شاهدت مؤخرا أغلب أو كل الفيديوهات إللي صورها شباب مصريين وعرب باعتبارهم رحالة زاروا إيران، وطبعا أغلب المعلومات والكلام إللي في المحتوى خاطئ يصل إلى حد السذاجة، مثلا: فيه شاب مصري صغير في السن عمل جولات في إيران وبيقول إن العلاقات بين مصر وإيران قديمة ومتجذرة لدرجة إن زماااااان في التسعينات أو السبعينات ابن ملك إيران كان متجوز بنت مصرية اسمها فوزية.

الشاب المصري البسيط ما يعرفش إن هذه الزيجة كانت في الثلاثينيات وإن البنت المصرية أصبحت إمبراطورة إيران وهي ابنة الملك فؤاد وشقيقة الملك فاروق.

وطبعا عشرات المعلومات الخاطئة والساذجة عن إيران في محتوى بيشوفه مئات الآلاف من الناس؛ لأن الرحالة دول عندهم جمهور كبير جدا على السوشيال ميديا وطبعا هيصدقوا وهيبنوا قناعات خاطئة هيحتاج المتخصصين عشرات السنوات لتداركها وتصحيحها.