في جيلنا كان عندنا برنامج أسبوعي متطور جداً
اسمه ……النادي الدولي
تقديم المذيع المتميز …….سمير صبري
الذي احترف الفن بعد ذلك
ما علينا
هذا البرنامج كانت يتجمع عليه كل المصريين يوم السبت ( على ما انا فاكره )
لا يضره انه تاني يوم فيه مدارس
هذا البرنامج قدر يعمل حوار مع الأسير عساف ياجوري
سبق تليفزيوني طبعا ما حصلش
طبعا القاصي قبل الداني شاهد هذه الحلقه
" و يشفِ صدور قوم مؤمنين " سورة التوبه
لن اخوض فيما فعله عدونا بأسرى حرب ٦٧ …….مش وقته
الغريبه
اننا في حلقه تاليه لحوار الأسير ….عساف
لقينا سمير صبري بيستضيفه تاني
لكن هذه المره داخل الأستوديو !!!!!!
و قعد يتحاور معاه …….قال إيه بالعبري
و المذيع يسأل
و الأسير يرد
و كله بالعبري
و إذ فجأة
نلاقي الزماره اللي جالس عليها الأسير …….بتطلع صوت
و الأسير يقوم واقف و يشيلها من تحته
هذه المره كان الأسير ما هو سوى فنانا المبدع ……..سمير غانم
عامل مكياچ
هو ده المصري
لازم يحول كل اوقاته الصعبه …….لما يخفف عنه احزانه
رحمك الله فنان طفولتنا …….سمير غانم
2
-2
