عن الجدوى

بدون جدوى مافيش عيشة ومش عايشين

فماتهزرش يا محمد

وماتقولشي ان صندوقك بدون مفتاح

ومفتاحه بدون صندوق

عيون بكرة ما بتفتَّحش من غيرها

تجيب جدوى هتيجي الشمس

مافيش جدوى يدوم الأمس

وأمس الناس صعيب جدًا

صعيب هيقوِّم الكامن، وما أداركَ ما الكامن

فخد بالك ماهيش فارقة شيرين رجعت ولا مين مات

عشان كل اللي بيتابعوا كمان أموات

فهات حتة من التورتة عشان ترتاح

ينام اللي غضب منك خلاص شبعان.. تنام آمِن

فهات حتة وهات جدوى وهات الشمس

وماتهزرش يا محمد