ملك و كتابة ...

الشكل و المضمون وجهان لعملة واحدة ....

دكتور محمود عبد السلام استاذ الفنون المسرحية بالمعهد العالي للمسرح ... حياته تقليدية ماشية ع النص ... صارم ف حياته... جاد ف معاملاته لدرجة الجمود ... حياته التقليدية فضلت ماشية ع النص لحد ما شاف خيانه زوجته ... 

 الصدمة كانت ان علاقته بزوجته شكليا كانت غير المضمون ... يعني مكنتش عملة واحدة...

كانت شكليا تمام مفيش مشكلة هو شايفها ... صدمته اما لقى ان العلاقة مضمونها خيانة مكنش حاسس بيها 

د محمود عبد السلام أتعرض لتاني صدمة لما الظروف خلته يمثل مشهد بسيط ف فيلم... معرفش!!!

استاذ الفنون المسرحية شكليا ... لكن فعليا معرفش يمثل ...

هنا هو بدأ يحس انه بلا مضمون ... بلا حياه حقيقة... يمتلك الكتابة لكن بلا روح الملك لحياته ...

و لما واجه نفسه اكتشف ان كل حاجة بيخاف منها سماها بشكل تاني عشان يفرغها من مضمونها لخوفه من المواجهه ...

سمي مشاعره المزيفة مع مراته "حب" .. سمي خوفه من مواجهه الكاميرا ... "رساله التدريس المقدسة" 

يا ترى احنا عملة واحدة ... 

ييا ترى احنا الشكل و المضمون واحد ....

هل اللي بنقوله و نعمله و بنحبه هو فعلا مضمونا...

طب هل بنفرغ مخاوفنا من مضمونها لخوفنا من مواجهتها ...

هل شايفين اللي قدمنا شكلا و مضمونا... و لا مخبيين حته من خوفنا لنفقدهم او من اننا نواجههم...

هل حياتنا شكل بلا مضمون زيي د محمود ... و لا مضمون بلا شكل زيي الممثله هند ...

في الفيلم الاتنين كملوا بعض ... هو لقى المضمون اللي كان ناقصه... و هي كملت الشكل اللي كان ناقصها ...

و في الآخر كل واحد فيهم بقى عملة صحيحة... بقى ملك و كتابه ...

القيمة الحقيقة و الراحة الحقيقة في الإنسان بيكون لما يبقى ملك و كتابة ف نفس الوقت ...

الفيلم رائع بتفاصيله بأداء محمود حميدة الجاد و المخرجة الجميلة كاملة ابو ذكرى ...

ملك و كتابة ... الشكل و المضمون وجهان لعملة واحدة

فيلم احبه كثيراااا