بيت والا فخ

😳 اول مره أفهمها صح ..
ده كده الملاك هيترجوا السكان مايحرروش العقد بعد ٧ سنين ..
ناس كتير بتسألنى فطبقاً للى اتضح لى ..
بصوا الحكاية ايه 🥸
- الملاك اللى بنوا العمارات القديمة أخدوا دعم جامد من الحكومة للبناء وتسكين المستأجرين لحل مشكلة الإسكان فى تلك الفتره الزمنيه ..
- الملاك سكنوا الناس .. بعضهم اخذ "خلو رجل" وده مبلغ كان بيدفعه المستأجر للمالك من الباطن .. لانه ممنوع ومخالف .. لانك يا مالك واخد دعم حكومى .. الخلو ده بعض الملاك كانوا محتاجينه علشان يعرفوا يكملوا تشطيب العمارة .. وكان بيحصل الآتى:
. المالك يشطب وبعد كده يقسط الخلو ويرجعه للسكان.
. أو المالك يأخذ الخلو لنفسه ويحطه فى جيبه .. واحيانا الساكن يتخانق مع المالك فيبلغ عن المالك انه اخد خلو .. فطبعا دى فضيحه وحبس والذى منه ..
المهم ..
الحكومه الآن من اللى فهمته .. انها بعد ٧ سنوات لما المالك يحرر العقد .. يعنى يعمل عقد جديد مع المستأجر .. ويحط الايجار اللى يعجبه .. واكيد هيكون ايجار مرتفع جداً فوق قدرات المستأجر المغلوب على أمره ..
ايه بقى اللى هيحصل !!!
. الشقه هيتم اخلائها والمالك الحالى (اللى هو ابن أو حفيد المالك الأصلى) هيأجر بفلوس كتير ويفرح بالمبالغ اللى جائت له ..
. وفى تلك اللحظه الحاسمه 🤨
الحكومه هتبصله بعينها الحمرا المرعبه 😡 ..
وهتقوله بالضبط زى ماقالت لرجال الاعمال اللى اخدوا أراضى فى الصحرا بملاليم وعملوها قرى سياحيه او كمبوند او او او ..
وتقولهم هاتوا الفلوس اللى عليكم ..
انتوا يا ملاك اشتريتوا وبنيتوا بدعم مننا .. والاملاك دى خلاص مش مدعمه .. وأدفعوا بقى .. واكيد طبعا مش هتقدروا تدفعوا لان هتكون ملايين مبالغ فيها ..
فيحصل ايه !!!
الحكومه هتقولك يا اما تدفع .. يا اما هناخد العقار  .. وكفايه انك استمتعت به عشرات السنين بالدعم بتاعنا.
. الوحيد اللى هينجوا من هذا الفخ .. هو المالك الذى لم يحرر عقد الايجار بعد ٧ سنوات .. وهيمشيها طبيعى .. بأن كل سنه فى زياده معقوله فى الايجار .. او انه يشترى دماغه ويملكها للسكان .. حتى لو دفعوا على اقساط .. وكده المالك كسب وماوقعش فى الفخ .. والمستأجر لم يطرد من بيت عمره اللى دفع فى اصلاحه وترميمه وتجميله كل مايملك .. على اعتبار ان ده بيت عمره هو واولاده وذريته .. لانه اصلا بيت مدعم له من الحكومه ولكنه ملك لآخرين ..
وافتكرت المثل القائل:
" طمعنجى بنى له بيت .. فلسنجى سكن له فيه .. طمعنجى عايز فلوس .. فلسنجى منين يديه" 😄
ودمتم بكل خير يا مصريين
حبوا بعض .. خافوا على بعض .. دوروا على مصلحه بعض .. هتنجوا كلكم
لكن اللى هيقول يلا نفسى .. هيغرق ويغرق اللى معاه
وصدق رسولنا الكريم حين قال:
"لا يؤمن أحدكم حتى يحب لأخيه ما يحب لنفسه" 
حبوا بعض يا أهل بلدى أكتر من نفسكم ..
زى بابا والشهداء اللى معاه ما حبوكم اكتر من نفسهم ومن اولادهم ومن اهلهم .. وضحوا بكل غالى علشانكم وعلشان كرامتكم .
ودمتم بكل خير وأمن وأمان بين أرض وسماء حبيبتى أم الدنيا مصر 🇪🇬
أختكم بنت الشهيد
نهلة أحمد حسن