تحويشة عمري

وحصاد أيامي

يا شريك الدرب

يا سنين من ماضي انتهى عهده

وحنين للجاي

في ظلال ذكراك

الإيد في الإيد

طول ما أنا وياك

تسندني في وقت الشدة أكيد

ودايما واثق

ان أنا سانداك

في عينيّ أمير وفارس مغوار

عديت لحدودي بلاد وبحار

وخاطرت كتير 

لجل يا عمري تبقى معايا 

وأنا أبقى معاك

والجايزة كانت كتفي ف كتفك

عيني ف عينك

دمي في شريان نبعه ف دمك

حكايات ننسجها بخطاوينا

السهل يعدي بنضحك له

والصعب ندوسه ونتحدى

لو كان أشواك

اليوم كرسيك أصبح فاضي 

والكون من غير صوتك فاضي

والسما مفيهاش شمس ولا سحاب

والليل فارق نجمه وقمره

والكرسي اللي مكان عرشك

أصبح فاضي

ومغبتش رغم غياب جسدك عني

في العين موجود 

في الروح موجود

ولو مهما بعيد عني وجودك

اتأكد انت قريب مني

زي ما كنت ويمكن أكتر

هفضل بهواك...