقى

المحامى : فيه يا سيف ... النسب !

سيف:نسب؟!

=••••====•••••==••••====•••••

صفحه تمارا عالفيس بقى ليها زائر يومى ،بيتلصص ع اخبارها كل دقيقة

خالد اثرت فيه مسج سارة

بس هو حاسس انه مظلمهاش للنهاية

عشان كده مش حاسس بالذنب ناحيتها هو بس حاسس انه زعلها من غير قصد ..ومكانش عايز ابدا يتحس له الاحاسيس دى من ناحيتها...

قاعد بيقرا بوستاتها وكومنتاتها ، وردودها ع زمايلها

حفظ كل تفصيله فبروفايلها

واد ايه محافظه ع انها ميكونش لها صورة عالفيس

اعجابه بيزيد يوم عن يوم ، وهو فاتح الفيس وهيمان كده

جه زميله من بعيد ...

زميله: يوووووه هو احنا مورناش غير تمارا

خالد: مش عارف حاجه شدانى ناحيتها ، مش عارف ابطل تفكير

من مجرد كلمات بتكتبها

وكلامها مع اصحابها عشقته

هتجنن بيها

زميله:ليه فيها ايه زيادة عادية يعنى

خالد: (اتنهد) مش هتفهم لو مليون سنه شرحتلك

وهما بيتكلموا عمل ريفريش ع صفحتها كانت واحدة من صحابها مشيرة ببوست ع صفحة تمارا

دعوة لحضور عيد ميلادها ف كافيه معروف وبيتفقوا فالكومنتس ع المعاد

خالد سال ع مكان الكافيه عشان يروح ف معادها يشوفها ولو من بعيد.

وهو بيرتب نفسه قدام المرايه ، افتكر كلمة زميله

" م تدخلها دخله سارة ...رقمك وبتاع وليها مدخل بدل وجع الدماغ ده"

خالد: (بيرد وهو بيكلم نفسه قدام المرايه ) هى مش سارة ....وعمرها م كانت

وع هناك بالدقيقه

فعلا كان فى تجمع شبابي فتربيزة معينه وخمن انها هتبقى معاهم ، واختار اكتر مكان قريب ليها وقعد

ودخلت ب طقم سيمبل جدا وشيك للغاية ، مع لفة طرحتها المميزة ولون بشرتها

كانت منورة مكانها فعلا

خالد تنح عليها وعيونه اتثبتت ناحيتها ، قعدت مع اصحابها وكانت فتعاملاتها بتوجهها كلها للبنات

والشباب فالحدود

حس ان قلبه مخطوف عليها جدا ، عايز يكلمها

يقرب منها

بس مش عارف...

الحاجز كبير بينه وبينها ، رغبة شديدة بتملكه ناحيتها

حتى لما جت المحل عنده تشترى مكانتش مهتمه كأنها مش شايفاه .

بدأت الحفلة وهيصتهم حوالين صاحبتها وخالد متابع ، لكن احيانا الرياح تأتى بما لا تشتهى السفن ....

=••••====•••••==••••====•••••

سيف وسارة ومديحة وفيولا عالعشا

السكوت كان سيد المكان وده العادى ، حبت مديحة تلطف الجو وتفتح مجال للكلام ..

مديحة: حلو اوى الصنف اللبنانى يا مدام فيولا

تسلم ايدك

فيولا:تكرم عينك حبيبتى ،صحتين وهنا

سارة: فعلا جميل

فيولا: هيك عم نسميه ب بيروت ديك حبش بالكستناء

سارة: اسمه غريب بس جميل بصراحه ،ابقى علمهولى ياطنط

سيف استوقفته كلمة سارة خلته يبطل اكل وبصلها ببرود وهز راسه بسخريه وكمل اكل تانى ...

سارة: فى حاجه يا كابتن ؟

سيف:كابتن !!! بتكلمى مين انتى

سارة: والله مفيش مذكر عالسفرة غيرك ، ايه الى بيضحك حضرتك

سيف:انا حر اضحك اعيط اتنطط حرر مكانى وبيتى

سارة: لا وانت الصادق بيتنا احنا وانت ضيف فيه لحد م تاخد حقك

سيف:بيت مين ياقطه ؟ بيت مين يا امورة ؟

انتى نسيتى نفسك بسبب وصية واحد معتوه وافتكرتى انك فجاة بقيتى بنت ناس

لأ اصحى من نومك عشان متاخديش قلم ع فجاة تصحى تلاقى نفسك واحدة تانيه

سارة: (بزعيق وقلبت الطبق الى قدامها) ايه ده بيتكلم كده ليه ده

فيولا : يا الله !

