ف حضن سيدنا الحسين 

الكل طفل بين إيديه 

غرقان في حنانه و جماله

وف جماله تلاقي فين 

بابه قصر المساكين 

يتحامو فيه المظلومين 

وإن اتحاشت الكلمة

تنطق دمعتهم آنين 

على اعتابه حكايات 

اللي عاش واللي مات 

واللي حكاها من سكات 

واللي شرب المُر كاسات 

والصبر ان وشك عالنفاد

تكفيك صرخة العقيلة 

يوم الاستشهاد 

صرخة الأخت العظيمة

صرخة عزة وكرامة 

مش ضعف واستكانة

صداها ليوم القيامة 

إن كلمة الحق آمانة

شهيد الكلمة ومين يقدرها 

غير من سال دمه علشانها

ده نور حنانه من نور المصطفى 

ينادي كل من حبه وبيه اكتفى

تسمع القلوب العاشقة نداه  

تلزم اعتابه وتتمنى رضاه 

وكل قلب من الحيرة تاه 

بقى سكته و دنيته و سماه