حياتنا كلها تنحصر بين الكلمتين دول، فوضى في الشوارع والمرور والنتيجة حوادث غير طبيعية وضحايا كتير، فوضى في الامتحانات والنتيجة غش ونجاح جهلة وتأهيل الفاشلين للجامعات والمحصلة التعليمية صفر، فوضى في حياتنا وكل واحد بيسن القوانين اللي على مزاجه في كل المجالات ومش مهم بيأذي مين حتى لو بيأذي نفسه، فوضى في الهدم والبناء والدوشة اللي في الشارع وهاحط بضاعتي في وسط الطريق وأرمي زبالة في أي مكان ومش مهم الناس.
أما الفهلوة فحدث ولا حرج ما تنزلش البحر عشان خطر أنا هانزل وشوفوني وأنا جامد وباتحدى الطبيعة، ما تعديش غير من كوبري المشاة لا هاعدي من طريق سريع وأعرض نفسي وغيري للخطر،فهلوة في العلاج وفي الشغل وفي السواقة وفي كل المجالات والنتيجة مجتمع فاشل وضحايا كتير ونرجع نعيط ونندب حظنا.
محتاجين إعادة تربية للمجتمع ونشر الوعي وتطبيق القانون بحزم بدون أي استثناء على الكل حفظًا للأرواح.
2
-2