شو الكن

مديحة: يووووه انتو مش الصغيرين عالنقار ده

سيف: لا وعايزنى اخلف من معتوهه زيك عشان خيالات وهبل فدماغه هو بس ونسب شرعى وغير شرعى

طب والله لو حلفوا انه ممكن يرجع اخويا من تانى الدنيا يكدب افتراه عليه دنيا واخره كده

ومدبسنى انا فغلطاته ...مش هعمل ده وييجى يوم تبقى واحدة زيك مراتى بجد!

فيولا: سيف ! م عاد ينحكى هالكلام قدامى مرة تانيه

وهلأ ع غرفتك بليز

هيك راح تكبر المشكله

سارة :اخوه ؟ اخو مين ونسب شرعى وغير شرعى ايه

ايه الهبل الى بيقولوا ده

سيف:احترمى نفسك

مديحة: خلاص يا سيف كتر خيرك بقى ، ممكن تعدى يوم من غير م تدينا فجنابنا كده

احنا عملنالك ايه

سيف:عملتوا ايه ، لا ولا حاجة

جيتوا غسلتو مخه واكلته بعقله حلاوة كتب نص الميراث ليكى و ٢مليون للهانم عشان اتنيلها

واخلف عيل منيل شبهها

جريمة جديدة فالدنيا عشان اخد حقى الى هو اصلا كلكم بتتمرمغوا فيه وعايشين

سارة: اساسا انت لازم تتعرض ع دكتور نفسي لانك مريض والغل الى جواك هيفضل ياكل فيك لحد م تموت ناقص عمر

سابوا السفرة ال ٤بعد النكد الى حصل ، مكشرين ومتضايقين ومش عارفين لحد امتى هيفضلوا كده

قوات معاكسه ...وكانهم فحرب !

=••••====•••••==••••====•••••

وبعدها بيومين ....

كانت عيون خالد بتفتح ببطئ شافت قدامها امه ، وتمارا وورد!

الام :انت صحيت يا خالد ؟الف حمد وشكر ليك يارب

خالد: (بيبص حواليه ) دى مستشفى دى

تمارا: الحمدلله جت سليمه يا استاذ خالد ، ربنا ستر

خالد: هو ايه الى حصل ؟

الام : الله يخربيت الكافيهات ع الى يروحها ، الحمدلله ان ربنا نجاك

خالد: انا مش فاك غير الحريق ووو

تمارا: فعلا حريق قام فالمكان ...الجرايد قالت بسبب سيجارة منطفتش كويس كان شاربها حد من الجرسونات

والمطبخ كله ولع وكانت حكاية

خالد: ايوة انا فاكر ده

تمارا: بعدها نبهونا وكلهم خرجوا مرعوبين وفيه ناس داست ع بعض وانا اتخنقت من الزحمة والخوف

واغمى عليا عالارض والناس بتهرب

وبعد م انت طلعت ...صحابي قالوا لى انهم كانوا بيصرخوا باسمى لانى كنت جوه

وانت ...

دخلت شلتنى وطلعتنى بس فيه ديكور من سقف كان مولع هينزل عليك

نزلتنى وووو

خالد: وو ايه (بتوتر)

تمارا: (خايفه من رد فعله ) متقلقش هما عملولك عمليه وهيعملولك التانيه ، رجلك بس للاسف

اتحرقت حرق من درجه تالته ....ووو

اتشوهت !

خالد :ايه يعنى اتشوهت دى ، حد يفهمنى طيب (منفعل)

الام : قدر ولطف ياخالد اهدى

خالد : يعنى ايه طيب رجلى اتشوهت

تمارا:بص هو ده هيأثر ع حركتها شويه بس هتقوم بالسلامة متخافش ، وانا اى مساعدة هعملهالك

كفاية انك انقذتنى ...واتضريت انت

خالد اتصدم ف الى حصله ع فجاة وعمره م كان ع باله فيوم ...

وعدت الايام وجابت ايام

ودخلوا فشهر و٢

سيف وسارة مستمرين فالتمثيليه الى لازم يتحطلها نهاية لان بالشكل ده مالهاش لازمه

وهانى لسه بخططه فتوقيعهم ببعض

اما خالد فهو قام ع رجله لكن بيعرج ، اتشوهت نسيبيا

وع رغم من ان ده شئ يزعل ،لكن كان كله بيهون عليه قصاد اهتمام تمارا

الى كانت جمبه فكل وقت رد الجميل ...هو كان عارف ان ده ذنب سارة

بس برضو فرح ان رجعلها حقها فظلمه ليها

وانبسط ان ده السبب الى ربنا جعله يقربه من تمارا اكتر ...

