من العياده

لما حرمتني ظروف شغلي من العباده
في الليالي الفرديه من رمضان
قررت أتقرب لله بزيادة العطف على المرضى أكثر و أكثر
( كمان لازم اتصدق اكثر و ما أستعبطش????????)
و كانت أصعب ما قابلني التالي:

لاحظت إهتمامها بعاملتها  المنزليه و عرضها ان تتكفل بشراء الدواء الأفضل.......مما ينم عن انها إنسانه حساسه

و لما جاء دورها في الكشف بعد العامله المنزليه......
هي ...موظفه معاش مبكر
في البدايه لم تفصح عن سبب المعاش المبكر
لغاية ما سألتني
هل الدواء اللي هأكتبه يتعارض مع ادويتها ؟؟!!!!
بتتعالج من مرض من امراض نقص المناعه !!!
و ايه اللي جابهولها ؟!!!!
الحزن
حزينه على ابنتها ????ذات ال٣٠ عاما....
لا ....ابنتها لم تمت .........
فقط تعاني من مرض نادر
يمنعها من النوم 😳
ابنتها لا تنام سوى ثواني معدوده يوميا
و لم تفلح معها الأدويه إلا صنف نادر يأتي من أقصى الغرب بمبلغ خيالي
كي تنام مالا يزيد عن ساعتين يوميا
و من اعراضه الجانبيه زيادة الوزن
او بمعنى أصح تضاعف الوزن 
النوم نعمه اعزائي 😳
النوووووووووووووووووم
اللي طول النهار بنقول كفايه نوم
نعمه
الذهول 😳كان هو رد فعلي
رغم خبرتي الطويله فهذه أول حاله تقابلني بهذا المرض
مرض الحرمان من النوم
مش عارفه هنشكر ربنا على ايه و لا إيه و الله
مبقاش نصف الكبايه المليان
لا
ده جزء الكبايه الفاضي ده ما هو الا رغاوي
النوم نعمه يا خلق هوووووووه
النوم اللي الناس بتعمله في الشارع و المواصلات العامه نعمه
فيه ناس محرومه منها
يا أم نيازي صحي نيازي و قوليله النوم نعمه غيرك محروم منها

كمان
لازم نحاول نقلل حزننا شويه
مفيش شئ هيتعالج بالحزن
خلينا ايجابيين
و نبحث عن حلوووووول
وإن تعدوا نعمة الله
لا تحصوها" سورة النحل