هو ليه الكنز في الرحلة، مش في الوصول وخلاص ؟!
السؤال ده دايما بسأله لنفسي لما بيتكرر عليا مشاعر مختلفة، مش شرط تكون كلها تقيلة أو مش مستحبه وقت الشعور بيها.
بتكون كمان مع المشاعر الحلوة الخفيفة اللى كلها خفة وبساطة ومتعة .
يمكن أكون توصلت مع نفسي لجزء من الإجابة اللى ترضى فضولي حاليا، وشعورى تجاهها إرتياح لقلبي، لغاية ما يُعاد التأمل في السؤال في كل مرحلة ومع كل نسخة جديدة منى .
أظن الاجابة …
✨إن الكنز في التأمل والتفكر نفسه، في كتلة المشاعر المتغيرة اللى بتحصل جوانا مع كل موقف .
✨في الاكتشاف والدهشة اللى بنمر بيها مع كل لغز بيتفكك، بعد كلكعته جوايا سنين كتير .
✨في احساس الأمان بعد الخوف والسكينة بعد القلق والهدوء بعد التوتر والدوشة الفكرية .
✨في كل تفصيلة صغيرة بتحصل من أول الاستعداد للسفر وتحضير الشنط والطريق للمكان، لغاية لحظة الوصول نفسها، ده الكنز نفسه (المشاعر )
التعرف على كل المتغيرات دى والخوض معاها برحابة وسعة ولُطف هو الكنز نفسه.
بعدها نقدر نستمتع لحظة الوصول بفتح الكنز والانبهار والدهشة والامتنان للفوز بيه ..
تأملات جايز تنفع حد
2
-2
