وطن الغربه ........ أم غربة الوطن
كلما شكوت الغربه.. اجابوا نحن غرباء في الأوطان
غربتي فُرِضت عليًَّ .. لكنكم فرضتوها عليكم
في غربتي كل شئ محدد الموعد.....قالوا نظام
الصحيان بموعد والعمل ... حتي الغدامحتاج تمام
اما الزمايل ف عدوك ..... لابس لثام
في كل خطوه .. في كل لفته .. لازم اكون صاحي للكلام
كلام مزخرف انما ايه .... ب سُم مضام
عرفت في غربتي يا شوقي ....معني الوطن قدام اللئام
بلدي و ان جارت علي عظيم و أهلي و إن ضنوا علي كرام
اما بلدياتك فدول معظمهم ....من العدو غير الملام
و في الشغل بقي ..... ترس من غير آه ولا كلام
إجازتي الإسبوعيه هي مرقدي ..... من كتر الآلام
يعني لو كنت في بلدي..ماكنتش لقيت حتي الطعام
ولا انا الليي أحلامي .... كانت فوق الأنام
بلا احلام بلا غيره...دا كل شهر بقي فرض الخصام
اقبض الراتب ويا دوب .... يبتدي الملام
وكإننامقرور علينا وكأنهم مستخسرين فينا .....حتي الوئام
و لما تعود للوطن تلاقي المحتاجين ..... يا سلام
من قلبك يصعبوا عليك .... و بكده يطير الحمام
و كأنك و لا أتغربت ....و لا شديت الحزام
يا ريتك يا قلبي كنت فضلت في حضن المرام
تعيش الدنيا كما حبيتها من يوم ماتولدت
الدنيا الليي كل ساعه لها .....أنغام 
ثانيه سعيده ....و ساعه حزينه ...لكنها ...أنغام
مش ساعات كلها ماسخه زي بعض
حياه و بنمارسها ....مش حياه بنعيشها بمزاج
و يا تري لسه هتفضل كمان يا قلبي ؟
عبد بتسوقك ظروفك بأنهو سوط ؟
سوط بيلسع من أغلي الناس ....بيقولوه من غير كلام
يا نعيش مع بعض زعلانين يا نتفارق حزاني
هتفضل حزين يا قلبي لحد امتي
لحد ما يشيلك حانوتي ولا ايه ؟
دا انت حتي مش عايز يواريك ترابها
تبقي انت حبيتها يا قلبي و لا لأ
لأ كفايه تكذب علي
دا انت خلاص قدامك شويه
شويه و تبقي تراب في قبر
قول تعالي .....و روح لأهلك هم دول الغاليين صحيح
أليي كانوا بيدوا بدون حدود ولا يبخلوش
مشتاقين ليكم يا أهالينا
انتم الوطن الحقيقي وما بتكذبوش
كانت ايامكم أحلي الأيام و الساعات معاكم كانت ثواني و ما بنشبعوش
وطن حقيقي حسيت فيه بفرحتي من غير رتوش