وبقى الحال ع ماهو عليه

سارة كل يوم بتتعلم الشغل ، وهى سيف بيداروا احتكاكهم ببعض قدام الموظفين عشان اكيد هيشبطوا فخناقه زى كل مرة

كل الى بينهم شغل ومن غير نفس المعاملة وده شئ ملحوظ جدا

ولان سارة ساذجه وهبلة بعض الشئ ،معملتش حدود بينها وبين الموظفين وكانت تمشي تهزر مع الكل

وتضحك مع الكل

فيه الى حب برائتها وطفولتها، وفيه الى حس انها هبلة واستغلها

زى ريم السكرتيرة الى استغلت انها تتصاحب عليها لحساب هانى وتنقله اخبارها ...

وبعد دردشه طويييله بينهم فيوم ، رغم ان ده المفروض ميحصلش

لكن ريم حصلت ع معلومة مهمة بلغت بيها هانى فورا ..

ريم:زى م بقولك عايشين اخوات جدا ويمكن مش بيطيقوا بعض

هى الى قالتلى

قولت اقولك عشان تبدوءا فالقضية وليا الحلاوة طبعا

هانى :حلاوة !

ده انتى عايزالك مصنع ، كده احلوت اوى

مش فاصل غير كام شهر والسنة المهلة تخلص

وبكده الفلوس بقت بتاعتنا....ههههه وسيف بيه الديك الشركسي برة !

وسمعنى سلام صعبت عليا نفسي

=••••====•••••==••••====•••••

وفسهرة كان فيها سيف فمكان شيك قاعد لوحده ، وده العادى انه دايما لوحده

مالوش صحاب ولا حد قريب منه

كان قاعد بيشرب مشروبه الكحولى المفضل ،بيفكر فاللى جاى وهيحصل

وخلاص الوقت ازف وهو لازم يعمل حاجه لان كده هو يعتبر منفذش الوصية كامله وكلها شهور وتترحل تلقائى لعمه وولاده.

اتصل بيه هانى وعرف هو فين وقعد معاه ، وبدا غلاسته كالعاده

هانى :انت سهران هنا ليه مش تسهر مع المدام

سيف:هانى يا تقعد ساكت يا متقلبش دماغى

هانى :لابجد انتو متخانقين

سيف: وانت مالك اصلا

هانى : يعنى ممكن الطف الجو بينكم ،اقولك تعاملها ازاى

او تعمل ايه

م انت ممكن مش مديها حقها عشان كده قلبت عليك

سيف: حق ايه يا هانى ،الله!

هانى : حقوقها الزوجية ،معقوله يا سيف باشا مش عارف ان دى حاجه بتقلق اى زوجه من ناحية جوزها خصوصا بقى لو عايشين اخوات

سيف: اخوات ايه انت بتخرف

هانى :بقولك ايه كل ده تضيع لوقتك ووقتنا،احسنلك تسلم مهمتك وتعترف انك اتهزمت والورث بقى من حقنا لانك ممشتش عالشرط صح

وعرفنا كل حاجة وبلاش تمثيل بعد انهاردة المدام حكت كل حاجة للموظفات

من الاخر يابرنس انت اتفضحت...وبكرة هنرفع قضية بضم الورث وباى باى يا امريكا

سيف رد ع هانى ببوكس قى خلاه بوقه يبقى دم فثانيه ، وجرى ع عربيته ركبها بأقصى م عنده عالسرايا

داخل والدم بيغلى فعروقه ع اوضتها لاقاها قاعدة بتتكلم فالفون

راح نتشه منها بعنف ..

سارة: فيه ايه ؟

سيف:انتى تصغرينى وتخلى هانى يهددنى ،كل ده عشان انا ابن ناس معاكى وعايز احل الموضوع بعيد عنك

لكن كنت غلطان

ودلوقت هدفعك تمن لسانك الطويل الى بتحدفى بيه شمال ويمين

شالها ورماها عالسرير بعنف كان هيتكسر وشدها من هدومها ،صرخت وجريت منه

شدها من دراعها واتملكها بقوته عالارض وهى بتصرخ بكل عزمها

سارة: (بتعيط) ابعد عننننى يامااااامااااا

سيف: انا هخليكى تدفعى التمن بقى عشان تعرفى مقامك يازبالة وتعرفى غلطك ومتكرريهوش

سارة بتصرخ ضربها كذا قلم وهو بيتعامل بعنف شديد معاها ، طلعت مامتها من اوضتها ع صوت صرختها المفزعه

سارة: يارب تموت الخقوووووونى ،ااااااااااااااااااااه

=••••====•••••==••••====•••