في هذا الموضوع بالذات …..لست خياليه إطلاقا
أو موهومه
لإن جيل الستينات عاصر ما قبل نصر أكتوبر / رمضان ١٩٧٣ المجيد
عاصر معنى بلد بتحارب…….
شعر بكل ما شعر به الشعب المصري المتميز فعلا بقوة تحمله و إعتزازه بوطنه و تضحيته من أجله
خد عندك
أهالينا في مدن القناه الثلاثه جاءوا يقاسمونا حياتنا بلا مبالغه …..تكدس منزلي
لأول مره كأطفال نسمع لفظ ….ضفادع بشريه….. ستخرج من البحر…..صهي&ونيه
حتى مداخل كل العمارات تم حمايتها بجدران عاليه
تعلمنا يعني ايه مخبأ …..ننزل فيه وقت الغاره
سمعنا صفارات الإنذار تعلن منع المرور بالشوارع
غطينا نوافذ البيوت و شرفاتها باللون الأزرق حتى لا تدرك طائرات العدو أنها فوق مناطق سكنيه
كان فيه كهرباء…..لكننا وقت الغاره كنا نطفئ الأنوار…..ظلام دامس…..إلا من ضوء الشموع ……. يتخلله صوت نجاح سلام تغني في الفواصل بين النشرات……..
عرفنا معلومات جديده جدا و نحن بعد نتعلم العد على أصابعنا
اقلها
أن لنا عدو قد يرمي لنا قنابل على هيئة أقلام أو عرائس مغريه بالإلتقاط من الأرض فإذا بها تنفجر بأيدي الملائكه الصغار
كل ما سبق يعرفه جيلي جيدااااااااااا أو قصته عليه أسرته عن زمن عبدالناصر
حينما كان يقف ليخاطب ليس شعبه فقط بل كل العالم
و يعلنها صريحة
اللي بياكل ٤ أيام في الأسبوع لحوم …..ياكل ٣ فقط
و اللي بيشرب ٤ كبايات شاي في الاسبوع …..يقللها ٣ فقط
فنحن في حالة حرب
و موجوده على اليو تيوب لمن يريد سماعها
كل هذا و كانت الحرب على مصر فقط من الحدود الشرقيه
فما بالنا بالحرب من جميع الحدود ؟!!!!!!!!!!!!!!!
المعاناه أضعاف مضاعفه
و ما بالنا و الحرب من جوانا…..ولا نعرف العدو من الصديق 😳
أعترف أني مش بس ماليش خبره في الإقتصاد
بل
لا أعرف عنه أي معلومات …..حقيقي
و مع ذلك فإني فقط بأحاول أترجم ما أتابعه 🤔
معقوله الخنقه التي نحن فيها دي بتضغط علينا كل شويه أكثر 🤔
الموقف مش طبيعي اطلاقاااااااااااااااا
حتى قناة السويس بيحاربونا عليها
و كله …..بالجوانتي
العدو الحقيقي أجبن من أن يظهر
أو يترك بصمته
لكنه الغل و الحقد و الإستكثار أن تستعيد مصر مكانتها
و مع كل ذلك
اللي فكها قبل كده …….هيفكها هذه المره
مهي قناة السويس أصلا في آخر حرب اتقفلت برضه حوالي ٨ سنوات
و أدينا لسه عايشين لغاية دلوقتي
و الحمد لله
الفرق الوحيد بين الأجيال السابقه و الحاليه
ان الاجيال السابقه كان عندها اراده
و كانت كل ما تضيق عليها الظروف أكتر
تشتغل أكثر
عبدالناصر عودهم مافيش حاجه اسمها استيراد
و كل حاجه كانت جميله حقيقي و أطعم من دلوقتي بمراحل
من قبل الريس ما يقولها اقسم بالله
كنت عايزه اقوله اقفل الاستيراد ياريس الا عن مستلزمات انتاج الأساسيات
مش عايزين مارشميلو و غيره من التفاهات
و الله العظيم مستعده استغنى عن الكماليات ، حتى الياميش في رمضان
مش هنموتوا لو ما اكلناش ياميش
يا اما نعمله من عنبنا و مشمشنا و برقوقنا و تيننا
يا إما مش عايزينه
أزمة الدولار اللي احنا فيها دي غير طبيعيه
و غير مسبوقه
المؤامرات و الفساد زادوا عن حدودهم
عايزين مليون شخص أمين فقط ؛ عايزين مليون سيسي فقط
و نقفل علينا باب بلدنا
و ناكل على قدنا
و لا نستورد الا أساسيات طعامنا
و زي ما اهالينا عدوا ١٩٦٧ و ١٩٧٣ و ما بينهما
احنا كمان هنعدي
و هنرجع أحسن من الأول بدون أوهام أو تهيؤات
فقط بالانتاج و العمل و محو الفساد
و وقف الاستيراد للكماليات
2
-2
