الضلع المفقود

موضوع
طالما احرجت اتكلم فيه
لكن مضار تجاهله اكبر بصراحه
فلقد أرتفعت نسب الطلاق جدا
و السبب اننا تجاهلنا الفطره
حتى ضمن أسباب الشذوذ ايضا اننا تجاهلنا الفطره
هل سمعنا عن حديث شريف للرسول عليه الصلاة و السلام مدلوله { ما رأيت للمتحابين مثل الزواج }
هل بنتذكر آية { خلق لكم من انفسكم أزواجا لتسكنوا إليها }
طيب
فيه كم واحد مننا و كم واحده بحثوا عن تلك النفس اللي اتخلقت من نفسه
كم واحد و واحده بحثوا عن الضلع المفقود
لا يتذكرون من الدين سوى ان النساء خلقن من ضلع اعوج
طيب سألنا نفسنا ليه اعوج ؟؟
علشان يحتوي القلب و الرئتين و يبقى لطيف عليهم حاني من الحنان
الضلع الأعوج الحاني ده محتاج حنان
يعني كل العلاقه محتاجه في الأساس حنيه و عطف و احتواء
هذا لا ينفي خاصية التكافؤ بين الطرفين
لكنه سيسهل استمرار الحياه
لو كانت اختياراتنا قائمه على " لهم قلوب يعقلون بها " تحكيم المشاعر المنطقيه لما تشرد الأطفال اليوم
لما كانت اشتراطات الأهالي كم غرفه و النيش ثم تكاليف الفرح المهوله في ليله واحده
و بعدها
فركش
و كله ضاع عالأرض
و المصيبه الأكبر اطفال مشردين
رجاااااااااااااااء
الدنيا مش صح بدون حب
الحب بيهون كل شئ في الدنيا
الحب اللي هو التضحيه من اجل الآخر هو عماد الحياه
لكن الدنيا ما تبانتش في يوم واحد
بشمعنى في دي ما بنقلدش الغرب
الغرب بيبدأ في غرفه واحده و حمام و مطبخ اجمالي ٣٣ متر
ليه بنصعبها
ليه وصل مجتمعنا لهذا الحرمان
احنا اللي خنقنا نفسنا بإيدينا
لازم نتحرر بقى
او نبقى كما نحن
و لا نلوم الا انفسنا
مجتمع المنفصلين و المثليين .....يا حزني 🙃🙃🙃
حبوا تبقى الدنيا دنيا
حبوا تبقوا حاجه تانيه
الدنيا ربنا خلقها قائمه على الحب
ملحوظه : طبعا كل كلامي لا يعني سوي العاطفه الطيبه البريئه البعيده عن اغضاب الله سبحانه و تعالى
الهادفه للزواج الشرعي على سنة الله و رسوله