"و العصر إن الإنسان لفي خسر إلا الذين آمنوا و عملوا الصالحات و تواصوا بالحق و تواصوا بالصبر "

ماذا ينجينا من الخسر

#الإيمان : أن نؤمن بالله و ملائكته و كتبه ورسله و اليوم الآخر و القدر خيره و شره

#العمل و تحديدا #العمل_الصالح

ونعمل حساب الذي يرانا فيه : الله و رسوله

#الصبر

#وما_الدنيا_سوى_رحلة_صبر

مختلف الأنواع

فيه صبر فيما لا حيلة لنا فيه : الموت و المرض

و فيه صبر على أحوال الدنيا و ظروفها

ما أنا متأكده منه ان الصبر ثوابه الجنه

الشيخ #بن_القيم 

في كتابه ( عدة الصابرين .....و ذخيرة الشاكرين )

 قسم درجات ردود فعل البشر إلى ٨ مستويات

٤ في المصائب اللا إراديه : الموت و المرض

و ٨ في المصائب اللا اراديه فزود على ال٤ الأولانيين ٤ كمان

ما هي بقى هذه المستويات ؟

ا-#العجز_ومعه_السخط_والشكوى قال الشيخ بن القيم : و هذا #مالا_يفعله_إلا_أقل_الناس_عقلاا_و_دينا_ومروءه

وهو أعظم المصيبتين

يعني اللي هيشتكي من ظروف الدنيا أو يسخط و يزهق يصفه الشيخ بن القيم الجوزيه أنه أقل الناس عقلا و دينا و مروءه

و الله العظيم نقلا من الكتاب

و يمكنكم الرجوع للكتاب

المستوى التاني

٢-#الصبر: إما لله و إما للمروءه الإنسانيه و متفق على وجوبه

٣-#الرضا: وهو أعلى من مقام الصبر و في وجوبه نزاع بين الشيوخ

٤-#الشكر: بيعتبره مستوى أعلى من ال ٣ السابقين و بيقول ان الذي أصيب بمصيبه بيعتبرها #نعمه من الله فبيشكر ربنا عليها

ناخد بالنا ان موقف كل انسان من المصايب بيبقى على حسب ايمانه بالله

نكمل بقى مستويات الصبر دي بقى مع ال٤ اللي فاتوا........ للمصائب العاديه من البشر مثل السرقه او الضرب او الغيبه ...........الخ

(معاها اللي فاتوا برضه)

٥-#العفووالصفح لمن نعتبره أذانا

يعني اللي بيعفو مستواه عند ربنا -حسب رأي الشيخ بن القيم -أعلى ممن يرضي بالمصيبه و بس

المستوى السادس الأعلى

٦-#سلامة_القلب من الرغبه في الإنتقام و التشفي فيمن و ممن أذانا وكمان نحاول ننسى

دي درجه عاليه

"و في ذلك فليتنافس المتنافسون"

المستوى السابع الأعلى

٧-#شهود_القدر يعني نتفرج على اقدار ربنا

إن كان المؤذي أذاك بظلمه فمن كتبه عليك ليس بظالم

لازم ندرس الموقف

و نبحث عن دورنا فيه

علشان مانكررش اخطاءنا المره القادمه

الشيخ بن القيم بيقول أذى الناس مثل الحر و البرد لاحيله في دفعه و المتسخط من الحر و البرد غير حازم)

آخر مستوى و هو الأعلى

٨-#الإحسان إلى من يؤذيك( بيقول الشيخ بن القيم ان جزاء الإحسان لا يعلمه إلا الله) و المفروض ان الواحد ما يرضاش لنفسه الا بأعلى المستويات

يالله بقى كل واحد يعرف هو مستواه ايه

كل واحد عارف نفسه

بينه و بين نفسه

ما يكتبش

احنا مع ربنا

هو بس فيه نقطه

اللي هيشتكي

يبقى كشف نفسه

انه ماعندوش #صبر

و انه في #خسرااااااااااااااااااااااان

ملحوظه

يقول بن القيم : لئن أُرزق فأشكر خيرُ من أن أُبتلى ف أصبر

فمن فضلكم بلاش ندعو الله ان نكون من الصابرين لأحس يجيلنا إبتلاء لا طاقة لنا به

احنا ممكن أثناء الإبتلاء فعلا بندعو الله انما لا ندعو أن يبتلينا و العياذ بالله